Mali i Zi nisi të premten konkursin e tij tradicional “qytetari më dembel” për të vendosur “qytetarin më dembel” në garën “koha e gjumit të gjatë”.
Gara tradicionale humoristike e vendit filloi në fshatin Etno të Breznës, që ndodhet afër qytetit të Nikshiqit, me një pjesëmarrje rekord prej 21 personash për të konkurruar për një çmim prej 1000 euro (1086,56 dollarë) dhe titullin “qytetari më dembel”.
Organizatori i konkursit, Mico Blagojevic, tha për mediat se konkursi u mbajt për herë të parë 12 vjet më parë për shkak të miteve që përhapen se malazezët janë “dembel”.
“Kështu që e gjithë bota na njohu,” tha Blagojevic, duke shtuar se Dubravka Aleksiq, e cila mban rekordin 117 orësh para gjumit të vendosur në 2021, është ndër konkurrentet e këtij viti.
Sipas rregullave të konkursit, pjesëmarrësit që garojnë të shtrirë lejohen të flenë, të plotësojnë nevojat e tyre për ushqim dhe pije, të lexojnë libra dhe të përdorin telefonin; ngritja në këmbë konsiderohet shkelje e rregullave.
Garuesit lejohen të plotësojnë nevojat e tyre personale çdo 8 orë.
Për më shumë se një shekull, qyteti suedez i Kiruna ka qenë një qendër kryesore minerare, e njohur për bollëkun e mineraleve të çmuara, veçanërisht hekurit. Megjithatë, kjo e kaluar e begatë ka krijuar një realitet shqetësues: nxjerrja e mineraleve ka shkaktuar një ulje të ngadaltë dhe të vazhdueshme të tokës.
Ndërtesat historike, rrugët dhe strukturat kryesore janë prekur, duke ngritur shqetësime në rritje për sigurinë dhe qëndrueshmërinë afatgjatë të qytetit. Përballë këtij kërcënimi të afërt, udhëheqësit e Kirunës morën një vendim të guximshëm dhe vizionar: të zhvendosnin qytetin tërësisht, duke krijuar një masterplan që lejon ndërtimin e një Kirune të re, në një vend më të sigurt.
“Ata duan të ndërtojnë hapësira takimi, si një shesh që ne nuk e kishim. Ata gjithashtu duan më shumë zona tregtare, rrugë për këmbësorë dhe, ndoshta më e rëndësishmja, qasje në natyrë. Ne me të vërtetë na pëlqen të jetojmë jashtë”, tha banorja e Kirunës, Clara Nystrwm.
Konkretisht do të zhvendosen 450 mijë metra katrorë shtëpi, shkolla dhe ambiente publike, tregtare dhe të kohës së lirë. Deri në vitin 2035 pritet të përfundojë procesi i zhvendosjes, që përfshin edhe zhvendosjen e mijëra banorëve, si dhe ruajtjen e trashëgimisë kulturore dhe ndërtimin e një infrastrukture moderne dhe të qëndrueshme. Ky projekt ambicioz synon jo vetëm të garantojë sigurinë e banorëve, por edhe të rivitalizojë qytetin, duke tërhequr breza të rinj banorësh dhe vizitorësh.
Në fund të fundit, Kiruna e re do të projektohet për të qenë më efikase në energji, me hapësira publike të mirëplanifikuara, banesa moderne dhe zgjidhje të qëndrueshme lëvizshmërie. Aktualisht ky qytet ka 23.000 banorë dhe është një territor sa Sllovenia. I vendosur në një zonë të mbrojtur natyrore, procesi i zhvendosjes së këtij qyteti përfaqëson një përpjekje të paprecedentë në epokën moderne. Ky projekt hedh dritë edhe mbi rëndësinë e marrjes së masave proaktive në luftën kundër ndikimeve të ndryshimeve klimatike dhe shfrytëzimit të burimeve natyrore, raporton A2CNN.
Ndërsa Kiruna nis udhëtimin e saj të guximshëm të zhvendosjes, ajo bëhet një simbol frymëzues se si shpirti dhe vendosmëria njerëzore mund të mbizotërojnë mes sfidave më të jashtëzakonshme.
Drejtuesi i ndjerë i “Apple”, Steve Jobs, thuhet se bënte një test birre para së të merrte në punë punonjësit e rinj.
Zbuluesi i “Apple”, dëshironte të thyente trendin e zakonshëm të intervistave, ku duhet të memorizosh një listë të gjatë përgjigjesh, duke dhënë madje edhe përgjigje me shkrim.
