Author: K.B.

Një aksident i rëndë ka ndodhur në Itali, konkretisht në komunën e Cormons, në Itali.

Si pasojë e këtij aksidenti, një person ka vdekur derisa një tjetër është lënduar rëndë, shkruan Euronews Albania transmeton Klankosova.tv.

Ngjarja ka ndodhur mesditen e së mërkurës në rrugën Variante 306, në zonën e Mariano del Friuli.

Siç raportohet, një furgon frigorifer, i cili po lëvizte nga Gradisca d’Isonzo drejt Cormons është përplasur ballë për ballë me një kamion të ngarkuar me zhavorr.

Përplasja ka qenë shumë e fortë, duke shkaktuar vdekjen e menjëhershme të drejtuesit të furgonit, një 48-vjeçar, i cili nuk mundi t’u mbijetojë plagëve të rënda të marra në aksident.

Ndërkohë, drejtuesi i kamionit, shtetas shqiptar, ka mbetur i lënduar rëndë.

Pas dhënies së ndihmës së parë në vendngjarje, ai është transportuar me helikopter drejt Spitalit Cattinara, ku ndodhet në gjendje kritike, shkruan Euronews Albania.

Në ditët e para të marsit, përdoruesit e makinave u përballën me rritjen e parë të çmimit të naftës në Shqipëri, që u ngrit nga 175 lekë, nivel që qëndronte i pandryshuar prej gati dy vitesh, në 179 lekë për litër.

Rritja e çmimeve në ditët në vijim ishte e pandalshme, si rrjedhojë e shtrenjtimit të naftës në bursa pas nisjeve të sulmeve ndaj Iranit, që shkaktoi kaos në tregjet globale.

Në 17 mars, nafta shkoi në 200 lekë dhe vetëm dy ditë më pas arriti në 214 lekë. Ndonëse qeveria shqiptare riaktivizoi Bordin e Transparencës, çmimet u ulën vetëm për dy ditë në 203 lekë, për t’u rritur në fund të marsit në 218 lekë. Mesatarisht, një litër naftë kushtoi 200 lekë në mars, ose 14% më shumë se më parë.

Pavarësisht rritjes së çmimeve, kërkesa jo vetëm që nuk ra, por u rrit, duke provuar se nafta është një produkt i domosdoshëm me kërkesë jo elastike.

Të dhënat zyrtare nga Dogana bënë të ditur se konsumi i naftës në mars ishte 35.8 mijë ton, nga 33.8 mijë ton në të njëjtin muaj të një viti më parë, me një rritje prej gati 6% (shiko grafikun).

Edhe operatorët e tregut pohuan se nuk kanë konstatuar rënie të konsumit në mars, pavarësisht shtrenjtimit të çmimeve. Sistemi i dobët i transportit publik, i përqendruar vetëm tek autobusët, bën që shumë individë të përdorin makinat personale për të shkuar në punë, apo për të shoqëruar fëmijët në shkollë. I lartë mbetet konsumi edhe për të lëvizur në fundjavë.

Të dhëna të tjera nga Drejtoria e Përgjithshme e Shërbimeve të Transportit Rrugor (DPSHTRR), treguan të njëjtën tendencë se kriza në Lindjen e Mesme dhe shtrenjtimi i karburanteve nuk ka ndikuar në prirjen në rritje të shqiptarëve për të blerë automjete, të paktën për muajt e parë të vitit.

Në mars u regjistruan për herë të parë 7,891 automjete në Shqipëri, me një rritje prej 15% në krahasim me të njëjtin muaj të një viti më parë. Ky është dhe rekordi historik i regjistrimeve të reja të automjeteve që është shënuar ndonjëherë në mars.

E njëjta tendencë konstatohet për të gjithë tre mujorin e parë. Përveç janarit, kur regjistrimet ranë me 7.6%, në shkurt ato u rritën me 20.6%. Në tremujorin e parë, në Shqipëri janë shtuar në rrugë gjithsej rreth 22 mjete të reja, pjesa më e madhe të cilave autovetura, me një rritje prej 8.4% me bazë vjetore. 60% e këtyre makinave që u regjistruan për herë të parë ishin me naftë.

