ATV

Author: ATV

  • Këshilltari i Osmanit përplaset me ambasadorin serb në ShBA: E vërteta të djeg

    Këshilltari i Osmanit përplaset me ambasadorin serb në ShBA: E vërteta të djeg

    Këshilltari i Presidentes së Kosovës, Vjosa Osmani, Rinor Nuhiu, ka reaguar ashpër ndaj ambasadorit të Serbisë në SHBA, Marko Gjuriq, pas deklaratave të tij kundër të parës së shtetit.

    Përmes një postimi në platformën X, Nuhiu e akuzoi Gjuriqin se po shpërndan të pavërteta dhe po tenton të minimizojë rolin e Presidentit amerikan, Donald Trump, në proceset e paqes mes Kosovës dhe Serbisë.

    “Marko Gjuriq, ti vazhdon të shpifësh sepse e vërteta të djeg. Po përpiqesh të mohosh kontributin e @POTUS Trump, i cili sot në OKB foli me krenari për punën e tij për paqen gjatë shtatë muajve të fundit, përfshirë edhe në raportet Kosovë-Serbi”, shkroi ai.

    Ai e cilësoi si gënjeshtër të hapur pretendimin se presidentja Osmani ka marrë pjesë në Konventën Demokratike.

  • Osmani takon zyrtarin e lartë amerikan: Aleanca me SHBA-të mbetet themel i sigurisë sonë kombëtare

    Osmani takon zyrtarin e lartë amerikan: Aleanca me SHBA-të mbetet themel i sigurisë sonë kombëtare

    Presidentja e Kosovës, Vjosa Osmani, gjatë vizitës së saj zyrtare në Shtetet e Bashkuara të Amerikës është takuar në New York me Zyrtarin e Lartë të Departamentit Amerikan të Shtetit Brendan Hanrahan.

    Takimi pason një bisedë telefonike përmbajtësore të zhvilluar më herët mes tyre, ndërsa presidentja Osmani ka ritheksuar rëndësinë jetike të aleancës strategjike ndërmjet Kosovës dhe Shteteve të Bashkuara të Amerikës, raporton IndeksOnline.

    “Aleanca me SHBA-të mbetet themel i sigurisë sonë kombëtare, i stabilitetit rajonal dhe i rrugës sonë drejt integrimit euroatlantik,” është shprehur Osmani.

    Tutje ajo ka theksuar përkushtimin e saj për të mbrojtur dhe forcuar më tej këtë miqësi të ndërtuar mbi besim dhe bashkëpunim të ndërsjellë.

  • Pula apo veza? Më në fund e kemi përgjigjen…

    Pula apo veza? Më në fund e kemi përgjigjen…

    Për shekuj me radhë, njerëzit kanë debatuar: Kush është më e vjetër pula apo veza?

    Më në fund, shkenca ka dhënë një përgjigje befasuese.

    Studiuesit kanë zbuluar se guaska e vezës mbështetet në një proteinë të veçantë të quajtur ovocleidin-17 (OC-17), e cila prodhohet vetëm nga pulat. Kjo proteinë përshpejton kristalizimin e karbonatit të kalciumit, duke mundësuar formimin e shpejtë të guaskës me forcën e nevojshme për të mbrojtur zogun brenda.

    Pa OC-17, vezët në formën e tyre të tanishme nuk do të mund të ekzistonin, duke e bërë pulën thelbësore për krijimin e tyre. Ky zbulim e zhvendos debatin filozofik shekullor në fushën e biologjisë, duke treguar se të paktën në terma evolucionarë, pula ka ardhur e para. Zbulimi nxjerr në pah jo vetëm kompleksitetin e natyrës, por edhe mekanizmat e fshehur molekularë që mbajnë gjallë jetën edhe te krijesat më të zakonshme.

  • Kronika zgjedhore: Dita 11 e fushatës zgjedhore

    Kronika zgjedhore: Dita 11 e fushatës zgjedhore

    Në ditën e njëmbëdhjetë të fushatës zgjedhore, subjektet politike kanë zhvilluar aktivitetet e tyre politike.
    Në vazhdim ju sjellim një përmbledhje të aktiviteteve kryesore.

  • Iu dha lamtumira e fundit aktorit të madh Enver Petrovci

    Iu dha lamtumira e fundit aktorit të madh Enver Petrovci

    Në skenën ku dikur la gjurmë të pashlyeshme, sot pushoi në heshtje arkivoli i tij.

