Author: K.B.

Incidenti me të shtëna që ndodhi në hotelin Washington Hilton në Connecticut Avenue – i njëjti hotel ku Ronald Reagan u qëllua dhe u plagos në vitin 1981.

Ngjarja e atëhershme ndodhi më 30 mars 1981, kur autori, John Hinckley Jr., qëlloi drejt Reagan-it teksa ai po kthehej drejt limuzinës së tij pas një fjalimi brenda hotelit.

Reagan mbijetoi, por u plagos rëndë nga një plumb që u përplas në anën e limuzinës presidenciale dhe e goditi në pjesën e trupit, duke i thyer një brinjë dhe duke i dëmtuar një mushkëri. Ai u dërgua me urgjencë në spitalin George Washington University dhe më vonë u lirua më 11 prill.

Sekretari për shtyp i Shtëpisë së Bardhë në atë kohë, James Brady, u plagos gjithashtu në të njëjtin incident, si edhe një agjent i Shërbimit Sekret dhe një oficer policie.

Brady pësoi dëmtime në tru gjatë incidentit dhe mbeti me aftësi të kufizuara për pjesën tjetër të jetës. Pasojat e plagëve e shoqëruan gjatë gjithë jetës dhe kontribuuan në vdekjen e tij në vitin 2014.

Një vit më pas, Hinckley u shpall i pafajshëm për shkak të gjendjes mendore, por u vendos në një repart të sigurisë së lartë në spitalin St. Elizabeth’s në Uashington, ku qëndroi deri në lirimin e tij në vitin 2016.

Një pllakë përkujtimore ende shënon vendin e ngjarjes në anën e hotelit.

Një sulm me armë ndodhi mbrëmë në Darkën e Korrespodentëve në Shtëpinë e Bardhë ku ishte dhe presidenti amerikan, Donald Trump. Aty mbeti i plagosur një oficer i Shërbimit Sekret të ShBA-së, ndërsa i dyshuari u arrestua.

Në vitet e fundit, kanë ndodhur disa incidente sigurie që kanë përfshirë Donald Trump.

Në korrik të vitit 2024, ai u qëllua në veshin e djathtë gjatë një tubimi elektoral në Butler, Pensilvani. Ndërsa largohej nga skena i shoqëruar nga sigurimi, ai thërriste “Fight! Fight! Fight!” (Luftoni! Luftoni! Luftoni!). Një person në turmë humbi jetën.

Disa muaj më vonë, në shtator 2024, presidenti i atëhershëm u evakuua me urgjencë pasi një person i armatosur u pa duke u fshehur në shkurre pranë klubit të tij të golfit në West Palm Beach, Florida. Trump tha vetë se ishte “i sigurt dhe mirë”.

Incidenti më i fundit para mbrëmjes së djeshme ndodhi në shkurt 2026. Një person i armatosur u vra nga policia pasi kishte hyrë në perimetrin e sigurisë së rezidencës së Trump në Mar-a-Lago. Presidenti në atë kohë ndodhej në Uashington DC.

“Personat që kanë ndikimin më të madh janë ata që bëhen shënjestër. Nuk i sulmojnë ata që nuk bëjnë shumë,” tha Trump në një përgjigje kur u pyet nga një gazetar se pse diçka e tillë po i ndodhte atij vazhdimisht.

Ish-kryeministri i vendit, Ramush Haradinaj, ka reaguar lidhur me të shtënat e regjistruara gjatë darkës së Shoqatës së Korrespondentëve të Shtëpisë së Bardhë, duke thënë se “reagimi i institucioneve të sigurisë të Amerikës, na bëri krenarë”.

Haradinaj ka shkruar se Kosova qëndron përherë krah institucioneve të sigurisë së Amerikës dhe popullit amerikan.

Postimi i plotë:

Reagimi i institucioneve të sigurisë të Amerikës, na bëri krenarë dje. Edhe një sulmues u mposht, ashtu siç do të mposhten çdo herë.

Kosova qëndron përherë krah institucioneve të sigurisë së Amerikës dhe popullit amerikan.

Kryeministri hungarez në largim, Viktor Orban, ka thënë se nuk do të zërë vendin e tij në parlamentin e ri pas humbjes në zgjedhje, duke njoftuar se do të përqendrohet në riorganizimin e “lëvizjes patriotike” të vendit.

Orban tha në një deklaratë video të shtunën se mandati parlamentar që ai fitoi si kreu i listës Fidesz-KDNP “është në fakt mandati parlamentar i Fidesz” dhe se për këtë arsye ai ka vendosur ta “kthejë atë”.

“Tani nuk më nevojitet parlamenti, por riorganizimi i lëvizjes patriotike”, tha ai.

Ky veprim vjen më pak se dy javë pasi partia Fidesz e Orbanit, e cila dominonte prej kohësh, u shtyp nga partia Tisza e Peter Magyar, e cila fitoi 141 nga 199 vendet në zgjedhjet parlamentare të Hungarisë më 12 prill.

Orban tha se fraksioni parlamentar i Fidesz do të “transformohet rrënjësisht” dhe se Gergely Gulyas do të udhëheqë grupin e ri kur të formohet të hënën. Ai tha gjithashtu se partia do të mbajë një asamble kombëtare javën e ardhshme dhe do ta çojë “kongresin e saj të ripërtëritjes” në qershor.Pavarësisht largimit nga parlamenti, Orban e bëri të qartë se synon të mbetet në krye të partisë, duke thënë se udhëheqja propozoi që ai të vazhdojë si president i Fidesz dhe se është gati ta bëjë këtë nëse kongresi rinovon besimin tek ai.