10 milionë euro më shumë, vetëm nga shtrenjtimi i çmimit

Në mars, konsumi ishte 35.8 mijë ton, ose rreth 42.4 milionë litra. Për të blerë këtë sasi, përdoruesit e mjeteve kanë shpenzuar rreth 8.5 miliardë lekë, ose rreth 87 milionë euro, me një çmim mesatar prej 200 lekë për litër. Nëse këtë sasi do e kishin blerë me çmimin prej 175 lekë, shpenzimi do të ishte 7.4 miliardë lekë, ose 1.05 miliardë lekë (rreth 11 milionë euro) më pak.

Në Shqipëri, konsumi i naftës mbetet i lartë, teksa pjesa më e madhe e makinave që qarkullojnë në vend përdorin këtë karburant si lëndë djegëse. Sipas të dhënave nga Drejtoria e Përgjithshme e Shërbimit të Transportit Rrugor (DPSHTRR) deri në fund të shkurtit, në Shqipëri kishte aktive 1.06 milionë mjete.

Nga këto, rreth 732 mijë, ose gati 70% e totalit përdorin naftën si lëndë djegëse. Rreth 210 mijë automjete, ose gati 20% përdorin vetëm benzinën.

Rreth 84 mijë përdorues i kanë automjetet me gaz, apo 8% e totalit. Ndonëse regjistrimi i makinave elektrike po vjen në rritje, sidomos në mars, pas shtrenjtimit të naftës, pesha e tyre ndaj totalit mbetet minimale, në vetëm 1.3%, me rreth 15 mijë mjete elektrike që qarkullojë në vend, nga mbi 1 milionë në total dhe 8 mijë të tjera që janë hibride (karburant +elektrike)./Monitor

Në 27-vjetorin e rënies së dëshmorëve të kombit Shkëlzen Haradinaj, Fatmir Nimanaj, Luan Nimanaj dhe Hasim Halilaj, në Kompleksin Memorial në Gllogjan janë bërë homazhe.

Kryetari i AAK-së dhe ish-komandanti Ramush Haradinaj, deklaroi se prilli i vitit 1999 ishte moment shumë vendimtar, pasi sipas tij duhej të merrej vendim ose të ndalohej ekspedita serbe, ose të heshtej fakti se forcat serbe do të masakronin familjet e tyre.

“Nuk është aq e thjeshtë sepse ishte një kohë e gjatë në luftë dhe ishin momente shumë vendimtare, pra prilli 1999….Vendimi i marrë ka qenë spontan nuk ka qenë i marrë me komandë, por ka qenë vendim i vet heronjve që sot i kujtojmë me shkua me ndalë një ekspeditë të ushtrisë serbe, të forcave serbe që kishin marrë atë drejtim te një vendndodhje të familjeve të civilëve shqiptarë që ishin strehuar, pra në një luginë në Duboçakë ishin shumë familje, shumë fëmijë, kish një kohë të gjatë që ishin ashtu edhe ata ishin në vështirësi me ushqime, me probleme dhe tani ishte një moment tepër i vështirë edhe i imi si me veprua a me dhënë një urdhër më shku me ndalë një ekspeditë serbe me aq pak potencial që ne kishim. Ekspedita ishte shumë e madhe… apo me hesht faktin se forcat serbe po shkojnë me i masakrua familjet tona, civilët e pambrojtur, gratë, fëmijët. Për fat këta ma lehtësuan mua nuk më lan mua me marr vendim, këta morën vet vendim”, tha Haradinaj, raporton EkonomiaOnline.

Kurse Gazmend Syla, nënkryetar i OVL- UÇK-së, tha se 16 prilli i vitit 1999 ishte dita më e rëndë e luftës.

