Qeveria e re e Republikës së Kosovës, e drejtuar nga kryeministri Albin Kurti, do të mbajë sot mbledhjen e saj të parë, raporton KosovaPress.
Sipas njoftimit të Zyrës së Kryeministrit, mbledhja e parë e Qeverisë Kurti IV do të nisë në orën dhjetë.
Mbledhja do të mbahet në ndërtesën e Qeverisë së Kosovës.
Kjo është mbledhja e parë e kabinetit të ri qeveritar pas zgjedhjes së Qeverisë Kurti IV
Partia Demokratike e Kosovës do t’i drejtohet sot Gjykatës Kushtetuese lidhur me zhvillimet e fundit në Kuvendin e Kosovës.
PDK-ja pritet të kërkojë vlerësimin e Kushtetueses për konstituimin e Kuvendit dhe formimin e Qeverisë Kurti 4.
Kjo parti ka njoftuar se në orën 09:00 do të mbajë konferencë për media para objektit të Gjykatës Kushtetuese.
Në konferencë do të flasin shefi i Grupit Parlamentar të PDK-së, Arian Tahiri, deputeti Përparim Gruda dhe avokati Faton Fetahu.
Sipas njoftimit, gjatë konferencës do të bëhen të ditura detajet e lëndës që PDK-ja do ta dorëzojë në Gjykatën Kushtetuese.
PDK-ja kishte paralajmëruar të dielën se do t’i drejtohej Kushtetueses jo vetëm për konstituimin e Kuvendit, por edhe për formimin e Qeverisë Kurti 4.
Qeveria e re, e drejtuar nga Albin Kurti, u votua të dielën në Kuvend me gjashtëdhjetë e dy vota për.
Para votimit të Qeverisë, Kuvendi zgjodhi tre nënkryetarë. Kujtim Shala u zgjodh nga radhët e LDK-së, Emilija Rexhepi nga komunitetet joshumicë dhe Tanja Vujoviq nga komuniteti serb. Vujoviq vjen nga Lista Serbe.
Pas zgjedhjes së tyre, kryetarja e Kuvendit, Albulena Haxhiu, e konsideroi Kuvendin të konstituuar, ndonëse PDK-ja nuk kishte propozuar përfaqësuesin e saj për nënkryetar.
Organizata e Veteranëve të Luftës së Ushtrisë Çlirimtare të Kosovës ka reaguar duke shprehur frikë se ndërkombëtarët sikur po paralajmërojnë dënimin e katërshës së UÇK-së në shkallë të parë më 16 shtator, e më pas lirimin e tyre në Apel.
Kryetari i OVL-UÇK-së, Hysni Gucati, në një postim në Facebook ka një apel të veteranëve të UÇK-së për Bashkimin Evropian dhe “ambasadorët e huaj”.
“Veç çka nuk po thonë direkt: Mos na pengoni t’i dënojmë një herë, sepse në Apel i shpallim të pafajshëm”, shkruan Gucati në Facebook.
Ai në postimin e tij shkruan po ashtu: “Prandaj, apeli që veteranët e UÇK-së ia drejtojnë BE-së dhe ambasadorëve të huaj është që të mos bëjnë politikë me vendimin e 16 shtatorit në Gjykatën Speciale”.
APELI i veteranëve të UÇK-së për BE-në dhe ambasadorët e huaj
Shumë ambasadorë të huaj, sikurse dje edhe BE-ja, në përpjekje për t’i menaxhuar pakënaqësitë qytetare lidhur me Gjykatën Speciale, po thonë: më 16 shtator nuk përfundon gjithçka, sepse palët e kanë Apelin.
Veç çka nuk po thonë direkt: “Mos na pengoni t’i dënojmë një herë, sepse në Apel i shpallim të pafajshëm”.
Kjo është një lojë e pistë politike me shkallët e drejtësisë.
Gjykata Speciale, që nga fillimi, u ka raportuar diplomatëve, sepse është krijuar dhe mbështetur prej tyre. Ajo nuk ka vepruar asnjëherë si një institucion i pavarur i drejtësisë.
