ATV

Author: K.B.

  • Protesta e Partisë Demokratike, reagon Ambasada Gjermane: Dënojmë dhunën e papranueshme

    Protesta e Partisë Demokratike, reagon Ambasada Gjermane: Dënojmë dhunën e papranueshme

    Ambasada Gjermane reagoi pas protestës së djeshme të Partisë Demokratike.

    Me anë të një postimi në rrjetet sociale, Ambasada Gjermane “dënon dhunën e papranueshme”

    “Protestat politike dhe e drejta për të demonstruar janë të drejta themelore në çdo shoqëri demokratike. Por ato nuk mund të përligjin asnjëherë dhunën ndaj personave apo objekteve”, lexohet në postim.

    Postimi i plotë:

    Ambasada Gjermane dënon dhunën e papranueshme në kuadër të demonstratave të djeshme. Protestat politike dhe e drejta për të demonstruar janë të drejta themelore në çdo shoqëri demokratike. Por ato nuk mund të përligjin asnjëherë dhunën ndaj personave apo objekteve. Ne kërkojmë prej përfaqësuesve të partive politike përgjegjëse të distancohen në mënyrë të paekuivoke nga dhuna.

  • Instagram sjell ndalimin e Reels me një trokitje në ekran

    Instagram sjell ndalimin e Reels me një trokitje në ekran

    Aplikacioni social Instagram ka prezantuar një funksion të ri që e bën përdorimin e Reels më të thjeshtë dhe intuitiv.

    Me përditësimin e fundit për Android dhe iOS, përdoruesit nuk kanë më nevojë të mbajnë shtypur ekranin për të ndaluar një video. Tani mjafton një trokitje e shkurtër në ekran për të ndalur riprodhimin e një Reels.

    Më parë, një trokitje thjesht fiksonte tingullin, ndërsa tani një trokitje e vetme ndalon videon, duke i dhënë përdoruesit mundësinë të lexojë tekstin, të shohë më mirë detajet apo të bëjë screenshot pa u nisur videoja.

    Pas ndalimit me trokitje, shfaqet edhe një ikonë për fikjen e tingullit, që e bën më të lehtë menaxhimin e përmbajtjes.

    Ky funksion është pjesë e një përditësimi gradual që Instagram po shpërndan dhe synon të përmirësojë kontrollin e përdoruesit mbi formatin e shpejtë të videos.

  • Burrave iu duhet më shumë kohë për ta kaluar ndarjen!

    Burrave iu duhet më shumë kohë për ta kaluar ndarjen!

    Nëse je edhe ti ndonjë nga ata që mbyllen në shtëpi për të parë ndonjë film romantik dhe nuk pushon së qari, ku lidhja në film përfundon, mos mendo se je i vetmi. Edhe burrat qajnë dhe mbi të gjitha, kanë nevojë për më tepër kohë për ta kaluar një ndarje.

    Sipas një studimi antropologjik të bërë në Universitetin e Binghamtonit, femrat vuajnë më shumë pas një ndarjeje, por e marrin veten më shpejt se sa meshkujt.

    Ndërsa meshkujt, edhe pse e vazhdojnë jetën sikur asgjë të mos ketë ndodhur, e vrasin më shumë mendjen pas ndarjes dhe duan më shumë kohë ta marrin veten. Për ta është më e vështirë të rinisin një marrëdhënie tjetër.

  • Kanë mbetur më pak se 16 orë, ultimatumi i Trumpit për Iranin po skadon

    Kanë mbetur më pak se 16 orë, ultimatumi i Trumpit për Iranin po skadon

    Kanë mbetur më pak se 16 orë deri në skadimin e ultimatumit të presidentit amerikan, Donald Trump, ndaj Iranit për të rihapur Ngushticën e Hormuzit.

    Presidenti kërkoi që Teherani të rihapë korridorin e transportit detar në një postim në rrjetin e tij social, Truth Social, të shtunën në mbrëmje.

    Duke dhënë vetëm 48 orë për t’u bindur, ai e paralajmëroi Teheranin se përndryshe SHBA-të do të “godisnin dhe shkatërronin centralet e tij, duke filluar me më të madhin”.

