ATV

Author: K.B.

  • Kujdes me kafen, këto janë 7 barnat që nuk kombinohen mirë me të

    Kujdes me kafen, këto janë 7 barnat që nuk kombinohen mirë me të

    Kafeja është pjesë e përditshmërisë për shumë njerëz, të jep energji dhe ka edhe disa përfitime për shëndetin. Por, sipas farmacistes Jennifer Bourgeois, ajo mund të ndikojë në mënyrën se si veprojnë disa barna në trup.

    “Kafeja mund të ndryshojë mënyrën si ilaçet përthithen, shpërbëhen ose eliminohen nga trupi. Ajo mund të përshpejtojë tretjen dhe të ndikojë në enzimat e mëlçisë, duke rritur ose ulur efektin e barnave”, ka shpjeguar ajo.

    Eating Well ka shkruar se kjo nuk do të thotë se duhet të hiqni dorë nga kafeja, por duhet të keni kujdes me kohën kur e pini.

    7 lloje barnash që nuk kombinohen mirë me kafen:

    Antidepresantët

    Nëse merrni ilaçe kundër depresion, si Escitalopram, kafeja mund të ulë efektin e tyre. Kafeina mund ta bëjë më të vështirë përthithjen e ilaçit në trup.

    Ndërsa barna të tjera si Clomipramine dhe Imipramine mund të qëndrojnë më gjatë në gjak kur kombinohen me kafe, duke rritur edhe efektet anësore si nervozizëm dhe dridhje.

    Ilaçet për tiroiden

    Personat me që kanë probleme me gjëndrën tiroide shpesh përdorin Levothyroxine. Kafeja mund të ulë përthithjen e këtij ilaçi deri në 50 për qind.

    Kjo mund të çojë në lodhje të vazhdueshme dhe mungesë përqendrimi. Rekomandohet të prisni 30–60 minuta para se të pini kafe.

    Ilaçet për osteoporozë

    Barna si Alendronate dhe Risedronate duhet të merren vetëm me ujë.

    Kafeja (edhe pa kafeinë), qumështi apo lëngjet e tjera mund të ulin përthithjen e tyre.

    Ilaçet për ftohje dhe alergji

    Pseudoephedrine është një stimulues, ashtu si kafeina.

    Kur kombinohen, mund të shkaktojnë më shumë nervozizëm, rrahje të shpejta të zemrës dhe shqetësim. Te personat me diabet, mund të rrisin edhe nivelin e sheqerit në gjak.

    Ilaçet antipsikotike

    Barna si Clozapine, Haloperidol dhe Olanzapine mund të ndikohen nga kafeja.

    Ajo mund të ngadalësojë përpunimin e tyre në trup, duke ndryshuar efektin e ilaçit.

    Ilaçet për astmë

    Ilaçe si Theophylline dhe Aminophylline ndihmojnë në hapjen e rrugëve të frymëmarrjes.

    Por kafeina mund të rrisë efektet anësore si dridhje, nervozizëm, dhimbje koke dhe të përziera.

    Holluesit e gjakut

    Barna si Aspirina përdoren për të parandaluar mpiksjen e gjakut.

    Kafeja mund të rrisë rrezikun e gjakderdhjes, sepse edhe ajo ndikon në mpiksjen e gjakut dhe mund të përshpejtojë përthithjen e ilaçit.

    kafeja nuk është e ndaluar, por duhet përdorur me kujdes nëse merrni ilaçe. Zgjidhja më e thjeshtë është të rregulloni orarin, merrni ilaçin dhe prisni pak para se të pini kafe.

    Nëse nuk jeni të sigurt, ekspertët këshillojnë që të këshilloheni gjithmonë me mjekun ose farmacistin për kombinimin e ushqimeve dhe barnave që përdorni.

  • I riu nga Kosova në listën e ‘Forbes’ për kërkime shkencore

    I riu nga Kosova në listën e ‘Forbes’ për kërkime shkencore

    Shkencëtari dhe sipërmarrësi shqiptar, Merkur Smajlaj, është përfshirë në listën prestigjioze “30 Under 30 Europe 2026” të publikuar nga Forbes, duke u renditur ndër të rinjtë më me ndikim në Evropë në fushën e industrisë dhe inovacionit.

