ATV

Category: KULTURË

  • Poeti i njohur ndërkombëtar thotë se meshkujt shqiptarë janë të ngutshëm në dashuri, tregon se a dinë të dashurojnë

    Poeti i njohur ndërkombëtar thotë se meshkujt shqiptarë janë të ngutshëm në dashuri, tregon se a dinë të dashurojnë

    Poeti dhe shkrimtari i njohur shqiptar, Skënder Sherifi ishte i ftuar në emisionin “LIBERO”, ku foli për shumë aspekte sa i përket letërsisë dhe inspirimit për të shkruar.

    Mes tjerash, ai tha se dashuria dhe eksperiencat e tij me vajzat e kanë inspiruar atë për të shkruar.

    “…Mua më kanë inspiruar dashuritë me femrat… Lidhja dhe ndarja me to më ka inspiruar të shkruaj. Po ashtu kam dedikuar poezi për femrat të cilat kam qenë i dashuruar në to dhe më kanë bërë që të vuaj…”,shtoi ai.

    Gjithashtu ai ndau tri karakteristika që sipas tij e përbejnë gruan – të cilat i ka mësuar gjatë njohjes me to.

    “…Femrat janë qenie tokësore dhe kanë rrënjë të thella, ato janë misterioze dhe duhet një alfabet për ta dekoduar botën e tyre. Femrat universin e tyre të brendshëm nuk e zbulojnë me lehtësi gjithashtu janë  enigmatike…”, theksoi ai.

    Gjithashtu, poeti i njohur foli edhe për dashurinë e burrave ndaj grave. Në këtë rast, ai përmendi edhe burrat shqiptarë në aspektin e dashurisë.

    Prandaj, për më shumë informacione rreth intervistës së Skënder Sherifit, klikoni në linkun e mëposhtëm:

  • E njohim si mjeshtri i “Marshit të UÇK-së”, Arif Vladi publikon këngën e re për 28 Nëntor

    E njohim si mjeshtri i “Marshit të UÇK-së”, Arif Vladi publikon këngën e re për 28 Nëntor

    Këngët e tij patriotike dedikuar atdheut dhe ushtarëve të UÇK-së zënë vend në zemrat e të gjithë shqiptarëve.

    Arif Vladi, së bashku me kolegun e tij Fadil Llugaxhiun, ishin të ftuar në emisionin “LIBERO”, të cilët promovuan këngën e tyre “Besa Besë Bashkim Kombëtar”.

    Arif Vladi tha se këngët e tij janë me program dhe kanë përmbajtje atdhetare, ndërkaq përmes tyre mundohet të përçojë mesazhe të ndryshme për atdheun.

    ”…Pse të mos ja themi brezit të ri se kush është dinjiteti shqiptar. Artisti duhet të shprehet se çfarë ka në shpirtin e tij. Tema që realisht ka kënga jonë është se kemi humb më shumë se gjysmën e Shqipërisë…”, tha ai.

    Vlen të ceket se Arif Vladin e përkujtojmë përjetësisht përmes “Marshit të UÇK-së”, këngë e cila ka qenë frymëzim dhe motivim për ushtarët e Ushtrisë Çlirimtare të Kosovës, e që prej vitesh vazhdon të jetë frymëzim për të gjithë shqiptarët, ku edhe sot e kësaj dite vazhdon të ngjallë po të njëjtat emocione.

    Për të ndjekur intervistën e plotë, mund të klikoni në linkun e mëposhtëm:

  • Filmi “Nëntori i dytë” nuk e paraqet realitetin – Historiani tregon ndikimin që pati ky film tek shqiptarët

    Filmi “Nëntori i dytë” nuk e paraqet realitetin – Historiani tregon ndikimin që pati ky film tek shqiptarët

    Historiani Durim Abdullahu, në një intervistë në emisionin A LIVE Në ATV, tha se shumica e e njerëzve, në masë të madhe, ajo që dinë për 28 Nëntorin, është e dominuar prej filmit “Nëntori i dytë”.

    Sipas tij, një pjesë e asaj çka përmban ky film, nuk ka të bëjë me realitetin.