Kështu që Jobs kishte vendosur ta linte pas formalitetin dhe të ishte sa më i thjeshtë.
Jobs i merrte kandidatët potencialë për një shëtitje dhe pinin diçka së bashku dhe më pas vendoste nëse do t’i punësonte apo jo. Kështu që në vend të bënte pyetje rreth pozicionit të punës, ai thjesht i pyeste se çfarë kishin bërë verën e kaluar.
Ai nuk kërkonte për një përgjigje të saktë apo të gabuar, ai thjesht kërkonte të njihte më mirë kandidatët. Dhe duket se kjo metodë e të intervistuarit i ka dhënë frytet e veta, pasi “Apple” ka avancuar kaq shumë dhe kjo falë punonjësve të përzgjedhur nga vetë ai.
E dinit se ajri brenda shtëpisë mund të jetë shumë herë më i ndotur se ajri jashtë saj?
Ambientet e mbyllura thithin shumë energji dhe kimikate brenda tyre. Për fat të mirë bimët na ndihmojnë që të arrijmë ta filtrojmë ajrin në mënyrë të vazhdueshme dhe natyrale në çdo ambient.
Por vetëm një lloj i caktuar lulesh arrijnë ta kryejnë plotësisht këtë proces.
Një studim i vitit 2016 nga NASA, të cilit i referohet AgroWeb.org tregoi për rëndësinë e këtyre bimëve në jetën tonë të përditshme.
Këto bimë përveçse do të filtrojnë ajrin do të thithin lagështinë, eliminojnë erën e keqe dhe të pastrojnë pluhurin nga shtëpitë tuaja.
Fieri
Për vite të tëra lulja e fierit ka zënë vend në shtëpitë dhe kopshtet shqiptare. Mund ta vendosni në çdo zonë të shtëpise, në sallon gjethet e shpeshta jeshile do t’i japin shtëpisë shumë stil dhe dritë.
Kjo bimë shumë voluminoze dhe e bukur është shumë e thjeshtë për t’u mbajtur në ambientet e shtëpisë nga çdokush. Fieri ndihmon në pastrimin e toksinave të dëmshme që ju rrethojnë. Është mirë ta mbani në zona me lagështirë ku nuk bie shumë dielli.
Sigurohuni ta ujisni rregullisht në mënyrë që të shpërndajë sa më shumë oksigjen brenda dhomave tuaja.
Lule shpata
Nëse po kërkoni një lule e cila mund të rritet edhe pa shumë kujdes, lule shpata është e duhura për ju. Është një ndër lulet më të përhapura nëpër ambiente të brendshme dhe jo pa qëllim.
Lule shpata do të veprojë si një pastrues ajri natyral për shtëpinë tuaj. Mbajeni në ato zona të shtëpisë ku bie më shumë dielli dhe ujiteni çdo 2-6 javë. Gjatë ujitjes spërkasni edhe gjethet e luleve me pak ujë sigurohuni të mos e ujisni shumë.
Zambaku
Zambaku është një bimë me gjethe të mëdha jeshile dhe lule të bardha. Një dekoruese shumë e mirë dhe e dobishme për shtëpinë.
Perfekte për t’u mbajtur në tavolinë apo në ambientet e dhomës. Zambaku do t’ju ndihmojë të filtroni pluhurin dhe ajrin e rënduar nga çdo ambient.
Mbajeni të hidratuar dhe në vende me shumë dritë natyrale.
Fikusi
Një bimë që rritet në vazo të mëdha perfekte për dekorim dhe pastrimin e ajrit.
Gjethet e mëdha janë dekori i duhur për shtëpinë tuaj. Mund ta lini në një cep të dhomës pasi nuk kërkon shumë dritë natyrale.
Ujiteni sa herë që të shikoni se dheu në vazo është plotësisht i thatë. Në verë përsëriteni i këtë proçes 1 herë në javë.
Njerëzit kalojnë një të tretën e jetës së tyre duke fjetur, që është një copëz mjaft e madhe e shpenzuar në gjumë. Përgjatë kësaj kohe të gjithë ne ëndërrojmë, disa më shumë e disa më pak.
Ndoshta secili prej nesh ka një histori për një ëndërr, ku ndodhin gjëra të çuditshme që na duken si marrëzi totale pas zgjimit e disa të tjerë fare nuk i kujtojnë.
