Author: K.B.

Një kontingjent prej 97 ushtarësh bullgarë është nisur nga qyteti i Stara Zagorës për t’iu bashkuar misionit paqeruajtës të NATO-s, KFOR, në Kosovë.

Pjesa më e madhe e kontingjentit përbëhet nga ushtarë të Brigadës së Dytë të Mekanizuar “Tundja”, të cilët do të dislokohen në Komandën Rajonale Perëndimore, me bazë në kampin “Villaggio Italia”.

Sipas raportimit të bnrnews.bg, ushtarët bullgarë do të qëndrojnë në Kosovë për gjashtë muaj, gjatë të cilëve do të kryejnë patrullime, misione vëzhgimi dhe detyra për mbështetjen e sigurisë në zonën e tyre të përgjegjësisë.

Shefi i Kabinetit Politik të Ministrit bullgar të Mbrojtjes, Vladko Vladov, tha se dislokimi i kontingjentit dëshmon angazhimin e vazhdueshëm të Bullgarisë ndaj operacioneve të NATO-s dhe kontributin e saj për ruajtjen e stabilitetit në Ballkanin Perëndimor.

Ndërkaq, komandanti i Forcave Tokësore të Bullgarisë, gjeneralmajor Deyan Deshkov, kujtoi se personeli ushtarak bullgar ka marrë pjesë në misionin e KFOR-it për 26 vjet, duke fituar reputacion për disiplinë dhe profesionalizëm gjatë rotacioneve të shumta.

Para nisjes drejt Kosovës, pjesëtarët e kontingjentit morën një ikonë të Shën Gjergjit, shenjtit mbrojtës të ushtrisë bullgare.

Ikona iu dorëzua nga nënkryetarja e Komunës së Stara Zagorës, Milena Jeleva, si simbol mbështetjeje dhe urimi për një mision të suksesshëm.

Deputeti i vetëm shqiptar në Kuvendin e Serbisë, Shaip Kamberi, njoftoi të enjten se 53 deputetë opozitarë ia kanë dorëzuar një kërkesë kryeministrit serb për shkarkimin e ministres Snezhana Paunoviq, pas deklaratës së saj për “spastrim etnik” në Kosovë.

Në një shkrim në Facebook, Kamberi tha se grupi parlamentar Lëvizja e Qytetarëve të Lirë – SDA e Sanxhakut dhe Partia për Veprim Demokratik, iniciuan shkarkimin e ministres serbe për Administratë Publike dhe Vetëqeverisje Lokale.

Ata i kërkuan kryeministrit serb Gjuro Macut që, “pa asnjë vonesë”, t’i propozojë Kuvendit të Serbisë shkarkimin e ministres Paunoviq, e cila u shpall person i “padëshirueshëm” në Kosovë.

Nuk është e qartë nëse Macut do ta bëjë një propozim të tillë në Kuvendin serb me 250 vende.

Paunoviq deklaroi të shtunën për televizionin serb Kurir se, po të ishte në vend të Sllobodan Millosheviqit në vitin 1998, “do ta kishte spastruar etnikisht Kosovën” – duke nxitur reagime dhe dënime në Kosovë dhe më gjerë.

Millosheviq ishte president i Republikës Federale të Jugosllavisë dhe i akuzuar nga Tribunali i Hagës për krime lufte.

Kamberi theksoi të enjten se kryeministri Macut ka përgjegjësi politike dhe institucionale të reagojë dhe të dëshmojë se në Qeverinë e Serbisë nuk ka vend për një ministre që mbron idetë e dëbimit të njerëzve mbi bazën e përkatësisë së tyre kombëtare dhe që promovon veprime jashtë ligjit dhe procedurave gjyqësore.

“Nëse Macut refuzon të propozojë shkarkimin e saj, ai do të marrë përgjegjësinë për vazhdimin e mandatit të saj në këtë funksion dhe për normalizimin e një politike të tillë brenda Qeverisë së Serbisë”, tha ai.

Kamberi tregoi se nisma e tyre nuk u mbështet nga partitë e pakicave nacionale, të cilat janë pjesë e Qeverisë.

