Author: K.B.

Pas takimit që pati me Kryeministrin e Kosovës, Albin Kurti, Lidhja Demokratike e Kosovës ka mbledhur grupin e saj parlamentar për të diskutuar lidhur me çështjen e presidentit.

Deputeti i kësaj partie, Anton Quni i pyetur për qëndrimin e tij për emrin e Vjosa Osmanit, dhe se a do ta votojë, ai tha se do ta shpreh në mbledhje diçka të tillë, ndërsa theksoi se do të pajtohet me çfarëdo vendimi që merret aty.

“Do ta shpreh qëndrimin në organet e partisë, do ta shprehi brenda strukturave të partisë. Aty merret vendimi. Unë do të pajtohem me vendimin që do të merret”, tha deputeti i LDK-së.

Sa i përket takimit Kurti-Abdixhiku, Quni tha se tani në mbledhje do t’i marrë informatat.

“Tani do të marrim infomatat. Prandaj po mbahet ky takim, që t’i marrim informatat nga kryetari Abdixhiku”, tha Quni.

Gjendja shumë e debatueshme rreth emrit të presidentit, për Ramiz Lladrovcin është e lehtë, vetëm duhet vullnet politik.

Postimi i Lladrovcit në fb:

Njerëzit e vegjël bëjnë drama të mëdha. Kur ka vullnet, ma shpejtë zgjidhet presidenti se sa pihet një çaj. Kosova është më e rëndësishme se secili politikan e parti politike, sot e nesër!

Deputeti i Armend Zemaj nga Lidhja Demokratike e Kosovës ka deklaruar se subjekti i tij politik ka shumë figura që do t’i rekomandonte për postin e presidentit të vendit.

“Ka shumë emra që do t’i kisha rekomandu për president nga LDK-ja. Ka meritor prej të parit e deri te anëtari i fundit, e meriton,” ka thënë Zemaj.

I pyetur nëse do ta votonte Vjosa Osmani për presidente, Zemaj ka dhënë një përgjigje të rezervuar.

“Njëherë për njerëzit e LDK-së, e atëherë ta shohim,” është shprehur ai.

Deklarata e Zemajt vjen në kohën kur në skenën politike po diskutohen emra të mundshëm për postin e presidentit, ndërsa mbetet të shihet se cili do të jetë qëndrimi përfundimtar i LDK-së në lidhje me këtë çështje.

Mbikëqyrësi bërthamor i OKB-së konfirmoi dëmtime në një impiant pasurimi karburanti në Iran – konfirmimi i parë i dëmtimeve në objektet bërthamore të vendit që nga nisja e sulmeve ushtarake nga SHBA-ja dhe Izraeli ndaj Iranit.

Impianti i Pasurimit të Karburantit në Natanz – një nga instalimet më të ndjeshme bërthamore të Iranit – ka pësuar “dëmtime në ndërtesat hyrëse”, sipas Agjencisë Ndërkombëtare për Energjinë Atomike (IAEA), duke cituar imazhe të fundit satelitore.

Nuk ka pasur pasoja radiologjike dhe “asnjë ndikim shtesë” nuk është konstatuar në vetë impiantin, shtoi IAEA. Të hënën, shefi i IAEA-s, Rafael Grossi, tha se “nuk ka indikacione” që ndonjë instalim bërthamor në Iran të jetë goditur.

Fotot satelitore treguan goditje në një magazinë të madhe dhe në dy ndërtesa më të vogla, dykatëshe, më herët të martën, sipas analizës së CNN mbi imazhet nga kompania e inteligjencës hapësinore Vantor.

Bombardimet amerikane ndaj objekteve bërthamore në Iran qershorin e kaluar ndërprenë energjinë elektrike në pjesë të këtij kompleksi të fortifikuar rëndë, i cili ka gjashtë ndërtesa mbi tokë dhe tre nëntokësore, dy prej të cilave mund të strehojnë 50 mijë centrifuga, sipas organizatës jofitimprurëse Nuclear Threat Initiative (NTI).

Është gjetur pas 24 orësh 11-vjeçari që kishte humbur kontaktet me familjarët.

Ai u gjet në Portin e Durrësit, ndërsa ende nuk dihet si ka shkuar deri atje.

Sipas informacioneve, i mituri u largua nga shtëpia për në shkollë pas një debate me nënë e tij, mirëpo nuk u paraqit në shkollë, raporton Top Channel.

Ai jetonte me të ëmën në zonën e Freskut, Tiranë, pasi prindërit ishin divorcuar.

Kryetarja e Kuvendit, Albulena Haxhiu ka takuar sot ambasadoren e Finlandës në Kosovë, Eevamari Laaksonen.

Në këtë takim ato kanë diskutuar për marrëdhëniet e mira dhe bashkëpunimin e qëndrueshëm ndërmjet dy vendeve.

Kryeparlamentarja i ka shpreh mirënjohje ambasadorës për kontributin e Finlandës në proceset e shtetndërtimit dhe fuqizimin e institucioneve demokratike.

“Kryetarja e Kuvendit të Republikës së Kosovës, Albulena Haxhiu, priti sot Ambasadoren e Finlandës në Kosovë, Eevamari Laaksonen.Në takim u diskutua për marrëdhëniet e mira dhe bashkëpunimin e qëndrueshëm ndërmjet dy vendeve, mbështetjen e vazhdueshme të Finlandës për zhvillimin demokratik të Kosovës, si dhe mundësitë për të thelluar bashkëpunimin parlamentar në të ardhmen.Kryetarja Haxhiu shprehu mirënjohjen për kontributin e Finlandës në proceset e shtetndërtimit dhe fuqizimin e institucioneve demokratike”, thuhet në njoftim.

Gjykata e Posaçme ka caktuar datën 9 mars, ora 09:30, për seancën e parë të procesit gjyqësor ndaj kryetarit të Tiranës, Erion Erion Veliaj dhe 29 të bashkëpandehurve.

Siç raporton A2, Gjykata e Posaçme vendosi më 9 shkurt të kalojë për gjykim dosjen ndaj Erion Veliajt dhe bashkëshortes së tij Ajola Xoxa, si dhe 28 personave të tjerë të akuzuar në dosje.