    Aktori dhe regjisori i madh, Enver Petrovci, u përcoll sot për në banesën e fundit në Prishtinë, një ditë pasi ndërroi jetë në moshën 71-vjeçare, pas një beteje të gjatë me një sëmundje të rëndë.

    Në Teatrin Kombëtar u mbajtën homazhe dhe një mbledhje komemorative, ku morën pjesë familjarë, kolegë, studentë, personalitete të artit dhe krerë institucionalë. Vajza e tij, Vanesa Petrovci, foli me dhimbje për humbjen e babait, ndërsa ish-kolegët e përshkruan si një artist të madh, trashëgimia e të cilit do t’i mbijetojë kohës.

    “Petrovci na mësoi jo vetëm të aktronim, por edhe si të jetonim për artin”, tha njëri nga ish-studentët e tij. Ndërsa përfaqësues të institucioneve theksuan kontributin e tij të jashtëzakonshëm në zhvillimin e kulturës shqiptare.

    Pas homazheve, trupi i tij u përcoll për në varrezat e qytetit, ku u zhvillua ceremonia mortore.

    Enver Petrovci ishte themelues i Teatrit “Dodona” dhe i Shkollës së Aktrimit, ndërsa gjatë karrierës së tij interpretoi mbi 200 role, duke fituar dhjetëra çmime brenda dhe jashtë vendit.

    Trashëgimia e tij artistike e akademike mbetet një kapitull i pavdekshëm i teatrit shqiptar.

  • Në QKUK kryhen dy operacione të rralla, pacientet kishin anomali të organeve gjenitale

    Në QKUK kryhen dy operacione të rralla, pacientet kishin anomali të organeve gjenitale

    Në Klinikën Obstetrike dhe Gjinekologjike të Qendrës Klinike dhe Universitare të Kosovës, për herë të parë janë kryer me sukses dy operacione të rralla dhe shumë të rëndësishme për pacientet.

    Bëhet fjalë për operacionet tek dy paciente siç bën të ditur SHSKUK me anomali kongjenitale të organeve gjenitale, ku gjatë zhvillimit embrional nuk janë zhvilluar plotësisht disa pjesë të tyre (mitra dhe vagina).

    “Ky sukses është rezultat i bashkëpunimit profesional ndërmjet stafit të klinikës dhe dr. Alban Nezirit, gjinekolog, i cili jeton dhe punon në Zvicër, i cili me përvojën dhe ekspertizën e tij dha një kontribut të jashtëzakonshëm për realizimin e këtyre ndërhyrjeve për herë të parë në vendin tonë.

    Po ashtu, kontribut të çmuar ka dhënë ekipi i gjinekologëve nga klinika, e poashtu anesteziologëve dhe stafit nga Klinika e Anesteziologjisë”.

    “Ky është një hap i madh drejt përmirësimit të cilësisë së jetës së këtyre pacienteve dhe hap mundësinë që në faza të ardhshme, në qendra të specializuara evropiane, të kryhet edhe transplantimi i mitrës”, thuhet në njoftim të Shërbimit Spitalor Klinik Universitar të Kosovës.

  • Formimi i qeverisë së re, Kurti nuk tregon nëse ka siguruar votat

    Formimi i qeverisë së re, Kurti nuk tregon nëse ka siguruar votat

    Kryeministri në detyrë, njëherësh kryetar i Lëvizjes Vetëvendosje, Albin Kurti, nuk ka pranuar të përgjigjet nëse ka siguruar votat për formimin e qeverisë së re.

    Kurti pasi përuroi Poliklinikën Specialistike në Podujevë nuk u përgjigj në pyetjet e gazetarëve se ka pasur ndonjë takim me liderët e partive parlamentare për të siguruar shumicën parlamentare.

    Kosova nuk ka themeluar institucionet e reja edhe tetë muaj pas zgjedhjeve parlamentare të 9 shkurtit.
    Gjykata Kushtetuese më 5 shtator ka vendosur masë të përkohshme deri më 30 shtator, përmes së cilës ua ndalon deputetëve të zgjedhur të Kuvendit të ndërmarrin veprime ose të procedojnë për formimin e qeverisë së re, pas ankesës së Listës Serbe, lidhur me votimin për nënkryetarin serb në Kuvendin e Kosovës.