“16 prilli i vitit 1999 nuk ishte thjeshtë një datë, është dita më e rëndë e luftës, është plagë, por është edhe skenari, është një datë që do të mbahet mend sat ë ketë diell mbi këtë tokë. Atë ditë Gllogjani nuk flijoi vetëm luftëtarë por skaliti në përjetësi historinë se si u fitua liria. Heroizmi i kreshnikëve të Gllogjanit nuk është vetëm kujtim, ai është testament për brezat që vijnë. Shkëlzen Hilmi Haradinaj, udhërrëfyesi jonë për luftëtarët e rinj ai ishte më shumë se komandant, ishte prind, kur gabonin ai i mësonte, kur lodheshin ai i ngrinte, kur humbnin shokë ai iu bëhej forcë. Dora e tij mbi kokat e tyre ishte bekim, përqafimi i tij ishte frymëzim. Shkëlzenin nuk e përthekojnë të gjitha fjalët e lavdisë, figurën e tij e përthekojnë vetëm dy fjalë Kosova e pavarur sepse Kosova e pavarur është Shkëlzen Haradinaj”, deklaroi Syla.

Pas ceremonisë së homazheve ka nisur edhe ecja në këmbë, e njohur si “Shtegu i lirisë”, nga Gllogjani drejt Maznikut, në vendin ku ata ranë heroikisht.

Gjeneral Shkëlzen Haradinaj ishte komandant për Operacione Luftarake i Zonës Operative të Dukagjinit dhe me tre eprorët e lartë të Brigadës 131 ”Jusuf Gërvalla”, Hasim Halilaj, Fatmir Nimanaj dhe Luan Nimanaj, ranë në betejën e Maznikut. Shkëlzen Haradinaj u lind më 25 mars 1970 në Gllogjan dhe konsiderohet si njëri ndër figurat kryesore të Ushtrisë Çlirimtare të Kosovës dhe sinonim i shumë betejave të Dukagjinit.

Gjykimi ndaj krerëve të UÇK-së ka përfunduar. Afat për vendimin e madh po afron.

E tek tash, kanë nisur të publikohen edhe dosjet përfundimtare të mbrojtjes së krerëve të UÇK-së.

Në dosjen përfundimtare të avokatit të Jakup Krasniqit, thuhet se Prokuroria e Hagës nuk ka pasur asnjë prove serioze e cila është paraqitur gjatë gjithë gjykimit.

“Prokuroria nuk arriti t’i quante provat e nevojshme për të vërtetuar argumentin e saj se kishte një qëllim të përbashkët që përfshinte anëtarët e Shtabit të Përgjithshëm për të fituar kontroll mbi Kosovën përmes keqtrajtimit kriminal të kundërshtarëve. Provat nuk tregojnë se një qëllim i përbashkët që përfshinte krime u diskutua nga një numër i madh personash, u përhap në ndonjë mënyrë te autorët e dyshuar të drejtpërdrejtë, ose se krimet u raportuan nga autorët e drejtpërdrejtë te shumësia e personave. Pa prova të lidhjeve të tilla, Prokuroria nuk mund të vërtetojë një qëllim të përbashkët”, thuhet në dosje, raporton Nacionale.

“Prokuroria dështoi të paraqiste ndonjë provë të drejtpërdrejtë të qëllimit të përbashkët të supozuar. Zyrapi mohoi çdo qëllim të përbashkët për të frikësuar, keqtrajtuar ose ushtruar dhunë kundër civilëve, pakicave etnike ose bashkëpunëtorëve ose kundërshtarëve të dyshuar”, thuhet më tutje.

Mbrojtja e Jakup Krasniqit ka kundërshtuar kategorikisht faktin se UÇK-ja ishte Ndërmarrje e Përbashkët Kriminale.