    Smajlaj, i cili zhvillon aktivitetin e tij akademik në Leibniz University Hannover, është i fokusuar në kërkime shkencore mbi materialet për ruajtjen e hidrogjenit – një teknologji që konsiderohet thelbësore për tranzicionin drejt energjisë së pastër.

    Ai është gjithashtu bashkëthemelues i startup-it HydroSolid, që synon të ofrojë zgjidhje inovative për ruajtjen e hidrogjenit pa përdorimin e materialeve të rralla, duke hapur rrugë për aplikime në industri dhe transport.

    Përfshirja e tij në listën e Forbes vjen pas një sërë arritjesh në projekte kërkimore evropiane dhe publikimeve shkencore ndërkombëtare, duke e konsoliduar atë si një nga emrat më premtues në fushën e teknologjisë së gjelbër.

  • Ministri shqiptar i Mbrojtjes takon zyrtarin e NATO’s në Bruksel – Flasin për Kosovën dhe rolin e KFOR’it

    Ministri shqiptar i Mbrojtjes takon zyrtarin e NATO’s në Bruksel – Flasin për Kosovën dhe rolin e KFOR’it

    Ministri i Mbrojtjes së Shqipërisë, Ermal Nufi, është takuar me kryetarin e Komitetit Ushtarak të NATO’s, Giuseppe Cavo Dragone. Ky takim, siç njofton kjo ministri, ka qenë në funksion të forcimit të dialogut strategjik dhe thellimit të bashkëpunimit të Shqipërisë me NATO’s në çdo nivel.

    Po ashtu, bëhet e ditur se gjatë takimit, i është dhënë vëmendje e veçantë ndaj Kosovës dhe rolit të KFOR në garantimin e stabilitetit dhe paqes.

    ‘’ Roli strategjik të Korridori VIII dhe zhvillimii i Porto Romanos me mbështetjen e mëtejshme nga Aleanca, i rendësishëm për avancimin e projekteve me rëndësi kombëtare dhe rajonale’’’, thuhet mes tjerash në njoftim.

    Postimi:

    Bruksel- Takim i rëndësishëm me Giuseppe Cavo Dragone, Kryetar i Komitetit Ushtarak të NATO, në funksion të forcimit të dialogut strategjik dhe thellimit të bashkëpunimit të Shqipërisë me Aleancën në çdo nivel. 🤝🇦🇱

    Vëmendje e veçantë ndaj Kosovës dhe rolit të KFOR në garantimin e stabilitetit dhe paqes.

    Roli strategjik të Korridori VIII dhe zhvillimii i Porto Romanos me mbështetjen e mëtejshme nga Aleanca, i rendësishëm për avancimin e projekteve me rëndësi kombëtare dhe rajonale.

    Shqipëria mbetet e përkushtuar për të forcuar më tej rolin e saj në NATO, në funksion të paqes, sigurisë dhe stabilitetit në rajon dhe më gjerë.

  • Ndalohen katër persona për zjarrin në Tiranë – ndërtuesi shpallet në kërkim

    Ndalohen katër persona për zjarrin në Tiranë – ndërtuesi shpallet në kërkim

    Katër persona janë ndaluar nga Policia e Tiranës në lidhje me incidentin e ndodhur të martën ku një pallat 12-katësh në kryeqytetin e Shqipërisë mori flakë.

    Nga zjarri shtatë persona u dërguan në spital, mes tyre edhe zjarrfikës që punuan për shuarjen e flakëve dhe evakuimin e banorëve, raporton A2CNN, transmeton Klankosova.tv.

    Policia ka ndaluar administratorin e pallatit dhe menaxheren e marketit në afërsi të të cilit dyshohet se ndodhi zjarri.

    Ndërkohë, ndërtuesi i pallatit është shpallur në kërkim policor, pasi do të merret në pyetje.

  • Disa zona të Prishtinës do të mbesin nesër pa ujë

    Disa zona të Prishtinës do të mbesin nesër pa ujë

    Disa zona të kryeqytetit, do të mbesin pa ujë të enjten (16.04.2026), nga ora 09:00 deri në orën 16:00.