    Nga ana e tij, Irani këmbëngul që rruga ujore të mbetet e hapur, por jo për anijet e lidhura me “armiqtë e Iranit”.

    Qeveria e Teheranit ka paralajmëruar gjithashtu se do të shënjestrojë infrastrukturën e naftës në rajon nëse sulmohen termocentralet e saj “dhe çmimi i naftës do të mbetet i lartë për një kohë të gjatë”.

    Ndryshe, Kreu i Agjencisë Ndërkombëtare të Energjisë thase të paktën 40 asete energjetike ishin dëmtuar “rëndë ose shumë rëndë” në Lindjen e Mesme për shkak të luftës në rajon.

    “Të paktën dyzet… asete energjetike në rajon janë dëmtuar rëndë ose shumë rëndë në nëntë vende”, deklaroi Fatih Birol.

    Birol theksoi gjithashtu se ekonomia globale përballet me një “kërcënim të madh, të madh” për shkak të luftës së Iranit.

  • Cilat ushqimet duhet t’i shmangni pas moshës 50-vjeçare?

    Cilat ushqimet duhet t’i shmangni pas moshës 50-vjeçare?

    Me hyrjen në të pesëdhjetat, trupi kalon shumë ndryshime, prandaj ushqimi bëhet edhe më i rëndësishëm për ruajtjen e shëndetit dhe energjisë. Zgjedhja e ushqimeve të duhura ndihmon në ruajtjen e shëndetit, ndërsa disa ushqime mund të rrisin rrezikun për probleme të ndryshme shëndetësore.

    Së pari, ushqimet e skuqura janë ndër ato që duhet të kufizohen. Këto ushqime mund të ndikojnë negativisht në shëndetin e zemrës, të rrisin yndyrnat në gjak dhe të kontribuojnë në procese inflamatore në trup. Në vend të tyre rekomandohet që ushqimi të përgatitet duke u zier, pjekur ose në avull, shkruan Daily Mail.

    Gjithashtu, pijet e ëmbëlsuara janë burim i madh i sheqerit të shtuar. Konsumimi i shpeshtë i tyre mund të çojë në shtim të peshës trupore, por edhe në rritjen e rrezikut për sëmundje kronike. Zgjedhje shumë më e mirë është uji, lëngjet natyrale pa sheqer të shtuar ose çajrat pa sheqer.

    Kripa e tepërt në ushqim është një tjetër problem i zakonshëm në ushqyerje. Edhe pse shumë njerëz mendojnë se burimi kryesor i kripës është ajo që ne i shtojmë ushqimit, në fakt ajo gjendet më së shumti në ushqimet e përpunuara si mishi i përpunuar dhe ushqimet e gatshme. Konsumimi i tepërt i kripës mund të çojë në tension të lartë të gjakut dhe komplikime të tjera shëndetësore.

    Buka e bardhë dhe karbohidratet e rafinuara gjithashtu nuk janë zgjedhja më e mirë. Ato rrisin shpejt nivelin e sheqerit në gjak dhe nuk japin ndjenjë ngopjeje për një kohë të gjatë. Prandaj, është më mirë të zgjidhen produktet integrale, të cilat përmbajnë më shumë fibra dhe ndihmojnë në ruajtjen e energjisë më të qëndrueshme gjatë ditës.

    Në fund, alkooli duhet të konsumohet me kujdes. Me kalimin e moshës, trupi e përpunon më ngadalë, prandaj efektet e tij mund të jenë më të forta dhe të zgjasin më shumë. Konsumimi i tepërt mund të ndikojë negativisht në shëndetin e përgjithshëm, përfshirë kockat dhe trurin.

  • Vaksina kundër lisë së ujit mund të zvogëlojë rrezikun e demencës

    Vaksina kundër lisë së ujit mund të zvogëlojë rrezikun e demencës

    Vaksina kundër Herpes Zoster (e njohur si “lija e ujit”) jo vetëm që mbron nga infeksioni, por mund të ulë edhe rrezikun e demencës, sulmit në tru dhe infarktit, ka shkruar The Guardian.

    “Kemi një vaksinë që funksionon shumë mire. Por ka një lodhje nga vaksinat te njerëzit kohët e fundit”, ka thënë doktori Andrew Wallach.