“Pra, shkarkimin e ministres Paunoviq nuk e kanë përkrahur as partia boshnjake e Zukorliqit, as partia boshnjake e Lajiqit dhe as partia hungareze e Pastorit”, shtoi ai.

Deklaratat e Paunoviqit u dënuan nga Bashkimi Evropian dhe Kosova, ndërsa presidenti serb, Aleksandar Vuçiq, tha se komentet e saj “nuk pasqyron vullnetin tim, e as të Qeverisë së Serbisë”.

Të enjten, komisionarja për Zgjerim e Bashkimit Evropian, Marta Kos, përsëriti dënimin e saj ndaj deklaratave të Paunoviqit dhe shprehu habinë pse ajo vazhdon të mbetet ministre.

Vëzhgues nga Kosova dhe Serbia thanë Radion Evropa e Lirë se deklarata e Paunoviqit është pjesë e një modeli politik të Serbisë karshi Kosovës, duke kërkuar që bashkësia ndërkombëtare të mos mjaftohet vetëm me reagime, por të ndërmarrë veprime konkrete ndaj Serbisë.

Deklaratat e saj prekin plagë të vjetra në Kosovë, pasi qindra mijëra civilë shqiptarë u dëbuan nga Kosova gjatë luftës së viteve 1998-1999.

Ajo luftë ua mori jetën mbi 13.000 civilëve, kryesisht shqiptarë, ndërsa mijëra të tjerë mbetën të zhdukur.

Mbi 1.500 persona, shumica shqiptarë, vazhdojnë të jenë ende të zhdukur.

Tribunali Penal Ndërkombëtar për ish-Jugosllavinë në Hagë i cilësoi drejtuesit e atëhershëm të RFJ-së si pjesëmarrës kyç në një “ndërmarrje të përbashkët kriminale”, që synonte dëbimin me forcë të qindra mijëra civilëve shqiptarë nga Kosova në vitin 1999.

Sipas aktgjykimeve, qëllimi ishte “ndryshimi i balancës etnike për të ruajtur kontrollin serb mbi Kosovën”.

I akuzuari kryesor, Sllobodan Millosheviq, vdiq në paraburgim para përfundimit të gjykimit, ndërsa ish-presidenti i Serbisë, Millan Millutinoviq, u shpall i pafajshëm./REL/

Kanë kaluar më shumë se dy javë që prej inspektimeve që janë bërë në qumështoren ‘’VITA’’, nga ku, Agjencia e Ushqimit dhe Veterinarisë, kanë marrë mostra të cilat janë dërguar për analiza laboratorike.

Edhe pse këto inspektime ndodhën në fillim të këtij muaji, AUV ende s’ka publikuar rezultatet. Lidhur me këtë çështje, Gazeta Express, i është drejtuar me pyetje këtij institucioni.

Nga AUV, kanë deklaruar se procedura është ende në zhvillim, dhe se, e njëjta përfshinë më shumë se sa vetëm analizat laboratorike.

‘’Procedura e kontrollit zyrtar është ende në zhvillim dhe përfshin jo vetëm analizat laboratorike, por edhe vlerësimin e plotë të të gjitha provave dhe dokumentacionit përkatës, në përputhje me legjislacionin në fuqi’’, thuhet në përgjigjen e AUV.

Tutje, shtohet se, raporti përfundimtar pritet të dorëzohet para afatit ligjor, nëse, shtohet në përgjigje, të gjitha analizat dhe verifikimet përfundojnë me kohë.

‘’Kam kërkuar nga Agjencia e Ushqimit dhe Veterinarisë që procedura të përfundojë sa më shpejt. Sipas informacioneve që kam marrë nga Kryeshefi Ekzekutiv i AUV-së, raporti përfundimtar pritet të dorëzohet para afatit ligjor, nëse të gjitha analizat dhe verifikimet përfundojnë me kohë. Menjëherë pas përfundimit të procedurës, rezultatet dhe masat e ndërmarra do të bëhen publike në mënyrë transparente’’, ka thënë për Express, Lamir Thaqi, zyrtar për komunikim dhe qasje në dokumente publike.

