Author: K.B.

Shkatërrimi i demokracisë, mungesa e zgjedhjeve të lira, frikësimi i qeverisë në zgjedhjet dhe rënia e pjesëmarrjes së shoqërisë civile u regjistruan edhe në Serbi në vitin 2025, sipas analizës së Institutit Suedez të Variantit të Demokracisë (V-DEM).

Kështu, për të dymbëdhjetën vit radhazi, Serbia mbeti midis vendeve që Instituti V-DEM nga Universiteti i Göteborgut i karakterizoi si autokraci zgjedhore – vende ku ka zgjedhje, por ato nuk janë as të lira dhe as të drejta.

Sipas Indeksit të Demokracisë Liberale (LDI), Serbia u rendit e 112-ta midis 179 vendeve të studiuara.

Në raportin V-DEM, ky indeks kombinon si një parametër qendror ekzistencën e institucioneve të demokracisë zgjedhore, kontrollet dhe balancat funksionale midis pushteteve ekzekutive dhe legjislative dhe gjyqësorit, si dhe një sundim të fortë të ligjit që garanton respektimin e lirive themelore.

Së bashku me Kamboxhian dhe Bregun e Fildishtë, Serbia renditet si një nga tre vendet ku treguesit e zgjedhjeve të lira dhe të ndershme kanë rënë, si dhe rënia e ndjeshme e autonomisë së organeve zgjedhore.

Gjithashtu, Serbia është në një grup prej 21 vendesh në të cilat u regjistrua një rritje e frikësimit zgjedhor nga autoritetet, sipas raportit të titulluar “Degradimi i Epokës Demokratike”.

“ Serbia ishte një demokraci zgjedhore kur filloi periudha e autokracisë së saj. Demokracia u shndërrua në një autokraci zgjedhore që në vitin 2014, kur Presidenti (dhe më parë Kryeministri) Aleksandar Vuçiç dhe Partia e tij Progresive Serbe (SNS) filluan të minonin gjithnjë e më shumë cilësinë e zgjedhjeve serbe, të cilat nuk konsiderohen më të lira apo të drejta”, thuhet në raportin e V-DEM.

Në këtë kontekst, Serbia, së bashku me Hungarinë, renditet si vendi që ka regjistruar rënien më të madhe në indeksin LDI që nga fillimi i erozionit të demokracisë dhe hyrjes në radhët e autokracive zgjedhore.

Në analizë, Serbia është gjithashtu në grupin e vendeve ku statusi i shoqërisë civile është përkeqësuar ndjeshëm.

Në Evropën Lindore, që përfshin edhe Ballkanin, vetëm 29 përqind e popullsisë jeton në demokraci, pesë përqind në demokraci liberale, si Republika Çeke dhe Shtetet Baltike, dhe 24 përqind në demokraci elektorale, si Bullgaria dhe Polonia.

Në demokracitë zgjedhore, ka zgjedhje të lira dhe të ndershme, por disa elementë themelorë të demokracisë, siç janë liria e shprehjes, e drejta për t’u tubuar dhe zgjedhjet plotësisht të lira, nuk janë zhvilluar mjaftueshëm.

Shumica dërrmuese e qytetarëve të Evropës Lindore jetojnë në autokraci zgjedhore, dhe kjo përfshin Serbinë, Hungarinë dhe Rusinë.

E vetmja autokraci e vërtetë e mbyllur në Evropën Lindore, ku nuk ka zgjedhje të vërteta shumëpartiake, është Bjellorusia, dhe Shqipëria, Bosnja dhe Hercegovina, Maqedonia e Veriut dhe Moldavia klasifikohen në zonën gri midis demokracisë zgjedhore dhe autokracisë zgjedhore.

Sipas Indeksit të Demokracisë Liberale, tre vende nordike – Danimarka, Suedia dhe Norvegjia – janë në krye të tabelës, të ndjekura nga Zvicra, Estonia dhe Irlanda.

Nikaragua, Afganistani, Mianmari, Koreja e Veriut dhe së fundmi Eritrea kanë indeksin më të ulët të demokracisë.

Sipas autorëve të raportit, viti 2025 ishte viti i dytë radhazi në të cilin kishte më shumë shtete autokratike (92) sesa shtete demokratike (87). Edhe më dramatik është fakti se 74 përqind e njerëzimit jeton në vende autokratike dhe 26 përqind në demokraci.

