Category: KURIOZITETE

Si një nga gjërat pa të cilat nuk dalim asnjëher nga shtëpia, është kuleta ku të gjithë e përdorim për t’i mbajtur dokumentet tona identifikuese, kartelat bankare e disa edhe si aksesor mode, mirpo cfarë ndodhë kur e humbni kuletën, ndoshta nuk prisni ta merrni, sidomos pas 75 vjetësh.

E një gjë e tillë i ka ndodhur Betty Sissom 89 vjecare nga Illinois të cilës i është kthyer portofoli që i është vjedhur 75 vite më pare apo thënë ndryshe që nga viti 1940.

Kuleta e Sissom, së bashku me dhjetëra tjera, u zbulua kur po kryheshin pune në ish-ndërtesën e Shkollës së Mesme Centralia për ta shndërruar në Kishë.

Pastori Seth Baltzell ka deklaruar se si një mjeshtër i ujit ka gjetur portofola të shumtë në murin e tualetit të femrave, ku në mesin e tyre ishte i Betty.
“Ne kemi punuar në këtë ndërtesë për gjashtë muaj. Nuk kam pritur që diçka që askush nuk e kishte parë për 75 ose 100 vjetët e fundit të dalë në pah”, tha Baltzell.

Pastori besonte se kuletat ishin vjedhur 75 vjet më parë dhe donin të provonin t’i bashkonin ato me pronarët e tyre. Ai postoi fotografi në Facebook së bashku me emrat e disa prej ID-ve në to. Për habinë e tij, postimi ishte shpërndarë më shumë se 3.000 herë.

Sissom, e diplomuar në vitin 1947 nga Centralia High, e cila tani jeton në zonën e St. Louis, ishte e shokuar kur pa kuletën e saj të kuqe të copëtuar pas gjithë këtyre dekadave.

“Nuk mund ta imagjinoj se dikush i kishte vjedhur të gjitha ato kuleta dhe i ka vënë ato prapa tualetit në një hapësirë që as nuk e dija se ishte atje”, tha Sissom.

Në kuletë kishte fotografi të shokëve të klasës që ajo nuk i kishte parë gjatë viteve. Ajo ishte gjithashtu e entuziazmuar për një fotografi të vëllait të saj, i cili ishte në Luftën e Dytë Botërore në atë kohë, por që atëherë ka vdekur. /atvlive.tv

Prej më shumë se 30 vitesh, ekziston restoranti “Solo Per Due” në Vacone të Italisë.

Pronarët e restorantit pohojnë se është restoranti më i vogël jo vetëm në Itali, por në të gjithë botën, me vetëm një tavolinë që pranon vetëm dy të ftuar për vakt.

E gjithë vëmendja i kushtohet çiftit të vetëm që ka bërë rezervimin, të cilët mund të shijojnë gatime me mish dhe peshk, shampanjë, verëra, si dhe restoranti mund të përgatisë edhe një ëmbëlsirë të personalizuar.

Menyja bazohet në një sërë përbërësish të freskët, të zgjedhur çdo ditë sipas stinës dhe periudhës, me kuzhinë rreptësishtë italiane, të shoqëruar vetëm me verëra nga kantinat më të mira.

Kuzhina e propozuar nga ‘SOLO PER DUE’ është rreptësishtë italiane, e shoqëruar vetëm me verëra nga kantinat më të mira në vend.

Kur ulesh në tavolinë, dritat zbehen dhe shandanët ndizen; atmosfera bëhet magjike dhe kamerieri thirret vetëm kur është e nevojshme përmes ziles së vogël të argjendtë.

Kjo veçori e ka bërë ‘SOLO PER DUE’ të famshëm në botë; aq sa me kalimin e viteve është kthyer në një destinacion të paarritshëm për të gjithë të dashuruarit.

Një darkë në këtë restorant kushton më shumë se 450-euro dhe paraprakisht kërkohet një rezervim, për të cilin duhet pritur disa muaj.

Është e nevojshme të raportohet te pronarët gjysmë ore para mbërritjes, ndërkaq me kërkesë të mysafirëve, mund të organizohet një shofer privat për të marrë të ftuarit.