“Nuk ka pasur kurrë një qëllim të përbashkët kriminal për të fituar dhe ushtruar kontroll mbi Kosovën duke përfshirë kryerjen e krimeve kundër kundërshtarëve. Asnjë dëshmitar i besueshëm nuk ka dëshmuar për ekzistencën e ndonjë qëllimi të tillë të përbashkët; kjo nuk mund të nxirret nga deklaratat ose rregulloret publike të UÇK-së. UÇK-ja u krijua për të mbrojtur popullsinë civile kundër krimeve të përhapura serbe. Shtabi i Përgjithshëm kërkoi ta udhëzonte UÇK-në politikisht, por kurrë nuk pati kontroll operativ mbi zonat. Ndërsa UÇK-ja kërkonte pavarësinë e Kosovës, ajo e parashikoi Qeverinë e Përgjithshme të Kosovës si një qeveri të unifikuar për të ecur drejt zgjedhjeve demokratike. Nuk ka pasur kurrë një politikë të UÇK-së për të kryer krime kundër civilëve – qofshin anëtarë të LDK-së, romëve apo ndonjë pakice etnike”, thuhet në këtë dosje më tutje.

Në pjesën tjetër të dosjes përfundimtare, mbrojtja thekson faktin se asnjë dëshmitar nuk e ka përmendur Jakup Krasniqin për kryerjen e ndonjë krimi.

“Asnjë dëshmitar nuk dëshmoi se Z. Krasniqi ishte i përfshirë në ndonjë krim. Dëshmitarët e prokurorisë treguan mosbesim kur iu ngritën akuza kundër Z. Krasniqi. Fondaj e konsideroi “absurde” të sugjeronte se Z. Krasniqi ishte i përfshirë në një arrestim. Ledwidge tha se “ai nuk mendonte se Jakup Krasniqi ishte i përfshirë në ndonjë nga këto”. Zyrapi nuk dëshmoi asnjë veprim të ndërmarrë nga Z. Krasniqi për të synuar kundërshtarët.B. Kuqi bëri thirrje publikisht për një kërkim falje për trajtimin e padenjë të Z. Krasniqi gjatë arrestimit të tij. Sopi tha se nuk donte kurrë ta shihte Z. Krasniqi “të ulur në këtë dhomë këtu dhe në këto rrethana”. Halitjaha i kërkoi Panelit “nëse Jakup Krasniqi bëri një gabim, unë jam i gatshëm të marr përsipër të gjitha gabimet e tij. Mund ta vuaj dënimin e tij në vend të tij. Le të shkojë në shtëpi”. Kjo provë është e papajtueshme me teorinë e Prokurorisë dhe pasqyron respektin e vërtetë që fitoi Z. Krasniqi – ai nuk është një person që ishte i përfshirë në ndonjë sjellje apo plan kriminal. Prokuroria nuk arriti të provojë se Z. Krasniqi ishte i pranishëm në ndonjë qendër paraburgimi kur të paraburgosurit ishin atje, e aq më pak që ai mori pjesë ose dëshmoi ndonjë keqtrajtim. Pretendimi se Z. Krasniqi “mori pjesë personalisht në trajtimin e kundërshtarëve në terren, duke përfshirë pjesëmarrjen në frikësimin, marrjen në pyetje, keqtrajtimin dhe ndalimin e kundërshtarëve” është i pabazuar dhe duhet të hidhet poshtë”, thuhet në dosje.

Vendimi më së largu duhet të shpallet deri më 19 maj, nëse gjyqtarët nuk kërkojnë afat shtesë. /Nacionale

Detaje të reja janë zbardhur lidhur me të shtënat e regjistruara të martën në një shkollë në Turqinë jugore ku humbën jetën nëntë persona. Mësohet se autori 14-vjeçar ishte “inspiruar” nga një masakër e regjistruar në vitin 2014 në Shtetet e Bashkuara.

“Provat fillestare të hetimit treguan se autori përdori një imazh në profilin e tij në WhatsApp që i referohej Elliot Roger, i cili kreu një sulm në Shtetet e Bashkuara në vitin 2014”, sipas një deklarate të lëshuar nga drejtoria e përgjithshme e policisë turke.

