Category: KURIOZITETE

Trendi i rritjes së numrit të njerëzve të pasur që po shënohet në gjithë botën po varion nga vendi në vend në mënyrë të konsiderueshme, sipas një raporti të ri nga konsulenca për migracionin e investimeve Henley & Partners.

Në krye të listës është radhitur vendi Hangzhou në Kinë duke u vlerësuar si pika më e nxehtë për milionerët me rritje më të shpejtë.

Raporti zbuloi se midis 2012 dhe 2022, sasia e individëve që jetojnë atje që kanë mbi 1 milion dollarë aktive të investueshme është rritur me 105%. Deri në fund të vitit të kaluar, 30,400 njerëz që jetonin atje i përkisnin kësaj kategorie. Prej tyre, 98 ishin të ashtuquajtur centi-milionerë, të cilët mbanin asete me vlerë mbi 100 milionë dollarë, dhe 12 ishin miliarderë.

Dy qytete të tjera kineze, Shenzhen dhe Guangzhou janë gjithashtu në top 10, duke u renditur respektivisht në vendin e tretë dhe të shtatë.

Numri i njerëzve ultra të pasur në Shenzhen u rrit me 98% midis 2012 dhe 2022, ndërsa Guangzhou vuri në dukje një rritje prej 86%.

Krahas Kinës, SHBA-të dominojnë në top 10 me tre qytete.

Sidoqoftë, në rastin e SHBA-së, të tre qytetet janë gjithashtu në pesëshen e parë. Austin, kryeqyteti shtetëror i Teksasit, zuri vendin e dytë pasi popullsia e tij milionere u rrit me 102% midis 2012 dhe 2022, ndërsa West Palm Beach i Floridës doli i katërti me një rritje prej 90%, i ndjekur nga Scottsdale i Arizonës me një rritje prej 88%.

Veçanërisht, asnjë qytet evropian nuk është në top 10. “Dominimi i SHBA-ve mbi sektorin global të teknologjisë ndoshta ka luajtur një rol në luftën e qyteteve evropiane. Gjithashtu, rritja e Azisë ndoshta e ka dëmtuar Evropën më shumë sesa SHBA.

Nga ana tjetër, numri i individëve të pasur në disa qytete ka rënë ndjeshëm gjatë dekadës së fundit. Moska, Rusi, ka parë rënien më të madhe me 44%, dhe Shën Petersburg shënoi rënien e tretë më të madhe me 38%.

Si kriter që duhet plotësuar për tu konsideruar milioner është posedimi i një pasurie me vlerë prej mbi një milion dollarësh amerikanë. Por, në këtë pasuri nuk duhet të përfshihet banesa ose shtëpia në të cilën banon personi dhe as pikturat ose automjetet luksoze që i zotëron ai. /atvlive.tv

Më shumë se 20 mijë njerëz janë tubuar në qytetin bregdetar Exmouth të Australisë për të parë eklipsin e plotë diellor që la në terr këtë pjesë australiane për më shumë se një minutë.

Qyteti turistik me më pak se 3 mijë banorë ishte epiqendër e atyre që ndjekin eklipset diellore, pasi nga këtu mund të shihej më së miri fenomeni natyror.

Mijëra prej turistëve kanë pritur me ditë të tëra në këtë qytet australian dhe shumë prej tyre ishin vendosur edhe me tenda. Eklipsi diellor mund të shihej edhe nga Azia.

Ata pak njerëz me fat panë eklipsin total që njihet ndryshe edhe si “unaza e zjarrit” kur dielli bllokohet nga hëna e re.

Ky eklips ndodh një herë në dekadë. Për herë të fundit ndodhi në vitin 2013, ndërkaq eklipsi tjetër pritet të ndodhë në vitin 2031.

Kur jeni duke punuar në projekte të mëdha ku puna ekipore është shumë e rëndësishme – një koleg dembel mund të bëhet një pengesë e madhe. Kolegë të tillë zakonisht nuk mbajnë përgjegjësitë të cilat u janë caktuar dhe gjithë kontributin grupor e bëjnë duke u ankuar vazhdimisht dhe për gjithçka. Është edhe më keq nëse ai është një pengues i drejtpërdrejtë, i cili nuk bën asgjë për të cilën nuk i jepen merita.

