ATV

Category: Lajme

  • Rrugët drejt pikave kufitare të kalueshme, disa segmente me borë e akull

    Rrugët drejt pikave kufitare të kalueshme, disa segmente me borë e akull

    Qendra Kombëtare për Menaxhim Kufitar njofton se qasjet drejt pikave kufitare në përgjithësi janë të lira për qarkullim dhe infrastruktura rrugore paraqitet në gjendje të kalueshme.

    Në pjesën më të madhe të rrugëve magjistrale nuk janë evidentuar vështirësi si bora, akulli apo mjegulla, ndërsa drejtimet kryesore që lidhin qytetet me pikat kufitare po funksionojnë normalisht.

    Megjithatë, në disa segmente ka kushte më të vështira për qarkullim.

    Në rrugën Pejë–Kullë është raportuar borë dhe mjegull, ndërsa në aksin Prishtinë–Mutivodë ka prani të borës dhe akullit.

  • Sot afati i fundit për ankesa në PZAP

    Sot afati i fundit për ankesa në PZAP

    Afati për paraqitjen e ankesave në Panelin Zgjedhor për Ankesa dhe Parashtresa përfundon sot në ora 11:00, para se Komisioni Qendror i Zgjedhjeve të procedojë me certifikimin e rezultateve zgjedhore.

    Një ankesë tashmë është paralajmëruar nga Igor Simiq, kandidati i dytë më i votuar i Listës Serbe.

    Ky reagim vjen pas vendimit të së shtunës në KQZ, ku lista e kandidatëve të kësaj partie nuk u miratua, me dy vota kundër nga Lëvizja Vetëvendosje, ndërsa anëtarët e tjerë të komisionit abstenuan.

    Sipas Ligjit për Zgjedhjet, PZAP ka në dispozicion katër ditë për të shqyrtuar dhe vendosur lidhur me ankesat e paraqitura.

    Pas shpalljes së vendimit, palët kanë të drejtë ankese edhe në Gjykatën Supreme brenda dy ditësh, ndërsa kjo e fundit duhet të marrë vendim brenda afatit prej tri ditësh.

  • Australia asgjëson qindra deve për shkak të thatësirës

    Australia asgjëson qindra deve për shkak të thatësirës

    Rreth 600 deve të egra janë asgjësuar këtë javë në Australinë qendrore për të parandaluar “kaosin” e shkaktuar nga këto kafshë të etura në komunitete të largëta, pas një periudhe të zgjatur thatësire.

    Siç raporton transmetuesi lokal SBS News, thatësira, e përkeqësuar nga moti përvëlues, ka bërë që tufa të mëdha të deveve të hyjnë në komunitete indigjene, duke dëmtuar tubacionet e ujit dhe gardhet në rrugën e tyre, teksa kërkojnë burime uji.

    Banorët kanë raportuar për grupe prej 800 deri në 1 mijë deve që lëvizin në të njëjtin drejtim, të njohura si “treni devesh”, të cilat shtrihen në një gjatësi rreth 5 kilometra pranë zonave Mt. Liebig dhe Papunya.

    Një task-forcë e përbashkët, e ngritur nga qeveria e Territorit Verior dhe që përfshin Këshillin Rajonal MacDonnell dhe Këshillin Qendror të Tokës (CLC), ka miratuar këtë javë një operacion treditor asgjësimi nga ajri për të ndihmuar në menaxhimin e situatës. Sipas CLC-së, rreth 150 deve po vriten çdo ditë.

    Të sjella për herë të parë në Australi në vitin 1840, deri në vitin 2008 rreth 1 milion deve endeshin në tokat e thata të Australisë Perëndimore, Territorit Verior, Australisë Jugore dhe Queenslandit.

    Një raport federal për Gjendjen e Mjedisit tregoi se Projekti Australian për Menaxhimin e Deveve të Egra, gjatë viteve 2008–2013 largoi më shumë se 160 mijë deve.

  • Prokuroria në Mitrovicë kërkon paraburgimin e 10 personave për manipulim me vota

    Prokuroria në Mitrovicë kërkon paraburgimin e 10 personave për manipulim me vota

    Prokuroria Themelore në Mitrovicë ka bërë kërkesë për caktimin e masës së paraburgimit prej 30 ditësh ndaj 10 personave të cilët janë ndaluar të dielën nën dyshimin se kanë kryer veprën “falsifikim i rezultateve të votimit”.

    Lajmin e ka bërë të ditur për Reporteri.net Valon Preteni, zëdhënës i Prokurorisë Themelore në Mitrovicë.

    34 persona janë ndaluar për 48 orë nga Prokuroria Themelore në Mitrovicë për shkak të dyshimeve se kanë manipuluar me rezultatin zgjedhor në dy komunat e Mitrovicës, në Zveçan, Zubin Potok dhe Leposaviq.

    Të dielën janë intervistuar 43 persona të përfshirë në numërimin e votave në pesë komuna.