    Çka është herpes zoster?

    Ky është një infeksion viral që shkaktohet nga i njëjti virus që shkakton lija e ujit. Pasi kalon lijën e ujit, virusi mbetet në trup dhe mund të rikthehet më vonë si herpes zoster, zakonisht pas moshës 50 vjeçe.

    Simptomat kryesore janë: dhimbje (zakonisht e para që shfaqet), kruarje dhe ndjeshmëri në lëkurë, skuqje dhe flluska, shpesh në një anë të trupit.

    Në disa raste mund të ketë edhe temperaturë, lodhje dhe dhimbje koke.

    Rreth 1-4 për qind e rasteve kërkojnë shtrim në spital, sidomos te të moshuarit dhe personat me imunitet të dobët.

    Pse shfaqet?

    Virusi qëndron “i fjetur” në trup dhe mund të aktivizohet nga dobësimi i imunitetit, stresi dhe sëmundje si diabeti

    Po. Vaksina kundër herpes zoster, Shingrix, ndihmon dhe është mbi 90 për qind efektive te personat mbi 50 vjeç.

    Kjo vaksinë ul rrezikun për t’u sëmurë, e bën sëmundjen më të lehtë nëse ndodh dhe parandalon komplikime serioze.

    Një nga komplikimet më të zakonshme është dhimbja kronike e nervave, e njohur si Neuralgjia postherpetike.

    “Kjo dhimbje mund të zgjasë muaj apo edhe vite”, ka shpjeguar doktoresha Rosanne Leipzig.

    Efektet anësore

    Sipas Qendrës për Kontrollin dhe Parandalimin e Sëmundjeve, vaksina është e sigurt dhe pa efekte serioze.

    Megjithatë, mund të ketë afekte anësore si dhimbje dhe ënjtje në vendin e injeksionit, temperaturë të lehtë apo dhimbje muskujsh.

    Këto zakonisht kalojnë brenda pak ditësh.

    Vaksinën rekomandohet ta marrin të gjithë njerëzit mbi 50 vjeç (2 doza) dhe persona mbi 19 vjeç me imunitet të dobët.

    Vaksina nuk rekomandohet për persona që aktualisht janë të sëmurë me herpes zoster, gra shtatzëna dhe ata që kanë pasur reaksion alergjik ndaj vaksinës.

    Ani pse një në tre persona mund të preket nga kjo sëmundje, vetëm rreth 35 për qind e të rriturve mbi 60 vjeç në SHBA janë vaksinuar.

    Ekspertët theksojnë se, përveç mbrojtjes nga sëmundja, vaksina mund të ketë përfitime më të gjera për shëndetin e trurit dhe zemrës, ndaj ia vlen të merret në konsideratë.

    A mund ta ulë vaksina kundër lisë së ujit rrezikun e demencës?

    Studime të shumta sugjerojnë se vaksina kundër Herpes Zoster mund të lidhet me një rrezik më të ulët për Demenca.

    “Ka prova të forta për lidhjen mes vaksinës dhe rrezikut më të ulët të demencës”, ka thënë Emily Rayens nga Kaiser Permanente në California.

    Një studim i vitit 2026 zbuloi se personat e vaksinuar me Shingrix kishin 51 për qind më pak rrezik për demencë, ani pasi u morën parasysh faktorë si mënyra e jetesës dhe statusi ekonomik.

    Pse mund të ndodhë kjo?

    Sipas Dr Pascal Geldsetzer, ka dy shpjegime të mundshme:

    Virusi dhe truri
    Viruse si ai i herpes zoster mund të qëndrojnë në trup dhe të riaktivizohen, duke krijuar stres kronik për sistemin imunitar.
    “Kjo mund të ndikojë në proceset inflamatore që lidhen me sëmundje kronike, përfshirë demencën”, ka shpjeguar ai.

    Efekti më i gjerë i vaksinës
    Vaksina mund të forcojë sistemin imunitar në mënyrë më të gjerë, jo vetëm kundër virusit.

    Megjithatë, ekspertët theksojnë se duhen studime më të thelluara për të vërtetuar plotësisht këtë lidhje.

    “Mund të kemi një zgjidhje të lirë dhe të lehtë për t’u përdorur që ndihmon në parandalimin e demencës”, ka shtuar Geldsetzer.