Fakti që kolegë të tillë nuk e marrin peshën e përgjegjësisë siç kanë bashkë me të tjerët mund të shkaktoj shumë pakënaqësi te ekipi. Të keni një reagim të denjë ndaj personave të tillë nuk është gjithmonë e lehtë. T’ia adresoni problemin shpesh mund t’i përkeqësoj gjërat dhe ta raportoni te shefi kjo mund të ju bëj të mos dukeni mirë.

Pra çfarë duhet të bëni? Si mund ta trajtoni atë bashkëpunëtor që nuk po bën punën e tij? AkademiPune ju përcjell sugjerimet e disa ekspertëve.

Supozoni qëllime të pastra

“Një gabim i madh që njerëzit priren të bëjnë në këtë situatë është të supozojnë se bashkëpunëtori dembel është i vetëdijshëm për sjelljet e tij ose të saj,” ka theksuar Leila Bulling Towne, Trajnere Ekzekutive me The Bulling Towne Group. “Së pari duhet të supozoni se ai ose ajo nuk është i vetëdijshëm – se ai ose ajo nuk po përpiqet qëllimisht të shmangë punën”, shton tutje ajo.

Duke supozuar më të mirën – në vend që të shkoni atje me armë të ndezura – do të jeni në gjendje t’i qaseni situatës në më pozitivisht dhe në fund të arrini në rrënjën e problemit.

“Asnjëherë nuk e dini, mund të ketë një histori prapa për atë që po ndodh,” shton Melissa Davies, trajnere ekzekutive dhe autore e “Si të mos veprosh si një përgjues në punë”. Sipas saj bërja e supozimeve se pse dikush nuk po kontribuon në mënyrë efektive mund t’i fut njerëzit në telashe.

Bëni një bisedë përballë me të

Ju mund të tundoheni të dërgonii një email ku shprehni gjithë zemrimin. Megjithatë, si me çdo bisedë tjetër personale ose serioze në vendin e punës, biseda personalisht ose nëpërmjet një takimi “Zoom” është më mirë.

Për më tepër, është e rëndësishme që ta bëni këtë një bisedë ku takoheni përballë (në vend të një diskutimi në një takim ekipor!), në mënyrë që kolegu të mos ndihet sikur ai ose ajo po sulmohet nga i gjithë ekipi juaj. Kur flisni, sigurohuni që të qëndroni të qetë dhe të përdorni sa më pak emocione. “Mos harroni, ju po mbledhni informacion,” thotë Bulling Towne. “Është shumë shpejt për të bërë një gjykim.”

Përdorni gjuhën “unë”.

“Kur keni një bisedë me një koleg për ndonjë temë të ndjeshme, është e rëndësishme të merrni përgjegjësinë për bisedën,” shpjegon eksperti i teknologjisë së burimeve njerëzore dhe menaxhimit të njerëzve, John Croëley. “Me fjalë të tjera, mos përdorni fraza të tilla si “njerëz të tjerë e kanë vënë re” ose “dikush mendon se jeni XYZ”.

Në vend të kësaj, duhet të shpjegoni me takt atë që keni vënë re nga dora e parë – në këtë rast, mungesë kontributi. Kur e bëni këtë, është gjithashtu e rëndësishme që të filloni shumicën e fjalive tuaja duke përdorur “Unë”, në vend që të tregoni gishtat.

Bulling Towne rekomandon përdorimin e një qasjeje si kjo:

“Unë po shqyrtoj detajet për këtë projekt dhe dua të siguroj që ne mund ta realizojmë atë në kohë. Mendoj se do të ishte e dobishme që ne të rendisnim detyrat për të cilat secili prej nesh është përgjegjës. Si ju duket kjo?”

Bëni pyetje

Do të vini re se deklarata e mësipërme përfundon me një pyetje – një taktikë që rekomandohet për të bërë të qartë se nuk po bëni vetëm një kërkesë. Davies sugjeron të pyesësh diçka të tillë si: “Si e shihni cilësinë e aftësisë sonë për të punuar së bashku? Si po shkojnë gjërat për ju?”