    “Ndërrojnë brezat edhe sigurisht që duhet me u rifreskua edhe me u mirëmbajt ajo çfarë na dimë kryesisht për historinë, sidomos për data kaq të veçanta siç është 28 Nëntori që është në thelb dita e jonë kombëtare. Realisht, sa i takon kësaj, kam përshtypje që ende shumica e njerëzve, në masë të madhe, ajo çfarë dinë për 28 Nëntorin dhe ngjarjet që çuan në krijimin e shtetit shqiptar në 1912, është shumë i dominuar prej filmit “Nëntori i dytë”, i cili fundja është një film artistik, nuk është film dokumentar, dhe një pjesë e mirë të asaj çka përmban filmi në vetvete, sigurisht që nuk përkon krejt me realitetin historik. Është njëfarë sfide që duhet t’i tejkalosh disa bindje ose steriotipe që i ka kriju filmi sa i takon 28 Nëntorit”, tha Abdullahu. /atvlive.tv

  • Azem Deliu me poezinë që e shkroi nga malli për gjyshen, rrëmbeu me bollëk çmime

    Azem Deliu me poezinë që e shkroi nga malli për gjyshen, rrëmbeu me bollëk çmime

    Shkrimtari i njohur Azem Deliu ishte i ftuar në emisionin “LIBERO” ku ndau shumë të pathëna rreth shkrimeve të tij.

    Mes emocionesh, ai tregoi lidhjen e tij të ngushtë dhe të veçantë që e kishte me gjyshen e tij dhe përkrahjen e saj ndaj shkrimeve.

    Azemi ndau poezinë dedikuar gjyshes së tij, të cilën tha se e kishte më për zemër dhe e vlerëson si poezinë më të suksesshme.

    ‘‘…Poezia që e kam shkruar për gjyshen është më e suksesshmja dhe e dua më së shumti. Është përkthyer në tri gjuhë dhe është ekspozuar në galerinë e qytetit në Poloni dhe Gjermani…”, shtoi ai.

    Gjithashtu, poezia e shkruar nga Azemi dedikuar gjyshes së tij gjendet në librat shkollorë ku nxënësit e klasave të shtata kanë mundësi që ta lexojnë atë.

    Për të ndjekur intervistën e plotë, mund të klikoni në linkun e mëposhtëm:

  • Koncert në kujtim të pianistes Virgjina Damati

    Koncert në kujtim të pianistes Virgjina Damati

    Nën tingujt i himnit kombëtar dhe me një minutë heshtje, sot në shkollën e muzikës “Tefta Tashko” në Mitrovicë, u mbajt koncert dedikuar pianistes së ndjerë, Virgjina Damati.

    Ajo, njëherësh u nderua edhe me mirënjohje post-mortem, për kontributin 34-vjeçar si mësimdhënëse e pianos dhe edukimin e gjeneratave të tëra në këtë fushë.

    Valbona Prekazi, drejtoreshë e shkollës së muzikës “Tefta Tashko” në Mitrovicë, duke vlerësuar lartë punën dhe kontributin e të ndjerës Damati, tha se mungesa e saj do ta përkujtojë gjithmonë boshllëkun e madh njerëzor që ka lënë për të gjithë, ndërsa virtytet e saj do ta bëjnë atë të pavdekshme në mesin e komunitetit të artistëve dhe më gjerë.

    “Nuk e kisha menduar kurrë një cast si ky dhe një arsye të rëndë si kjo, për të folur për humbjen e parakohshme të Gjinës tonë. Ajo na la përgjithmonë duke përfunduar rrugëtimin e saj 34-vjeçar në edukimin e brezave të tërë. Ishte njeri dhe kolege e mirë, profesioniste e vërtetë, shoqe besnike, mike e devotshme dhe si të tillë do ta kujtojmë përjetë. Mungesa e saj sot, na kujton boshllëkun e madh njerëzor që ka lënë për të gjithë, por virtytet e saj do ta bëjnë atë të pavdekshme në mesin tonë”, ka thënë Prekazi.

    Ndërkaq, Alidin Damati, duke folur në emër të familjes, tha se bashkëshortja e tij e ndjerë, vazhdon të jetojë dhe frymojë përmes veprave dhe kujtimeve që i ka lënë.

    “Qenka e vështirë të flas në emër të saj përballë njerëzve të cilët i deshi aq shumë dhe me të cilët kaloi kohën më të madhe të jetës. Kaluan më shumë se dy javë që kur Gjina nuk është më në mesin tonë, qoftë edhe fizikisht për t’ju ndihmuar në organizime, siç bënte dikur, edhe pse shëndeti e kishte rënduar. Mirëpo, ajo vazhdon të jetojë dhe frymojë përmes punës, veprës dhe kujtimeve që na ka lënë”, theksoi mes tjerash Damati.