Sekretari i LDK’së, Ilir Ferati, ka folur për media pas një takimi që është zhvilluar brenda selisë së LDK’së.

I pyetur për deklarimet nga LVV që kanë të bëjnë me zhvillimet në LDK, Ferati ka thënë se partia e Kurtit s’duhet të merret me punët e brendshme të LDK’së dhe ka rikujtuar se Abdixhiku ka pezulluar takimet me ta deri në zgjidhjen e situatës së brendshme në LDK.

“VV të mos mendojë për çështjet tona. Kemi një mori njerëzish që mendojnë. VV s’ka nevojë me mëndu për punët tona të brendshme. Ata janë parti e parë. Kryetari ka dekalru që i ka pezullu takimet derisa t’i kryejmë punët tona të brendshme”, ka deklaruar ai.

Gjykata Supreme ka ndryshuar vendimin ndaj Edmond Lajçit, duke e dënuar atë me 30 vjet burgim, pasi që i njëjti, më herët ishte dënuar me burgim të përjetshëm për vrasjen e gruas.

Në njoftim thuhet se Supremja, ka konstatuar se gjykatat e instancave më të ulëta kanë vërtetuar drejt gjendjen juridike lidhur me fajësinë e të pandehurit dhe cilësimin juridik të veprave penale, ndërsa nuk ka gjetur shkelje esenciale të dispozitave të procedurës penale apo shkelje të ligjit penal në këtë aspekt.

‘’ Gjykata Supreme ka theksuar se burgimi i përjetshëm mund të shqiptohet vetëm në raste kur ekzistojnë rrethana veçanërisht rënduese që e dallojnë qartë rastin konkret nga rastet e zakonshme të së njëjtës vepër penale dhe kur një dënim më i butë nuk do të ishte proporcional me peshën e veprës dhe fajësinë e kryerësit’’, thuhet mes tjerash në njoftim.

Komunikata:

Gjykata Supreme ndryshon vendimin për rastin e E.L., i shqipton dënim me 30 vjet burgim

Prishtinë, 16 korrik 2026 – Gjykata Supreme e Kosovës, duke vendosur lidhur me ankesën e mbrojtësit të të pandehurit E.L., dhe përgjigjen në ankesë të përfaqësueses së autorizuar të palës së dëmtuar, ka aprovuar pjesërisht ankesën dhe ka ndryshuar aktgjykimet e Gjykatës Themelore në Pejë dhe të Gjykatës së Apelit, sa i përket vendimit për dënimin.

Gjykata Supreme ka vendosur që të pandehurit E.L., i shpallur fajtor për veprat penale vrasje e rëndë, nga neni 173 paragrafi 1 pika 1.3 të Kodit Penal të Republikës së Kosovës dhe mbajtje në pronësi, kontroll ose posedim të paautorizuar të armëve nga neni 366 paragrafi 1 i Kodit Penal, t’i shqiptohet dënimi me 30 (tridhjetë) vjet burgim, në të cilin do të llogaritet edhe koha e kaluar në paraburgim, nga data 16 prill 2024.

Në pjesët tjera, aktgjykimet e Gjykatës Themelore në Pejë dhe të Gjykatës së Apelit kanë mbetur të pandryshuara.

Gjykata Supreme ka konstatuar se gjykatat e instancave më të ulëta kanë vërtetuar drejt gjendjen juridike lidhur me fajësinë e të pandehurit dhe cilësimin juridik të veprave penale, ndërsa nuk ka gjetur shkelje esenciale të dispozitave të procedurës penale apo shkelje të ligjit penal në këtë aspekt. Po ashtu, ka vlerësuar se, pas pranimit të fajësisë nga i pandehuri, pretendimet ankimore për vërtetim të gabuar apo jo të plotë të gjendjes faktike nuk ishin të lejuara sipas dispozitave të Kodit të Procedurës Penale.

Megjithatë, Gjykata Supreme ka vlerësuar se gjykatat e shkallës së parë dhe të dytë nuk e kanë zbatuar drejt nenin 41 të Kodit Penal lidhur me shqiptimin e dënimit me burgim të përjetshëm. Sipas vlerësimit të Gjykatës Supreme, një pjesë e rrethanave të konsideruara si veçanërisht rënduese nuk kanë pasur mbështetje në prova, ndërsa disa prej tyre përbëjnë elemente të vetë veprës penale dhe, për këtë arsye, nuk mund të justifikojnë shqiptimin e dënimit më të rëndë, të paraparë me ligj.

Gjykata Supreme ka theksuar se burgimi i përjetshëm mund të shqiptohet vetëm në raste kur ekzistojnë rrethana veçanërisht rënduese që e dallojnë qartë rastin konkret nga rastet e zakonshme të së njëjtës vepër penale dhe kur një dënim më i butë nuk do të ishte proporcional me peshën e veprës dhe fajësinë e kryerësit.

Në këtë rast, Gjykata Supreme ka vlerësuar se nuk është plotësuar ky standard ligjor.

Duke u mbështetur në parimin e individualizimit dhe proporcionalitetit të dënimit, si dhe në praktikën e Gjykatës Evropiane për të Drejtat e Njeriut, Gjykata Supreme ka vlerësuar se dënimi me 30 vjet burgim është proporcional me peshën e veprës penale, shkallën e fajësisë dhe rrezikshmërinë e të pandehurit dhe se me këtë dënim mund të realizohet qëllimi i dënimit, si në aspektin e parandalimit individual ashtu edhe të atij të përgjithshëm.

Pse po e çmontojmë Gjykatën Penale Ndërkombëtare?
Read more

Shqipëria ka nisur zyrtarisht përgatitjet ligjore për adoptimin e monedhës euro.

A2Cnn raporton se projektligji i ri “Për Bankën e Shqipërisë”, i publikuar për konsultim, përfshin për herë të parë një kapitull të veçantë që përcakton mënyrën se si do të funksionojë banka qendrore shqiptare pas hyrjes së vendit në Eurozonë, transmeton Klankosova.tv.

Projektligji parashikon se, nga dita e prezantimit të euros si monedhë e Republikës së Shqipërisë, euro do të bëhet njësia monetare e vendit, ndërsa Banka e Shqipërisë do të jetë përgjegjëse për hedhjen në qarkullim dhe tërheqjen e kartëmonedhave dhe monedhave euro, në përputhje me rregullat e Bashkimit Evropian dhe të Bankës Qendrore Evropiane.

Njëkohësisht, institucioni do të përcaktojë edhe dizajnin e monedhave metalike euro që do të emetohen nga Shqipëria, sipas standardeve evropiane.

Ministrja serbe e Administratës Shtetërore dhe Vetëqeverisjes Lokale, Snezhana Paunoviq, deklaroi sot se deklarata e saj “mbi spastrimin etnik të Kosovës” u nxor jashtë kontekstit dhe i kërkoi falje presidentit Aleksandar Vuçiq, Qeverisë serbe dhe kryeministrit Gjuro Macut.

Paunoviq, duke u shfaqur në televizionin Informer, e përshkroi si dashakeqe faktin që “vetëm shtatë sekonda të të gjithë emisionit” u hoqën dhe se u shndërrua në një rast politik.

“Kjo është historia ime, jo një deklaratë. Është e pakëndshme të shpjegosh se kjo nuk është politika e presidentit apo e qeverisë”, tha ajo dhe falënderoi të gjithë ata që i qëndruan pranë gjatë dënimeve të shumta të deklaratës së saj, duke deklaruar se është shumë krenare për mbështetjen që mori nga Partia Socialiste e Serbisë (SPS), anëtare e së cilës është.

Megjithatë, siç deklaroi ajo, u zhgënjye më shumë nga deklarata e zyrtarit të SPS-së, Branko Ruzhiq, i cili deklaroi se ajo nuk kishte të drejtë të fliste për periudhën e viteve të 90-ta dhe politikat e SPS-së në atë kohë, sepse nuk ishte anëtare e saj.

Paunoviq tha se nuk ishte e befasuar nga reagimet e opozitës, duke vlerësuar se Lëvizja e Qytetarëve të Lirë, e cila ishte e para që reagoi, po përpiqej kështu të blinte “vendin e saj në diell”, ndërsa tha për Frontin e Gjelbër-të Majtë se e kishte përdorur atë për të arritur qëllimin e saj dhe se “e di se cila është detyra e tyre”.