Kur dëgjoni se çfarë ka për të thënë kolegu juaj, atëherë mund të përgjigjeni vetë duke përdorur gjuhën “Unë” të përmendur më parë. Përfundimi i sugjerimeve dhe mendimeve tuaja me një pyetje si, “Si ju duket kjo?” do të çojë në pikën që po kërkoni të keni një diskutim bashkëpunues – në vend që ta qortonirreptësishtë kolegun.

Ndiqni procesin

Një bisedë e drejtpërdrejtë me kolegun tuaj nuk garanton menjëherë se sjellja do të ndryshojë. Kjo mund të marrë pak kohë. Nëse vazhdoni të ndiheni sikur keni mbetur duke mbajtur pjesën më të madhe të punës, duhet të keni një diskutim tjetër. Këtë herë – në vend që të lini të gjitha emocionet jashtë tij – Bulling Towne rekomandon përfshirjen e disa prej ndjenjave tuaja për ndikim shtesë. Kjo mund të bëhet me një deklaratë si:

“Kur diskutuam për herë të fundit këtë projekt, ne ramë dakord për afatet. Tani ato afate kanë kaluar dhe unë jam duke pritur për punën tuaj. Jam i shqetësuar se nuk do të dorëzojmë në kohë”.

Kur duhet t’i drejtoheni shefit tuaj?

Nëse keni pasur tre biseda me atë koleg problematik dhe gjërat mbeten ende të pandryshuara, ndoshta është koha të kërkoni një epror. Kur shkoni për ta adresuar cështjen te shefi sigurohuni që të tregoni një përmbledhje të nivelit të lartë të asaj që keni provuar tashmë dhe nuk ka nevojë ta mbingarkoni atë me detaje dhe dokumentacion.

“Ju po përdorni gjuhën “ne” në këtë situatë,” shpjegon Bulling Towne. Qëllimi juaj është të theksoni se si kjo po ndikon në të gjithë ekipin tuaj dhe në cilësinë e punës suaj – dhe jo vetëm te ju personalisht. Për shembull, ju do t’i shprehni shefit tuaj një shqetësim si: “Jam i shqetësuar se nuk do ta dorëzojmë në kohë”. Nëse po i kërkoni shefit tuaj ndihmë dhe udhëzim në trajtimin e situatës, sigurohuni që ta bëni këtë në mënyrë të qartë. “Dëgjoj shpesh ankesa nga njerëzit se mbikëqyrësit e tyre nuk i ndihmojnë,” thotë Bulling Towne, “Kur gërmojmë në bisedë, mësoj se njerëzit nuk po kërkojnë ndihmë. Ata po supozojnë se kur shfryjnë ose ankohen, një shef e lexon këtë si një thirrje për ndihmë.”

Mos harroni, përpara se të adresoni problemin te shefi juaj, duhet t’i jepni atij bashkëpunëtori kohën ose mundësinë e duhur për të bërë një ndryshim. “Nëse nuk keni shkuar te kolegu juaj për të pasur një diskutim, atëherë nuk duhet të shkoni direkt te shefi juaj,” paralajmëron Davies./ AkademiPune

Christina Koch do të jetë astronautja e parë femër që do të udhëtojnë në Hënë vitin që po vjen, përmes misionit më të fundit të NASA-s, gjë e cila është një hap i madh drejt barazisë gjinore në vendin e punës.

E lindur më 29 janar 1979, Christina Koch është një inxhiniere amerikane dhe astronaute e NASA-s, pjesëtare e klasës së vitit 2013.

Me një diplomë bachelor në inxhinieri elektrike dhe fizikë dhe një diplomë master në inxhinieri elektrike nga Universiteti Shtetëror i Karolinës së Veriut, Christina Koch pak para se të bëhej astronaute shërbeu në Administratën Kombëtare të Oqeanit dhe Atmosferës si shefe stacioni për Samoan Amerikane dhe që atëherë ka thyer një rekord pas tjetrit në fushën e saj.

Tani ajo do të bëhet gruaja e parë që do të ecë në Hënë kur misioni Artemis II i NASA-s të niset në vitin 2024.

Në fakt, astronautja tashmë mban rekordin për kohën më të gjatë që një grua ka kaluar në hapësirë me 328 ditë, dhe për pjesëmarrjen në shëtitjen e parë kozmike në 2019.