Elliot Roger kreu një masakër në Isla Vista, Kaliforni, në vitin 2014. I riu vrau gjashtë persona në një kampus universitar në Santa Barbara, përpara se të vriste veten.

Ai shpjegoi në një video që regjistroi para masakrës se do ta kryente sulmin si një mënyrë “ndëshkimi” për gratë që e refuzuan. Autori i masakrës së djeshme gjithashtu ka vdekur ndërsa ende nuk dihet nëse ishte vetëvrasje.

“Pajisjet kompjuterike të sekuestruara gjatë kontrolleve në shtëpinë e autorit të krimit dhe automjetin e babait të tij po analizohen aktualisht dhe sipas informacionit fillestar të mbledhur, nuk është vërtetuar asnjë lidhje me terrorizmin, ky duket të jetë një incident i izoluar”, sipas policisë turke.

Kryeministri i Republikës së Kosovës, Albin Kurti, ka marrë sot pjesë në tryezën e dialogut ndërfetar të titulluar “Bashkëjetesa ndërfetare ndër ne, virtyt hyjnor apo domosdoshmëri shoqërore”.

Kurti ka thënë se tryeza të tilla janë të rëndësishme për të mirëkuptuar njëri-tjetrin, por edhe vetveten.

“Dëshiroj të falënderoj organizatorët për ftesën dhe për angazhimin në mbledhjen e aktorëve dhe institucioneve kyçe – nga komunitetet fetare deri te përfaqësuesit institucionalë dhe partnerët ndërkombëtarë – në funksion të forcimit të lidhjeve dhe bashkëpunimit për avancimin e diversitetit dhe të mirëkuptimit të ndërsjellët”, ka thënë Kurti.

Kreu i Qeverisë së Kosovës ka thënë se marrë parasysh ndodhitë e viteve të fundit nëpër botë, si pandemitë, luftrat e problemet mjedisore e krizat energjetike e ekonomike, njerëzit po bëhen gjithmonë e më të vetëdijshëm për rëndësine e solidaritetit dhe bashkëpunimit në mes shteteve e institucione në adresimin e sfidave të tilla.

Kurti tutje ka thënë se liria fetare padyshim që mbetet një nga të drejtat themelore universale të njeriut, si bazë e një shoqërie demokratike dhe gjithëpërfshirëse, që gjithnjë do të na ndihmoj që t’i tejkalojmë vështirësitë sa më kollaj e sa më shpejt.

“Në të njëjtën kohë edhe trashëgimia kulturore dhe fetare përfaqëson një pasuri të përbashkët që i lidh komunitetet, forcon identitetin dhe nxit mirëkuptimin e ndërsjellët. Prandaj, politikat tona synojnë që ta mbrojnë trashëgiminë kulturore dhe ta vënë atë në shërbim të paqes, bashkëjetesës dhe zhvillimit shoqëror, gjithnjë duke respektuar e zbatuar lirinë fetare si e drejtë elementare njerëzore”, ka thënë ai.

Kurti në fjalën e tij ka përmendur punën që po bëhet për mbrotjen dhe ruajtjen e vlerave kulturore e fetare.

“Janë restauruar dhe vazhdojnë të restaurohen xhami, hamame, teqe, kisha katolike dhe ortodokse, qendra kulturore hebraike – si dhe monumente të tjera me vlerë historike, duke u kthyer në hapësira të gjalla të kujtesës, besimit dhe dialogut ndërmjet komuniteteve. Aty ku njerëzit bëhen bashkë, aty, ata do ta kenë gjithmonë pranë qeverinë”, ka thënë Kurti.

“Po ashtu, janë ndërmarrë masa të vazhdueshme për funksionalizimin e këtyre objekteve në mënyrë që ato t’u shërbejnë besimtarëve dhe komunitetit të gjerë, duke forcuar njëkohësisht komunikimin dhe bashkëjetesën ndërfetare në vendin tonë. Besoj që e keni vërejtur që po them bashkëjetesë e jo tolerancë, për shkak se ne jemi përtej tolerancës, jemi te bashkekzistenca, jemi te bashkëveprimi, te bashkëpunimi, te bashkërendimi, pra jemi te bashkëjetesa e komuniteteve fetare të ndryshme”, ka shtuar ai.