    Vendet ku do të ketë ndërprerje të përkohshme të ujit janë: Hajvalia (pjesërisht), Veterniku, lagjja ‘Nic’, lagjja ‘Qershia’, lagjja ‘Qëndresa’, lagjja ‘Priam’ dhe fshati Miradi e Epërme.

    “Kompania Rajonale e Ujësjellësit ‘Prishtina’ njofton se ndërprerja e furnizimit vjen si pasojë e punimeve në rrjetin e ujësjellësit në rrugën ‘Ulëza’, të cilat do të realizohen nga Komuna e Prishtinës. Ju falënderojmë për mirëkuptim dhe ju njoftojmë se për çdo zhvillim lidhur me këtë rast do t’ju mbajmë të informuar”- thuhet në njoftim.

  • Konjufca: Rrugët tona me Osmanin prapë do të takohen, opozita po kalkulon se me të do t’ia ulë përqindjen VV’së

    Konjufca: Rrugët tona me Osmanin prapë do të takohen, opozita po kalkulon se me të do t’ia ulë përqindjen VV’së

    Zëvendëskryeministri i parë dhe ministri i Punëve të Jashtme dhe Diasporës, Glauk Konjufca, deklaroi se në momentin që Lëvizja Vetëvendosje nuk e ka propozuar Vjosa Osmanin për Presidente edhe për një mandat, opozita ka “kalkuluar” se ajo mund t’u ndihmojë për t’ia ulë përqindjen në vota partisë në pushtet.

    “Në momentin që Vjosa Osmani nuk ka qenë propozim nga ana e LVV-së, ka ndryshuar kalkulimi i opozitës. Opozita do me e përfshi si element të ri në skenën tonë politike, përfshirjen e presidentes Osmani. Ata mendojnë që kjo do ta zbriste përqindjen e LVV-së. Prej kur ka qenë ky element në garë, nuk ka pasur propozime të sinqerta, kjo është më shumë kalkulim i opozitës për zgjedhje”- tha Konjufca për media.

    Osmani, sipas tij, nuk e ka shfaqur orientimin e saj politik që është kundër Lëvizjes Vetëvendosjes.

    “Unë mendoj që rrugët tona prapë do të takohen. Gjithmonë të hapur për bashkëpunim me zonjën Osmani”- shtoi ai.

  • Komuna e Prishtinës hap thirrjen për përkrahjen e fermerëve në ndërtimin e serave

    Komuna e Prishtinës hap thirrjen për përkrahjen e fermerëve në ndërtimin e serave

    Komuna e Prishtinës, ka njoftuar se është hapur thirrja për përkrahjen e fermerëve në ndërtimin e serave.

    Nga komuna është bërë e ditur se, në kuadër të kësaj thirrjeje, do të përkrahet ndërtimi i: Serrës së tipit “Tunel”, me sipërfaqe prej 200 m².

    Postimi:

    NJOFTIM PËR FERMERËT E KRYEQYTETIT

    Kryeqyteti ju njofton se është hapur thirrja për aplikim për përkrahje në ndërtimin e serave.

    Në kuadër të kësaj thirrjeje, do të përkrahet ndërtimi i:

    • Serrës së tipit “Tunel”, me sipërfaqe prej 200 m².

    🗓️ Afati i aplikimit: 15.04.2026 – 05.05.2026

    📍 Aplikimi bëhet në objektet e Bashkësive Lokale në: Besi dhe Muhaxherëve.

    Thirrjen për aplikim mund ta gjeni në këtë link: https://prishtinaonline.com/…/thirrja_per_aplikim_per…

  • FSK organizon garën “Ushtari më i mirë 2026” – Po marrin pjesë ekipe nga NATO dhe shtetet partnere

    FSK organizon garën “Ushtari më i mirë 2026” – Po marrin pjesë ekipe nga NATO dhe shtetet partnere

    Forca e Sigurisë së Kosovës po realizon garën ndërkombëtare “Gara e ushtarit më të mirë 2026”, ku po marrin pjesë ekipe ushtarake nga vende të NATO-s dhe shtete partnere, në një aktivitet që po zhvillohet në Kazermën “Skënderbeu” në Ferizaj.

    Në këtë garë janë përfshirë pjesëtarë nga NATO dhe forca ushtarake nga Shtetet e Bashkuara (Ajova dhe Corps V), Italia, Kosova, Kroacia, Maqedonia e Veriut, Mbretëria e Bashkuar dhe Shqipëria, të cilët po sfidohen në disiplina të ndryshme fizike dhe ushtarake.

    “Forca e Sigurisë së Kosovës po realizon “Garën e ushtarit më të mirë 2026” ku ekipet Ushtarake nga vendet e NATO-s dhe shteteve partnere: Ajova-ShBA, Corps V- ShBA, Italia, Kosova, Kroacia, Maqedonia e Veriut, Mbretëria e Bashkuar, Shqipëria, janë bërë bashkë në Kazermën “Skënderbeu” në Ferizaj, ku po realizohet gara ndërkombëtare duke sfiduar pjesëmarrësit në shkathtësitë fizike e Ushtarake.”, thuhet në njoftimin e FSK-së.

  • Komisioni për Ekonomi miraton në parim Projektligjin për Energjinë Elektrike

    Komisioni për Ekonomi miraton në parim Projektligjin për Energjinë Elektrike

    Me shtatë vota për, Komisioni për Ekonomi ka miratuar në parim Projektligjin për Energjinë Elektrike. Mbledhja u shoqërua me debate mes Partisë Demokratike të Kosovës dhe Lëvizjes Vetëvendosje, raporton Ekonomia Online.

    Ministrja e Ekonomisë, Artane Rizvanolli, prezantoi projektligjin dhe dobitë e tij.

    “Projektligji për energjinë elektrike që po prezantojmë sot para jush e avancon kornizën ligjore të sektorit të energjisë në Republikën e Kosovës, duke i përcaktuar në mënyrë më të qartë dhe më të drejtë të drejtat dhe detyrimet e të gjithë pjesëmarrësve në treg, si dhe duke forcuar bazën për një sistem të qëndrueshëm, konkurrues dhe të orientuar drejt tregut. Projektligji e ruan strukturën bazë të ligjit ekzistues, mirëpo zgjerohet më tej në adresimin e zhvillimeve të fundit në tregun e energjisë, integrimin e tij, digjitalizimin dhe tranzicionin energjetik. Së bashku me projektligjin për energjinë që prezantuam dje dhe me projektligjin për rregullatorin që do ta sjellim në Kuvend gjatë këtij viti, përafrohet legjislacioni ynë me kërkesat e pakos së energjisë së pastër të Bashkimit Evropian, duke kaluar nga modeli aktual drejt një kuadri modern, të harmonizuar me Direktivën 2019/944, Rregulloren 2019/943, si dhe Rregulloret 2019/941 dhe 2019/942. Qëllimi kryesor është që të sigurohet furnizim i qëndrueshëm, cilësor dhe çmime të përballueshme për konsumatorët”, tha Rizvanolli.

    Ndërsa deputeti i Partisë Demokratike të Kosovës, Ferat Shala, tha se sistemi energjetik i vendit, që nga prodhimi, transmetimi dhe shpërndarja, po shkon kah centralizimi absolut.

    “Unë e dëgjova prezantimin e ministres që na e solli ligjin e dytë brenda dy ditësh, një ligj jashtëzakonisht voluminoz, i përshkruar me qindra nene, por që me këtë dinamikë e vetmja arsye që u mundua ministrja të na thotë është që janë nëntë milionë euro donacione që mund t’i përfitojnë. Konsideroj, ministre, që për nëntë milionë euro Republika e Kosovës nuk duhet të prekë substancën e bazës energjetike dhe të legjislacionit në këtë fushë pa ndonjë analizë të mirëfilltë dhe pa ndonjë debat më afatgjatë kohor. Ne këtë nuk e kemi parë dje as sot dhe, mbi të gjitha, sot po e shohim që definitivisht ky ligj po e vërteton atë që thashë dje, që sistemi energjetik i vendit, që nga prodhimi, transmetimi dhe shpërndarja, po shkon kah centralizimi absolut dhe, mbi të gjitha, është shqetësues sistemi i kontrollit. Edhe dje e sot, në asnjërin nga ligjet nuk shohim sistem të mirë të kontrollit të pavarur, por shohim centralizim ekstrem të ekzekutivit mbi sektorin energjetik. Tendencë që e kemi parë moti, por tani po i jepet një vulë edhe me legjislacion”, tha ai.