Të ftuarit më të shpeshtë janë çiftet që festojnë ditëlindje, përvjetorë dhe fejesa, dhe në përputhje me rrethanat edhe vetë brendësia është e dekoruar në mënyrë romantike.

Në ‘Solo Per Due’ gjatë verës ju mund të shijoni panoramën magjepsëse të ullishtës dhe luginës së mbushur me vreshta të freskët dhe aromatike të rrushit me luleshtrydhe.

Ndërsa në mbrëmjet e dimrit me shi mund të pushoni brenda përballë oxhakut të lashtë.

Restoranti drejtohet nga tre sipërmarrës vendas, por emrat nuk i bëjnë të ditur.

Sipas komenteve në internet, përvojat e mysafirëve në këtë restorant janë të ndryshme. Ndërsa disa pretendojnë se kanë kaluar kohën më të mirë ndonjëherë, duke u ndjerë të “projektuar jashtë kohës”, të tjerë mendojnë se një përvojë e tillë nuk vlen aq shumë.

Në fund mund të gjeni Librin e Mendimeve që përmban historitë e të gjithë të dashuruarve që shkojnë nga e gjithë bota: secili prej tyre ndan përvojat duke shkruar historitë e tyre romantike, sensuale ose prekëse./atvlive.tv/

Për më shumë ndiqni videon e mëposhtme:

Pa imigrimin popullsia në Gjermani do të zvogëlohej. Por si pasojë e një migracioni të lartë në vitet e fundit numri i popullsisë është rritur në 84.4 milionë vetë.

Asnjëherë më parë Gjermania nuk ka pasur kaq shumë banorë. Popullsia në vitiin 2022 është rritur me 1,3 %, një rritje e ndjeshme kjo, ka bërë të ditur Zyra Federale e Statistikavë në Gjermani. Sipas saj në fund të vitit 2022 në Gjermani jetonin 84,4 milionë banorë.

Sipas të dhënave të rritja e popullsisë lidhet qartë me shtimin e migracionit. Në vitin 2022 erdhën në Gjermani rreth 1,5 milionë banorë, katër herë më shumë se në vitin 2021. Një pjesë e madhe janë qytetarë nga Ukraina, shkruan Deutsche Welle.

Mbi 12 milionë qytetarë me prejardhje të huaj në Gjermani

Në tërësi në fund të vitit 2022 jetonin në këtë vend rreth 72 milionë gjermanë dhe 12,3 nënshtetas me prejardhje të huaj. Me 1,34 milionë vetë janë nënshtetasit me origjinë turke ata që përbëjnë grupin më të madh të qytetarëve gjermane me prejardhje të huaj. Pas tyre renditen ukrainasit, 1,05 milionë vetë dhe ata sirianë, 883.000 vetë. Për shkak të luftës në Ukrainë është gjashtëfishuar numri i ukrainaseve dhe ukrainasve që jetojnë në Gjermani.

Edhe numri i të huajve në popullsinë e përgjithshme është rritur nga 13,1% në 14,6%. Numri i qytetarëve me nënshtetësi të huaj është rritur në një kohë që numri i gjermanëve është ulur. Një zhvillim tjetër: Në vitin 2022 në Gjermani kanë ndërruar jetë më shumë persona se sa kanë lindur. Në përgjithësi ka pasur 327.000 më shumë raste vdekjeje se lindjeje. Në vitin 2021 kjo shifër ishte 228.000. /DW/

Në Greqi gjenden më shumë se 3.000 ishuj, shumica e të cilëve nuk janë të banueshëm pavarësisht bukurive përrallore që kanë, por kur vije puna se si funksionojnë njerëzit brenda këtyre ishujve kurioziteti ynë rritet më shumë.

Një vend i tillë si ishulli Kerpe në Greqi na tërheqë vëmendjen nga të gjithë ishujt e tjerë atje pasi për shumë vite gruaja është përcaktuese e jetës, ka role dominuese në ceremonitë fetare, strukturën familjare dhe madje edhe në menaxhimin e bizneseve.