Madje, më shumë është dukur e shqetësuar për qëndrimet e përfaqësive diplomatike sesa për gjetjet e organizatave ndërkombëtare lidhur me shkeljet e të drejtave të njeriut që kanë ndodhur aty.
Për gati gjashtë vjet, kjo gjykatë ka prodhuar vetëm narrativë që i ka shërbyer Serbisë.
Çdo pretendim të Serbisë e ka adresuar dhe rehabilituar. Pavarësisht mungesës së kredibilitetit të dëshmitarëve serbë, i ka pranuar si dëshmitarë. Pavarësisht paqëndrueshmërisë së dëshmive të tyre, pretendimet serbe janë trajtuar si material për gjykim.
Prandaj, dëshirë e disa ambasadorëve mund të jetë edhe tani që Gjykata Speciale të vazhdojë t’i shërbejë Serbisë me një vendim në shkallën e parë, për ta korrigjuar më pas në Apel, siç po tentohet të na thuhet. Por, një vendim i padrejtë në shkallën e parë nuk zhbëhet me një pafajësi në shkallën e dytë.
Dëmi për Kosovën bëhet atë ditë. Historia rishkruhet atë ditë. Serbia e shfrytëzon atë ditë.
Dhe Serbia nuk e pret Apelin.
Ajo e përdorë menjëherë një vendim të tillë në OKB, në diplomaci, në fushatën për çnjohjet e Kosovës dhe në përpjekjet e saj për ta delegjitimuar Kosovën si shtet.
Pasojat do të ishin shumë të mëdha edhe brenda Kosovës.
<iframe src=”https://www.facebook.com/plugins/post.php?href=https%3A%2F%2Fwww.facebook.com%2Fhysni.gucati%2Fposts%2Fpfbid02seiLQqvKaJh5pXo3k6h2iubkuh6JbC1CmLWQzZjGHmZ5e7vEM7tQTJGxZYib7fujl&show_text=true&width=500″ width=”500″ height=”531″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>
Nëse një gjykatë e lidh luftën çlirimtare të Kosovës me kriminalitet të organizuar, dëmi nuk mbetet vetëm në sallën e gjyqit në Hagë. Nga ajo sallë do të kriminalizohej botërisht lufta e UÇK-së.
Dhe bashkë me të do të prekej edhe legjitimiteti i çlirimit të Kosovës, intervenimi i NATO-s dhe vetë shtetësia e Republikës së Kosovës.
Nënshkrimi i përfaqësuesit politik të UÇK-së në Rambuje ishte vendimtar për intervenimin e NATO-s. Në koordinim me katër ish-udhëheqësit e UÇK-së që po gjykohen në Hagë, aleanca veriatlantike koordinoi edhe bombardime të ndryshme të caqeve serbe.
Prandaj, një narrativë që e kriminalizon luftën e UÇK-së nuk prek vetëm të kaluarën. Ajo prek edhe bazën politike dhe morale mbi të cilën u ndërtua shteti i Kosovës.
Po ashtu, ajo godet edhe karakterin shumetnik të Kosovës, në të cilin bashkësia ndërkombëtare ka investuar që nga viti 1999.
Gjykata Speciale, në rast të një vendimi të padrejtë, Serbisë do t’i jepte municion të ri diplomatik.
Një vendim i padrejtë që kriminalizon luftën tonë, në kohën kur Serbia vazhdon t’i mohojë krimet e veta dhe ta glorifikojë aparatin shtetëror që i kreu ato, nuk prodhon paqe.
Prodhon plagë të reja. Prodhon tension. Prodhon konflikt të ri.
Bashkësia ndërkombëtare ka investuar 27 vjet duke na folur për paqe, pajtim dhe bashkëjetesë. Prandaj, duhet ta dijë se paqja nuk ndërtohet duke e poshtëruar drejtësinë.
Pajtimi nuk ndërtohet duke kriminalizuar viktimën si palë.
Dhe stabiliteti nuk ruhet duke luajtur me plagët e popullit tonë.
Drejtësia nuk është lojë me shkallë, ku dëmi i shkaktuar në të parën harrohet pas vendimit të dytë.
Bashkësia ndërkombëtare e ka tradhtuar besimin e Kosovës, sepse ia ka tjetërsuar misionin dhe qëllimin Gjykatës Speciale.