Midis pesë vendeve me popullsinë më të madhe, përkatësisht Indisë, Kinës, Indonezisë, Pakistanit dhe SHBA-së, vetëm SHBA-ja është demokraci.

Një aksident trafiku me pasojë fataliteti ka ndodhur të martën në rrugën “Azem Bejta” në Skenderaj.

Siç bën të ditur policia, në aksident u përfshinë një veturë dhe një këmbësor, dhe si pasojë në vendngjarje humbi jetën një person rreth 74-vjeçar.

Drejtuesi i automjetit është shoqëruar në Stacion Policor për procedura të mëtejshme.

Njësitet relevante policore, përfshirë hetuesit e aksidenteve të trafikut, kanë dalë në vendngjarje dhe po zhvillojnë hetime për të sqaruar shkaqet dhe rrethanat e aksidentit.

Presidenti amerikan, Donald Trump, ka bërë një deklaratë të fortë për presidentin francez, Emmanuel Macron.

Ai ka parashikuar largimin e shpejt të liderit francez nga posti i presidentit.

Trump nuk dha detaje të mëtejshme, por komentet e tij vijnë në një kohë kur Franca ka refuzuar ta ndihmojë SHBA-në në lirimin e Ngushticës së Hormuzit.

Macron, deklaroi se “Franca kurrë nuk do të marrë pjesë në operacione për hapjen ose sigurimin e Gjirit të Hormuzit në kontekstin aktual”.

Ai shtoi se vendi i tij është i gatshëm të angazhohet vetëm sapo situata të qetësohet dhe “thelbi i bombardimeve të ketë ndaluar”, duke përdorur një term të gjerë për të treguar se nuk ka një afat të qartë kohor.

Ndryshe, shumica e vendeve të NATO-s kanë refuzuar kërkesën e presidentit amerikan në luftën e Iranit.

Trump on Macron:

"He will be out of office very soon."pic.twitter.com/mU424wKeyj

— Visegrád 24 (@visegrad24) March 17, 2026

Media shtetërore iraniane ka raportuar se është vrarë shefi i sigurisë së vendit, Ali Larijani.

Izraeli njoftoi më herët sot se ai u vra në një sulm gjatë natës së kaluar, shkruan skynews.

Irani fillimisht dukej se e mohonte raportin, duke publikuar në rrjetet sociale një shënim të shkruar me dorë, për të cilin pretendonte se ishte shkruar nga Larijani, vetëm disa minuta më vonë.

Shënimi i bënte homazh marinarëve iranianë të vrarë në një sulm të një nëndetëseje amerikane ndaj anijes luftarake Dena më 4 mars.

Ky është konfirmimi i parë nga Irani për vdekjen e Larijanit, dhe vjen pasi gjithashtu konfirmoi vrasjen e komandantit të Basij-it, Gholamreza Soleimani.

Ndryshe, Larijani ka lundruar me mjeshtëri në politikën e Republikës Islamike – duke shërbyer në një sërë rolesh. Ai ishte komandant në IRGC gjatë luftës me Irakun në vitet të 80-ta përpara se të kalonte në role politike.

Shërbeu si kreu i transmetuesit shtetëror, kryenegociatori bërthamor i Iranit dhe kryetari i parlamentit të Iranit (për 12 vjet deri në vitin 2020) – dhe gjithnjë e më shumë kishte vëmendjen e Khameneit për çështjet e sigurisë pas emërimit të tij si këshilltar në vitin 2004.

Kryetari i Skenderajt, Sami Lushtaku, ka konfirmuar vdekjen e Pajtim Bajramit nga Klina e Poshtme, në vendin e tij të punës në Vjenë të Asutrisë, duke shtuar se edhe tre bashkëkombas të tjerë humbën jetën në këtë tragjedi .

Lushtaku ka shprehur ngushëllime duke thënë se “kjo humbje e rëndë na prek të gjithëve duke lënë pas një boshllëk të madh në familje, shoqëri dhe te të gjithë ata që e njohën”.

Postimi i tij i plotë:

Me dhimbje të thellë mora lajmin për ndarjen tragjike nga jeta të bashkëkombasit tonë, Pajtim Bajrami nga Klina e Poshtme, i cili humbi jetën në vendin e punës në Vjenë të Austrisë.

