Lidhja Demokratike e Kosovës ka njoftuar se do të mbajë konferencë për media gjatë ditës së sotme.
Në njoftimin e LDK-së thuhet se do folës do të jetë Visar Azemi dhe se do të trajtohet çështja e njehsorëve elektrikë.
Konferenca do të mbahet nga ora 17:00
Komuna e Junikut ka pranuar një autoambulancë të re për Qendrën Kryesore të Mjekësisë Familjare, në funksion të përmirësimit të shërbimeve shëndetësore për qytetarët.
Lajmi është bërë i ditur nga kryetari i Junikut, Ruzhdi Shehu, i cili përmes një postimi në Facebook ka theksuar rëndësinë e këtij donacioni për sektorin e shëndetësisë në komunë.
“Komuna e Junikut ka pranuar donacion një autoambulancë të re për QKMF-në, si rezultat i angazhimit tonë të vazhdueshëm për të rritur cilësinë e shërbimeve shëndetësore”, ka shkruar Shehu.
Ai ka theksuar se kjo arritje është rezultat i bashkëpunimit institucional, veçanërisht me Ministrinë e Shëndetësisë, duke synuar rritjen e efikasitetit në ofrimin e shërbimeve emergjente.
“Përmes kësaj pune të palodhshme dhe bashkëpunimit me Ministrinë e Shëndetësisë, po sigurojmë që shërbimi i urgjencës të jetë sa më i shpejtë dhe efikas për çdo banor të komunës sonë”, ka deklaruar ai.
Shehu ka theksuar se institucionet lokale do të vazhdojnë angazhimin për përmirësimin e kushteve në shëndetësi.
“Vazhdojmë me punë e përkushtim!”, ka përfunduar ai.
Drejtoria për Shëndetësi në Komunën e Mitrovicës ka njoftuar se nga 7 prilli do të nisë aplikimi për subvencione për përballimin e shpenzimeve shëndetësore, proces i cili do të zgjasë deri më 6 maj 2026.
Sipas njoftimit zyrtar, kërkesat do të shqyrtohen në përputhje me Rregulloren Komunale nr. 08/2023, e cila përcakton kushtet, kriteret dhe procedurat për ndarjen e subvencioneve.
Subvencionet do të ndahen për raste të ndryshme, përfshirë pacientët me probleme të rënda shëndetësore, fëmijët me probleme shëndetësore dhe çrregullime të ndryshme, si dhe personat me sëmundje kronike që jetojnë në kushte të vështira ekonomike.
Autoritetet komunale bëjnë të ditur se përparësi do t’u jepet rasteve specifike, si pacientët e sapodiagnostifikuar me sëmundje malinje, rastet me kosto të lartë trajtimi, familjet me gjendje të rënduar ekonomike, si dhe trajtimet që kryhen në institucione private brenda dhe jashtë vendit, kur mungojnë mundësitë e trajtimit në sektorin publik.
Për të përfituar nga këto subvencione, aplikuesit duhet të dorëzojnë dokumentacionin përkatës, përfshirë kërkesën, dokument identifikimi, dëshmi për gjendjen shëndetësore nga mjeku specialist, dëshmi për koston e trajtimit dhe gjendjen ekonomike, konfirmim bankar si dhe dokumente që vërtetojnë lidhjen familjare.
Nga Drejtoria për Shëndetësi theksojnë se kërkesat e pakompletuara apo ato me mungesë dokumentacioni nuk do të shqyrtohen.
Në një incident që duket pothuajse si një skenë nga një komedi Bollywood-i, stafi i një bari në Malaga të Spanjës, aksidentalisht parandaloi një grabitje të armatosur pasi ngatërroi një kriminel të vërtetë me një klient të njohur që po bënte një shaka.
Ngjarja ndodhi në La Barraca de la Abuela, një bar, kur një burrë hyri duke mbajtur një hanxhar dhe kërkoi para nga stafi në detyrë.
Larg panikut, kamerierët shpërthyen në të qeshura. Një punonjës madje rrëmbeu armën dhe vërejti rastësisht se dukej si një lodër, në të njëjtën mënyrë siç mund të reagonte dikush ndaj shakasë së keqmenduar të një miku.
Sipas lajmit, hajduti i shprehte vazhdimisht kërkesat e tij, duke u bërë gjithnjë e më i frustruar. Megjithatë, stafi mbeti plotësisht i pabindur se po ndodhte diçka serioze.
Një punonjës pyeti me gëzim nëse duhej thjesht të telefononin policinë, një përgjigje që qartësisht e shqetësoi grabitësin e mundshëm.
Aleanca Kosovare e Bizneseve e ka konsideruar diskriminues dhe të padrejtë vendimin e Qeverisë së Kosovës për ndarjen e pagës së 13-të vetëm për sektorin publik.
Sipas AKB-së, një vendim i tillë krijon ndarje në shoqëri, duke favorizuar një kategori në kurriz të tjetrës, ndonëse të gjithë qytetarët dhe bizneset kontribuojnë në buxhetin e shtetit.