Në një intervistë në vitin 2020, 44 vjeçarja deklaroi:
“Me të vërtetë nuk mbaj mend një kohë kur nuk doja të bëhesha astronaute. Pasioni dhe dashuria për botën dhe hapësirën më rrënjosën dëshirën për të kontribuar sa më shumë për njerëzimin”.

Misioni Artemis II pritet të nisë në nëntor 2024 dhe do të jetë misioni i parë i drejtuar nga NASA në Hënë që nga përfundimi i programit Apollo në 1972.

NASA në bashkëpunim me Agjencinë Kanadeze të Hapësirës njoftuan më 3 prill 2023 anëtarët e misionit dhe Christina Koch do të bëhen astronautja e parë femër që do të udhëtojë në Hënë, duke shkruar emrin e saj në librat e historisë.

Prania e Christines në ekip është një hap i madh drejt barazisë gjinore në vendin e punës dhe një moment historik i madh për NASA-n, e cila që nga fillimi i saj ka përzgjedhur vetëm 61 gra nga 360 kandidatët e saj për astronautët.

Ndërsa eksploron hapësirën dhe bën histori në qytetërimin njerëzor, bashkëshorti i Christina Koch, Robert do të kujdeset për punët e shtëpisë dhe për qenushin e çiftit.

Nata e Kadrit njihet si nata kur Kurani zbriti në tokë. Sipas fesë islame, sot është Nata e Kadrit dhe agjërimi i kësaj dite vlen sa 1000 muaj ose afërsisht 84 vite. E veçanta e kësaj nate qëndron në zbritjen e fjalës së Zotit përmes profetit Muhamed për mbarë njerëzimin.

Nata e Kadrit është një natë shumë e veçantë për besimtarët myslimanë. Lutjet dhe falja në këtë ditë përcaktojnë fatin dhe mirësitë e vitit të ardhshëm. Është bërë traditë tashmë që në këtë ditë nuk agjërojnë vetëm praktikuesit e fesë islame, por edhe njerëz të tjerë në të gjitha vendet e botës.

Zoti e veçoi dhe e ngriti këtë natë mbi të tjera edhe për faktin se në Kuran ka një sure të veçantë me këtë emër, suretul Kadër. Ajetet e para që zbritën në këtë natë ishin ato që i dhanë vlerë shkollimit dhe diturisë, duke e përcaktuar islamin si fe që e kërkon dhe e obligon diturinë.

Zbritja e sures së parë të Kuranit u bë në shpellën Sira në këtë natë dhe ishin:

“Lexo në emrin e zotit tënd, i cili krijoi çdo gjë.”

Pse emërtohet nata e Kadrit?

Kjo natë, në vetvete, ka disa kuptime dhe jo vetëm mirësitë që sjell e mbart ajo. Një ndër kuptimet themelore është që njihet si natë e madhërishme, nisur edhe përcaktimet e mëdha. Është edhe një natë e begatë dhe me shumë mirësi. Përfitimet e saj janë të shumëfishta. Në këtë natë vendoset rrisku, begatia dhe mirësitë mbi tokë. Nisur nga sot e deri në të njëjtën natë të vitit të ardhshëm, emërtohen çështjet e njeriut mbi tokë. Është një natë që ka më pak vuajtje në të gjithë botën. Është një natë me pozitë të veçantë për mrekullitë dhe mirësitë që përmban.

Paracaktimi është një ndër kuptimet e kësaj nate. Kjo do të thotë që sonte vendoset se ç’do të ndodhë deri në vitin e ardhshëm. Një tjetër kuptim i Natës së Kadrit është shtrëngimi, pasi bota shtrëngohet nga numri i madh i melekëve që zbresin në tokë.

Çfarë ndodh natën e Kadrit?!

“Ne e zbritëm atë (Kuranin) në natën e Kadrit. E ç’të bëri ty të dish se ç’është nata e Kadrit? Nata e Kadrit është më e rëndësishme se një mijë muaj! Me lejën e Zotit të tyre, në atë natë zbresin engjëjt dhe shpirti (Xhibrili) për secilën çështje. Ajo që përcakton Zoti është paqe deri në agim të mëngjesit” El Kadr 1-5.

Mirësitë e saj janë të pafundme dhe begatitë na ndjekin pas deri vitin e ardhshëm.