Qeveritë evropiane po i heqin WhatsApp dhe Signal nga sistemi i tyre.

Qeveritë në Francë , Gjermani , Poloni , Holandë , Luksemburg dhe Belgjikë kanë filluar të lançojnë shërbime të brendshme mesazhesh për zyrtarët që të shkëmbejnë informacione të ndjeshme, në një përpjekje për të ndaluar stafin të përdorë aplikacione të njohura të koduara dhe për të kaluar në alternativa lokale që ata mund të kontrollojnë. Aleanca e mbrojtjes NATO gjithashtu ka mesazherin e vet dhe Komisioni Evropian planifikon ta bëjë këtë kalim deri në fund të vitit .

Lëvizja drejt aplikacioneve të mesazheve të kontrolluara nga qeveria është pjesë e kërkimit të Evropës për alternativa ndaj teknologjisë amerikane, e nxitur nga frika e varësisë strategjike nga Uashingtoni. WhatsApp është në pronësi të gjigantit amerikan të teknologjisë Meta, ndërsa Signal drejtohet nga një organizatë jofitimprurëse me bazë në SHBA dhe menaxhohet nga një komunitet i madh entuziastësh të softuerëve me burim të hapur.

Përpjekja për t’u shkëputur nga kompanitë amerikane pasqyron gjithashtu njohjen në rritje midis qeverive të dobësive të aplikacioneve kryesore të mesazheve për ndarjen e informacionit të ndjeshëm midis politikanëve.

“Komunikimi ynë aktualisht shpesh zhvillohet nëpërmjet platformave mbi të cilat nuk kemi kontroll”, tha Willemijn Aerdts, ministri dixhital i Holandës, për POLITICO në një deklaratë. “Në një botë ku teknologjia po përdoret gjithnjë e më shumë si një mjet pushteti, kjo përbën një rrezik.”

Brandon De Waele, drejtori i Belgian Secure Communications, agjencisë federale belge të qeverisë përgjegjëse për aplikacionin e saj të ri të sigurt, tha: “Të gjithë në Evropë po bëhen gjithnjë e më të vetëdijshëm për sovranitetin… Për ne është sovraniteti i të dhënave.”

WhatsApp dhe Signal janë përballur me sfida të sigurisë kibernetike në javët e fundit. Muajin e kaluar, dhjetëra agjenci të sigurisë kibernetike paralajmëruan se grupet ruse të hakerimit po synonin zyrtarë politikë dhe qeveritarë në mesazherë me sulme të nivelit të lartë “phishing”.

Rreziqet u bënë të dukshme edhe në Bruksel: Komisioni Evropian u tha disa prej zyrtarëve të tij më të lartë të mbyllnin një grup në aplikacionin e mesazheve Signal , raportoi POLITICO këtë muaj, dhe BE-ja ishte viktimë e një sërë shkeljesh të sigurisë kibernetike që prekën, ndër të tjera, sistemin e saj të menaxhimit të pajisjeve mobile.

‘Thjesht nuk është ndërtuar për këtë’

Belgjika ishte qeveria e fundit evropiane që zbuloi një shërbim të brendshëm mesazhesh të sigurt muajin e kaluar, për përdorim nga zyrtarët publikë për informacione të ndjeshme, por të paklasifikuara. Anëtarët e qeverisë federale – përfshirë Kryeministrin Bart De Wever – tani inkurajohen të përdorin një aplikacion të quajtur BEAM, i cili vjen me të gjitha veçoritë e aplikacioneve të njohura si WhatsApp dhe Signal, por që funksionon nën kontrollin e qeverisë.