Orban përdori një ton sfidues në vend të tërheqjes, duke u thënë mbështetësve se “ky kamp ka mbetur komuniteti politik më i bashkuar dhe koheziv i Hungarisë”.

Humbja në zgjedhje shënoi përmbysjen më të madhe të karrierës së Orbanit dhe pritet të riformësojë marrëdhëniet e Hungarisë me BE-në dhe SHBA-në, si dhe me Rusinë dhe Ukrainën.

Autori, Cole Tomas Allen që hapi zjarr jashtë darkës së Shoqatës së Korrespondentëve të Shtëpisë së Bardhë (WHCD), në të cilën po merrte pjesë edhe Presidenti Donald Trump u tha oficerëve pas arrestimit se donte të qëllonte zyrtarët e administratës Trump.

Darka vjetore e Shoqatës së Korrespondentëve të Shtëpisë së Bardhë sapo kishte filluar kur një rrëmujë e madhe u dëgjua në hyrje të sallës. Më pas dëgjuan britma: “Poshtë! Poshtë!”.

Të pranishmit menjëherë u shtrinë në dysheme, shumë prej tyre duke mbajtur lart telefonat celularë për të regjistruar video, ndërsa presidenti dhe zonja e parë Melania Trump, të cilët ishin ulur në tryezën qendrore në një vend të ngritur përballë mysafirëve, u larguan nga rojet e sigurisë.

Agjentët e shërbimit sekret hynë në dhomë të armatosur rëndë. Forcat e sigurisë më pas urdhëruan mysafirët, gazetarë, ministra, politikanë dhe personalitete të ndryshme, të largoheshin nga salla e madhe që ndodhej në bodrumin e parë të hotelit.

Në videot që janë bërë publike, Presidenti Trump është ulur në tryezën e nderit me, ndër të tjerë, zëvendëspresidentin J.D. Vance dhe zëdhënësen e tij Caroline Levitt, si dhe gazetarë, ndërsa dëgjohen shpërthime.

Inspektorati Qendror i Punës, ka ndërmarrë aksion të jashtëzakonshëm inspektues në sektorët me rrezikshmëri të lartë, në të gjithë territorin e Republikës së Kosovës.

Sipas raportit 48-orësh nga Inspektorati Qendror i Punës, brenda dy ditësh u ndaluan punimet në 27 objekte, ndërsa në 32 të tjera u shqiptuan vërejtje.

Në njoftim thuhet se këtë 48 orësh fokus i Inspektimit ka qenë sektori i ndërtimtarisë andaj edhe realizimi i inspektimeve është bërë në 100% në këtë sektor.

Lirim Greiçevci, pjesë e ekipit mbrojtës të Hashim Thaçit në Hagë, ka postuar një status ku ka përcjellë mesazhin e ish-presidentit për qytetarët e Kosovës.

ka bërë të ditur se ka pasur mundësinë të komunikojë drejtpërdrejt me Thaçin, duke e uruar personalisht për ditëlindje dhe duke e informuar për mijëra urimet e qytetarëve që janë shpërndarë në rrjetet sociale.

Sipas Greiçevcit, shumë qytetarë kanë shprehur dëshirën që kjo të jetë ditëlindja e fundit e Thaçit në ambientet e paraburgimit në Hagë.

Në status thuhet se Thaçi është shumë mirënjohës ndaj secilit qytetar të Kosovës për mbështetjen e treguar gjatë viteve të fundit dhe mezi pret t’i falënderojë personalisht për përkrahjen.

Postimi është shoqëruar edhe me një fotografi nga viti 2017, kur Hashim Thaçit iu bë pritje me nderime ushtarake në akademinë britanike “Sandhurst”, në ditëlindjen e tij të 24 prillit.

Vlora Çitaku, nga Partia Demokratike e Kosovës, i ka reaguar kryeministri Albin Kurti, pasi që ky fajësoi partitë opozitare që vendi po shkon drejt zgjedhjeve.

Çitaku, i ka kërkuar Kurtit që të ‘’qetësohet’’, dhe duke thënë se, Kosova ‘’fatmirësisht nuk është vetëm’’ e tij.

Deputetja e PDK’së, i ka kërkuar Kurtit edhe që, të qeverisë, bashkëpunojë, ose që ta lëshojë rrugën e t’i lërë ankesat.

Postimi:

Kryeministër, qetësohu. Përkundër kapjes së institucioneve, Kosova fatmirësisht nuk është vetëm e jotja. Si do t’ia shpjegosh popullit që t’i dhanë 51% të votave se nuk dëshiron e nuk din të qeverisësh?

Këtë e di ti, mirëpo çfarë di unë është se ti do ta marrësh përgjigjen e merituar nga ta. Prandaj, lutja ime është krejt e sinqertë: Ose qeveris, bashkëpuno e jepi drejtim Kosovës, ose lësho rrugë e lëri më ankesat, krizat e lojërat fëmijërore në kurriz të qytetarëve.

Ti nuk je armiku ynë. Ti je vetëm një sfidë që, në ditën kur nuk do të jesh në drejtimin e vendit, për shtetin dhe qytetarët do të bëhet shumë më mirë.

Shihemi në zgjedhje, atje ku ky popull i abuzuar politikisht nga ti për shumë vjet, do të flasë me votë. I paaftë!