    Përfitime të tjera të mundshme

    Disa studime sugjerojnë se vaksina mund të ulë edhe rrezikun për infarkt dhe sulm në tru

    Pse ia vlen vaksina?

    Edhe pa lidhjen me demencën, vaksina mbetet shumë e rëndësishme për të parandaluar komplikimet e herpes zoster, si dhimbja kronike e nervave.

    “Nëse ekziston mundësia që të mbrojë edhe nga demenca, pse jo?”, ka thënë doktori Andrew Wallach.

    Si trajtohet herpes zoster?

    Nëse sëmureni, trajtimi kryesor janë ilaçet antivirale, që funksionojnë më mirë nëse merren brenda 72 orëve nga shfaqja e skuqjes.

    Sipas Organizatës Botërore të Shëndetit, trajtimi i hershëm është shumë i rëndësishëm.

    Ndihmojnë gjithashtu edhe qetësuesit kundër dhimbjes, losione si kalamina dhe kompresa të ftohta.

  • Bashkim Ramosaj, distancohet nga “Lëvizja e Deçanit”: Nuk kane të bëjnë as me komb e as me fe, nuk kanë as din as iman

    Bashkim Ramosaj, distancohet nga “Lëvizja e Deçanit”: Nuk kane të bëjnë as me komb e as me fe, nuk kanë as din as iman

    Kryetari i Komunës së Deçanit, Bashkim Ramosaj, është distancuar nga “Lëvizja e Deçanit”.

    Në një video që është shpërndarë në rrjete sociale, Ramosaj në një iftar të organizuar në Deçan ka thënë se s’kanë të bëjnë as me komb as me fe kjo lëvizje.

    “Në çfarëdo variante në këtë qytetin tonë është quajt “Lëvizja e Deçanit”, të jeni të bindur që nuk kanë të bëjnë me Deçan këta njerëz, nuk kanë të bëjnë as me komb e as me fe, nuk kanë as din as iman”, ka deklaruar ai.

    “Këtë e them zëshëm sa herë që më jepet mundësia për shkak se, një pjesë të këtyre njerëzve i njoh nga e kaluara, kam jetu me ta, dhe s’ka si me qenë ndryshe”, ka deklaruar më tej ai.

  • 320 vende, mbi 1 mijë aplikantë në FSK

    320 vende, mbi 1 mijë aplikantë në FSK

    Kur kanë mbetur edhe pak ditë deri në mbylljen e konkursit për pranimin e 320 ushtarëve të rinj në Forca e Sigurisë së Kosovës, interesimi i të rinjve vazhdon të rritet ndjeshëm. Në qendrat kryesore të vendit, përfshirë kryeqytetin, ekipet mobile të Forca e Sigurisë së Kosovës janë vendosur në terren për të informuar dhe inkurajuar të rinjtë që t’i bashkohen ushtrisë.

    Në qendrat kryesore të vendit, përfshirë Prishtina, ekipet mobile të Forca e Sigurisë së Kosovës vazhdojnë të informojnë dhe inkurajojnë të rinjtë që t’i bashkohen ushtrisë.

    Nga Prishtina e në çdo qendër tjetër të vendit, prania e këtyre ekipeve mobile është sinjal i qartë se Forca e Sigurisë së Kosovës tashmë ka hapur dyert për të rinjtë dhe të rejat që duan të bëhen pjesë e një misioni më të madh se vetja.

    Kjo ndodh kur kanë mbetur më pak se 10 ditë deri në mbylljen e konkursit për ushtarë të rinj të Forca e Sigurisë së Kosovës. Interesimi, siç duket, është i madh. Brenda dy javësh, Ministria e

    “Është shumë entuziazmuese fakti që kemi një numër të lartë të aplikantëve. Deri më tani kemi mbi 1100 të rinj dhe të reja që duan t’i bashkohen FSK-së dhe, sigurisht, deri në mbylljen e konkursit presim që raporti të jetë 6 me 1, pra gjashtë persona për një vend në FSK”, tha Liridona Gashi, shefe e kabinetit, Ministria e Mbrojtjes.