Përveç bukurisë së tij, ishulli Kerpe në Greqi qeveriset nga një sistem i lashtë: matriarkati. Në një botë ku ka patriarkat në përgjithësi, një shoqëri matriarkale është jashtëzakonisht e rrallë.

Olimpi, një fshat i qetë, shtrihet midis dy maleve. Fshati, i cili është i mbrojtur mirë nga sulmet për shkak të vendndodhjes së tij gjeologjike, ka qenë shtëpia e shumë refugjatëve. Në fakt, deri në vitet 1980 ishte pothuajse e pamundur të arrije në fshat.

Gratë në këtë fshat drejtojnë të gjitha kuzhinat. Jo vetëm në shtëpitë e tyre, por edhe në restorante publike. Përveç kësaj, ndërsa gratë veshin rroba tradicionale për ceremonitë fetare, burrat mund të marrin pjesë në ceremoni me rrobat e tyre të përditshme.

Gratë duket se janë guri i themelit të familjes. Jetesa e familjes dhe transmetimi i traditave janë tërësisht nën përgjegjësinë e tyre. Në fshat, pas vdekjes së një nëne, trashëgimia e saj kalon te vajza e saj e madhe. Kjo është një traditë nga koha bizantine dhe sistemi ruhet ende si i tillë.

Ndërsa në pjesën tjetër të botës është më e zakonshme që gratë të shpërngulen te burrat e tyre në rast të martesës, situata në këtë fshat është e kundërta. Në rast martese, burrat bashkohen me gratë.

Gratë e fshatit i drejtohen njëra-tjetrës duke përdorur emrat e vajzërisë, jo emrat e burrave të tyre. Kjo strukturë matriarkale në fshat u shfaq dikur për shkak të kushteve të detyrueshme kur të gjithë burrat u nisën për në luftë dhe braktisën fshatin, duke i lënë gratë të vetme./atvlive.tv/

Nëse jeni duke planifikuar një darkë romantike me partnerin tuaj ose dëshironi të shfaqni stilin, është e rëndësishme të gjeni veshjen e duhur që të reflektojë dhe të krijojë një pamje mahnitëse.

Disa ide dhe këshilla për të përshtatur stilin e veshjes për një darkë romantike mund të jetë p.sh. veshje elegante.

Një darkë romantike kërkon një veshje të thjeshte dhe elegante që të shfaqë një pamje të butë dhe tërheqëse.

Zgjidhni një fustan me ngjyra të buta dhe materiale të buta si mëndafshi.
Për tu përshtatur me atmosferën romantike, zgjidhni ngjyra të buta dhe romantike si roze,

vjollcë, e bardhë.
Këto ngjyra japin ndjenjë të mirë dhe krijojnë një atmosferë të ngrohtë dhe romantike për darkën tuaj.

Gjithashtu mund të përdorni rroba me detaje të veçanta. Për të plotësuar dukjen tuaj , mos harroni të përdorni aksesorë, p.sh., një çantë e bukur e dorës ose bizhuteri të hollë të argjendta.

Manikyri dhe pedikyri, flokët me ndonjë stil të veçantë, jo të tepruar dhe një grim i butë mund të japin përfundim perfekt.

Ndërsa zgjidhni veshjen e duhur për një darkë romantike, është gjithashtu e rëndësishme të ndjeheni rehat dhe të jeni vetvetja.

Në fund të fundit, veshja më e rëndësishme është vetëbesimi dhe ndjenja e përshtatjes me veten./atvlive.tv/

Për më shumë ndiqni videon e mëposhtme:

Në mbarë botën pa marrë parasysh vendin apo gjuhën, interesimi për tu informuar nga gazetat e shkruara apo nga televizioni ka rënë, kështu duke u shfrytëzuar mënyrat më të lehta dhe më argëtuese.

E një ndër aplikacionet e tilla është edhe TikTok-u i cili numëron mbi 500 milionë përdorues aktiv çdo muaj. Strategjia e këtij aplikacioni që të krijoj dhe të shpërndaj video të shkurta komike, me efekte dhe muzikë ka bërë që jetë atraksion për cdo grup moshë. Por ajo që po shihet më shqetësuese është se grupmoshat më të reja po zgjedhin të marrin informacione përmes mediave pa I vërtetuar ato sidomos kur vijnë në pyetje se këto informacione promovohen nga personalitetet dhe influencer të ndryshëm si në, Tik Tok, Instagram, dhe Snapchat.