Në këtë natë përcaktohet jetëgjatësia e njerëzve. Përcaktohet se ku janë të destinuar të shkojnë. Përcaktohet rrisku, furnizimi dhe skamja. Kush do të kryejë Haxhin përcaktohet pikërisht në këtë natë.

Në këtë natë zbresim me mijëra engjëj dhe vete Xhiubrili (Shpirti) zbret në tokë.

Allahu këtë muaj dhe këtë ditë e ka zbritur këtë për të shpërblyer dhe për të adhuruar.

Pra, në këtë natë përcaktohet fati i krijesave.

Ajo është një natë, të cilën Zoti e ka përzgjedhur për ta mbushur me madhështi dhe mirësi të veçanta. Siç thuhet në Kuran, kjo është një natë më e vlefshme se njëmijë muaj. Në të engjëjt e Zotit, të kryesuar nga Xhebraili, zbresin në dynja dhe në të përcaktohet fati i një viti për çdo njeri, si edhe ajo që është një natë e bereqetshme dhe e mbizotëruar nga paqja, deri në agim.

Thuhet se në Natën e Kadrit u njoftohet engjëjve ajo që do të ndodhë vitin e ardhshëm.

U quajt Kadr, sepse kjo është një natë e lartë tek i Madhi Zot dhe se në të falen gjynahet më së shumti dhe mbulohen të këqijat, pra kjo është natë e Magfiretit-mëshirës. Dijetarët islam e quajtën “festë ndër më të respektuarat, natë e paqes, e mirësisë së përgjithshme, e shpërblimit të pashembullt”.

Njëra prej madhështive të kësaj nate është edhe hapja e dyerve të qiejve për të pranuar lutjet e atyre që i drejtohen Zotit të tyre që t’u zgjidhur hallet, për t’u larguar vështirësitë dhe për t’u sjellë gëzim.

Kjo natë është më e mirë dhe më e vlefshme se një mijë muaj të tjerë. Dhe 1000 muaj bëjnë 83 vjet e 4 muaj.

A është e përcaktuar nata e Kadrit?

Pavarësisht rëndësisë së saj, është i njohur fakti se Nata e Kadrit nuk është saktësisht e përcaktuar. Opinionet e dijetarëve në lidhje me të kanë qenë të shumta, por ekziston një konsensus i përgjithshëm, sipas së cilit Nata e Kadrit gjendet në një nga dhjetë netët e fundit të Ramazanit dhe me shumë mundësi në një nga dhjetët netët teke të tij. Shumë besimtarë ndihen të intriguar nga fakti i fshehjes së kësaj nate.

Përse Zoti nuk e ka bërë qartësisht të ditur atë?

Përse ajo është mbajtur e fshehtë dhe besimtarët janë urdhëruar ta kërkojnë atë në një nga dhjetë netët e fundit të Ramazanit?

Zoti e ka fshehur atë njësoj siç ka fshehur pranimin e veprave të adhurimit, në mënyrë që të kryejmë sa më shumë prej tyre. Ai e ka fshehur pranimin e lutjeve në mënyrë që ne të mos i neglizhojmë ato, por të përpiqemi të kryejmë sa më shumë të tilla. Ai e ka fshehur pranimin e pendimit tonë, në mënyrë që ne të jemi gjithnjë në gjendje pendimi. Zoti e ka fshehur prej nesh emrin e Tij më të madh, përmes të cilit është e mundur përmbushja e çdo lutjeje, në mënyrë që ne të mos i neglizhojmë emrat e tjerë të Tij, por të thellohemi në meditimin e tyre dhe në lutjen e Zotit me to.

Çfarë duhet të bëjë një besimtar Natën e Kadrit?

Një besimtar, Natën e Kadrit falet dhe adhuron, lutet dhe kërkon. Bën sadaka dhe nuk rresht së adhuruari këtë natë. Ai adhuron duke shpresuar tek i madhi Zot dhe te falja e tij, atij do t’ia falë Allahu gjynahet dhe kjo është begati e madhe për besimtarin.

Të bëjë sa më shumë dua (lutje).

Të pendohet për mëkatet dhe të kërkojë mëshirë nga i Madhi Zot.

Të shtojë të përmendurit dhe të madhëruarit e Allahut dhe falënderimet.

Të bëjë salavat, përmendje për pejgamberin.

Të japë lëmoshë sa të ketë mundësi.