    Ai gjithashtu përmendi ministrin e Infrastrukturës, Dimal Basha, dhe shtoi se KOSTT-i po shkatërrohet nga pushteti.

    “Pse ju po ia shkruani ligjin Dimal Bashës? Pse nuk ka kosto financiare ligji? Pse nuk ka analizë? Pse duhet të kalojë KOSTT-i sot? Dëgjoni, po e shkatërroni KOSTT-in. Nëse është interes biznesor i ngushtë me i kap edhe bateritë, në rregull. Nëse është interes i ngushtë…”, tha Shala.

    Derisa Shala pati akuza, pati ndërhyrje nga kryetarja e Komisionit nga Lëvizja Vetëvendosje, Rozeta Hajdari.

    “Zotëri Shala, të lutem kontribuo për ligjin, sepse sot është në shqyrtim. Je duke bërë sulme politike pa nevojë. Të lutem, kontribuo për ligjin”, tha ajo.

    Ministrja Rizvanolli, duke i reaguar deputetit Shala, ia përmendi mënyrën e qeverisjes në kohën e PDK-së.

    “I nderuar deputet, zgjidhja që e keni bërë kur e keni vendosur KOSTT-in të raportojë në Kuvend është zgjidhje sui generis, që në asnjë vend tjetër në BE e as në botë nuk e kam parë. Ka përfunduar Kuvendi duke votuar 61 deputetë, duke e ngritur dorën për çështje operacionale të një ndërmarrjeje. Kjo nuk është në asnjë vend tjetër; është bërë në Kosovë si rezultat i nevojës për zbatimin e direktivave të BE-së, duke mos ditur, prej mungesës së njohurive dhe mungesës së angazhimit për të gjetur zgjidhje të duhur, që të mbetet brenda mbikëqyrjes së qeverisë, ka përfunduar në Kuvend”, tha Rizvanolli.

    Deputeti i Lëvizjes Vetëvendosje, Driton Hyseni, i reagoi deputetit Shala.

    Ai tha se e drejta e qeverisë është që të bëjë politikat dhe ligjet në shërbim të qytetarëve.

    “Mendoj që kolegu Shala nga opozita fillimisht duhet të fillojë me një qasje të këndvështrimit të tij politik për sektorin dhe mbi çështjet që parasheh ligji, mirëpo më pas tejkaloi edhe gjuhën parlamentare dhe gjuhën kolegjiale dhe filloi me akuza. Unë nuk mendoj që ka nevojë për akuza, sepse mendoj se sillet një ligj nga një ministri e qeverisë që është votuar nga qytetarët me 51.1 për qind në zgjedhje dhe është e drejtë e kësaj qeverie që të bëjë politikat dhe ligjet siç ajo mendon që mund t’u shërbejë qytetarëve të vendit”, tha Hyseni.

  • Magyar i kërkon Orbánit të heqë veton për 90 miliardë eurot për Ukrainën para largimit nga posti

    Magyar i kërkon Orbánit të heqë veton për 90 miliardë eurot për Ukrainën para largimit nga posti

    Fituesi i zgjedhjeve në Hungari, Péter Magyar, ka bërë thirrje që kryeministri në largim Viktor Orbán të heqë veton e tij mbi një kredi prej 90 miliardë eurosh për Ukrainën, para se të largohet nga posti.

    Sipas Magyar, nëse rifillon furnizimi me naftë përmes tubacionit Druzhba, Orbán duhet ta tërheqë “veton teknike” që po e bllokon procedurën e BE-së. Kjo kredi ishte miratuar nga liderët e BE-së në dhjetor, por u bllokua më vonë për shkak të një mosmarrëveshjeje mes Hungarisë dhe Ukrainës.

    Komisioni Europian po përgatitet që fondet të transferohen sapo të zgjidhet bllokada, ndërsa disa liderë të BE-së po kërkojnë që ndihma për Ukrainën të disbursohet sa më shpejt.

    Nga ana tjetër, Hungaria ende po mban disa bllokada të tjera ndaj Ukrainës, përfshirë paketën e sanksioneve dhe procesin e anëtarësimit në BE.