    Ditëve të kaluara janë ndaluar e paraburgosur edhe komisionerë e vëzhgues të qendrave të numërimit në Prizren, Malishevë e komuna të tjera.

  • Sot mblidhet Bordi i ZRRE-së, ky është rendi i ditës

    Sot mblidhet Bordi i ZRRE-së, ky është rendi i ditës

    Zyra e Rregullatorit për Energji (ZRRE) njofton se sot mbahet mbledhjae parë të Bordit të ZRRE-së për vitin 2026.

    Në këtë mbledhje do të bëhet shqyrtimi i kërkesës për përcaktimin e të hyrave dhe tarifave të NEMO-së, si dhe shqyrtimi i caktimit të Furnizuesit të Mundësisë së Fundit.

    Ndryshe, operatorët energjetikë në Kosovë kanë kërkuar rritjen e tarifave të energjisë elektrike për vitin 2026.

    KESCO ka kërkuar një rritje mbi 20 për qind të tarifave të energjisë elektrike për vitin 2026, duke u thirrur në rritjen e kostove operative dhe nevojën për sigurimin e furnizimit të qëndrueshëm me energji.

  • Ky është parashikimi i motit për sot dhe 4 ditët e ardhshme

    Ky është parashikimi i motit për sot dhe 4 ditët e ardhshme

    Instituti Hidrometeorologjik i Kosovës ka bërë të ditur se këtë javë do të jetë moti i vranët, me intervale me diell dhe me reshje shiu.

    “Do të fryjë erë nga juglindja dhe verilindja me shpejtësi 1-7m/s”, ka njoftuar IHMK-ja.

    Njoftimi i plotë:

    E hënë

    Moti i vranët dhe vende- vende me riga te dobeta shiu dhe fjolla bore.

    Në mëngjes parashihet të ketë ngrica dhe mjegull.

    Temperaturat minimale: -5 deri -2°C

    Temperaturat maksimale: -1 deri 2°C

    Era: Kryesisht nga juglindja me shpejtësi 1-5m/s.

    E martë

    Mot i vranët dhe me intervale me diell.Në mëngjes parashihet të ketë ngrica.

    Temperaturat minimale: -4 deri -2°C

    Temperaturat maksimale: 4- 7°C

    Era: nga verilindja me shpejtësi 1-7m/s

    E mërkurë

    Moti kryessiht i vranët .Në mëngjes parashihet mjegull, kryesisht në zonat mesatare dhe per gjatë relievit malor

    Temperaturat minimale: -1 deri 2°C

    Temperaturat maksimale: 7-11°C

    Era: kryesisht nga verilindja me shpejtësi 1-5m/s.

    E enjte

    Mot i vranët dhe vende-vende me riga shiu.

    Temperaturat minimale: 4 deri 6°C

    Temperaturat maksimale: 7deri 12°C

    Era: nga verilindja 1-6m/s.

    E premte

    Mot i vranët dhe vende-vende me riga shiu.

    Temperaturat minimale: 2 deri 5°C

    Tmperaturat maksimale: 8 deri 11°C

    Era: nga drejtimi i veriperendimit 1-3m/s.

  • Sërish turp Mbretëror – Akuza të reja ringjallin skandalin e Princit Andrew

    Sërish turp Mbretëror – Akuza të reja ringjallin skandalin e Princit Andrew

    Skandali i “Princit të rënë” Andrew, për abuzime seksuale, lajm i cili qarkullon prej vitesh, nuk tregon asnjë shenjë se po shuhet, teksa akuza të reja shqetësuese, po e rikthejnë edhe një herë në qendër të vëmendjes dhe po ndezin një furtunë të re mediatike në mbarë botën.

    Dikur një nga figurat më të njohura të familjes mbretërore britanike, Andrew Mountbatten-Windsor gjendet sërish në zemër të një stuhie publike, pasi edhe një grua, e dyta me radhë, ka aluduar se ishte dërguar nga predatori seksual i dënuar Jeffrey Epstein, për një takim seksual me Princin Andrew në rezidencën e tij luksoze Royal Lodge në vitin 2010, kur ajo ishte vetëm 17 vjeçare, madje duke pohuar se më pas ishte shoqëruar edhe në një vizitë në Pallatin Buckingham, sipas avokatit të saj.

    Akuza tronditëse vjen në kuadër të publikimit të miliona faqeve dokumentesh të lidhura me çështjen Epstein, përfshirë email-e, dëshmi, fotografi dhe materiale të tjera që sugjerojnë se Andrew ka mbajtur kontakte me Epstein shumë kohë pasi ai kishte deklaruar publikisht se i kishte ndërprerë marrëdhëniet me të. Zbulimet kanë rritur presionin publik dhe politik, me thirrje të forta që Andrew të dëshmojë përpara autoriteteve amerikane dhe të bashkëpunojë me hetimet nëse pretendon se dëshiron drejtësi për viktimat.