Sipas studiuesëve, njerëzit që mbajnë mend ëndrrat kanë një aktivitet të ndryshëm të trurit dhe janë më të përgjegjshëm
krahasuar me njerëzit që nuk i mbajnë mend. Pavarësisht që akoma psikologët nuk kanë arritur të kuptojnë qëllimin e vërtetë të ëndrrave.
Në jetën normale, nëse harroni diçka kaq shpejt, do ishte një problem serioz për të cilin duhet të shihni një doktor, por sa i përket ëndrrave, kjo është shumë normale.
Njerëzit i harrojnë menjëherë ëndrrat, prandaj të gjithë ata që thonë se nuk shohin ëndrra kurrë, në fakt thjeshtë po i harrojnë shumë shpejtë.
Mund të jetë e pabesueshme që ju ëndërroni por e harroni menjëherë, por testime që janë bërë tregojnë se ka shumë njerëz që nuk mbajnë mend të kenë ëndërruar ndonjëherë në jetën e tyre, por nëse i zgjon në momentin e duhur, ata do të mbajnë mend ëndrrën.
Kur ju flini, jo i gjithë truri juaj ndalon aktivitetin në të njëjtën kohë. Një prej regjioneve të trurit që ndalon aktivitetin i fundit është hipokampusi, pjesa e cila i bartë kujtimet nga memoria afatshkurtër në atë afatgjatë.
Meqenëse hipokampusi fle e fundit, edhe zgjohet e fundit. Prandaj ëndrrat mbeten në memorien afatshkurtër sepse hipokampusi nuk është plotësisht i zgjuar kur ju zgjoheni.
Sipas një studimit bërë në Francë, personat që mbajnë mend ëndrrat më shumë, zgjohen më shpesh gjatë natës. Ata rrinë zgjuar mesatarisht për 2 minuta, para se të kthehen në gjumë.
Një tjetër studim thotë se, fakti që ne nuk i mbajmë mend ëndrrat kur zgjohemi, lidhet edhe me faktin se, kemi rënë shumë shpejt për të fjetur. Ata persona që flenë shpejt, bëjnë gjumë të rehatshëm dhe zgjohen direkt nga alarmi, kanë më shumë gjasë të mos mbajnë mend asnjë ëndërr që kanë parë.
Për një gjumë më të mirë dhe aftësinë për të mësuar, shmangni zhurmën në dhomën e gjumit, të tilla si TV e radio para gjumit./atvlive.tv/
Një blogere e ushqimit të papërpunuar vegan, e cila jetonte me një dietë me fruta ekzotike, thuhet se ka vdekur nga uria dhe rraskapitja.
Zhanna Samsonova, me origjinë nga Rusia, kishte jetuar në Azinë Juglindore dhe kishte ngrënë një dietë ekskluzivisht vegane të papërpunuar, e përbërë nga ‘fruta, filizat e farave të lulediellit, smoothie frutash dhe lëngje’ për pesë vitet e fundit.
Sidoqoftë, sipas miqve të saj, zakonet e saj të të ngrënit u bënë shqetësuese kufizuese në muajt e fundit të jetës së saj.
40-vjeçarja, e njohur si Zhanna D’Art në internet, ndërroi jetë më 21 korrik nga një ‘infeksion i ngjashëm me kolerën’ i përkeqësuar nga ‘lodhja e trupit nga një dietë vegane’ i tha nëna e saj gazetës ruse Vechernyaya Kazan.
Shkaku zyrtar i vdekjes së Zhanna-s nuk është përcaktuar ende pasi familja e saj përpiqet ta kthejë trupin e saj në Rusi. /Daily Mail/
Biznesmenja e njohur amerikane, Barbara Corcoran e di çelësin e suksesit për ta çuar karrierën në një nivel tjetër.
Në të 20-at e saj, multimilionerja punonte si recepsioniste për kompaninë e pasurive të paluajtshme të Giffuni Brothers në Nju Jork. Ajo më vonë themeloi kompaninë e saj të pasurive të patundshme rezidenciale, The Corcoran Group, me vetëm 1000 dollarë – dhe më vonë e shiti për 66 milionë dollarë.
Corcoran thotë se të përpiqesh më shumë, të punosh më shumë se sa të kërkohet dhe është e parashikuar të ndihmon të bëhesh më e suksesshme dhe ajo këshillon edhe të tjerët të bëjnë të njëjtën gjë.
“Gjithmonë, gjithmonë bëni më shumë nga sa ju kërkohet” tha ajo në një video të TikTok.