Të ruhet nga mëkatet e gjymtyrëve duarve, këmbëve, syrit, veshit, etj.

Të falë namaz vullnetar dhe namazin e natës më tepër se zakonisht.

Nata e Kadrit është një natë faljeje e shpërblimi, mirësie begatie, s’ka si të mos vlejë sa njëmijë muaj. Ji falënderues që e arrite edhe këtë vit këtë natë të begatë, Kadër.

Ajo që e diferencon fitnesin dhe ngritjen e peshave është forma e ushtrimeve.

Peshat e rënda nuk janë të domosdoshme për zhvillimin e muskujve.

Më e rëndësishmja është se peshat që i përdorni duhet të ndihen të rënda për muskujt që janë duke i përdorur. Këtë më së miri e shpjegon shembulli i peshëngritësve: Në gara peshëngritësit e lakojnë shpinën më shumë se që duhet, e shpejtojnë përsëritjen, peshën e shtyjnë me krahë, e mbajnë shufrën shumë gjerë me qëllim që lëvizja të jetë sa më e shkurt dhe të gjitha këto forma i përdorin jo për t’i goditur muskujt e gjoksit, po për ta ngriurt peshën.

Janë gjashtë mënyra që përdoren për formën e rregullt të ekzekutimit të ushtrimeve të cilat ndihmojnë në zhvillimin e masës muskulore. Këto teknika kanë për qëllim përdorimin e formës së drejtë të ushtrimeve dhe mundësojnë që ushtrimi të jetë i ngarkesës së madhe, e jo ushtrim i lehtë.

Lëvizja e trupit apo siç quhet lëvizja mashtruese është përgjegjëse për shumë lëndime te muskujve. Marrim si shembull ushtrimin për biceps, i cili ekzekutohet me shufër në këmbë. Gjatë ekzekutimit të ushtrimit me peshë të rëndë, shumica e ushtruesve lëvizin trupin dhe bëjnë lëvizje të vrullshme gjatë ushtrimit.

Në këtë rast mund të vie deri te lëndimi i boshtit kurrizor dhe muskujve të poshtëm të shpinës dhe gjithashtu zvogëlohet efikasiteti i ushtrimit, ngase për ekzekutimin e ushtrimit hyjnë në funksion muskujt e shpinës, këmbëve, muskujt e krahëve dhe një përqindje e vogël mbetet tek muskujt e duarve.

Për këtë arsye pesha duhet të jetë mesatare ose e lehtë, në mënyrë që ushtrimi të ekzekutohet pa lëvizjen e trupit dhe me tempo të kontrolluar si dhe të zhvillohen muskujt e planifikuar, e jo të hyjnë në funksion muskujt e padëshiruar.

Çdo përsëritje qe e bën në çdo ushtrim, duhet të mendosh për dy pjesët më të rëndësishme të ushtrimit, pjesën kontraktuese dhe pjesën e shtrirjes.
Kjo do të thotë se pjesa e shtrirjes duhet të bëhet me tempo të ngadalshme dhe duhet të angazhohen muskujt e jo të eliminohet ajo, duke e lëshuar peshën shpejt dhe thjesht duke ia mundësuar këtë gravitetit të tokës.

Rregulla e fitnesit tregon se çdo ushtrim duhet të ekzekutohet në lëvizje të plotë, prej zgjatjes së plotë e deri te mbledhja e plotë, e kurrsesi të mendohet vetëm për njërën pjesë të ushtrimit.

Shumica, gjatë seleksionimit të peshave në treningun e fituesit, bazohen në atë se çfarë efekti do të ketë në ata të cilët e shikojnë përreth, sesa në efektin e trupit të vet.

Trajnerët të cilët përdorin teknikën e përkryer të ushtrimeve, zakonisht kanë nivelin e lartë të vetëbesimit.

Bodibilderët e suksesshëm i ndiejnë muskujt e tyre e jo peshën. Ju shkoni në sallën e fitnesit për t’u zhvilluar, e jo për t’u treguar, andaj mbajeni egon nën kontroll.

Gjithmonë mundohu ta mbani apo ta rritni tensionin në muskujt të cilët jeni duke i ushtruar.

