Author: K.B.

Lideri i AAK-së, Ramush Haradinaj ka kujtuar dëshmorët e komunës së Istogut.

Përmes një postimi në Facebook, Haradinaj tha se Istogu duhet të ndihet krenar me bijtë e tyre që në luftën e fundit treguan heroizëm ndaj atdheut.

Postimi i plotë:

Istogu duhet të ndihet krenar me bijtë e vetë të cilët në luftën e fundit për liri treguan heroizëm të vërtetë se si duhet atdheu.

Në këtë ditë të dëshmorëve të kësaj komune, të cilët ranë nën emblemën e brigadës 133 “Adrian Krasniqi”, kujtojmë veprën heroike të tyre, ndër ta mësuesin Mustafë Blakaj, Abedin Dervishaj, Bujar Visoqi, Ismet Bicaj, Izet Shatri, Muharrem Vuthaj, Nezir Mujaj, Shaqir Tahiraj, Skënder Maraj, Xhafer Mehmetaj, Smajl Fetahaj, Xhafer Haskaj, Sylë Çeta, Qazim Hakaj, Nexhmedin Hakaj, Sami Gashi dhe Njomëza Lipaj, që ranë në Prillin e 1999 dhe vazhdon me dëshmorë tjerë deri në përfundim të luftës.

Lavdi të rënëve!

Enver Hoxhaj, deputet i PDK-së, ka folur në lidhje me zhvillimet e fundit politike.

Në një paraqitje në Kanal 10, Hoxhaj ka vlerësuar se Albin Kurti, kryeministër i Kosovës, nuk dëshiron të qeveris me vendin.

“Kurti nuk do as me drejtu vendin, që i takon me mandat kushtetues, as nuk po dëshiron me qeverisë” – tha Hoxhaj.

ShBA-ja dhe Irani nuk arritën të arrinin një marrëveshje për t’i dhënë fund luftës së tyre pavarësisht bisedimeve maratonë që përfunduan të dielën në kryeqytetin pakistanez Islamabad, duke rrezikuar një armëpushim të brishtë.

Secila palë fajësoi tjetrën për dështimin e negociatave 21-orëshe për t’i dhënë fund luftimeve që kanë vrarë mijëra njerëz dhe kanë rritur çmimet globale të naftës që kur filluan më shumë se gjashtë javë më parë.

“Lajmi i keq është se nuk kemi arritur një marrëveshje dhe mendoj se ky është një lajm i keq për Iranin shumë më tepër sesa për Shtetet e Bashkuara të Amerikës”, u tha gazetarëve zëvendëspresidenti JD Vance, kreu i delegacionit amerikan, pak para se të largohej nga Islamabadi.

“Pra, ne kthehemi në Shtetet e Bashkuara pasi nuk kemi arritur një marrëveshje. Ne i kemi bërë shumë të qarta vijat tona të kuqe”.

Delegacionet amerikane dhe iraniane janë larguar nga Islamabadi për t’u kthyer në shtëpi, thanë burime pakistaneze për Reuters.

Vance tha se Irani kishte zgjedhur të mos pranonte kushtet amerikane, duke përfshirë mosndërtimin e armëve bërthamore, transmeton Klankosova.tv.

“Ne duhet të shohim një angazhim pozitiv se ata nuk do të kërkojnë një armë bërthamore dhe nuk do të kërkojnë mjetet që do t’i mundësonin atyre të arrinin shpejt një armë bërthamore. Ky është qëllimi kryesor i presidentit të Shteteve të Bashkuara dhe këtë është ajo që ne jemi përpjekur të arrijmë përmes këtyre negociatave”.

Bisedimet në Islamabad, pas një armëpushimi në fillim të javës, ishin takimi i parë i drejtpërdrejtë ShBA-Iran në më shumë se një dekadë dhe diskutimet e nivelit më të lartë që nga Revolucioni Islamik i vitit 1979.

Agjencia gjysmëzyrtare e lajmeve Tasnim e Iranit tha se kërkesat “e tepërta” të SHBA-së kishin penguar arritjen e një marrëveshjeje.

Ambasada e SHBA-së në Kosovë ka uruar Pashkët Ortodokse për të gjithë qytetarët e Kosovës.

Përmes një postimi në Facebook, Ambasada e SHBA u uroi kremtim të lumtur dhe të begatë.

“Gëzuar Pashkët Ortodokse të gjithë atyre që festojnë në Kosovë”.

Të paktën 3,375 persona janë vrarë në Iran që kur SHBA-ja dhe Izraeli nisën sulmet ndaj vendit, sipas medias shtetërore Islamic Republic of Iran Broadcasting (IRIB).

Viktimat janë identifikuar nga Organizata e Mjekësisë Ligjore e Iranit, njofton IRIB, duke cituar kreun e këtij institucioni, Abbas Masjedi.

Sipas tij, të paktën 2,875 nga të vrarët janë burra dhe 496 janë gra.

Muajin e kaluar, ministri i Jashtëm i Iranit deklaroi se “qindra civilë iranianë”, përfshirë mbi 200 fëmijë, janë vrarë që nga fillimi i konfliktit.

Organizata e Veteranëve të Luftës së UÇK-së kanë kujtuar të rënët e komunës së Istogut në Ditën e Dëshmorëve të këtij qyteti.

“Në Ditën e Dëshmorëve të Komunës së Istogut, OVL UÇK me respekt dhe përulje nderon jetën dhe veprën e heronjve të kësaj komune, të cilët ranë nën emblemën e Brigadës 133 “Adrian Krasniqi”, duke dhënë gjithçka për lirinë e vendit”, kanë kujtuar OVL – UÇK.

Ata kanë theksuar se dëshmorët e rënë gjatë luftës mbeten udhërrëfyes për brezat që vijnë.

“Sakrifica e tyre është gurthemeli i shtetit tonë dhe dëshmi e përjetshme e qëndresës dhe vendosmërisë për liri”, vazhdon njoftimi.

Një rrahje e shoqëruar me të shtëna me armë zjarri ka ndodhur mbrëmjen e së shtunës në rrugën “Vëllezërit Gërvalla” në Ferizaj.

Policia bën të ditur se përveç përleshjes fizike ndërmjet dy personave, ka pasur edhe të shtëna me armë zjarri. Një person ka pësuar lëndime trupore si pasojë e përleshjes, jo nga arma e zjarrit.

Në vendin e ngjarjes është gjetur dhe sekuestruar një armë zjarri si dhe tri gëzhoja.

Siç raportohet i përfshirë në këtë përleshje është reperi Betim Januzi, i njohur Buta.

I njëjti është arrestuar rreth orës 22:05.

“Ju njoftojmë se rreth orës 22:05, kemi pranuar informacion për lokacionin e të dyshuarit B.J., i cili ka njoftuar se do të dorëzohet.

Menjëherë është angazhuar njësiti policor, i cili në rrugën “Halim Spahija” në Ferizaj ka arrestuar të dyshuarin. Për shkak të lëndimeve në dorë dhe është dërguar në Emergjencën e Ferizajt për tretman mjekësor”, ka thënë policia.