    Gjatë koncertit u kënduan këngë nga kori i shkollës së muzikës “Tefta Tashko”, ndërsa nxënësit ekzukutuan në piano vepra të autorëve të ndryshëm, nën përkujdesjen e shkëlqyeshme të mësimdhënësve, Endi Abrashi, Fllanza Krasniqi, Saranda Kutllovci-Syla, Fisnik Komtrashi dhe Rina Ferri. /KP

  • Dita Ndërkombëtare Kundër Dhunës në Familje – Unioni Studentor e shënon me aktivitet të veçantë

    Dita Ndërkombëtare Kundër Dhunës në Familje – Unioni Studentor e shënon me aktivitet të veçantë

    Me qëllim të sensibilizimit kundër dhunës në familje Unioni Studentor ka organizuar aktivitetin e radhës që ishte një performancë koreografike e përgatitur nga studentët e Kolegjit AAB.

    Studentët Erna Salihu dhe Enis Mulaku në bashkëpunim me studentët e Fakultetit të Dizanit të Modës kanë realizuar performancën e tyre e cila ishte në kuadër të “Shpërndaj dashuri, jo dhunë”.

    Pas performancës u organizua një panel diskutimi rreth mënyrave të parandalimit të dhunës në familje, pjesë e të cilit ishin Zv/Avokati i Popullit Niman Hajdari, profesoresha Mimoza Shahini, profesori Bujar Thaqi, Blendë Pira nga organizata YIHR dhe studentja Rita Imeri.

    Panelistët folën rreth ndikimit që ka dhuna në familje në secilin aspekt jetësor dhe rreth vetëdijësimit që tentohet të bëhet për këtë fenomen të dëmshëm në shoqëri.

    Ky aktivitet u mundësua falë mbështetjes së Prorektores për Çështje Mësimore, Furtuna Mehmeti, dhe të gjithë pjesëmarrësve tjerë.

  • Adem Demaçi përjetësohet në bronz në qendër të Podujevës

    Adem Demaçi përjetësohet në bronz në qendër të Podujevës

    Përgatiti: Pranvera Krasniqi

    Me rastin e 5 vjetorit të vdekjes, simboli i rezistencës kombëtarë Adem Demaçi u përjetësua në bronz në vendlindjen e tij, ne Podujevë.

    Kryeministri i Kosovës, Albin Kurti ka qenë bashkëpunëtor i Demaçit para më shumë se dy dekadave dhe veten e cilësoi edhe sot ndjekës i politikave të tij.

    “Na nevojitet një homazh i thellë për një shpirt kaq gjithëpërfshirës, ngase u deshtë një guxim i madh për ta mbajtur një shpirt kaq të lirë, kërkohet një vetëdije e paskaje për ta mbajtur një vetëdije të paepur. Për ne si ndjekës të përpjekjeve të tij do të jetë gjithnjë e vështirë të përkufizojmë personalitetin e kësaj përmase por na duhet t’i përkufizojmë në gjuhë dhe në gurë sepse këta janë dy binarët ku mbështetet treni ynë i historisë. Mbi vargun dhe kullën, ne urojmë që monumenti ynë kushtuar heroit tonë të mendimit të lirisë të jetë edhe kullë edhe gjuhë”, tha Kurti.

    Ndërsa, Kryetari i Komunës së Podujevës, Shpejtim Bulliqi theksoi se janë me fat që familja e Demaçit kanë prejardhje nga Podujeva.

    “Këtij luftëtari që punojë deri në frymën e fundit për lirinë dhe pavarësinë e popullit të tij, që sakrifikojë jetën e tij në shërbim të kauzës jetësore për liri, drejtësi dhe bashkim. Jam i lumtur që Podujeva është qyteti i parë që do ta ketë shtatoren e bacës Adem, për arsye se i takon Podujevës dhe Llapit”, tha Bulliqi.

    Në këtë inaugurim familjarët e Demaçit shprehen shqetësime për neglizhencën e treguar nga institucionet për rregullimin e sheshit të Adem Demaçit në kryeqytet.

    “Së pari urime qytetit të Podujevës për nderin që ia bëni Adem Demaçit, po ashtu duke nderuar edhe veten dhe qytetin…përpos që po ngritët sot shtatorja këtu, ne presim që planet e bëra në Prishtinë, për ngritjen e shtatores së Adem Demaçit në Prishtinë të cilat janë qe katër vjet, është mirë që të riaktiluzohen dhe atje ku është vendi, sheshi i Adem Demaçit të rregullohet puna“, tha Shqiptar Demaçi, djali i Adem Demaçit.

    Projekti i shtatores së Adem Demacit ka qenë i buxhetuar nga Komuna e Podujevës në vlerë 60 mijë Euro.