Sipas Institutit Reuters për Studimin e Gazetarisë doli në përfundim se TikTok është rrjeti sociale me rritjen më të shpejtë i paraqitur në raport, i përdorur për informacion nga 20% e përdoruesve të moshës 18 deri në 24 vjeç, 5% më shumë nga viti i kaluar. Më pak se gjysma e të anketuarve shprehën një interes të madh për lajmet në përgjithësi.

“Nuk ka asnjë arsye për të shpresuar që të lindurit në vitet 2000 do të fillojnë papritur të preferojnë faqet e vjetra të internetit, aq më pak lajmet e shtypit dhe televizionit”, theksoi drejtori i Institutit në raport, Rasmus Nielsen. Raporti u bazua në një anketë në internet me afro 94,000 të rritur në 46 vende, përfshirë Shtetet e Bashkuara të Amerikës.

Mirëpo, më pak se 1/3 e të anketuarve thanë se një mënyrë e mirë për të qëndruar të informuar është përmes lajmeve të zgjedhura nga algoritme dhe jo nga redaktorët apo gazetarët.

Mesatarisht, 40% e të anketuarve thanë se i besojnë shumicës së lajmeve që ata lexojnë.
Kështu në shtetet e Bashkuara është shënuar një rritje prej 6% në besimin e tyre ndaj lajmeve, duke arritur në 32%, por mbeten ndër më të ulëtat në renditje.
Ndërsa, 56% e qytetarëve në tregjet mediatike thonë se nuk mund të bëjnë dallimin midis lajmeve reale dhe të rreme në internet, kjo shifër është rritur me 2% rritje nga viti i kaluar.
Nga ky sondazh I cili zbuloi se 48% e të anketuarve thanë se janë shumë të interesuar për lajmet, nga 63% në 2017./atvlive.tv/

Për më shumë ndiqni videon e mëposhtme:

Edhe pse akoma nuk kanë kaluar 24 orë që nga lajmi se ish-kryeministri i Italisë Silvio Berlusconi ka ndërruar jetë, është vendosur që trashëgimia e një prej personave më të pasur të ndahet mes pesë fëmijëve të tij.

Agjencia mediatike Ansa ka treguar se pasuria prej më shumë se 4 miliardë eurosh do të ndahet tek fëmijët e politikanit, të cilat kanë ardhur në jetë nga dy martesa.

Pritet të zbulohet para noterit nëse gruaja e tretë Marta Fascina, e cila u martua vetëm simbolikisht pa asnjë të drejtë ligjore, të marrë pjesë në ndarjen e rëndësishme të pasurisë së Berlusconit.

Nga deklarata e pasurisë në vitin 2021 e paraqitur nga Berlusconi në Parlament ka një shumë të tatueshme prej gati 18 milionë eurosh.

Megjithatë, tema qendrore e trashëgimisë është ndarja e aksioneve të kompanive, të cilat gjithashtu luajnë një rol shumë të rëndësishëm.

Nëse në vend të testamentit të tij Berlusconi do të kishte rregulluar ndryshe një të tretën e trashëgimisë në disponueshme, Barbara, Eleonora dhe Luigi mund të bëheshin pronarë të 45% të pasurisë.

Një TikToker belg falsifikoi vdekjen e tij për të zbuluar se kush kujdesej për të dhe më pas u paraqit në funeralin e tij.

David Baerten, 45 vjeç, dhe gruaja dhe fëmijët e tij vendosën të bëjnë shaka me miqtë dhe anëtarët e familjes për të zbuluar se çfarë mendonin në të vërtetë për të.

Për të përhapur lajmin për vdekjen e zotit Baerten, një nga fëmijët e tij në mediat sociale shkroi një homazh babait të saj.