Metoda më e mirë dhe më e thjeshtë për mbajtjen e muskujve nën tension është duke mos pushuar në pozitën fillestare dhe në atë përfundimtare gjatë ekzekutimit të ushtrimit.

Çlodhja e muskujve duhet të bëhet vetëm mes serive e jo mes përsëritjeve

Përsëritja e ngadalshme është përsëritje e ashpër, mirëpo është shumë më efektive. Kjo teknikë ndikon shumë në drejtim të rritjes dhe zhvillimit të muskujve.
Lëvizja pozitive apo koncentrike, lëvizja e ngritjes së peshës zgjatë 1 deri në 2 sekonda, kurse lëvizja negative ekscentrike, lëvizja e zbritjes së peshës duhet të zgjatë 3 deri në 4 sekonda.

Përdorimi i formës së përkryer të ushtrimit, në fillim mund të jetë eksperiencë përulëse, por nëse jeni i interesuar në zhvillimin e muskujve të pastër – atëherë më së pari koncentrohu në formën e përkryer të ushtrimit, e pastaj në peshë. /atvlive.tv

Prodhuesi i bankënotave, De La Rue, ka njoftuar se kërkesa për shtypjen e tyre anembanë botës ka rënë në nivelin më të ulët në 20 vjetët e fundit.

Kompania, që dizajnon një të tretën e bankënotave globale, ka treguar se kërkesa për kesh ka rënë që prej nisjes së pandemisë, kur bankat qendrore u rezervuan në monedha, raporton BBC , transmeton KlanKosova.tv.

Ai tha se rënia do të godiste fitimet e saj për vitin e plotë, të cilat do të jenë nën pritje.

Firma duhet të rinegociojë marrëveshjet e saj të huas me bankat e saj për shkak të kushteve më të ashpra të tregtimit.

“Kërkesa për kartëmonedha ka qenë në nivelet më të ulëta për më shumë se 20 vjet, duke rezultuar në një libër me porosi të ulët që shkon në vitin fiskal 2024,” tha De La Rue në një përditësim tregtar.

A keni menduar se mund të ketë vend më të ftohtë se Antarktiku?

Nuk po flasim për qytetin më të ftohtë në planetin Tokë, e as për sistemin tonë diellor.

Mjegullnaja Bumerang është zyrtarisht vendi më i ftohtë në univers, i cili u formua nga një re gazi që buronte nga një yll, arsyeja e temperaturës shumë të ulët është se gazi lëviz nga jashtë me një shpejtësi prej 164 km/s dhe zgjerohet shumë shpejt në hapësirë.

Mjegullnaja Bumerang ka një temperaturë të brendshme prej -272ºC pak mbi zero absolute.

Për shkak të ligjeve të termodinamikës në praktike nuk është e mundur të arrihet me 0 kelvin.

Ku përbëhet nga gazi, bërthama yjore, që njihet edhe si Mjegullnaja e harkut.

E zbuluar në vitin 1980 nga astronomët Keith Taylor dhe Mike Scarrott pasi u vëzhguan me një teleskop të madh tokësor nga Australia, temperatura e Mjegullnajës Bumerang u llogarit si 1 kelvin.

Veçoritë e mjegullnajës janë që thith nxehtësinë minimale nga rrezatimi i mikrovalës së sfondit, transmeton atvlive.tv.

Në vitin 2013, matjet u konfirmuan me ndihmën e radio teleskopit ALMA.

Ku në vitin 2017, u publikua një studim i ri duke parë se çfarë ndodh në mjegullnajë.

Ku thanë që temperatura është kaq e ulët për shkak të përshpejtimit të shpejtë të gazit që del nga ylli.

Nuk është çudi që janë arritur temperatura kaq të ulëta.

Dhe kjo nuk ndodh edhe në mjegullnajat e tjera? Por në të gjitha mjegullnajat në sistemet e yjeve “që vdesin” zgjerohen, por me një shpejtësi shumë më të ngadalta.

Në Mjegullnajën Bomerang, zgjerimi është 100 herë më i shpejtë, kështu që rënia e temperaturës është shumë më e theksuar, dhe për këtë është një nga objektet e veçanta të universit, shkenca po përparon gjithnjë e më shumë dhe është në gjendje të zbulojë këto vende të largëta./atvlive.tv/

Për më shumë ndiqni videon e mëposhtme: