Author: Samir Dalipi

Reperi i njohur Gashi ka qenë në qendër të vëmendjes, por kësaj here jo për ndonjë këngë të re, por për disa deklarata të forta të bëra në një intervistë të fundit. Gashi, i cili është një nga emrat më të njohur të skenës ndërkombëtare me origjinë shqiptare, rrëfeu detaje interesante nga jeta dhe karriera e tij, duke përfshirë një përvojë të tij me artistin Ledri Vula.

Në vitin 2018, Gashi dhe Ledri Vula publikuan këngën e titulluar “That’s Mine”, e cila u prit shumë mirë nga publiku dhe deri më tani ka arritur mbi 19 milionë shikime vetëm në platformën YouTube. Mirëpo, ky bashkëpunim, sipas Gashit, nuk u prit mirë nga njerëzit e afërt të Ledrit. Në intervistën e tij të fundit, reperi zbuloi se një mik i Ledrit nuk ishte aspak i kënaqur me këtë bashkëpunim.

“Kur e kam bërë këngën me Ledrin, gjithkush më ka telefonuar mua, më ka thënë: ‘Pse e ke bërë këngën me Ledrin?’ Njerëzit që rrinë me Ledrin, më kanë thirrur dhe më kanë thënë se unë e kam ulur veten poshtë me këtë bashkëpunim,” deklaroi Gashi.

Megjithatë, ai theksoi se Ledri është një nga artistët më të mirë në Kosovë dhe se bashkëpunimi me të ka qenë një përvojë e shkëlqyer. Deklarata e tij shkaktoi reagime të shumta në publik, duke nxitur diskutime mbi prapaskenat e industrisë muzikore dhe mënyrën se si vlerësohen bashkëpunimet mes artistëve shqiptarë. Shumë nga ndjekësit e tij e vlerësuan Gashin si një nga artistët më të sinqertë dhe korrekt në skenën muzikore.

Një tjetër çështje e ndjeshme që Gashi trajtoi në intervistën e tij ishte festivali i njohur Sunny Hill. Ai deklaroi se gjatë pjesëmarrjes së tij në këtë festival, punëtorët e skenës ishin të gjithë serbë, dhe për këtë arsye kishte hasur në vështirësi për të vendosur në skenë flamurin kuq e zi.Përveç çështjeve profesionale, Gashi ndau edhe detaje nga jeta e tij personale. Ai bëri një deklaratë të papritur duke treguar se në të kaluarën kishte qenë në një lidhje me këngëtaren e njohur britanike, Adele. Kjo rrëfim u prit me kuriozitet nga fansat, pasi më herët nuk kishte pasur asnjë informacion mbi këtë lidhje të mundshme.

Gashi, emri i vërtetë i të cilit është Labinot Gashi, është një reper, këngëtar dhe tekstshkrues amerikan me origjinë shqiptare. Ai lindi më 4 tetor 1989 në Tripoli, Libi, nga prindër shqiptarë nga Kosova. Për shkak të rrethanave të vështira, familja e tij u detyrua të lëvizte në disa vende afrikane dhe evropiane, përpara se të vendoseshin përfundimisht në Brooklyn, Neë York, kur Gashi ishte vetëm 10 vjeç. Ai nisi të zhvillonte pasionin e tij për muzikën, e cila më vonë do ta shndërronte në një nga emrat më të spikatur të industrisë ndërkombëtare./ NO FILT/

Lady Gaga u shfaq në skenën muzikore në fund të viteve 2000 me hite si “Poker Face” dhe “Bad Romance”, por ajo së fundmi pranoi se gjithë ai sukses e “largoi shumë” nga vetja dhe e bëri më të ashpër nga përvoja e saj. Megjithatë, sot gjërat janë shumë ndryshe.

Ajo i tha The Sunday Times: “Jam një njeri shumë më i qëndrueshëm dhe i shëndetshëm sesa kam qenë gjatë 20 viteve të fundit.
Industria e muzikës më pushtoi jetën kur isha më e re. Më largoi shumë nga vetja dhe më duhej të duroja shumë, gjë që më forcoi, pa dyshim. M’u desh kohë për të gjetur veten.”

Këngëtarja e “Disease”, e cila sapo ka publikuar albumin e saj të shtatë, “Mayhem”, gjithashtu theksoi se autenticiteti i saj reflektohet kur ajo mund të shprehet plotësisht, edhe nëse fillimisht ishte “kritikuar” për të qenit ndryshe.

Epo, muzika ime ka qenë gjithmonë nën kontrollin tim. Që kur isha 17 vjeç, nuk kam lejuar askënd ta kontrollojë atë. Por pastaj, përreth teje krijohen sisteme që përpiqen të të komercializojnë, të të tregtojnë dhe të të shndërrojnë në një ndërmarrje.”/ NO FILT/

Princi Harry dhe Meghan Markle u bënë prindër për herë të dytë më 4 qershor 2021, kur lindi vajza e tyre, Lilibet Diana. Sipas Harry-t, lindja e saj plotësoi familjen e tyre, e cila përfshin edhe djalin Archie dhe dy qentë e tyre.

Çifti ka qenë shumë i kujdesshëm në mbrojtjen e privatësisë së fëmijëve të tyre, duke ndarë vetëm momente të rralla me publikun. Edhe pse ata u larguan nga Mbretëria e Bashkuar për të jetuar një jetë më private në Kaliforni, kanë vazhduar të ndajnë arsyet që i çuan në këtë vendim, përfshirë një dokumentar të Netflix-it në 2022.

Ndryshe nga tradita mbretërore, ata nuk ndanë detaje mbi lindjen apo pagëzimin e Archie-t, duke shkaktuar polemika. Megjithatë, tashmë që jetojnë në SHBA, ata po rrisin fëmijët larg vëmendjes publike. Kjo u dëshmua edhe në viziten e tyre të fundit në Nigeri në maj 2024, ku fëmijët nuk ishin të pranishëm./ NO FILT/

Tre nga artistet më të mëdha të momentit, Lady Gaga, Selena Gomez dhe Miley Cyrus, po sjellin projekte të reja që do të ngjallin emocion dhe do të bëjnë bujë në industrinë muzikore. Secila prej tyre po e shfaq një anë të re artistike, duke sjellë albume që përmbajnë histori personale, risi dhe një frymë të freskët.

Lady Gaga më 7 mars, do të publikoj albumin e saj të shtatë në studio. Ashtu si kënga e re, edhe albumi do të quhet MAYHEM.

Lady Gaga ka folur tashmë për këtë projekt: “Albumi filloi si një përballje me frikën time për t’u rikthyer te pop-muzika që adhuruesit e mi të parë e donin.” Në këtë album, ajo do të sjellë tingullin e saj të dikurshëm, por të rindërtuar dhe të zhvilluar më tej.

Për procesin krijues, ajo shprehet: “Ishte si të riktheje copat e një pasqyre të thyer: Edhe nëse nuk mund t’i vendosësh pjesët përsëri në mënyrë të përsosur, mund të krijosh diçka të bukur dhe të plotë në një mënyrë të re dhe unike.”

Kanë kaluar plot pesë vjet që nga publikimi i albumit të fundit të Selena Gomez, Rare. Edhe pse gjatë kësaj kohe ka sjellë disa këngë të reja, fansat kanë shpresuar gjithmonë për një album të ri dhe tani, këngëtarja më në fund ua plotëson këtë dëshirë!

Pikërisht në Ditën e Shën Valentinit, ajo ka njoftuar albumin e saj të ri në studio, I Said I Love You First, i cili do të publikohet më 21 mars 2025. Por surprizat nuk përfundojnë këtu! Krahas lajmit për albumin, Selena ka zbuluar edhe një tjetër detaj të veçantë në Instagram: albumi i saj i katërt është krijuar në bashkëpunim me të fejuarin e saj, Benny Blanco!

Miley Cyrus ka konfirmuar se së shpejti do ta publikoj albumin e ri. Edhe pse ende nuk ka një datë të saktë publikimi, disa detaje tashmë kanë dalë në dritë. Albumi i saj i nëntë në studio do të titullohet Something Beautiful, dhe Miley e përshkruan atë si “hipnotizues dhe plot shkëlqim.

Një aspekt ishte veçanërisht i rëndësishëm për të gjatë krijimit të albumit: “ Për mua ishte e rëndësishme që çdo këngë të kishte këto cilësi shëruese. Këngët, pavarësisht nëse flasin për shkatërrim, zemërthyerje apo vdekje, paraqiten në një mënyrë të bukur, sepse edhe momentet më të errëta të jetës kanë një pikë bukurie. Ato janë hija, qymyri, nuancat.”

Gjithashtu, i dashuri i saj, Maxx Morando, ka bashkëpunuar në albumsi producent dhe si bashkautor i këngës kryesore./NO FILT/

Demi Moore përjetoi një zhgënjim të madh pasi humbi çmimin për aktoren më të mirë në Oscar 2025 ndaj Mikey Madison, yllit të filmit “Anora”. Pasi kishte fituar Golden Globe për të njëjtën kategori, Moore kishte shumë shpresa për një triumf në Academy Awards, por mbeti e dëshpëruar kur u shpall emri i Madison si fituese. Në një video të shpërndarë në rrjetet sociale, Moore u duk e tensionuar dhe shtrëngoi nofullën në momentin e shpalljes së rezultatit.

Nga ana tjetër, fituesja e çmimit, Mikey Madison, u emocionua teksa mbajti fjalimin e saj, duke thënë se kjo ishte një ëndërr e bërë realitet dhe duke falënderuar koleget e nominuara për punën e tyre të jashtëzakonshme.

Ceromonia e ndarjes së çmimeve Oscar 2025 do të transmetohet drejtpërdrejt në ABC në më shumë se 200 vende dhe territore në mbarë botën.

Për herë të parë në histori, eventi do të transmetohet gjithashtu drejtpërdrejt në Hulu.

Kush janë të nominuarit për Oscar 2025?

Filmi “Emilia Pérez” i regjisorit Jacques Audiard ka marrë më shumë nominime këtë vit, me 13 nominime në total. Pas tij renditen “The Brutalist” i Brady Corbet dhe “Wicked” i Jon M. Chu, secili me 10 nominime. Filmat “A Complete Unknown” i James Mangold dhe “Conclave” i Edward Berger përmbyllin listën e kryesuesve me nga 8 nominime secili.

Kategoria më e rëndësishme, Filmi më i Mirë, përfshin këto dhjetë filma: “Anora’’, “The Brutalist”,”A Complete Unknown”, “Conclave”,”Dune: Part Two”,”Emilia Pérez”, “I’m Still Here”, “Nickel Boys”, “The Substance”,”Wicked”

Komediani dhe prezantuesi i njohur Conan O’Brien do të jetë prezantuesi i Oscar 2025, duke shënuar herën e tij të parë si prezantues i kësaj ceremonie prestigjioze.

Në një intervistë për ABC News, O’Brien tha me humor:
“Bëra një sondazh në Amerikë dhe pyeta: ‘A do të dëshironit të shihnit Conan O’Brien duke kënduar dhe kërcyer?’ Përgjigja ishte befasuese – njerëzit nuk e duan këtë. Kjo do të thotë që ndoshta do ta bëjmë gjithsesi!”

Gjithashtu, Nick Offerman do të shërbejë si njoftuesi zyrtar i ceremonisë.

Siç është bërë traditë, fituesit e kategorive të aktrimit të vitit të kaluar do të rikthehen për të shpallur fituesit e rinj. Kjo do të thotë se Cillian Murphy, Emma Stone, Robert Downey Jr. dhe Da’Vine Joy Randolph do të jenë në skenën e Oscars këtë vit.

Në një ndryshim nga vitet e kaluara, akademia ka vendosur të mos përfshijë interpretimet live të këngëve të nominuara për “Kënga më e Mirë Origjinale”. Në vend të kësaj, ceremonia do të fokusohet në tregimin e historive dhe frymëzimit pas këtyre këngëve përmes reflektimeve personale të autorëve të tyre.

Akademia ka premtuar gjithashtu momente muzikore të fuqishme që do të lidhin historinë e pasur të filmit me të ardhmen e tij të guximshme dhe frymëzuese./ NO FILT /

Hailey Bieber po përpiqet të mbështesë maksimalisht Justin Bieber-in, pavarësisht spekulimeve të fundit rreth sjelljes dhe jetës së tij personale. Burime pranë çiftit thonë se ajo po tregohet e kuptueshme dhe e përkushtuar ndaj tij, edhe pse kjo periudhë është e vështirë.

Ndërkohë, thashethemet për përdorimin e substancave nga Justin vazhdojnw tw qarkullojmw, por një përfaqësues i tij i hodhi poshtë si “të lodhshme dhe të padenja’’, kwto thashetheme, Ai shtoi se vitin e fundit këngëtari ka ndërprerë disa miqësi dhe marrëdhënie biznesi që nuk i shërbenin më.

Dhe sipas tij, pavarësisht gjithçkaje, Hailey vazhdon ta mbështesë Justin-in pa kushte./ NO FILT /

Ceremonia e ndarjes së çmimeve Screen Actors Guild Awards 2025 solli një natë të mbushur me emocione dhe vlerësime për disa nga performancat më të spikatura të vitit.

Me një konkurrencë të fortë mes yjeve të industrisë, juria vlerësoi performancat më të mira në kinematografi, duke njohur punën dhe talentin e aktorëve që kanë lënë gjurmë në këtë sezon artistik.

Fituesit kryesorë të SAG Awards 2025:

Aktorja më e mirë në rol kryesor – Demi Moore për interpretimin e saj në “The Substance”

Aktori më i mirë në rol kryesor – Timothée Chalamet për rolin e tij në “A Complete Unknown”

Aktorja më e mirë në rol dytësor – Zoe Saldaña për performancën e saj në “Emilia Pérez”

Aktori më i mirë në rol dytësor – Kieran Culkin për paraqitjen e tij në “A Real Pain”

Këto ishin vetëm disa nga cmimet që u dhanë. Me këto çmime, fituesit e këtij viti jo vetëm që festuan suksesin e tyre, por edhe fuqinë e kinemasë për të frymëzuar dhe emocionuar audiencën në mbarë botën./ NO FILT/

Ben Affleck ka nisur të dalë në takime me gra të ndryshme pas finalizimit të divorcit me ish-bashkëshorten Jennifer Lopez më 6 janar.

Megjithatë, sipas një burimi pranë aktorit, njohjet e reja nuk janë prioritet për të në këtë moment.

Aktualisht, fituesi i çmimit Oscar është shumë i përqendruar në punën e tij. “Nëse nuk është duke xhiruar, kalon orë të gjata në zyrë,” shpjegon burimi. Kur nuk është i angazhuar me punë, 52-vjeçari i kushton shumicën e kohës tre fëmijëve të tij, që ka me ish-bashkëshorten Jennifer Garner: Violet, 19 vjeç, Seraphina, 16 vjeç, dhe Samuel, 12 vjeç.

Burimi shtoi se Affleck dhe djali i tij kanë një marrëdhënie shumë të ngushtë.

Lajmet për jetën e tij të re romantike vijnë pasi TMZ raportoi të premten se Gjykata e Lartë e Qarkut të Los Anxhelosit ka zyrtarizuar përfundimin e martesës së tij me Lopez, duke i shpallur të dy ligjërisht beqarë.

Affleck dhe Lopez i dhanë një shansë tjetër romancës së tyre në fillim të vitit 2021, gati 20 vjet pasi anuluan fejesën e tyre të parë dhe u martuan në vitin 2022. Megjithatë, dy vjet më vonë, ata vendosën t’i japin fund martesës së tyre./ NO FILT/