Ajo ka shkruar: “U prehsh në paqe babi, nuk do të ndalem kurrë së menduari për ty. “Pse është jeta kaq e padrejtë, pse ti, do të bëheshe gjysh dhe e kishe gjithë jetën përpara. “Të dua! Të duam! Nuk do të të harrojmë kurrë.”

Në funeralin, i cili u organizua fundjavën e kaluar pranë qytetit të Liege, morën pjesë shumë miq dhe anëtarë të familjes të veshur me të zeza.

Të gjithë prisnin fillimin e ceremonisë, por në vend të kësaj, ata u pritën nga një helikopter uljeje.

Në videon e postuar në TikTok nga një pjesëmarrës në funeral, zoti Baerten doli nga helikopteri së bashku me një ekip kamerash dhe më pas u përshëndet nga vajtuesit.

Disa nga familja dhe miqtë e zotit Baerten shihen duke vrapuar drejt tij në pamjet mes shkëmbimeve emocionale, ndërsa të tjerët mbeten të hutuar.

Sipas “The Times”, TikToker tha se ai falsifikoi vdekjen e tij sepse ndihej “i nënvlerësuar” prej tyre.

Ai shtoi: “Ajo që shoh në familjen time shpesh më lëndon, nuk më ftojnë kurrë në asgjë. Askush nuk më sheh.
“Ne të gjithë u ndamë. U ndjeva i pavlerësuar. “Kjo është arsyeja pse unë doja t’u jepja atyre një mësim jete dhe t’u tregoja se nuk duhet të prisni derisa dikush të vdesë për t’u takuar me ta.”

Z. Baerten, i njohur gjithashtu si Ragnar le Fou në TikTok, pohoi se disa të dashur kanë kontaktuar me të që nga shakaja duke shtuar se “dëshmon se kush kujdeset vërtet për mua. Ata që nuk erdhën, më kontaktuan për t’u takuar. Kështu që në një farë mënyre, unë fitova”.

Amritsar, një qytet i Indisë veriore me dy milionë banorë, është i famshëm për shumë gjëra: kuzhinën e shijshme, qytetin e tij të vjetër historik dhe Tempullin e Artë – faltorja më domethënëse e fesë Sikh.

Megjithatë, ajo që bie në sy kudo, nga tempulli te njerëzit në rrugë, është një ndjenjë bujarie që lidhet me vetë themelimin e qytetit.

Amritsar u krijua në shekullin e 16-të nga një guru Sikh dhe ndodhet në rajonin e Punjabit ku filloi sikhizmi.

Feja është e njohur për traditën e saj të sevës – një shërbim vullnetar i kryer për të tjerët pa asnjë pritshmëri apo reciprocitet.

Sikët në të gjithë botën bëjnë të ashtuquajturën ‘seva’ më shpesh në veprime të thjeshta si pastrimi i dyshemeve, shërbimi i vakteve dhe ruajtja e rendit në tempull.

Në prill 2021 kur Covid preku shumë familje në të gjithë Indinë, komuniteti Sikh u ngrit në sfidën e dërgimit të bombolave të oksigjenit dhe furnizimeve të tjera mjekësore për ata që kishin nevojë të dëshpëruar.

Mirëpo fryma e bujarisë në Sikizëm mund të shihet në të gjithë botën.

Është e njohur në të gjithë Indinë se asnjë person nuk duhet të shkojë në shtrat i uritur në Amritsarm, kjo sepse ka gjithmonë një vakt të nxehtë gati për këdo në Tempullin e Artë.

Ky tempull si një kuzhinë e lirë, e përbashkët, është më e madhja në botë, duke u shërbyer 100,000 njerëzve në ditë, shtatë ditë në javë.

Të gjithë janë të mirëpritur të hanë këtu, pa diskriminim, për aq kohë sa kanë nevojë për strehim dhe ushqim, dhe vaktet janë të disponueshme 24 orë në ditë.

Tempulli i Artë drejtohet pa probleme dhe me disiplinë maksimale nga një armatë vullnetarësh, të cilët shërbejnë një vakt bazë por të shijshëm me thjerrëza, bukë të sheshtë dhe kos në pjata inoks çdo ditë./ATVLIVE.TV/

Për më shumë ndiqni videon e mëposhtme: