Category: Lajme

Policia e Kosovës e ka nderuar me mirënjohje Asociacionin e Gazetarëve të Kosovës.Ndarja e mirënjohjes është bërë me rastin e prezantimit të raportit të punës për vitin 2025 të Drejtorisë Rajonale të Prishtinës.

Sipas njoftimit të AGK-së, përmes kësaj mirënjohjeje është vlerësuar bashkëpunimi në mes të dy institucioneve.“Në ceremoninë e Policisë së Kosovës, të mbajtur me rastin e prezantimit të raportit të punës për vitin 2025 të Drejtorisë Rajonale të Prishtinës, u nda një mirënjohje për Asociacionin e Gazetarëve të Kosovës.

Përmes kësaj mirënjohjeje u vlerësua bashkëpunimi ndërmjet AGK-së dhe Policisë së Kosovës, përkatësisht Drejtorisë Rajonale të Prishtinës, si dhe kontributi i vazhdueshëm i gazetarëve në informimin e saktë dhe të paanshëm të publikut”, është thënë në njoftimin e AGK-së.

Në Korenë e Veriut, qytetarët përballen me ekzekutime publike, dërgim në kampe pune dhe poshtërim brutal për shikimin e dramave koreano-jugore ose dëgjimin e muzikës K-pop.

Sipas dëshmive të mbledhura nga Amnesty International, regjimi kryen dënime ekstreme, përfshirë dënimin me vdekje, për konsumimin e përmbajtjes globalisht të popullarizuar si “Squid Game”.

Ata pa para ose lidhje vuajnë më shumë. Dëshmitarët përshkruajnë një klimë frike ku zotërimi i përmbajtjes koreano-jugore konsiderohet një krim i rëndë, ndërsa familjet më të pasura ndonjëherë mund të shmangin ndëshkimin duke u dhënë ryshfet zyrtarëve të korruptuar.

Sarah Brooks, zv/drejtoreshë rajonale në Amnesty International, tha se Koreja e Veriut zbaton ligje distopiane.

“Për shkak të tyre, shikimi i një drame koreano-jugore mund t’ju kushtojë jetën, përveç nëse mund të paguani një ryshfet,” tha ajo.

Ajo shtoi se “ky sistem plotësisht arbitrar, i ndërtuar mbi frikën dhe korrupsionin, është në kundërshtim me parimet themelore të drejtësisë dhe të drejtave ndërkombëtare të njeriut.”

Akti i vitit 2020 për Eliminimin e Mendimit dhe Kulturës Reaksionare e përcakton përmbajtjen e Koresë së Jugut si “një ideologji e kalbur që paralizon shpirtin revolucionar të popullit”. Shikimi ose posedimi i dramave, filmave ose muzikës së Koresë së Jugut mbart një dënim prej pesë deri në 15 vjet punë të detyruar, ndërsa shpërndarja e sasive të mëdha ose organizimi i shikimit në grup mund të dënohet me vdekje.

Të anketuarit përshkruan se si përmbajtja kontrabandohet nga Kina në disqe USB dhe shihet në laptopë me marrës televizivë të integruar. Dënimi varet kryesisht nga gjendja financiare; ata që nuk kanë para shesin shtëpitë e tyre për të mbledhur mijëra dollarë për të dalë nga kampet.

Shumë nxënës të shkollave të mesme detyrohen të marrin pjesë në ekzekutime publike si një formë edukimi ideologjik.

“Ata ekzekutojnë njerëz për të na shpëlarë trurin”, tha Choi Suvin, i cili dëshmoi një ekzekutim publik në vitin 2017 ose 2018.

“U vra këtu”: Pensionisti në Donbas humb familjen gjatë një sulmi rus me dronë

Kryeministri i Shqipërisë Edi Rama është nisur drejt Romës këtë të mërkurë, ku do të zhvillojë një vizitë zyrtare në Vatikan, i shoqëruar nga bashkëshortja e tij Linda Rama dhe delegacioni, pas ftesës së Papa Leonit XIV.

Sipas agjendës së bërë publike nga Agjencia për Media dhe Informim, Rama do të vizitojë Pallatin Apostolik të Vatikanit, ku do të pritet në oborrin “San Damaso”, nga Prefekti i Shtëpisë Papnore dhe Zotërinj të Shenjtërisë së Tij.

Pritja do t’i paraprijë audiencës që kryeministri Rama do të ketë me Papa Leonin XIV, në Bibliotekën Papnore të Pallatit Apostolik.

Më pas, vizita do të vijojë në Bazilikën e Shën Pjetrit, në mjediset e Stanza delle Lacrime, Cappella Paolina, Sala Reggia, Sistina dhe në altarin e Shën Gjon Palit II.

Në përfundim të qëndrimit të tyre në Vatikan, kryeministri Rama dhe bashkëshortja e tij, do të vizitojnë vendvarrimin e Papa Françeskut në bazilikën Santa Maria Maggiore, raporton Tv Klan

Mjeku kosovar, Naser Ramadani, nga Instituti i Shëndetësisë Publike ka shkruar për virusin e njohur si “Nipah” që është përhapur në Indi.

Ramadani ka thënë se në Evropë, Kosovë dhe Shqipëri rreziku nga ky virus është shumë i ulët.

Ai ka bërë të ditur se në Kosovë e Shqipëri nuk jeton lloji i lakuriqëve të cilët e përhapin.

“Nipah është një virus që mund të kalojë nga kafshët te njerëzit.Burimet më të shpeshta të infeksionit janë lakuriqët e frutave (Familja Pteropodidae) të cilat lloje nuk gjenden te ne!Lakuriqët në Shqipëri dhe Kosovë quhen hundëpatkua i vogël (Rhinolophus hipposideros) dhe janë insektivore, që do të thotë se ushqehen kryesisht me insekte dhe molusqe të vogla dhe nuk hanë fruta”, ka shkruar ai.

Një tërmet i fortë me magnitudë 6,1 ballë goditi Zelandën e Re verilindore të mërkurën, sipas Shërbimit Gjeologjik të SHBA-së (USGS).

Tërmeti ndodhi pranë Ishujve Kermadec dhe e kishte origjinën nga një thellësi prej 184,2 kilometrash, tha USGS.

Nuk pati raportime të menjëhershme për dëme në kohën e publikimit.

Ndërkohë, Qendra Gjermane e Kërkimeve për Gjeoshkencat fillimisht e mati magnitudën e tërmetit si 6,2, përpara se ta zvogëlonte atë në 6,1.

Kryeshefi Ekzekutiv i KRM Pastrimit, Petrit Reçica, ka njoftuar se ekipet e kompanisë kanë filluar heqjen e mbeturinave inerte dhe të vëllimshme, të cilat, sipas tij, po hidhen në mënyrë të paligjshme në kontejnerët e amvisërisë, në lagje dhe hapësira publike në të gjithë territorin e Prishtinës.

“Po i largojmë mbeturinat inerte dhe vëllimore që po hidhen padrejtësisht në kontejnerët e amvisërisë, në lagje dhe në hapësira publike në të gjitha lagjet e Prishtinës”, ka shkruar Reçica.

Ai ka dërguar një mesazh paralajmërues për qytetarët dhe bizneset që hedhin mbeturina në mënyrë të paligjshme, duke theksuar se këto veprime përbëjnë shkelje ligjore.

“Të hedhësh mbetje si copa sfungjeri, lëkure, tekstili, apo mbetje nga restorante peshku dhe kasapë mishi në kontejnerët e dedikuar për amvisëri është shkelje e ligjit dhe së shpejti do të dënohen me gjobë”, ka theksuar ai.

Reçica ka shtuar se hedhja e pakontrolluar e këtyre mbeturinave ka pasoja direkte në mjedis.

“Këto veprime dëmtojnë mjedisin”, ka deklaruar Kryeshefi Ekzekutiv i KRM Pastrimit.

Në fund, ai ka falënderuar punëtorët e ndërmarrjes dhe partnerët për angazhimin e tyre të përditshëm në terren.

“Falënderim i veçantë për punëtorët e KRM Pastrimi, të cilët çdo ditë po punojnë për ta mbajtur qytetin të pastër. Po ashtu, falënderoj partnerët tanë nga Gjelbër dhe NPB për bashkëpunimin dhe mbështetjen në terren”, ka përfunduar Reçica.

Prokuroria Speciale e Republikës së Kosovës ka arrestuar tre persona të dyshuar për përfshirje në krim të organizuar.Sipas njoftimit të Prokurorisë, të dyshuarit me inicialet F.M., V.M. dhe A.D. janë duke u hetuar për veprën penale “Pjesëmarrja ose organizimi i grupit kriminal të organizuar”, në lidhje me veprat penale “Mashtrimi” dhe “Hyrja në sistemet kompjuterike”, sipas nenit 327, paragrafi 2 të Kodit Penal të Republikës së Kosovës.

Hetimet, të cilat po zhvillohen në koordinim me Policinë e Kosovës, kanë edhe elemente ndërkombëtare.“Sipas dyshimeve, të pandehurit që nga viti 2021 e tutje, në bashkëkryerje me persona të tjerë, janë paraqitur rrejshëm si punëtorë bankash”, thuhet në njoftim.

Prokuroria bën të ditur se dyshimet përfshijnë vepra penale të mashtrimit, prezantimit të rremë, vjedhjes së identitetit dhe kredencialeve, si dhe shpëlarjes së parave, me qëllim të përfitimit të drejtpërdrejtë financiar.Gjatë zbatimit të urdhër-kontrolleve janë gjetur dhe sekuestruar prova materiale, përfshirë telefona mobilë, laptopë dhe para të gatshme në vlerë prej 11 mijë e 756 euro.