    Më shumë detaje i gjeni në Edicionin Qendror të lajmeve në videon më poshtë:

  • Zbulohet shtatorja e Adem Demaçit në Podujevë

    Zbulohet shtatorja e Adem Demaçit në Podujevë

    Podujeva është bërë qyteti i parë me shtatore të veprimtarit të çështjes kombëtare, Adem Demaçi.

    Kryeministri Albin tha se njeriu i popullit, baca Adem ishte personalitet unik në veprimin dhe me gjuhën e tij në vetëmohimin për të tjerët dhe në shqipen tonë të dashur.

    “Na nevojitet një homazh i thellë për një shpirt kaq gjithëpërfshirës, ngase u deshtë një guxim i madh për ta mbajtur një shpirt kaq të lirë, kërkohet një vetëdije e paskaje për ta mbajtur një vetëdije të paepur. Për ne si ndjekës të përpjekjeve të tij do të jetë gjithnjë e vështirë të përkufizojmë personalitetin e kësaj përmase por na duhet t’i përkufizojmë në gjuhë dhe në gurë sepse këta janë dy binarët ku mbështetet treni ynë i historisë. Mbi vargun dhe kullën, ne urojmë që monumenti ynë kushtuar heroit tonë të mendimit të lirisë të jetë edhe kullë edhe gjuhë”, tha ai.

    Sipas Kurtit, ata që jetojnë me të vërtet nuk janë të shpeshtë dhe kanë një virtyt të pashoq, shprehja e tyre është e barabartë me jetën e tyre, Adem Demaçi na mëson një direktivë të lartë për të gjithë “Kur diktatura nuk e kërcënon lirinë, atëherë duhet dyshuar te liria”.

    “Ky njeri i madh të cilit sot ia lartësojmë në mënyrë solemne peshën e gurit, e ktheu lirinë në kusht të ekzistencës dhe në përvojën intime apsolute. Një përvojë e tillë e lirisë e meriton një monument e më shumë. Ky monument dhe fjalët që do ta shoqërojmë me dekada e kanë një synim, në çdo kohë e çdo paqe duhet të na tregojnë se nuk i përkasim asnjë rendi merite po e huqem referencën te baca Adem, si përvojë gjigante e furtunave që i përballte dhe i përvujturi më i fortë i lirisë nën çdo kusht. Adem Demaçi prehet i qet sepse jetojë përnjëmend, ai e kishte devizën e vet, nuk ka pse vlen një jetë pa drejtësinë që duhet për ta mbajtur gjallë”, tha ai, duke shtuar se kjo përmendore është shenja e guximit dhe barra e drejtësisë, që ne i tregojmë vetvetes si garancë të një të ardhme që ia vlen. /kp/

  • Nesër zbulohet shtatorja e Adem Demaçit në Podujevë, merr pjesë edhe Kurti

    Nesër zbulohet shtatorja e Adem Demaçit në Podujevë, merr pjesë edhe Kurti

    Në Podujevë nesër do të bëhet zbulimi i shtatores së veprimtarit të çështjes kombëtare, Adem Demaçit.

    Zyra e Kryeministrit, ka njoftuar se në ceremoninë që do të mbahet nesër do të marrë pjesë edhe kryeministri Albin Kurti.

    “Kryeministri i Republikës së Kosovës, Albin Kurti do të marrë pjesë në zbulimin e shtatores së veprimtarit Adem Demaçi në Sheshin e Qytetit në Podujevë, nesër në orën 13:00, në prag të 111-vjetorit të shpalljes së pavarësisë së Shqipërisë, Ditës së Flamurit. Ftohen të gjithë qytetarët që të na bashkëngjiten në këtë ngjarje”, thuhet në njoftim.

  • Regjisori Qëndrim Rijani shpërblehet me çmimin “Artisti i ri më i Mirë” nga presidenti i Maqedonisë së Veriut

    Regjisori Qëndrim Rijani shpërblehet me çmimin “Artisti i ri më i Mirë” nga presidenti i Maqedonisë së Veriut

    Presidenti Stevo Pendarovski, në një ceremoni në kabinetin e tij, dje ndau çmimin “Të rinjtë e suksesshëm” për vitin 2022.

    Ndër të shpërblyerit ishte edhe regjisori i njohur shqiptar Qëndrim Rijani.

    Rijani mori çmimin “Artisti i ri më i Mirë”, duke u bërë kështu shqiptari i parë që merr një çmim të tillë në vend.

    Rijani me arritjet krijuese gjatë vitit 2022 dha një kontribut të rëndësishëm në afirmimin e krijimtarisë teatrore maqedonase, si në vend ashtu edhe jashtë saj.