Ajo gjithashtu kritikoi mediat që mbështetën “me gjithë zemër” dënimin e deklaratës së saj, duke deklaruar se njerëzit që ishin me të – qëndruan pas dinjitetit dhe imazhit të tyre.

Ndryshe ajo gjatë një paraqitje televizive kishte deklaruar se po të ishte në vendin e Sllobodan Millosheviqit gjatë luftë në Kosovë do të kryente pastrim etnik.

Ajo e vlerësoi vendimin e autoriteteve të Kosovës për ta shpallur atë person non grata si paradoksal, duke deklaruar se vendimi për “ndalim të përhershëm”.

Një aeroplan luftarak krejt i ri u ngrit nga një pistë në Bavari për herë të parë këtë javë, dhe turma e vogël që e shikonte të ngjitej në qiell kuptoi diçka që një person mesatar, duke parë një titull, mund të mos e kuptonte: ky fluturim i vetëm sapo i siguroi forcës ajrore të Gjermanisë edhe 20 deri në 30 vjet rëndësi në mbrojtjen evropiane, në një moment kur programi i zëvendësimit të gjeneratës së ardhshme të kontinentit po lëkundet keq.

Aeroplani është Eurofighter Typhoon i parë i ndërtuar sipas standardit të ri të Gjermanisë “Tranche 4”, i prodhuar sipas një përpjekjeje kombëtare prokurimi që Luftwaffe e quan Projekti Quadriga, dhe fluturimi i tij i parë këtë javë shënon momentin kur vite pune projektimi, testimi dhe grindjesh politike për paratë më në fund u shndërruan në një avion që fluturon me fuqinë e vet.

Airbus Defence and Space, kompania evropiane e hapësirës ajrore që monton Eurofighterët gjermanë në fabrikën e saj në Manching pranë Mynihut, konfirmoi këtë moment historik në një postim në mediat sociale, duke shtuar se dërgesat e para për Luftwaffe, forcën ajrore të Gjermanisë, mbeten në rrugën e duhur për më vonë këtë vit.

I konceptuar në vitet 1980 dhe duke fluturuar në mënyrë operative që nga viti 2003, Typhoon është një avion luftarak supersonik me dy motorë, i ndërtuar bashkërisht nga Gjermania, Mbretëria e Bashkuar, Italia dhe Spanja, dhe mbetet shtylla kurrizore e disa forcave ajrore evropiane edhe pse avionë të rinj të fshehtë kanë hyrë në shërbim diku tjetër.

Aeroplani fuqizohet nga dy motorë Eurojet EJ200, secili prej të cilëve prodhon afërsisht 90 kilonjutonë shtytje në modalitetin e djegies pasuese, duke i dhënë atij fuqi të mjaftueshme për të mbështetur fluturimin supersonik pa djegur vazhdimisht karburant në modalitetin e djegies pasuese, një tipar i rrallë i quajtur superkruise që pak aeroplanë luftarakë në botë mund ta krahasojnë.

Gjermania aktualisht fluturon me rreth 138 Eurofighter që përfshijnë tre standarde të mëparshme prodhimi, të quajtura Tranche 1 deri në Tranche 3, dhe më i vjetri prej tyre, aeroplanët reaktivë Tranche 1, kanë fluturuar që nga fillimi i viteve 2000 dhe mbajnë sensorë dhe armë shumë më të kufizuara sesa ato që do të sjellë aeroplani më i ri.

Aeroplani është i pajisur me një lloj të ri radari të quajtur një Radar Aktiv i Skanuar Elektronikisht, ose AESA, një teknologji që zëvendëson antenë e vjetër të radarit që rrotullohet mekanikisht me një panel të fiksuar të përbërë nga qindra transmetues të vegjël, secili prej të cilëve është në gjendje të drejtojë rrezen e radarit elektronikisht në mikrosekonda në vend që ta rrotullojë fizikisht një antenë.