Prokuroria Speciale ka bërë të ditur se hetimet lidhur me këtë rast janë duke vazhduar.

Një incident ka ndodhur sot në Gjakovë, ku një grua është lënduar në vendin e punës, në rrugën “Normalja e Gjakovës”, brenda objektit të Fakultetit.

Sipas zëdhënëses së Policisë së Kosovës për rajonin e Gjakovës, Vlera Krasniqi, lëndimi dyshohet se është shkaktuar si pasojë e rrëzimit të një orendie të brendshme.

Për pasojë të lëndimeve, viktima ka pranuar trajtim mjekësor.

“Njësitë relevante ndodhen në vendngjarje dhe janë duke ndërmarrë të gjithë hapat e nevojshëm lidhur me këtë rast,” tha Krasniqi.

Gratë në Iran tani mund të marrin zyrtarisht një patentë për të ngarë një motoçikletë, raportojnë mediat lokale, duke i dhënë fund viteve të paqartësisë ligjore rreth motoçikletave me dy rrota dhe pas shtypjes së përgjakshme të qeverisë ndaj protestave kundër regjimit muajin e kaluar.

Ligji më parë nuk i ndalonte në mënyrë të qartë gratë të ngasin motoçikleta dhe skuterë, por në praktikë autoritetet refuzuan të lëshonin patentë, transmeton Telegrafi.

Për shkak të zonës gri ligjore, gratë janë mbajtur ligjërisht përgjegjëse për aksidentet edhe kur janë viktima.

Zëvendëspresidenti i Parë i Iranit, Mohammad Reza Aref, nënshkroi dje një rezolutë që synonte sqarimin e kodit të trafikut, i cili u miratua nga kabineti i Iranit në fund të janarit, raporton agjencia e lajmeve Ilna.

Rezoluta detyron policinë e trafikut të “ofrojë trajnim praktik për aplikantet femra, të organizojë një provim nën mbikëqyrjen e drejtpërdrejtë të policisë dhe t’u lëshojë grave patentë shoferi motoçikletash”, thotë Ilna.

Ndryshimi vjen pas një vale protestash në të gjithë Iranin që fillimisht u nxitën nga ankesat ekonomike, por që muajin e kaluar u shndërruan në demonstrata kombëtare antiqeveritare.

Teherani ka pranuar se më shumë se 3,000 vdekje ndodhën gjatë trazirave, duke këmbëngulur se shumica ishin anëtarë të forcave të sigurisë dhe kalimtarë. Grupet e të drejtave përmendin një numër më të lartë vdekjesh dhe thonë se shifra e vërtetë mund të jetë edhe më e lartë, në dhjetëra mijëra.

Që nga Revolucioni Islamik i Iranit në vitin 1979, gratë janë përballur me një sërë kufizimesh shoqërore, me kodet e veshjes që paraqesin një sfidë për ato që ngasin motoçikleta.

Gratë duhet të mbulojnë flokët me shami në publik dhe të veshin rroba modeste dhe të gjera, por vitet e fundit shumë prej tyre i kanë sfiduar këto rregulla, me numrin e grave në motoçikleta që është rritur ndjeshëm në muajt e fundit.

Ky trend u përshpejtua pas vdekjes së Mahsa Amini, një gruaje të re iraniane të arrestuar për shkelje të dyshuar të kodit të veshjes, në vitin 2022.

Vdekja e saj shkaktoi protesta në të gjithë Iranin nga gratë që kërkonin liri më të mëdha.

Bashkëthemeluesi i Microsoft, Bill Gates, ka thënë se emaili i Jeffrey Epstein ishte “i rremë”, duke mohuar çdo shkelje gjatë një interviste me një kanal australian të mërkurën.

Gates ka shtuar se e kishte takuar Epsteinin në vitin 2011 dhe dinte për rrjetin e tij të gjerë të financuesve të mundshëm.

“Në retrospektivë, kjo ishte një rrugë pa krye dhe unë isha budalla që humba kohë. Isha një nga shumë njerëz që pendohen që e njohën ndonjëherë”, ka thënë ai.

Ai ka theksuar e “nuk kishte shkuar kurrë në ishull”, duke iu referuar ishullit famëkeq privat të Epstein në Karaibe.

“Nuk kam takuar kurrë asnjë grua… sa më shumë që të dalë në dritë, aq më e qartë do të jetë se, megjithëse koha ishte një gabim, nuk kishte të bënte fare me atë lloj sjelljeje”, ka deklaruar Gates.

Epstein është vetëvrarë në një burg të Neë Yorkut në vitin 2019, ndërsa priste gjyqin për abuzim seksual me dhjetëra vajza.