“Çfarëdo që të jetë puna juaj, bëni edhe 50% më shumë se sa që ju kërkohet për të bërë. Punonjësi i vetëm që ia vlen është punonjësi që heq më shumë gjëra nga tavolina e shefit”, ka thënë ajo.
Disa mund t’i shohin këshillat e Corcoran-it të diskutueshme, pasi kushtet e fundit të vendit të punës dhe rritja e shkallës së njerëzve që ndihen të konsumuar nga puna është rritur.
Njerëzit zakonisht po preferojnë të lihen të qetë duke kryer vetëm detyrat që i kanë në përshkrimin punës, ose duke bërë vetëm aq sa të mos pushohen nga puna.
E thënë thjesht: Punonjësit në të gjithë SHBA-në po refuzojnë të jenë të mbingarkuar, të paguar jomjaftueshëm, me rritje të ulët dhe me mundësi të kufizuara avancimi duke bërë asgjë më shumë se çfarë kërkohet prej tyre. Megjithatë, drejtuesit e biznesit shpesh argumentojnë se të shkosh përtej mund të ndihmojë në rritjen e karrierës suaj – madje edhe ylli i Corcoran-it në ‘Shark Tank’, Mark Cuban është dakord me këtë.
“E vetmja gjë në jetë që mund të kontrolloni është përpjekja juaj”, tha 64-vjeçari. Cuban, së fundmi në një video-postim në LinkedIn të publikuar nga sipërmarrësi dhe investitori i VC, Randall Kaplan shprehet: “Dhe të jesh i gatshëm për ta bërë këtë është një avantazh i madh konkurrues”.
Sipas Cubanit, të bësh përpjekje do të thotë të shkosh mbi dhe përtej përgjegjësive normale të punës për të zgjidhur problemet. Ju merrni iniciativën për të gjetur zgjidhje dhe shterni çdo mundësi të mundshme në proces.
Është një cilësi që “shumica e njerëzve” nuk e posedojnë, shtoi ai, duke thënë se nëse nuk jeni të interesuar të bëni më shumë, “mos aplikoni për një punë me mua”.
“Ka disa njerëz ose punonjës që nëse u thua të bëjnë A, B dhe C, ata do të bëjnë A, B dhe C dhe nuk e dinë që D, E dhe F ekzistojnë”, tha Cuban. “Ka të tjerë që nuk janë shumë të mirë në detaje: Nëse u thua atyre të bëjnë A, B dhe C, gjithçka që duan të bëjnë është të flasin për D, E dhe F.”
Dhe nëse po pyesni veten pse duhet t’i kushtoni vëmendje kësaj këshille, Corcoran ka një përgjigje të thjeshtë.
“Unë jam një shef, kështu që më dëgjoni,” tha ajo./AkademiPune/
38-vjeçari Cristiano Ronaldo, sipas të dhënave të zbuluara nga Hopper HQ, një kompani e marketingut në rrjetet sociale, fiton 2.1 milionë euro për çdo postim që bën në llogarinë e tij zyrtare në Instagram.
Futbollisti portugez është bërë personi më i pasur në Instagram, duke kaluar Kylie Jenner, e cila paguhet 1.65 milionë dollar, ndërsa i treti Lionel Messi me 1.4 milionë euro.
Ronaldo mban vendin e parë të revistës ‘Forbes’ si sportisti që ka pasur më shumë të ardhura vitin e kaluar me 123 milionë euro. Përveç kësaj, vlerësohet se pasuria e tij arrin në 766 milionë euro.
Në anën pozitive të pasurisë së tij të madhe është se ai po fiton gjithnjë e më shumë pasi Arabia Saudite ku jeton pas transferimit të tij në ‘Al Nasr’ është një parajsë fiskale ku taksapaguesit nuk paguajnë tatimin mbi të ardhurat personale.
Platforma reklamuese e Cristianos është e paprecedentë me 587 milionë ndjekësit e tij në pesë kontinente, duke i bërë markat të qëndrojnë në radhë për një postim ose koment.
Futbollisti synon çdo veprim që vendos më shumë miliona në llogarinë e tij bankare.
Ronaldo e di që një sportist ka një datë skadence, dhe kështu është kujdesur për të ardhmen e tij dhe të familjes. Ai promovon bizneset e tij që përfshijnë hotele, parfume, mbjellje flokësh dhe madje edhe ujë në shishe alkaline, mineral dhe antioksidant, përfitimet e të cilave janë vënë në pikëpyetje nga disa ekspertë.