    Të interesuarit vazhdojnë të kenë kohë për të aplikuar, ndërkohë që zyrtarët e dikasterit të mbrojtjes thonë se interesimi është në rritje.

    “Ka pasur rritje të interesimit, jo vetëm për shkak të rrethanave gjeopolitike dhe zhvillimeve në botë, por edhe për shkak të përmirësimit të mirëqenies së ushtarëve gjatë viteve. Gjithashtu, ushtarakët tanë kanë mundësi të shumta për shkollim jashtë vendit”, theksoi për RTK, Liridona Gashi, shefe e kabinetit, Ministria e Mbrojtjes.

    Konkursi për rekrutimin e 320 ushtarëve të rinj në Forca e Sigurisë së Kosovës do të jetë i hapur deri më 27 mars. Të drejtë aplikimi kanë të gjithë shtetasit e Republikës së Kosovës, nga mosha 18 deri në 25 vjeç, të cilët kanë përfunduar shkollimin e mesëm.

  • Shqiptari në Norvegji arrin një sukses të madh, Ari Bajgora fiton çmimin e madh në Spellemannprisen

    Shqiptari në Norvegji arrin një sukses të madh, Ari Bajgora fiton çmimin e madh në Spellemannprisen

    Artisti i ri shqiptar në Norvegji, Ari Bajgora, ka arritur një sukses të madh duke fituar çmimin “Kënga e Vitit” në ceremoninë prestigjioze Spellemannprisen, për këngën “Falle og slå seg”.

    Lajmi është pritur me entuziazëm nga publiku dhe figura të njohura, ndërsa urimet nuk kanë munguar në rrjetet sociale.

    Mes tyre, edhe reagimi i Sylo Taraku, i cili e vlerësoi rrugëtimin e artistit duke e cilësuar si një nga artistët më premtues të momentit.

    Fitorja e Bajgorës shënon një moment të rëndësishëm në karrierën e tij, duke e vendosur atë në qendër të vëmendjes së industrisë muzikore norvegjeze.

    Me talentin dhe përkushtimin e tij, ai po dëshmon se suksesi ndërkombëtar është i arritshëm për artistët e rinj shqiptarë.

  • Sytë e skuqur pas zgjimit: Kur është normale dhe kur duhet shqetësuar

    Sytë e skuqur pas zgjimit: Kur është normale dhe kur duhet shqetësuar

    Skuqja mund të jetë e padëmshme, por në disa raste lidhet me sëmundje që kërkojnë trajtim të menjëhershëm

    Zgjimi me sy të skuqur është një dukuri e shpeshtë që mund të shkaktojë shqetësim menjëherë pas ngritjes. Shpesh skuqja kalon vetë gjatë ditës, por nëse shfaqet me dhimbje, sekrecion apo simptoma të tjera, duhet të konsultoheni me mjekun.

    Shumë faktorë, nga ndikimet e jashtme në dhomën e gjumit deri te sëmundjet sistemike të fshehura, mund të ndikojnë në ndryshimin e ngjyrës së të bardhës së syrit gjatë natës. Është e rëndësishme të dalloni irritimin e zakonshëm nga simptomat që mund të tregojnë probleme më serioze shëndetësore.

    Simptomat më serioze mund të çojnë në humbje të përhershme të shikimit, prandaj është më mirë të konsultoheni me një specialist të syve sa herë që keni problem, thotë optometristi Ves Imler.

    Simptomat serioze janë:

    ▪ Skuqje që nuk kalon me pika për sy ose brenda disa ditësh
    ▪ Dhimbje në sy që është e fortë ose zgjat gjatë gjithë ditës, apo disa ditë
    ▪ Sekrecion
    ▪ Ndjeshmëri ndaj dritës
    ▪ Ndryshime në shikim, si turbullim ose humbje e shikimit
    ▪ Simptoma të tjera, si temperaturë, dhimbje koke, të përziera apo të vjella

    Dr. Imler shpjegon se çfarë mund të shkaktojë këto dhe simptoma të tjera.