AKB ka theksuar se sektori privat është bartësi kryesor i zhvillimit ekonomik, duke punësuar shumicën e qytetarëve dhe duke siguruar të hyrat kryesore për shtetin, ndërsa, sipas saj, po injorohet në mënyrë të pajustifikueshme.
Në reagim, AKB vlerëson se paga e 13-të për sektorin publik nuk përbën meritë, por një shpërblim selektiv dhe politik, që cenon parimet e barazisë dhe konkurrencës së ndershme.
Aleanca kërkon nga qeveria të ndalë këtë qasje ndaj sektorit privat, të subvencionojë edhe punëtorët e këtij sektori dhe kategoritë sociale, si dhe të garantojë barazi për të gjithë kontribuuesit.
Në të kundërtën, sipas AKB-së, vendime të tilla do të dëmtojnë klimën e biznesit dhe besimin në institucionet shtetërore, deklaroi kryetari i AKB-së, Agim Shahini.
Prokuroria Publike Evropiane i ka kërkuar Greqisë që të heqë imunitetin për 11 deputetë për një mashtrim multimilionësh me subvencionet bujqësore, duke shtuar presionin mbi kryeministrin vendas Kyriakos Mitsotakis.
Prokurorët evropianë kërkuan të mërkurën që Greqia t’u heqë imunitetin parlamentar 11 ligjvënësve të dyshuar për përfshirje në një mashtrim që përvetësoi miliona euro nga subvencionet bujqësore të BE-së për vite me radhë.
Skandali ka tronditur Greqinë që kur Zyra e Prokurorit Publik Europian (EPPO) zbuloi mashtrimin në muajin maj, duke shkaktuar protesta të gjera nga fermerët pasi kjo çoi në vonesa në pagesën e ndihmës bujqësore.
Rasti ka ushtruar presion të madh mbi kryeministrin konservator të Greqisë, Kyriakos Mitsotakis, veçanërisht duke pasur parasysh ndikimin politik dekadash të familjes së tij në Kretë, ku shkuan shumica e subvencioneve të dyshuara si mashtruese.
“Kryeprokurori Europian i kërkoi Parlamentit Helenik heqjen e imunitetit të 11 anëtarëve aktivë të Parlamentit në një hetim mbi një skemë të dyshuar mashtrimi të organizuar që përfshin fondet bujqësore”, tha EPPO në një deklaratë.
Policia në Greqi bëri dhjetëra arrestime në lidhje me skandalin vitin e kaluar. Sipas autoriteteve greke, rrjeti mashtroi të paktën 23 milionë euro (27 milionë dollarë) që kur filloi të vepronte rreth vitit 2018.
Të dyshuarit akuzohen për kërkesa subvencionesh për tokë që nuk e zotëronin dhe për ekzagjerim të numrit të kafshëve në ferma. Disa njerëz që merrnin pagesa nuk kishin lidhje me bujqësinë.
Emiratet e Bashkuara Arabe po përgatiten të mbështesin përpjekjet e udhëhequra nga SHBA-të për të rihapur me forcë Ngushticën e Hormuzit, sipas një raporti të Wall Street Journal të martën.
Duke cituar zyrtarë arabë, gazeta Journal raportoi se Emiratet e Bashkuara Arabe po lobojnë për një rezolutë të Këshillit të Sigurimit të OKB-së që do të autorizonte veprime ushtarake dhe po i bën thirrje SHBA-së dhe fuqive ushtarake në Evropë dhe Azi të formojnë një koalicion për të siguruar rrugën ujore strategjike.
Shteti i Gjirit po shqyrton gjithashtu rolet e mundshme ushtarake, duke përfshirë operacionet e pastrimit të minave, ndërsa po shqyrton mundësinë e bërjes pjesëmarrëse e drejtpërdrejtë në konflikt për herë të parë, thuhet në raport.
Në një deklaratë të cituar nga Wall Street Journal, Ministria e Jashtme e Emirateve të Bashkuara Arabe tha se ekziston “konsensus i gjerë global se liria e lundrimit në Ngushticën e Hormuzit duhet të ruhet”, duke treguar dënimin ndërkombëtar të ndërprerjeve në rrugët ujore.
Lufta SHBA-Izrael me Iranin dhe tensionet në rritje në Ngushticën e Hormuzit kanë ndërprerë rrjedhat rajonale të energjisë, duke kontribuar në shqetësimet për furnizimin dhe presionin në rritje mbi çmimet globale.
Më 2 mars, Irani njoftoi kufizime në lundrim në rrugën ujore strategjike, duke paralajmëruar se mund të shënjestrojë anijet që kalojnë tranzit pa koordinim.
Rreth 20% e furnizimit global me naftë kalon nëpër ngushticë çdo ditë dhe pasiguria në rritje ka rritur çmimet e naftës, si dhe kostot e transportit dhe të sigurimit.
Presidentja Vjosa Osmani, ka bërë homazhe në 27 vjetorin e Masakrës së Lybeniqit.
Gjatë deklarimit për media, Osmani u shpreh se aty u vranë edhe foshnjet 18 muajshe.
