Author: K.B.

I dyshuari për të shtënat me armë në Darkën e Korrespondentëve të Shtëpisë së Bardhë në Uashington do të dalë sot para gjykatës.

Personi i identifikuar është 31-vjeçari Cole Tomas Allen, nga Torrance, Kaliforni.

Prokurori i Përgjithshëm i SHBA-së, Todd Blanche, tha se gjetjet “paraprake” sugjerojnë se i dyshuari kishte në shënjestër anëtarë të administratës Trump – dhe se vetë Trump ishte një objektiv “i mundshëm”.

Më pak se një orë pas incidentit, Trump tha në një postim në Truth Social tregoi se i dyshuari është arrestuar dhe më pas postoi foton e tij, raporton BBC.

Zbatuesit e ligjit i thanë dje partnerit amerikan të BBC-së, CBS News, se i dyshuari po mbahej në një stacion të Departamentit të Policisë Metropolitane në veriperëndim të Uashingtonit dhe do të transportohej më vonë sot në një qendër paraburgimi në juglindje të kryeqytetit.

Ai pritet të akuzohet zyrtarisht sot për sulm ndaj një oficeri federal dhe përdorim të një arme zjarri.

Kryeministri Albin Kurti nuk i është përgjigjur pyetjes nëse do ta pranojë Vjosa Osmanin si kandidate për presidente.

Duke u nisur drejt seancës për Rexhep Qosjen, kreu i Qeverisë nuk komentoi fare këtë çështje.

Ndërkohë, nesër është afati përfundimtar kushtetues për zgjedhjen e presidentit.

Prokuroria Speciale e Republikës së Kosovës (PSRK) ka ngritur aktakuzë ndaj një personi me inicialet D.Z., i dyshuar për kryerjen e dy veprave penale: “Nxitja e përçarjes dhe mosdurimit” si dhe “Mbajtja në pronësi, kontroll ose posedim i paautorizuar i armëve”.

Sipas njoftimit zyrtar, rasti i parë ka ndodhur më 5 mars 2026, rreth orës 02:00, në sheshin Sheshi Adem Jashari në Mitrovicë. I pandehuri dyshohet se, gjatë një aktiviteti publik të organizuar për iftar në muajin e Ramazanit, ka ndërmarrë veprime që synonin nxitjen e urrejtjes dhe mosdurimit, duke cenuar rendin publik. Konkretisht, ai dyshohet se ka dëmtuar flamurin kombëtar të Turqia duke përdorur një mjet të mprehtë dhe ka shprehur publikisht fyerje ndaj këtij simboli.

Në pikën e dytë të aktakuzës, PSRK bën të ditur se i pandehuri, në një periudhë të pacaktuar kohore deri më 12 mars 2026, ka poseduar armë dhe municion pa leje, në kundërshtim me ligjin në fuqi.

Alban Krasniqi nga Lëvizja Vetëvendosje, njëherit edhe bashkëshorti i ud.presidentes Albulena Haxhiu, ka reaguar përmes një postimi në Facebook lidhur me procesin e propozimit të kandidaturës për presidente.

Krasniqi ka deklaruar se propozuesit e emrit të Vjosa Osmani duhet ta respektojnë atë duke e zyrtarizuar kandidaturën përmes një shkrese formale, e cila sipas tij duhet të përmbajë emrat dhe nënshkrimet e të gjithë deputetëve të Lidhja Demokratike e Kosovës.

Ai ka theksuar se për të hyrë në procesin zgjedhor për president, duhet të propozohet edhe një kandidat tjetër, duke u bërë thirrje propozuesve që “të kalojnë nga Facebook-u në Sekretarinë e Kuvendit dhe të kryejnë procedurat e nevojshme”.

Kuvendi i Kosovës ka filluar seancën e veçantë në shenjë nderimi për akademikun Rexhep Qosja, me një minutë heshtje

Akademiku, shkrimtari dhe kritiku letrar shqiptar, Rexhep Qosja, ka vdekur të enjten në moshën 90-vjeçare, njoftoi familja e tij. Në nderim të jetës së Qosjes, në Kosovë 24 prilli ishte ditë zie.

Valjet Rexhepi, nipi i tij, shkroi në Facebook se Qosja vdiq dhe u varros të enjten në një ceremoni private familjare.

“Me dëshirë të të ndjerit, nuk do të organizohet ceremoni pritjeje nga familja. Familja nuk do të marrë pjesë në organizime institucionale.Lusim që privatësia jonë të respektohet dhe të na mundësohet të mbajmë zi në qetësi!” shkroi Rexhepi.

Prindërit e Endri Goxhaj, 30-vjeçarit që u vra javën e kaluar në Memaliaj, kanë ndarë detaje për Top Channel.

I ati i tij invalid, Astrit Goxhaj rrëfen me dhimbje se për të rritur të birin ka bërë sakrifica të mëdha, duke mbledhur lule në mal për të siguruar jetesën.

Ai tregon se çdo përpjekje dhe mund i jetës së tij kishte vetëm një qëllim, të ndërtonte një të ardhme më të mirë për Endrin, por sot, pas vrasjes së të birit, ai shprehet se gjithçka i është shkatërruar.

Mes lotësh dhe dhimbjes së thellë, thotë se humbja e Endrit i ka rrënuar jetën dhe i ka marrë çdo shpresë, ndërsa kërkon me ngulm që drejtësia të vihet në vend.

Edhe nëna e tij, e tronditur thellë nga kjo humbje, kërkon drejtësi për djalin e saj. Me zë të dridhur, ajo apelon që autorët të zbulohen dhe të marrin dënimin që meritojnë, duke theksuar se asgjë nuk mund ta kthejë më Endrin, por drejtësia është e vetmja gjë që mund t’i japë sadopak qetësi shpirtit të saj ajo shton se djalin ja ndiqnin për ta vrarë.

Mësohet se Endri kishte pak kohë që ishte fejuar, duke e bërë edhe më të rëndë këtë tragjedi për familjen dhe të afërmit, pasi jeta e tij u ndërpre pikërisht në momentin kur po niste një kapitull të ri.