Ai ishte në Madrid muajin e kaluar për ta promovuar atë dhe në konferencën për shtyp tha: “Nuk duhet të jetosh me obsesion, por mënyra e jetesës është gjëja më e rëndësishme”.
Cristiano ka një dietë shumë strikte dhe stërvitet çdo ditë dhe kjo është rutina e tij e përditshme. Ai kurrë nuk i shmanget planit të tij dhe e mban atë me nderim.
Cristiano bënë një jetë luksoze, drejton makina të shtrenjta dhe ka një koleksion të tyre. Ai zotëron një Bugatti Centodieci me vlerë 10 milionë euro, një Rolls Royce Down Silver Bullet me vlerë rreth 400,000 euro, një avion privat Gulfstream G-20 me vlerë 200 milionë euro, një jaht Azimut Grande 6 Metri me vlerë 27 milionë euro dhe jeton në pallate të përshtatshme me sisteme sigurie.
Mes tyre, Pozuelo de Alarcón (Madrid) me vlerë 10 milionë euro, Funchal (Madeira) 7 milionë euro dhe Mançesteri që shitet për 5.5 milionë euro.
Pavarësisht nga luksi i paimagjinueshëm që e rrethojnë, Cristiano Ronaldo ka një reputacion si një njeri shumë i përkushtuar ndaj atyre që kanë më shumë nevojë.
Si ai ashtu edhe agjenti i tij i fuqishëm, Jorge Mendes , dhuruan 3.6 milionë euro në mes të një pandemie për pajisjen e ICU të një spitali në Portugali dhe 7 milionë euro të tjera për viktimat e tërmetit në Nepal.
Ai pagoi 75,000 euro që një fëmijë t’i nënshtrohej një operacioni në tru dhe punon me Save the Children, UNESCO dhe organizata dhe OJQ të tjera që kanë nevojë për ndihmën e tij. Babai i tij i kishte thënë kur ishte i vogël: “Kur ndihmon të tjerët, Zoti të jep dy herë më shumë”.
Ai është gjithashtu përkshtues ndaj familjes së tij. Fëmijët e tij janë gjëja më e çmuar që ai ka. Cristiano Ronaldo ka katër fëmijë, binjakët Eva dhe Mateo, Alana Martina dhe Bella Esmeralda, e lindur në prill 2022 kjo ditë e shënuar ishte më tragjikja në jetën e tij dhe të Georgina, pasi vëllai binjak i Bella Esmeralda Angel vdiq në lindje. /atvlive.tv
Për më shumë, shikoni emisionin ALARM neë videon më poshtë:
Google për vite me radhë ka pasur funksion të pa definuar, aty ku janë bërë edhe pyetjet më të sikletshme që ndoshta njerëzit nuk kanë guxuar t’ua bëjnë as mjekëve e personave kompetentë.
E nga këto kërkime disa njerëz marrin si të mirëqenë çdo informacion që marrin e madje edhe funskionojnë me to, kështu duke u referuar, e lexova në internet.
Nga koha kur Google prezantoi versionin e tij të Inteligjencës Artificiale, “Bard”, është punuar në heshtje në një tjetër mjet nga Inteligjenca Artificiale që do specializohej për pyetjet e mjekësisë. Dhe kështu lindi Google Med-PaLM 2, një mjet i fuqizuar nga Inteligjenca Artificiale që u përgjigjet pyetjeve mjekësore.
Kështu sipas gazetës prestigjioze “The Wall Street Journal”, ky mjet është testuar në klinikën e famshme Mayo që në prill ku dhe ka treguar rezultate shumë të mira.
Google beson se mjeti i tij i Inteligjencës Artificiale mund të jetë i dobishëm sidomos në vendet ku mjekët janë të vështirë për t’u gjetur.
Njëllojë si mjekët të lexonin literaturë profesionale gjatë jetës së tyre të punës për t’i zgjeruar njohuritë e tyre, ashtu edhe Med-PaLM 2 “mësoi” përmes një sërë demonstrimesh të zgjedhura të kryera nga ekspertë mjekësorë dhe mjekë. E pikërisht për këtë arsye Google mendon se mjeti i tyre i Inteligjencës Artificiale do të jetë më i suksesshëm në mjekësi sesa mjetet e tjera të përgjithësuara si Bard, Bing ose ChatGPT.
Med-PaLM 2 mund të ketë akoma vështirësi me saktësinë në përgjigje, për të gjitha mesazhet e tjera si të kuptuarit, mirëkuptimin dhe përgjigjen e konsensusit, ishte pikërisht atje me mjekët.
