Author: K.B.

Deputetja e PDK’së, Ariana Musli-Shoshi, në pyetjet parlamentare drejtuar kryeministrit Albin Kurti i kërkoi të listojë “vendime konkrete” që ai ka marrë si kryeministër në respektimin e të drejtave të njeriut, e konkretisht çlirimtarëve të që po gjykohen në Hagë.

Kurti në përgjigje i tha se gjatë këtyre pesë viteve e gjysmë gjithsej janë ndarë nga Republika mbi 37 mln euro “për mbrojtjen e të akuzuarve padrejtësisht në Hagë”.

“S’jemi kursyer për ti ‘mbrojtur me vetë avokatët që janë përzgjedhur nga ata”, tha Kurti, derisa shtoi se Qeveria ka pasë vështirësi meqë ka pasë ekipe të mbrojtjes për secilin nga të akuzuarit në Hagë.

Më pas Kurti riktheu çështjen e votimit të Gjykatës Speciale ku tha se kontributin më të madh e ka dhënë si deputet në vitin kur është votuar në Kuvend.

“Kontributi më i madh që unë si kryeministër e kam dhënë për këtë çështje është kur si deputet i Kuvendit s’e kam votuar ndryshimin kushtetues dhe as ligjin për Dhomat e Specializuara në Kosovë. As me datën 26 qershor dhe as me datën 3 gusht 2015. Ju e dini që sa i përket të drejtave të njeriut, që janë koncept që barazon të gjithë qytetarët dhe i përfshinë ata në mënyrë universale, fatkeqësisht në këtë Kuvend është votuar që ata të kenë….kanë ombudsperson të veçantë për dhoma të veçanta. Këto gjëra janë bërë të gjitha në vitin 2015 dhe unë do t’ju kisha sugjeruar që për këto të merrni përgjigje jo nga pyetjet parlamentare, por nga ato brendapartiake”.

Në replikë, Musliu-Shoshi i tha se ai e ka pasë mundësitë me i rritë sepse ka qenë në dijeni në detaje se ato kanë qenë të pamjaftueshme, ndërsa për kundërshtinë ndaj Speciales, ajo i tha se ka fuqinë për ta zhbërë.

“Krejt fuqinë e ki me zhbë atë gjykatë pasi që je kaq shumë kundër saj dhe thatë që s’e keni votuar. Pse nuk e ndërmerr iniciativën me zhbë atë gjykatë. E dimë standardet që janë aplikuar. Duke i mbrojtur çlirimtarët tonë e ke parasysh që e mbron historinë dhe të drejtën tonë për të qenë shtet, luftën tonë çlirimtare dhe mbi të gjitha të ardhmen e këtij vendi”.

Gjykata Themelore në Prishtinë do të shpallë sot aktgjykimin në rastin Banjska ndaj Bllagoje Spasojeviqit, Vlladimir Tolliqit dhe Dushan Maksimoviqit, të akuzuar për sulmin e armatosur në komunën e Zveçanit, më 24 shtator 2023, ku mbeti i vrarë rreshteri i Policisë së Kosovës, Afrim Bunjaku.

Para se të nis seanca, në Pallatin e Drejtësisë janë parë një numër i shtuar i Njësisë Speciale të Policisë, duke rritur kështu sigurinë para se të jepet vendimi.

Seanca pritet të nisë në orën 15:00.

Gjykata e Posaçme e Apelit ka shtyrë shqyrtimin e një ankimi të bërë nga kryetari i bashkisë Tiranë, Erion Veliaj, mbi shfuqizimin e një vendimi të Shkallës së Parë për pezullimin e afateve të paraburgimit.

Shkak i dështimit të seancës, ka qenë një parregullsi në njoftimin e Veliajt, raporton Top Channel. Çështja do të shqyrtohet më 29 prill.

Avokati i Veliajt, Plarent Ndreca dha një prononcim për gazetaret ku u shpreh se nuk ka asnjë arsye përse të pezullohen afatet e paraburgimit.

“Sot ishte njoftuar klienti por u shty për shkak të një parregullsie. Për seancën tjetër nuk kam informacion. S’mund të them që është shkelje, por ishte një parregullsi për mënyrën se si ishte firmosur.

E rëndësishme është ndryshimi i kësaj praktike që po dëmton jo vetëm zotin Vleiajn, por me çfarë duket të gjithë të paraburgosurit që nuk kanë arsye pse të pezullohet paraburgimi, sa kohë që avokati i tyre apo ata personalisht nuk kanë shkaqe të paligjshme për shtyrjen e seancave“, u shpreh ai./TCh/

Deputeti i PDK’së, Elmi Reçica, ka marrë fjalën në Kuvendin e Kosovës ku edhe ka folur për Projektligjin për anëtarësimin e Kosovës në Bordin e Paqes.

Ai për një moment është kthyer kah Kurti duke i thënë se Qeveria e kryeministri s’janë bërë fare të gjallë për ligjin në fjalë, mbase për shkak se atë e ka sponzorizuar ish-presidentja Vjosa Osmani.

“Kryeministri dhe Qeveria s’janë bo të gjallë fare për këtë ligj, me gjasë që sponzorizues ka qenë presidentja, apo ish-presidentja”, ka deklaruar deputeti i PDK-së.

Inspektorati Qendror i Punës ka njoftuar për aksionin e jashtëzakonshëm që ka ndërmarrë aksion të jashtëzakonshëm inspektues në sektorin e ndërtimtarisë në të gjithë vendin.

Ky inspektorat ka bërë të ditur se në 48 orët e fundit, ka kryer gjithsej 31 inspektime e 44 rinspektime.

Nga inspektimet e kryera është bërë ndalimi i 13 punimeve dhe janë shqiptuar 10 vërejtje.

Siç njofton ky institucion në përfundim të aksionit të gjitha subjektet që kanë rezultuar me ndalim të punimeve me automatizëm janë procesuar në gjykatat për kundërvajtje përkitazi me shkeljet e konstatuara.

Ky zhvillim vjen në kuadër të aksionit 15-ditor të nisur nga Ministria e Punës, Familjes dhe Vlerave të Luftës Çlirimtare, në bashkëpunim me Inspektoratin e Punës, një ditë pasi një punëtor humbi jetën në vendin e punës, rasti i tetë i tillë këtë vit.

Deputeti i PDK’së, Eman Rrahmani, ka pyetur kryeministrin Albin Kurti se pse iu ndanë para Eparkisë së Rashkës e Prizrenit nga Zyra e Kryeministrit, një dioqeze që Kosovës i referohet “Kosovë e Metohi”.

“Sipas të dhënave zyrtare, në vitin 2023 nga buxheti i Kosovës janë ndarë 146, 965 euro për Eparki Rasko Prizrenska. Kërkoj sqarim prej teje kryeministër, cilat janë arsyet konkrete për ndarje të kësaj ndihme financiare dhe pse kjo ndarje është bërë drejtpërdrejt nga Zyra e Kryeministrit?”, pyeti Rrahmani.

Kurti në përgjigje tha se këto para ishin donacion nga ambasada norvegjeze, por që kaluan nga Zyra e Komuniteteve brenda Zyrës së Kryeministrit.

“Me marrëveshjen që ambasada e Norvegjisë ka pasë me Zyrën e Kryeministrit për zbatimin e projektit si donacion, ndërtimin e një ferme për mbarështimin e deleve për nevojat e Manastirit të Graçanicës në vlerë prej 147,965 euro. Kjo vlerë është paguar me datën 14 shkurt të vitit 2023 nga Zyra e Kryeministrit, është Zyra e Komuniteteve sipas planit të projektit të ambasadës së Norvegjisë”.

Rrahmani insistoi se paratë shkuan për një bashkësi fetare direkt prej Zyrës së Kryeministrit.

“Hyra në faqe të kësaj bashkësie, dioqezës dhe në ballinë shkruante “Kosova Metohi”. D.m.th një arsyetim rreth mbështetjes financiare ndaj dikujt që e mohon shtetësinë e Kosovës”.

Kurti sërish u përgjigj duke thënë se bëhet fjalë për projektin si donacion, ndërsa i tha deputetit Rrahmani se ngriti edhe pyetje tjera që shkojnë deri te Kushtetuta e vendit.

Ai tha se paratë u ndanë “nga Zyra e Komuniteteve sipas planit të projektit të ambasadës së Norvegjisë”.

“Nuk është nga Republika e Kosovës”.

“Këtu u ngritën edhe disa çështje të tjera që në fakt janë pyetje të tjera, ndoshta për herën e ardhshme mbi emërtimet e Kishës Ortodokse Serbe, mandej të infrastrukturës legjislative tek ne e që shkon deri te Kushtetuta e Republikës e te propozimi për status i ish-presidentit finlandez, Ahtisaari, që janë çështje shumë më të gjera e pyetje të tjera”.

Rrahmani sërish u përgjigj duke thënë: “Pavarësisht a janë donacion, ato kanë kaluar përmes institucioneve të Republikës së Kosovës”.

Shtetet e Bashkuara ofrojnë një shpërblim deri në 10 milionë dollarë për informacione rreth udhëheqësit të milicisë shiite irakiane Kata’ib Sayyid al-Shuhada (KSS), e cila mbështetet nga Irani.

Departamenti amerikan i Shtetit, përmes programit “Rewards for Justice” (Shpërblime për Drejtësi), e ka identifikuar udhëheqësin si Hashim Finyan Rahim al-Saraji, ndërsa grupin e tij e ka shpallur organizatë terroriste.

Në një njoftim në platformën X thuhet se “anëtarët e KSS kanë vrarë civilë irakianë dhe kanë sulmuar përfaqësitë diplomatike amerikane në Irak, si dhe bazat ushtarake dhe personelin amerikan në Irak dhe Siri”.

Help stop the violence and attacks against U.S. diplomatic facilities and innocent civilians in Iraq.

Send us your tip. pic.twitter.com/VeufJKfOyx

— Rewards for Justice (@RFJ_USA) April 23, 2026

Deputetja e Partisë Demokratike të Kosovës (PDK), Ariana Musliu Shoshi ka ngritur shqetësimin për shkelje të të drejtave të njeriut për katërshen e UÇK-së në Hagë.

Gjatë pyetje parlamentare në seancë, ajo e ka pyetur kryeministrin Albin Kurti se a janë të njoftuar partnerët ndërkombëtarë për këto shkelje.

“Shqetësimi i parë që kam ngritur meqë kjo mund të jetë seanca e fundit ku ne bëjmë pyetje parlamentare dhe ngrisim çështje me rëndësi ka të bëjë me shqetësimin që kemi për shkeljet e të drejtave të njeriut që po ndodhin në Dhomat e Specializuara në Hagë ndaj Hashim Thaçit, Kadri Veselit, Jakup Krasniqit dhe Rexhep Selimit si dhe deklarimet e ministrit të Punëve të Jashtme, njëkohësisht zëvendëskryeministër i Belgjikës, Maxime Prévot, i cili tha se mungesë informacioni jemi si shtete për këto të padrejta që po bëhen. Prandaj, pyetjet e mia drejtuar Albin Kurtit janë si në vijim: A i ka informuar qeveria partnerët ndërkombëtarë për këto shqetësime që i kemi të gjithë ne lidhur me shkeljet e të drejtave të Njeriut që po ndodhin në Dhomat e Specializuara në Hagë? Pse ka mungesë koordinimi dhe informimi në këtë nivel, çfarë veprimesh konkrete po ndërmerren për mbrojtjen e të drejtave të çlirimtarëve tanë”, deklaroi ajo. /Kp/