    Shkaqet e zgjimit me sy të skuqur
    Alergjitë

    Shfaqja e kruarjes, ënjtjes dhe skuqjes së syve, ndonjëherë e shoqëruar me sekrecion të bardhë e fijor, zakonisht tregon praninë e alergjive. Këto simptoma vijnë nga reagimi i sistemit imunitar ndaj alergjenëve si:

    ▪ Merimangat e pluhurit
    ▪ Qimet e kafshëve shtëpiake
    ▪ Ambrozia
    ▪ Poleni
    ▪ Myku

    Kam pasur shumë pacientë që ankoheshin për sy të skuqur dhe alergji në mëngjes, dhe më thoshin se kafshët e tyre kishin fjetur në shtrat apo në jastëk. Kur sytë bien në kontakt me alergjenë dhe nuk lani fytyrën para gjumit, rritet rreziku i një reagimi inflamator, shpjegon dr. Imler.

    Mungesa e gjumit

    Mungesa e gjumit mund të ulë prodhimin e lotëve dhe të rrisë qarkullimin e gjakut në sy, duke shkaktuar tharje dhe skuqje.

    Skuqja nga mungesa e gjumit zakonisht largohet me pushim dhe pika hidratuese për sy. Përmirësimi ndodh brenda disa orësh ose një dite.

    Lodhja e syve dhe sindroma e përdorimit të kompjuterit

    Sa më shumë të shikoni ekranet, aq më pak pulsoni sytë. Pulitja ndihmon në mbajtjen e lagështisë dhe mbrojtjes së syrit. Kur kjo mungon, sytë bëhen më të thatë dhe më të skuqur.

    Sa më shumë kohë kaloni para pajisjeve, aq më të theksuara janë simptomat. Problemet si syri i thatë nuk zhduken menjëherë dhe mund të zgjasin edhe ditën tjetër, thotë dr. Imler.

    Apnea e gjumit dhe aparatet CPAP

    Aparatet CPAP përdoren për trajtimin e apnesë së gjumit. Maskat vendosen mbi hundë ose gojë për të ndihmuar frymëmarrjen gjatë natës.

    Nëse maska nuk qëndron mirë, ajri mund të depërtojë drejt syve, duke i tharë dhe duke i bërë të duken të skuqur në mëngjes.

    Uveiti

    Uveiti është inflamacion i shtresës së mesme të syrit dhe shoqërohet me:

    ▪ Turbullim ose ulje të shikimit
    ▪ Ndjeshmëri ndaj dritës
    ▪ Skuqje të syve
    ▪ Dhimbje dhe irritim

    Uveiti është gjendje serioze, pasi mund të çojë në dëmtime të përhershme nëse nuk trajtohet.

    Sindroma e kapakëve të lirshëm

    Kjo gjendje, më e shpeshtë te meshkujt dhe personat me mbipeshë, ndikohet nga pozicioni i gjumit. Nëse flini me fytyrë në jastëk, kapakët mund të fërkohen gjatë natës.

    Nëse kapakët janë më elastikë dhe irritohen gjatë gjumit, mund të zgjoheni me sy të skuqur dhe të ënjtur, thotë dr. Imler.

    Entropioni

    Me kalimin e moshës, kapaku mund të kthehet nga brenda, duke bërë që qerpikët të fërkohen me syrin. Kjo shkakton siklet, kruarje dhe lotim.

    Hemorragjia subkonjunktivale

    Kjo ndodh kur një enë gjaku çahet në pjesën e bardhë të syrit. Zakonisht nuk është e dhimbshme dhe kalon vetë.

    Mund të zgjoheni me një pjesë ose gjithë syrin të skuqur. Shpesh ndodh gjatë kollitjes, teshtitjes apo lodhjes fizike.

    Glaukoma akute me kënd të mbyllur

    Kjo gjendje shkakton skuqje, ënjtje dhe dhimbje të fortë, për shkak të rritjes së presionit në sy.

    Presioni i lartë mund të çojë shpejt në humbje të shikimit dhe shoqërohet me dhimbje koke, të përziera dhe të vjella.

    Artriti reumatoid

    Kjo sëmundje autoimune mund të prekë edhe sytë, duke shkaktuar inflamacion.

    Shumë sëmundje të trupit ndikojnë edhe në sy. Inflamacioni në organizëm mund të shkaktojë skuqje kronike, dhimbje dhe ndjeshmëri ndaj dritës, përfundon dr. Imler.