Ajo nuk duhet ta humbasë edhe atë që ka mbetur mes nesh.
Vendimi i padrejtë nuk sjell paqe, por konflikt.
Dhe kushdo që sot po luan me këtë zjarr, nesër nuk mund të thotë se nuk e dinte çfarë po bënte.
Drejtësia nuk mund të jetë e drejtë vetëm në fund. Ajo duhet të jetë e drejtë qysh në fillim.
Prandaj, APELI që veteranët e UÇK-së ia drejtojnë BE-së dhe ambasadorëve të huaj është që të mos bëjnë politikë me vendimin e 16 shtatorit në Gjykatën Speciale.
Mos luani më shumë me plagët tona! Mos e bëni këtë gabim!
Hysni Gucati, Kryetar i OVL-së së UÇK-së
Kryetari i Aleancës, Ardian Gjini, e ka cilësuar si jokushtetuese dhe jolegjitime Qeverinë e votuar të dielën.
Gjini në një reagim në Facebook ka bërë të ditur se Aleanca do t’i drejtohet Gjykatës Kushtetuese, duke kërkuar që kjo e fundit ta trajtojë çështjen me prioritet.
“Qeveria që u votua sot është jokushtetuese dhe jolegjitime. Aleanca do t’i drejtohet Gjykatës Kushtetuese dhe presim adresim me prioritet nga kjo e fundit, meqë themelet e kushtetueshmërisë po lëkunden”, ka shkruar Gjini në Facebook.
<iframe src=”https://www.facebook.com/plugins/post.php?href=https%3A%2F%2Fwww.facebook.com%2Fardiangjinii%2Fposts%2Fpfbid02KQGj7kaHPeXWFkyehKAKmqk2PaG2bWFap4fZr8S7EHE8KiJNpv4Tswnf5PYMEqUZl&show_text=true&width=500″ width=”500″ height=”194″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>
Po ashtu deputeti i kwsaj partie, Besnik Tahiri, Besnik Tahiri, ka kritikuar ashpër pas seancën në Kuvend, duke e cilësuar shumicën e re parlamentare si “pa busull”.
Tahiri ka thënë se pas gati dy vitesh me kriza politike, institucionale, kushtetuese dhe ekonomike, Kosova tashmë ka një Kuvend dhe një Qeveri jashtëkushtetuese.
“Një shumicë që prodhon kriza në një kohë kur për vendin priten vendime jetike për historinë, por edhe për të ardhmen”, ka shkruar Tahiri.
Ai ka akuzuar shumicën për “kriza dhe lojëra politike”, duke thënë se vetëm gjatë dy ditëve të fundit janë parë, sipas tij, “plot makinacione e papërgjegjësi”.
Tahiri është ndalur edhe te votimi në Kuvend, duke thënë se përmes tij u dëshmua se sa të sinqerta kanë qenë qëndrimet e deputetëve ndaj deklaratave antishtetërore të Listës Serbe.
Sipas tij, qytetarët kanë dëgjuar sërish premtime të njëjta nga Qeveria Kurti 4, ndërsa vendi nuk ka parë rezultate konkrete.
“Miliona të shpenzuara pa asnjë projekt të përmbyllur. Kjo po ndodh në një kohë kur kriza e çmimeve ka rënduar jetën e qytetarëve, kur nafta ka arritur në 1 euro e 83 cent, faturat e energjisë kanë prekur kulmin dhe inflacioni për të njëjtën periudhë është rritur në 7.3%”, ka shkruar Tahiri.
Në fund, nënkryetari i Aleancës ka kritikuar ashpër qeverisjen, duke thënë se “këtyre njerëzve u ka humbur busulla” dhe se, sipas tij, po ia humbin rrugën edhe popullit dhe shtetit.
Legjislatura e njëmbëdhjetë e Kuvendit të Kosovës është konstituar të dielën me votimin e nënkryetarëve të Kuvendit, sipas kryeparlamentares Albulena Haxhiu.
Kuvendi i Kosovës në seancën e sotme zgjodhi Kujtim Shalën e LDK-së për nënkryetar, nga komuniteti jo serb Emilja Rexhepin dhe Tanja Vujoviqin nga Lista Serbe.
Ndërkaq PDK nuk ishte në sallën plenare, rrjedhimisht kishte tërhequr propozimin e Vlora Çitakut për nënkryetare.
Paraprakisht, ishte zgjedhur Ardian Gola nënkryetar të premten.
Gjithashtu të dielën është votuar edhe Qeveria “Kurti 4” në një seancë të jashtëzakonshme me 62 vota për.
Deputeti i PDK-së Arian Tahiri, në një konferencë për media tha se konstituimi i Kuvendit ka hyrë në një fazë që kërkon qartësi kushtetuese.
A tha se për të gjitha rrjedhat nga seanca konstitutive do të dërgohet për interpretim në Gjykatën Kushtetuese.
“Partia Demokratike e Kosovës vlerëson se situata e krijuar rreth konstituimit të Kuvendit të Republikës së Kosovës ka hyrë në një fazë që kërkon qartësi kushtetuese. Pas shkeljes së afateve, bllokimit të përsëritur dhe vendosjes së kushteve të reja politike nga Lëvizja Vetëvendosje, Partia Demokratike e Kosovës e ka bërë qëndrimin e vet publik edhe në seancën paraprake kur nuk është votuar nënkryetari jonë për nënkryetar të Kuvendit”, tha Tahiri.
Tahiri tha se Kurti ka shpërfillur rendin kushtetues dhe vendimet e Gjykatës Kushtetuese.
“Zoti Kurti ka luajtur gjatë gjithë kësaj kohe me institucionet, ka shpërfillur rendin kushtetues dhe vendimet e Gjykatës Kushtetuese. I ka shkelur afatet kushtetuese për interesa të ngushta politike dhe ka tentuar të luajë edhe me figurat politike të subjekteve opozitare. Ai gjatë gjithë kësaj kohe ka bërë manovra politike për ta jetësuar skenarin e tij politik”, tha ai.
Deputeti u shpreh se çdo gjë që del nga ky Kuvend, do ta dërgojnë në Kushtetuese.
“Procedimet e sotme dhe konstatimet e tyre se Kuvendi është konstituar janë përtej afateve kushtetuese dhe gjithçka që del nga ky Kuvend, ne do ta dërgojmë për shqyrtim të ligjshmërisë në Gjykatën Kushtetuese. Kosova duhet të funksionojë sipas rendit kushtetues dhe jo sipas një rendi që tenton ta krijojë Kurti për interesat e tij politike. Ekspertët e Partisë Demokratike të Kosovës tashmë janë duke punuar në përgatitjen e rrastit i cili do t’i drejtohet Gjykatës Kushtetuese për procesin në tërësi”, shtoi Tahiri.
Legjislatura e njëmbëdhjetë e Kuvendit të Kosovës është konstituar të dielën me votimin e nënkryetarëve të Kuvendit.
Kuvendi i Kosovës në seancën konstituive zgjodhi Kujtim Shalën e LDK-së për nënkryetar, nga komuniteti jo serb Emilja Rexhepin dhe Tanja Vujoviqin nga Lista Serbe.
Ndërkaq PDK nuk ishte në sallën plenare, rrjedhimisht kishte tërhequr propozimin e Vlora Çitakut për nënkryetare.
Paraprakisht, ishte zgjedhur Ardian Gola nënkryetar të premten.
Gjithashtu në seancën e së dielës është votuar edhe Qeveria “Kurti 4” në një seancë të jashtëzakonshme me 62 vota për.
Deputetë të Lëvizjes Vetëvendosje dhe partive tjera të komuniteve joshumicë, kanë votuar për Qeverinë Kurti 4.
Ishin 62 vota për, 8 vota kundër e asnjë abstenim.
Ndërkohë, Lista Serbe kanë votuar kundër.
Përndryshe, në këtë seancë kanë munguar deputetët e Lidhjes Demokratike të Kosovës, Partisë Demokratike të Kosovës dhe Aleancës. Dy partitë e fundit kanë paralajmëruar se do t’i drejtohen Gjykatës Kushtetuese lidhur me procesin e votimit të nënkryetarëve të Kuvendit.
Deputeti i PDK-së, Përparim Gruda, ka vizituar në Hagë ish-presidentin e Kosovës, Hashim Thaçi, pak javë para shpalljes së aktgjykimit nga Dhomat e Specializuara të Kosovës.
Pas vizitës, Gruda tha se Thaçi ishte në gjendje të mirë dhe me disponim pozitiv, duke e cilësuar atë si një nga figurat kryesore të historisë së re të Kosovës.
“Sapo përfundova vizitën te Presidenti Hashim Thaçi në Hagë. Ishte me disponim të mirë dhe me vullnet të madh. Biseduam gjatë për tema të ndryshme. Kthjelltësia, intuita dhe forca e tij janë të jashtëzakonshme”, ka shkruar Gruda.
Ai tha se vizita i la përshtypjen se në Hagë po mbahet i burgosur jo vetëm një individ, por edhe një pjesë e historisë së Kosovës.
“Po largohem nga këtu me ndjenjën se pas shpinës sime po mbetet i mbyllur jo thjesht një njeri, por një pjesë e historisë më të re të Kosovës dhe lirisë sonë”, u shpreh Gruda.
Duke iu referuar vendimit të pritshëm, deputeti i PDK-së tha se 16 shtatori do të jetë dita e lirisë për Thaçin dhe ish-krerët e tjerë të UÇK-së.
“16 shtatori do të jetë dita e lirisë për Hashim Thaçin, Kadri Veselin, Jakup Krasniqin dhe Rexhep Selimin”, shkroi ai.
<iframe src=”https://www.facebook.com/plugins/post.php?href=https%3A%2F%2Fwww.facebook.com%2Fperparim.gruda.7%2Fposts%2Fpfbid0xQ8NXCWfp1ujzosvNEzPsyzHRhNw9qu48crxqRey32XsevELKHDHLCCeDFxdvEZvl&show_text=true&width=500″ width=”500″ height=”737″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>
Aktgjykimi ndaj Hashim Thaçit, Kadri Veselit, Rexhep Selimit dhe Jakup Krasniqit pritet të shpallet më 16 shtator 2026.
Fillimisht, Trupi Gjykues i Dhomave të Specializuara të Kosovës kishte paraparë që vendimi të shpallej deri më 19 maj. Për shkak të kompleksitetit të çështjes, afati ishte shtyrë fillimisht deri më 20 korrik, ndërsa më pas është caktuar 16 shtatori si data përfundimtare e shpalljes së aktgjykimit.
Orari i transmetimit të spoteve të subjekteve politike, reklamimi pa pagesë – Zgjedhjet e Parakohshme Parlamentare 2026
Orarin mund ta shkarkoni Mediaplani – reklamimi pa pagese.
ATV ka përgatitur edhe ofertën për rekamimin me pagesë të subjekteve politike, pjesëmarrëse në Zgjedhjet e Parakoshme Parlamentare të 07 qershorit 2026.
Çmimoren e marketingut mund ta shkarkoni KËTU.
Parashikimet astrologjike shpesh shërbejnë si frymëzim për të menduar rreth planeve të së ardhmes, veçanërisht kur bëhet fjalë për financat dhe karrierën. Edhe pse horoskopi nuk përbën një parashikim të sigurt të ngjarjeve, shumë njerëz e ndjekin atë për të marrë motivim shtesë dhe për të planifikuar më mirë hapat e tyre profesionalë.
Sipas interpretimeve astrologjike për muajin mars, mesi i muajit mund të sjellë ndryshime pozitive sa i përket parave dhe mundësive të biznesit. Veçanërisht dallohen tre shenja të horoskopit për të cilat konsiderohet se mund të ndjejnë një lehtësim financiar dhe të kenë mundësi të zgjidhin disa borxhe të mëhershme ose të stabilizojnë buxhetin.
Astrologët theksojnë se është e rëndësishme që periudha e favorshme të shfrytëzohet me përgjegjësi, duke planifikuar shpenzimet dhe duke menduar në plan afatgjatë në mënyrë që përparimi financiar të ketë efekt më të qëndrueshëm.
Personat e lindur në shenjën e Demit njihen për durimin dhe këmbënguljen kur bëhet fjalë për punën dhe paratë. Shpesh janë të gatshëm të punojnë gjatë për arritjen e qëllimeve të tyre pa pritur rezultate të shpejta.
Sipas parashikimeve astrologjike, mesi i marsit mund të sjellë momentin kur një pjesë e këtij mundi më në fund fillon të shpërblehet. Ekziston mundësia që Demat të marrin pagesa të cilat kanë qenë të shtyra më parë, si honorare të prapambetura, borxhe ose kompensime të dakorduara më herët.
Gjithashtu theksohet se kjo periudhë mund të jetë e favorshme për negociata rreth kushteve financiare në punë, duke përfshirë rritjen e pagës ose përmirësimin e kushteve të punës.
Këshilla për Demat është që një pjesë e të ardhurave shtesë eventuale ta drejtojnë drejt kursimeve ose qëllimeve afatgjata, në vend që të shpenzojnë të gjithë shumën për nevoja afatshkurtra.
Virgjëreshat njihen për saktësinë, organizimin dhe aftësinë për të menaxhuar me kujdes financat. Shpesh mendojnë përpara dhe planifikojnë shpenzimet e tyre.
Parashikimet astrologjike tregojnë se personat e lindur në këtë shenjë deri në mesin e marsit mund të marrin një ofertë interesante pune ose një mundësi për angazhim shtesë. Kjo mundësi mund të lidhet me aftësitë ose njohuritë e tyre specifike që prej kohësh janë vlerësuar në ambientin profesional.
Për disa Virgjëresha kjo mund të nënkuptojë një projekt të ri, bashkëpunim me partnerë biznesi ose mundësi për të punuar në tregun ndërkombëtar.
Nëse një mundësi e tillë shfaqet, është e rëndësishme të vlerësohen mirë detyrimet dhe të organizohet koha në mënyrë që projekti i ri të sjellë përfitime afatgjata.
Bricjapët njihen për disiplinën dhe përkushtimin ndaj punës. Ata shpesh kanë plane të qarta afatgjata dhe janë të gatshëm të investojnë shumë energji për t’i realizuar ato.
Interpretimet astrologjike për marsin tregojnë se përpjekjet e tyre mund të fillojnë të japin rezultate të dukshme. Kjo mund të vijë në formën e një bonusi, avancimi në punë ose përfundimi të suksesshëm të një projekti që sjell të ardhura shtesë.
Për disa Bricjapë kjo periudhë mund të nënkuptojë edhe zgjidhje më të lehtë të detyrimeve financiare, si kredi apo borxhe, duke sjellë një ndjenjë stabiliteti dhe sigurie.
Megjithatë, këshillohet kujdes gjatë marrjes së vendimeve financiare. Leximi i kujdesshëm i kontratave dhe organizimi i mirë i shpenzimeve mund të ndihmojnë që suksesi i arritur të ruhet në afat më të gjatë.
Pavarësisht shenjës së horoskopit, të ardhurat shtesë gjithmonë përbëjnë një mundësi të mirë për të përmirësuar stabilitetin financiar. Ekspertët shpesh këshillojnë disa hapa të thjeshtë që mund të ndihmojnë në menaxhimin e parave.
Një nga hapat e parë është ndarja e një pjese të të ardhurave për kursime ose për një fond emergjence. Po ashtu është e dobishme të mendohet për qëllime afatgjata si investimi në arsimim, zhvillimin e aftësive ose projekte që mund të sjellin të ardhura shtesë në të ardhmen.
Planifikimi i buxhetit dhe kontrolli i shpenzimeve ndihmojnë që periudha e përparimit financiar të mos jetë e përkohshme, por të shndërrohet në bazë për një të ardhme më të qëndrueshme.
Parashikimet astrologjike për muajin mars tregojnë se Demat, Virgjëreshat dhe Bricjapët mund të kenë më shumë mundësi për përparim financiar deri në mesin e muajit. Megjithatë, çdo mundësi kërkon vlerësim të mirë dhe menaxhim të përgjegjshëm të parave.
Pavarësisht shenjës së horoskopit, kombinimi i punës së palodhur, planifikimit të mirë dhe gatishmërisë për të njohur mundësi të reja shpesh është çelësi i suksesit. Kur një moment i favorshëm shfrytëzohet në mënyrën e duhur, edhe përmirësimet e vogla financiare mund të çojnë me kohë në rezultate të rëndësishme.
Këtë vit kalojmë më herët në orën verore: Pse ndodh dhe si të përgatitemi
Çdo vit kalimi në orën verore tërheq vëmendje dhe shpesh krijon edhe pak konfuzion. Këtë vit data e ndryshimit të orës duket se vjen më herët krahasuar me vitin e kaluar, gjë që ka bërë që shumë njerëz të pyesin pse ndodh kjo dhe si ndikon kjo ndryshim në organizmin dhe jetën tonë të përditshme.
Në Kosovë dhe në shumicën e vendeve evropiane, kalimi në orën verore bëhet gjithmonë të dielën e fundit të muajit mars. Këtë vit ajo bie më 29 mars, ndërsa vitin e kaluar ishte 30 mars. Për këtë arsye shumëkujt i duket sikur ora po ndryshohet më herët, megjithëse rregulli mbetet gjithmonë i njëjtë – e diela e fundit e marsit.
Fillimisht, ndryshimi i orës u vendos për arsye praktike, kryesisht për të kursyer energji. Ditët më të gjata gjatë pranverës dhe verës mundësonin përdorim më të vogël të energjisë elektrike për ndriçim në orët e mbrëmjes.
Sot, me teknologjinë moderne, ndriçimin LED dhe burimet e ndryshme të energjisë, shumë ekspertë e konsiderojnë këtë praktikë të vjetruar. Megjithatë, ajo vazhdon të zbatohet në shumë vende, ndërsa Bashkimi Evropian prej kohësh po diskuton mundësinë e heqjes së ndryshimit të orës. Deri sa të merret një vendim përfundimtar, është e rëndësishme të dimë si të përshtatemi me këtë ndryshim dhe të zvogëlojmë ndikimin e tij në shëndet dhe në ritmin e përditshëm.
Edhe pse bëhet fjalë vetëm për një orë, kalimi në orën verore mund të ndikojë në trup dhe në gjendjen mendore:
Organizmit i duhet pak kohë për t’u përshtatur me ritmin e ri të ditës, prandaj disa njerëz mund të ndjejnë përkohësisht vështirësi në rutinën e përditshme.
Ekzistojnë disa hapa praktikë që mund të ndihmojnë që kalimi në orën verore të jetë më i lehtë:
Përshtatja graduale e gjumit
Disa ditë para ndryshimit, provoni të flini dhe të zgjoheni 10–15 minuta më herët. Kjo e ndihmon trupin të përshtatet gradualisht me ritmin e ri.
Shmangni angazhimet e rënda menjëherë pas ndryshimit
Planifikoni takimet e rëndësishme, aktivitetet fizike intensive apo detyrat e vështira disa ditë më vonë, derisa organizmi të përshtatet plotësisht.
Shfrytëzoni dritën e mëngjesit
Një shëtitje e shkurtër në mëngjes ose hapja e dritareve ndihmon trupin të përshtatë më shpejt orën biologjike.
Kontrolloni të gjitha orët
Orët në shtëpi, alarmet, pajisjet elektronike apo orët në automjete që kërkojnë rregullim manual duhet të përshtaten me kohën e re për të shmangur konfuzionin.
Ndryshimi i orës mund të shkaktojë një ndjesi të përkohshme lodhjeje, por me përgatitjen e duhur përshtatja mund të kalojë pothuajse pa u vënë re. Në vend që të fokusoheni tek “ora e humbur” e gjumit, shfrytëzojeni këtë periudhë për të përmirësuar rutinën tuaj ditore, për të kaluar më shumë kohë në ajër të pastër dhe për të rregulluar gradualisht orën biologjike.
Kalimi në orën verore nuk është vetëm një ndryshim në akrepat e orës – është edhe një mundësi për t’i kushtuar më shumë vëmendje ritmit personal dhe shëndetit tuaj, ndërsa ditët bëhen më të gjata dhe më të ndritshme.