Megjithëse tregon potencial dhe në të ardhmen mund të luajë një rol të rëndësishëm në punën e përditshme të mjekëve. Ndonëse Med-PaLM 2 ende nuk është gati për përdorim më të gjerë.
Ende supozohet se duhet të punohet në aftësitë e tij, e patjetër edhe të fillohet të pranohet ideja e zëvendësimit të mjekur nga pacientët apo të interesuarit mbi diagnozat dhe pyetjet që ata kanë.
Nga aplikacioni Google janë të bindur se mjetet mjekësore të AI do të jenë një ndryshim pozitiv në mjekësi dhe do t’i lehtësojnë vendimet e diagnostikimit dhe trajtimit.
Mirëpo ende nuk është sqaruar detaji i fundit dhe më i rëndësishmi, se çfarë ndodhë dhe kush merr përgjegjësi në rast të gabimeve./atvlive.tv/
Leximi i librave është aktivizimit mendor që mund ta bëjë trurin tuaj të gjallërohet me imazhe dhe emocione dhe madje të ndezë shqisat e juaja.
Leximi përveç si aktivizimit mendor ndihmon edhe për largimin e stresit ata ju lejojnë të udhëtoni kudo pa lëvizur dhe përmes tyre, të shohim botën në një dimension tjetër, të zgjerojmë fjalorin tonë, dhe në të njëjtën kohë kemi një kohë të mirë, dhe kohën e lirë e përdorim me cilësi.
Sipas të dhënave të Indeksit “World Culture Score” me bazë në Mbretërinë e Bashkuar, janë përcaktuar vendet që lexojnë më shumë libra në botë.
Ndër 10 vendet që lexojnë më shumë libra në botë, 6 janë nga Azia dhe 4 janë nga Evropa. Turqia është ndër vendet që lexojnë më shumë libra e radhitur në vendin e 18-të me kohën e leximit 5 orë e 54 minuta në javë.
Kur’ani është libri që lexohet më shumë në botë, i cili ndiqet nga Ungjilli.
UNESCO zgjedh çdo vit një kryeqytet të ri botëror të librit. Këtë vit, Akra, kryeqyteti i vendit afrikan Gana, u zgjodh si Kryeqyteti Botëror i Librit.
Leximi i librit rrit ndjeshmërinë dhe empatinë. Aftësia për të arritur dhe kuptuar gjendjen e brendshme të të tjerëve është themelore për vendosjen dhe zhvillimin e marrëdhënieve me të tjerët, marrëdhënie të cilat qëndrojnë në themelin e vetë jetës se personave.
Sipas Indeksit “World Culture Score”, India është vendi që lexon më shumë libra në botë, e ndjekur nga Tajlanda dhe Kina.
Ky indeks përcaktohet në bazë të kohës mesatare që qytetarët kalojnë duke lexuar në javë. Përveç librave të shtypur, në vlerësim përfshihen edhe gazetat, revistat dhe përmbajtjet e shkruara online.
Çdo qytetar në Indi lexon mesatarisht 10 orë e 42 minuta në javë, ndërkohë, 9 orë e 24 minuta në Tajlandë dhe 8 orë në Kinë.
Vendet që lexojnë më shumë libra në botë janë Filipinet (7 orë 36 minuta), Egjipti (7 orë 30 minuta), Çekia (7 orë 24 minuta), Suedia (7 orë 6 minuta), Franca (6 orë 54 minuta). ), Hungaria (6 orë) orë 48 minuta) dhe Arabia Saudite (6 orë 48 minuta).
Me përparimin e teknologjisë, librat audio po bëhen shumë të njohur. Sipas të dhënave nga kompania editoriale me bazë në SHBA, “Global English Editing”, 66 për qind e lexuesve në mbarë botën preferojnë të lexojnë libra të shtypur.
Librat më të lexuar në botë janë Kurani dhe Bibla. Libri “Don Kishoti” i Miguel de Cervantes dhe seria “Harry Potter” e JK Rowling janë ndër veprat letrare më të lexuara në botë.
Libra të tjerë më të lexuar në botë janë: “A Tale of Two Cities” të Charles Dickens, trilogjia “Lord of the Rings” e JRR Tolkien, “Princi i vogël” i Antoine de Saint-Exupery, “Alice in Wonderland” i Lewis Carroll dhe Agatha Listed me veprat e Christie’s “10 zezakët e vegjël”./atvlive.tv/