Ky ndryshim i lejon aeroplanit të gjurmojë njëkohësisht shumë objektiva, të kalojë më shpejt midis skanimit të qiellit dhe skanimit të tokës dhe t’i rezistojë bllokimit të armikut shumë më efektivisht sesa mund të bënte ndonjëherë sensori origjinal i Eurofighter.

Versioni gjerman i këtij radari quhet ECRS Mk 1, i ndërtuar nga kompania gjermane e sensorëve Hensoldt, dhe avionët e parë do të mbërrijnë me atë që inxhinierët e quajnë një konfigurim Step 0, në thelb radari i mëparshëm standard i eksportit i pajisur me një antenë të përmirësuar, përpara se të vijë një version më i avancuar Step 1 duke filluar nga mesi i vitit 2027, sipas Aviation Week, i cili ka ndjekur nga afër orarin e testimit të programit.

Gjermania bëri porosinë e saj për 38 aeroplanë të tillë Tranche 4 në nëntor 2020, të ndarë në afërsisht 30 variante luftarakë me një vend dhe tetë variante stërvitore me dy vende, sipas Janes, dhe aeroplanët kanë për qëllim të zëvendësojnë drejtpërdrejt të njëjtin numër avionësh më të vjetër Tranche 1 të Luftwaffe në bazë të çmimit një për një.

Berlini nuk u ndal me kaq. Në fund të vitit të kaluar, Gjermania nënshkroi një kontratë të veçantë për 20 Eurofighter shtesë Tranche 5, duke e çuar totalin e porosive të reja të vendit në rreth 58 aeroplanë të planifikuar për dorëzim në vitet 2030, pjesë e një rritjeje më të gjerë të kërkesës për Eurofighter që ka parë gjithashtu Spanjën dhe Italinë të bëjnë porositë e tyre pasuese dhe Turqinë të nënshkruajë si një klient të ri eksporti.

Fillimisht, Gjermania kishte planifikuar që rëndësia e Eurofighter të zbehej pas afërsisht vitit 2040, pasi Sistemi i Ajrit të Luftimit të Ardhshëm, një program i përbashkët evropian me Francën dhe Spanjën për të ndërtuar një luftëtar të padukshëm të gjeneratës së ardhshme, pritej të merrte përsipër si avioni kryesor luftarak i Luftwaffe.

Ky program është përballur me mosmarrëveshje serioze financiare dhe politike në muajt e fundit, dhe me të ardhmen e tij vërtet të pasigurt, vendimi i Gjermanisë për të vazhduar investimet e mëdha në Eurofighters të përmirësuar duket më pak si një urë drejt diçkaje më të re dhe më shumë si një sigurim kundër mundësisë së shembjes së urës.

Zyrtarët kanë konfirmuar gjithashtu se avionët Tranche 4 përfundimisht do të mbajnë Taurus KEPD 350, një raketë me rreze të gjatë veprimi të aftë për të goditur objektiva nga shumë përtej rrezes së shumicës së sistemeve të mbrojtjes ajrore, duke i dhënë Typhoon-it të përmirësuar një aftësi goditjeje që shkon shumë më tej se aeroplanët që Gjermania ka fluturuar gjatë dy dekadave të fundit.

Deputetja e zgjedhur e Lidhjes Demokratike të Kosovës, Janina Ymeri, ka akuzuar kryeministrin në detyrë, Albin Kurti, se po e vonon me qëllim procesin e konstituimit të institucioneve, me synimin që vendi të shkojë në zgjedhje të reja në fund të vitit.

Përmes një postimi në rrjetet sociale, Ymeri ka deklaruar se Kurti i ka numrat për ta formuar Kuvendin dhe Qeverinë, por sipas saj, po zgjedh të mos e bëjë këtë për kalkulime politike.

Postimi:

Albin Kurti mundet sot me i formu me Kuvend me Qeveri por shtyerja këtyre e proceseve po bëhet ashtuqë zgjedhjet e reja, për çdo rast, të bëhen në Dhjetor.

Shoku Kryeministër, me e pa mërgatë, rënia e shokut Zylo po bëhet dhe s’ke mundësi me ndal.