    Ankesa e tyre erdhi pasi kryetari i ri i Kuvendit, Dimal Basha, i hodhi në votim ndaras kandidatët për nënkryetarë të Kuvendit nga komuniteti pakicë joserb dhe serb.
    Përfaqësuesja nga komunitetet joserbe, Emilija Rexhepi, u zgjodh nënkryetare e Kuvendit, ndërkaq dhjetë deputetët e komunitetit serb nuk arritën të sigurojnë 61 votat e nevojshme për të marrë këtë post, përfshirë edhe deputetin Nenad Rashiq.
    Kësisoj deputetët e Kuvendit kanë zgjedhur kryetarin, Dimal Basha si dhe katër nënkryetarë, por jo edhe nënkryetarin nga komuniteti serb. Përkundër kësaj, kryeparlamentari Basha ka mbyllur seancën konstituive.

  • Malta njeh Palestinën, Belgjika vendos njohje të kushtëzuar

    Malta njeh Palestinën, Belgjika vendos njohje të kushtëzuar

    Kryeministri i Maltës, Robert Abela, thanë Asamblenë e Përgjithshme se vendi i tij po njeh gjithashtu shtetësinë palestineze.

    “Më lejoni të filloj duke deklaruar qartë dhe pa mëdyshje se Republika e Maltës është krenare që konfirmon njohjen tonë zyrtare të shtetësisë palestineze”.

    Kryeministri i Belgjikës, Bart De Wever, poashtu tha se vendi i tij po u bashkohet kombeve të tjera në njohjen e shtetit palestinez për t’i dhënë botës një “sinjal të fortë politik dhe diplomatik”.

    Por, ai shtoi se njohja ligjore e një shteti palestinez mund të vazhdojë vetëm “pasi të jenë liruar të gjithë pengjet dhe të gjitha organizatat terroriste si Hamasi të jenë larguar nga qeverisja e Palestinës”, ka shkruar gazeta Guardian.

    Marrëdhëniet diplomatike do të kryhen sapo të arrihen objektivat e Deklaratës së Nju Jorkut.

  • Kurti për dëshminë e Rubin-it në Hagë: Shpresojmë për më të mirën, qëndrimi im për Specialen s’ka ndryshuar

    Kurti për dëshminë e Rubin-it në Hagë: Shpresojmë për më të mirën, qëndrimi im për Specialen s’ka ndryshuar

    Kryeministri në detyrë, Albin Kurti ka folur për dëshminë e dhënë nga James Rubin, ish-ndihmës Sekretar amerikan i Shtetit, në rastin e Hashim Thaçit, Kadri Veselit, Rexhep Selimit dhe Jakup Krasniqit në Gjykatën Speciale në Hagë.

    Ai ka thënë se e ka dëgjuar dëshminë e Rubinit për aq sa ka mundur, duke lënë të kuptohet se nuk ka arritur ta dëgjoj të tërën.“Mbrojtja është përcaktuar për një orientim të veçantë. Roli ynë është i kufizuar. Ne kemi dhënë mbështetjen financiare në mënyrë të pandërprerë dhe shpresojmë për më të mirën”– ka deklaruar Kurti.

    Ai ka shtuar se qëndrimi i tij për Specialen nuk ka ndryshuar.“Qëndrimi im për Gjykatën Speciale është i njëjti- prej fillimit” – tha ai.“Duhet të presim ecjen e këtij procesi pa dhënë ne vlerësime politike. Edhe një herë po e theksoj se qëndrimi im për Gjykatën Speciale nuk ka ndryshu asnjëherë” – shtoi ai kur u pyet për atë se Adem Demaçi po përmendet si kryesori gjatë luftës dhe se ai ka qenë bashkëpunëtor i tij.

  • Franca e zyrtarizon njohjen ndaj Palestinës

    Franca e zyrtarizon njohjen ndaj Palestinës

    Siç pritej, Presidenti francez Emmanuel Macron konfirmuar njohjen e shtetit palestinez.

    Franca iu bashkua një vale vendesh që e kanë bërë këtë në javët e fundit.

    Përpara se të njoftonte njohjen e shtetit palestinez nga Franca, Macron i tha OKB-së se ka ardhur koha për të ndaluar luftën në Gaza dhe për të liruar 48 pengjet e mbetura të mbajtura nga Hamasi.

    Ai thotë se bota është vetëm pak çaste larg nga të qenit më në gjendje të arrijë paqen dhe shton: “Nuk mund të presim më.”

    Macron dënon sulmet e 7 tetorit dhe thotë se dëshiron të shohë paqe në rajon të krijuar duke pasur dy shtete që jetojnë krah për krah.

    “Asgjë nuk e justifikon luftën e vazhdueshme”, thotë Macron, duke shtuar se “gjithçka na detyron” ta çojmë atë në një fund përfundimtar.