“Këtu u vranë e u masakruan edhe gratë shtatzëna, këtu u vranë edhe foshnjet në barkun e nënës e këtu u vranë edhe të moshuarit që nuk mund të lëviznin. Këtu u shpërfaq në mënyrë më mizore qëllimi i regjimit gjenocidal serb. Qëllimi ishte që ta shfaroste popullin shqiptar nga faqja e dheut”, deklaroi ajo.
“Këtë qëllim nuk e arriti kurrë sepse populli shqiptar u ringrit, familjet në Lybeniq u ringritën,
“Duhet të na bashkojë zërat mendjet dhe zemrat gjithsecilit shqiptar në mënyrë që jo vetëm në Kosovë, por kudo në botë ta ngrisim zërin për të kërkuar drejtësi dhe për të shpërfaqur krimet e llahtarshme serbe kundër popullit shqiptar”, tha Osmani.
Më 1 prill 1999-të në Lybeniq të Pejës, nga grupi famëkeq serb “Çakejt” u vranë 80 civilë shqiptarë.
Sot shënohet 27-vjetori i Masakrës së Lybeniqit në Pejë, një nga ngjarjet më tragjike të luftës në Kosovë.
I pari i Aleancës për Ardhmërinë e Kosovës, Ramush Haradinaj ka bërë homazhe afër pllakës përkujtimore në shtëpinë e Ahmet Ukshinaj.
Haradinaj në një postim në rrjetet sociale ka shkruar se asnjëherë nuk do t’i harrojmë njerëzit të cilët kanë rënë për liri.
Postimi i plotë:
Lybeniqi u masakrua më 25 maj 1998, ndërsa java e parë e prillit 1999 ishte kobshme për këtë fshat dhe zonën përreth. Shteti serb ekzekutoi mbi njëqind shqiptarë të paarmatosur nga Lybeniqi, Buçani, Rashiqi, Loxha, Kosuriqi dhe Prilepi. Sot ndamë dhimbjen me familjarët, si dhe zbuluam pllakën përkujtimore në shtëpinë e Ahmet Ukshinaj, të cilit pata nderin t’i ndaj dekoratën “Me Besim në Zot, Atdhe e Shtet” për angazhimin në çështjen kombëtare. Në vitet 90-ta kulla e tij ka qenë një prej bazave më të sigurta dhe më të rëndësishme të UÇK-së, çerdhe e shumë luftëtarëve të orëve të para.
Me përulje kujtojmë edhe martirizimin e dhjetëra vëllezërve e motrave tona në Gjakovë, familjen e Januz Canës që u shua pa pasardhës, si dhe të rënët në shtëpinë e familjes Vejsa dhe në pjesë të tjera të qytetit.
Asnjëherë nuk do t’i harrojmë njerëzit tanë, që me jetët e tyre u bënë mburojë e kësaj toke.
Sot e për mot, përulemi me respekt para sakrificës së të rënëve për liri
KEDS, ka njoftuar se situata aktuale me energjinë elektrike në zonën Ferizaj–Bibaj është pasojë e mungesës së kapaciteteve nga KOSTT.
Në njoftim shtohet se transformatori T3 në TS Bibaj (40 MVA) është jashtë funksionit që nga 13.03, gjë e cila ka shkaktuar mungesë energjie në zonë.
Tutje shtohet se, për të zbutur situatën, KEDS ka ndërmarrë disa masa: Përdorim të lidhjeve alternative për furnizim të konsumatorëve; Vendosje të dy transformatorëve shpërndarës (8 MVA secili); Forcim të fijeve të kabllove për rritje të përkohshme të kapacitetit.
Postimi:
NJOFTIM 📢
Duke kërkuar mirëkuptimin tuaj, ju njoftojmë se situata aktuale me energjinë elektrike në zonën Ferizaj–Bibaj është pasojë e mungesës së kapaciteteve nga KOSTT. Transformatori T3 në TS Bibaj (40 MVA) është jashtë funksionit që nga 13.03.2026, duke shkaktuar mungesë energjie në zonë.
Për të zbutur situatën, KEDS ka ndërmarrë disa masa:
• Përdorim të lidhjeve alternative për furnizim të konsumatorëve.
• Vendosje të dy transformatorëve shpërndarës (8 MVA secili).
• Forcim të fijeve të kabllove për rritje të përkohshme të kapacitetit.
Megjithatë, për shkak të mungesës së energjisë nga KOSTT, këto masa nuk janë të mjaftueshme për të përballuar ngarkesën e krijuar. Në orët e pikut (17:00–00:00) mund të ndodhin kufizime të furnizimit deri në 8 MW në disa zona, sidomos në NS Bibaj dhe NS Kastrioti.
KEDS ka kërkuar nga KOSTT ndërmarrjen e të hapave konkretë për zëvendësimin e kapacitetit të humbur transmetues prej 40 MVA, pasi në të kundërtën situata vetëm e përkeqësuar e furnizimit me energji elektrike mund të përkeqësohet edhe më tej.