    Skandali, i cili e ka ndjekur prej vitesh, i kushtoi atij titujt mbretërorë dhe privilegjet zyrtare pas zemërimit të madh publik. Sot, Andrew jeton larg vëmendjes, i zhveshur nga statusi dhe roli mbretëror që dikur i garantonte ndikim dhe prestigj të jashtëzakonshëm brenda aristokracisë britanike.

    Edhe pse ai i ka mohuar vazhdimisht të gjitha akuzat, mohimet e tij po humbasin peshë në sytë e opinionit publik, ndërsa materiale gjithnjë e më shqetësuese vazhdojnë të dalin në dritë. Me presionin që rritet si në Mbretërinë e Bashkuar ashtu edhe në Shtetet e Bashkuara, epoka e ish-Princit Andrew duket larg përfundimit, duke shënuar për shumëkënd një rënie dramatike nga privilegji mbretëror në një ekspozim të pamëshirshëm global.

  • Marcus Rashford dëshiron të mbetet tek Barcelona

    Marcus Rashford dëshiron të mbetet tek Barcelona

    Sulmuesi anësor anglez Marcus Rashford dëshiron që të mbetet tek gjiganti katalunas Barcelona.

    Përkundër që është në huazim Rashford ka deklaruar se është i lumtur tek Barca,dhe thostë se ambienti është tejet fantastik dhe klubi është i ndërtuar për të fituar tituj.

    Përndryshe trajneri i Manchester United Michael Carrick ka deklaruar se dëshiron kthimin e Rashford në Old Trafford,megjithatë për ta bërë këtë duhet që ta bind anglezin që të kthehet tek ManU dhe për momentin një gjë e tillë është mjaft e vështirë.

    Kujtojmë që Manchester United aktualisht posedon kartonin e Marcus Rashford,dhe Barcelona për ta blerë atë duhet që të paguajë rreth 35 milionë euro.

  • Shaip Kamberi kritikon Aleksandar Vuçiqin, paralajmëron tensione për shqiptarët e Luginës

    Shaip Kamberi kritikon Aleksandar Vuçiqin, paralajmëron tensione për shqiptarët e Luginës

    Deputeti shqiptar në Kuvendin e Serbisë, Shaip Kamberi, ka reaguar ashpër ndaj vendimit të presidentit serb Aleksandar Vuçiq për rikthimin e shërbimit të detyrueshëm ushtarak, duke paralajmëruar se ky vendim mund të sjellë tensione serioze për shqiptarët e Luginës së Preshevës.

    Në një prononcim për “Bota sot”, Kamberi vlerëson se Serbia nuk përballet me kërcënime reale të sigurisë dhe se ky hap reflekton frikë dhe pasiguri politike të pushtetit në Beograd.

    Sipas tij, Vuçiq e përdor shërbimin ushtarak për të mobilizuar nacionalizmin, për t’u paraqitur si “mbrojtës i shtetit” dhe për të forcuar kontrollin politik dhe ideologjik mbi shoqërinë, veçanërisht mbi të rinjtë.

    Kamberi ka theksuar se ky vendim ngjall shqetësime të thella për shqiptarët e Lugina e Preshevës, të cilët historikisht kanë qenë të diskriminuar në institucionet shtetërore serbe, përfshirë ushtrinë.

    Ai ka rikujtuar edhe vrasjen e 135 të rinjve shqiptarë që shërbyen në ish-APJ gjatë viteve ’80, raste që nuk u hetuan kurrë, duke e cilësuar rikthimin e shërbimit ushtarak si burim frike dhe pasigurie për komunitetin shqiptar.

    Në fund, Kamberi i ka bërë thirrje Serbisë që të ndalë militarizimin dhe të investojë në demokraci, barazi dhe respektimin e të drejtave të pakicave, duke paralajmëruar se pa këto reforma, shërbimi i detyrueshëm ushtarak do të mbetet burim tensioni dhe padrejtësie për shqiptarët e Luginës së Preshevës.

  • Osmani kujton Elfete e Mentor Humollin: Guximi i tyre na frymëzon përjetësisht

    Osmani kujton Elfete e Mentor Humollin: Guximi i tyre na frymëzon përjetësisht

    Presidentja e Kosovës, Vjosa Osmani, ka përkujtuar Elfete Humollin në përvjetorin e vrasjes së saj, duke e cilësuar si simbol të guximit dhe dashurisë për atdheun.

    “Në moshën vetëm 16 vjeçare, Elfete Humolli u ngrit kundër shtypjes dhe dhunës së regjimit kriminal serb, duke na treguar se guximi dhe dashuria për atdheun nuk kanë çmim. Në përvjetorin e vrasjes së saj, vizituam familjen Humolli në Lupç të Poshtëm, vendosëm kurorë lulesh dhe nderuam kujtimin e vëllait, Mentorit, i cili ra dëshmor në Koshare në mars 1999. Motra dhe vëllai u bashkuan në të njëjtën kauzë të shenjtë për lirinë e vendit. Kosova, sot është e lirë, ndërsa guximi i Elfetës dhe Mentorit na frymëzojnë përjetësisht!”, ka shkruar Osmani në “Facebook”.