Nuk ka asnjë sugjerim që aplikacione si Signal dhe WhatsApp, të cilat përdorin enkriptimin nga fillimi në fund, standardi i artë për sigurinë e mesazheve, janë më të pasigurta se alternativat e tyre. Pjesa më e madhe e asaj që po e nxit këtë ndryshim është nevoja për veçori të tilla si kontrollet e aksesit, aftësia për të lejuar vetëm bisedat midis personave të caktuar dhe kontrolli mbi meta të dhënat që tregojnë se ku dhe kur bëhen dhe dërgohen thirrjet dhe mesazhet.

Përdorimi i aplikacioneve të konsumatorëve për organizatat e mëdha është “vërtet një veprim i rrezikshëm”, tha Benjamin Schilz, drejtori ekzekutiv i Wire, një aplikacion komunikimi i sigurt i përdorur nga qeveria gjermane. Ato “thjesht nuk janë ndërtuar për këtë”.

Disa nga këto karakteristika do të kishin ndihmuar në mbrojtjen kundër një fushate të kohëve të fundit ruse të spiunazhit të kryer nëpërmjet WhatsApp dhe Signal, tha De Waele i Belgjikës. “Me ne, për shkak se është një mjedis i mbyllur vetëm me punonjës qeveritarë, mund ta shmangni edhe këtë”, tha ai.

Për aktivistët e transparencës, kalimi në aplikacione të kontrolluara nga qeveria është vonuar prej kohësh. Grupet e demokracisë janë ankuar se si politikat e komunikimit të enkriptuar nga fillimi në fund dhe të sigurisë kibernetike, të tilla si zhdukja e mesazheve në aplikacionet e konsumatorëve, kanë lënë në hije vendime të rëndësishme.

Presidentja e Komisionit Ursula von der Leyen vitin e kaluar u përball me një votë mosbesimi (e cila në fund të fundit ishte e pasuksesshme) pjesërisht për shkak të aksesit në mesazhet që ajo shkëmbeu me Drejtorin Ekzekutiv të Pfizer, Albert Bourla, përpara një marrëveshjeje për vaksinën prej shumë miliardë eurosh, dhe të cilat ajo nuk i zbuloi.

Mbështetje për Trumpin

Ata që punojnë me qeveritë evropiane për zgjidhje të brendshme kanë vënë re një ndryshim të qartë që kur Presidenti i Shteteve të Bashkuara, Donald Trump, u rikthye në detyrë në fillim të vitit të kaluar.

“Dallimi që kemi vënë re vërtet gjatë 12 muajve të fundit është urgjenca nga qeveritë”, tha Matthew Hodgson, drejtor ekzekutiv i Element, një kompani që ndërtoi teknologji të përdorur nga shumë qeveri evropiane për aplikacione të sigurta mesazhesh.

Hodgson dhe të tjerë ia atribuojnë përshpejtimin e papritur disa ngjarjeve specifike, siç është Signalgate , kur zyrtarët e lartë të administratës Trump shkëmbyen plane ushtarake të klasifikuara në Signal, dhe sanksionet e SHBA-së kundër Gjykatës Ndërkombëtare Penale që rezultuan në mbylljen e email-it të një prokurori vitin e kaluar. Një ndërprerje e madhe e Amazon Web Services në tetor zbuloi gjithashtu me qartësi të habitshme varësinë e Evropës nga teknologjia amerikane.

Për të tjerët, vendimi është më praktik sesa filozofik. “Ky trend ka të bëjë me pajtimin e një ndryshimi midis mënyrës se si duhet të ndodhin komunikimet zyrtare dhe mënyrës se si ato në fakt po ndodhin në praktikë”, tha Lindsay Gorman, drejtoreshë menaxhuese në Fondin Gjerman Marshall.

“Lëvizja më e madhe është thjesht [adresimi] i mospërputhjes midis mënyrës se si duhet të komunikojë qeveria dhe mënyrës se si njerëzit thjesht po komunikojnë”, tha Gorman./Politico