Kjo humbje e rëndë na prek të gjithëve duke lënë pas një boshllëk të madh në familje, shoqëri dhe te të gjithë ata që e njohën.

Ngushëllimet më të sinqerta i shpreh familjes Bajrami, si dhe familjeve të tre bashkëkombasve të tjerë që humbën jetën po në këtë tragjedi.

Ndajmë dhimbjen me ju në këto momente të rënda!

Ministria e Punëve të Jashtme dhe Tregtisë informon fluturimin e tretë nga Emiratet e Bashkuara Arabe, që njëkohësisht paraqet fluturimin e pestë të organizuar për evakuimin e shtetasve të Maqedonisë nga vendet e prekura në Lindjen e Mesme.

Sipas MPJ-së, aeroplani pritet të aterojë në orët e mbrëmjes në Aeroportin Ndërkombëtar të Shkupit.

Më herët, fluturimet janë realizuar edhe nga Sharm El-Sheikh dhe Rijadi, gjersa ky i fundit nga Dubai.

Deri në këtë moment janë paraqitur gjithsej 147 udhëtarë, prej të cilëve 119 janë shtetas të Maqedonisë, ndërsa 28 janë shtetas të huaj. Me realizimin e fluturimit të sotëm, numri i përgjithshëm i shtetasve të Maqedonisë të evakuuar do të arrijë në 605.

Ministria e Punëve të Jashtme dhe Tregtisë së Jashtme thekson se siguria e qytetarëve është prioriteti më i lartë, gjë që vërtetohet edhe me faktin se evakuimi i të gjithë shtetasve maqedonas që shprehën interes për t’u kthyer në vend është përfunduar plotësisht.

Nga Ministria e Jashtme nuk tregojnë nëse do të organizohen edhe fluturime të tjera në ditët në vijim, por shtojnë se numri emergjent SOS, si dhe kontaktet e përfaqësive diplomatiko-konsullore, mbeten ende në dispozicion të qytetarëve të Maqedonisë.

Inspektorati Policor i Kosovës ka arrestuar një zyrtar policor dhe ka rekomanduar suspendimin e katër të tjerëve, nën dyshimin se kanë kryer veprën penale “Përvetësimi në detyrë”.

Sipas dyshimeve fillestare zyrtarët policorë në këtë rast, pasi paraprakisht kishin sekuestruar mbi 100 paketa me cigare nga persona të dyshuar për kontrabandë brenda territorit të Republikës së Kosovës, dyshohet se i kanë përvetësuar 24 paketa me cigare, rreth 12,500 pako cigare në vlerë rreth 30.000 euro, kurse në Doganën e Kosovës i kanë dorëzuar vetëm 84 paketa me cigare të cilat janë dyshuar si të kontrabanduara.

“Pas veprimeve hetimore një zyrtar policor është arrestuar dhe me vendim të Prokurorisë Themelore në Mitrovicë i është caktuar masa e ndalimit për 48 orë kurse katër zyrtarët tjerë janë duke u hetuar në procedurë të rregullt. IPK në interes të hetimit dhe pasi që natyra e veprës penale që lidhet drejtpërdrejt me keqpërdorimin e detyrës zyrtare dhe integritetin e zyrtarit policor i ka rekomanduar Policisë së Kosovës suspendimin për të pesë zyrtarët policorë të përfshirë si të dyshuar në këtë rast”, theksohet në njoftim.

Zyrtarët në fjalë janë të angazhuar në Njësinë për Ndërhyrje të Shpejtë në kuadër të Departamenti Kufitar të Policisë së Kosovës.

Një rast i rëndë është regjistruar këtë të martë në Vjenë të Austrisë.

Sipas raportimeve të mediave austriake, katër persona kanë humbur jetën tragjikisht, si pasojë e një incidenti në vendin e punës.

Të njëjtit, sipas familjarëve ishin kosovarë.

“Me dhimbje të thellë morëm lajmin për humbjen e jetës së djalit të axhës, i cili tragjikisht humbi jetën në vendin e punës, në Vjenë të Austrisë, bashkë me 3 shokët e tij nga Kosova”, thuhet në njoftimin e familjarëve.

Rasti i rëndë dyshohet se ndodhi gjatë punimeve të betonit, ku thuhet se janë thyer skelet dhe disa punëtorë kanë rënë në oborrin e një ndërtese të vjetër.