Author: K.B.

Katër vdekje të dyshuara në 24 orë, policia po i heton rastet

Policia e Kosovës ka njoftuar se është duke hetuar katër raste të vdekjeve që kanë ndodhur në 24 orët e kaluara.

Një rast thuhet se ka ndodhur në Podujevë ku pa shenja jetë është gjetur një burrë.

“Është gjetur pa shenja jete viktima mashkull. Vdekjen e viktimës e ka konstatuar mjeku kujdestar në vendin e ngjarjes”, thuhet në raportin 24-orësh të Policisë.

Një burrë është gjetur i vdekur edhe në Mitrovicë.

“Është gjetur pa shenja jete viktima mashkull kosovar, vdekjen e të cilit e ka konstatuar mjeku kujdestar”, thuhet në raportin policor

Një rast ka ndodhur në Leposaviq.

“ Është gjetur pa shenja jete në shtëpinë e tij viktima mashkull kosovar. Vdekjen e viktimës e ka konstatuar mjeku kujdestar”, thuhet në raport.

Ndërkohë që një tjetër rast ka ndodhur në Zveçan.

“Pasi është raportuar për një person pa shenja jete në vendin e ngjarjes kanë dal njësitë përkatëse policore dhe ekipi mjekësor të cilët kanë konstatuar vdekjen e viktimës mashkull kosovar”, thuhet në njoftim.

Me vendime të prokurorëve në të gjitha rastet trupat janë dërguar në Institutin e Mjekësisë Ligjore për obduksion.

Ambasada amerikane reagon pasi Agjencia e Akreditimit të Kosovës pranohet në Këshillin për Akreditim i Arsimit të Lartë të SHBA-së
Read more
Ad

Në Gjykatën Themelore në Prishtinë ka nisur sot seanca e radhës në procesin gjyqësor të njohur si rasti “Capa-Sekiraqa”.

Në sallën e gjyqit janë të pranishëm të akuzuarit, mbrojtja e tyre dhe trupi gjykues, ndërsa pritet që gjatë ditës të dëgjohen dëshmi të reja ose të administrohen prova që lidhen me aktakuzën.

Forca të shtuara të policisë janë parë në hyrje të objektit dhe brenda sallës ku po zhvillohet procesi.

Në shkurt të këtij viti, Prokuroria Themelore në Prishtinë njoftoi se ka ngritur aktakuzë kundër nëntë personave të dyshuar për “Vrasje e rëndë në tentativë”, “Vrasje e rëndë”, “Mbajtje në pronësi, kontroll ose posedim të paautorizuar të armëve” dhe “Manipulim me prova”.

Më 1 shtator të vitit 2024 në rrugën “Gazmend Zajmi” në Prishtinë një person mbeti i vdekur dhe pesë të tjerë u plagosën pas të shtënave me armë mes grupeve të njohura si Sekiraqa dhe Capat.

Në njoftim thuhet se “sipas hetimeve, motivi i këtij sulmi lidhet me një konflikt të mëhershëm të datës 04.03.2024, të ndodhur ndërmjet SH.S. (djalit të të pandehurit S.S) dhe P.G. (vëllait të tani të ndjerit P.G.), konflikt i cili ka përshkallëzuar armiqësinë ndërmjet dy grupeve”./Insajderi

Në Mitrovicë të Jugut janë zbuluar eshtrat e të paktën dy personave të zhdukur gjatë luftës në Kosovë.

Policia bën të ditur në raportin 24-orësh se gërmimet janë kryer me urdhër të gjykatës, ndërsa dyshohet se mbetjet mortore u përkasin personave të listës kombëtare të të zhdukurve me forcë gjatë periudhës së luftës 1998-1999.

“Pas përfundimit të procedurave në vendin e ngjarjes mbetjet e eshtrave janë sjellur në IML për ekzaminim mjekësor dhe konfirmim të identitetit përmes analizës së ADN-së”, thuhet më tej në njoftimin e policisë .

Një person është gjetur pa shenja jete paraditen e së martës në Podujevë.

Policia ka njoftuar se lidhur me rastin kanë filluar hetimet, ndërsa me trupi i pajetë i viktimës është dërguar në IML për obduksion.

“Është gjetur pa shenja jete viktima mashkull. Vdekjen e viktimës e ka konstatuar mjeku kujdestar në vendin e ngjarjes. Me vendim të prokurorit kujdestar, trupi i pajetë i viktimës është dërguar në IML për obduksion”, thuhet në raportin e policisë.

Një bastisje është duke u zhvilluar në objektin e Agjencisë Kadastrale në Prishtinë.

Bastisja është konfirmuar nga zëdhënësja e Prokurorisë Themelore në Prishtinë, Kaltrina Shala.

Shala ka thënë se për detaje do të njoftojnë më vonë.

Prokuroria Speciale e Kosovës ka ngritur aktakuzë ndaj M.K, V.M., D.R., Z.D., C.B.,M.I.,S.S. dhe S.K për veprën penale “Krime lufte kundër popullsisë civile”.

Sipas aktakuzës, të pandehurit nga 24.03.1999 deri më 31.03. 1999, në qytetin e Gjakovës, gjatë një operacioni të gjerë, duke vepruar në bashkëkryerje dhe në koordinim me struktura policore, ushtarake dhe paramilitare, kanë kryer vrasje, dëbim të popullsisë civile, shkatërrim dhe plaçkitje të pronës së tyre.

Ekziston dyshimi i bazuar mirë se gjatë këtij operacioni të forcave policore, paramilitare dhe ushtarake serbe janë vrarë 65 civilë dhe janë zhdukur 12 civilë.

Partia Demokratike e Kosovës shpreh shqetësimin e saj lidhur me shtyrjen e shpalljes së aktgjykimit në procesin gjyqësor ndaj ish-krerëve të UÇK-së në Gjykatën Speciale në Hagë.

Sipas një njoftimi për media bëhet e ditur se kjo vonesë e pajustifikueshme është një dëshmi e radhës e këtij procesi të stërzgjatur, i cili e ka humbur kuptimin e drejtësisë dhe është shndërruar në një proces të ndikuar nga kalkulimet politike.

“Shtyrja e fundit është një goditje tjetër ndaj besimit tonë në drejtësi dhe një padrejtësi e shtuar ndaj ish-krerëve të UÇK-së, të cilët prej rreth pesë vitesh e gjysmë po mbahen në paraburgim, duke ua shndërruar këtë masë në një dënim të heshtur të imponuar përmes vonesave të përsëritura”, thuhet në njoftim.

Tutje bëhet e ditur se PDK i bën thirrje bashkësisë ndërkombëtare dhe institucioneve të drejtësisë që të reflektojnë dhe të mos lejojnë që ky proces të shndërrohet në një shembull të dështimit të drejtësisë ndërkombëtare.

“PDK mbetet e palëkundur në bindjen për pafajësinë e ish-krerëve të UÇK-së dhe kërkon një vendim përfundimtar, pa vonesa të mëtejshme, i cili do të mundësojë rikthimin e tyre në Kosovë”, thuhet në njoftim.

Turqia ka zbuluar publikisht raketën e saj të re balistike ndërkontinentale, Yildirimhan, për herë të parë në ekspozitën ndërkombëtare të industrisë së mbrojtjes SAHA 2026 në Stamboll, duke shënuar një hap tjetër në zhvillimin e aftësive strategjike të sulmit me rreze të gjatë veprimi në vend.

Raketa u zhvillua nga Qendra e Kërkimit dhe Zhvillimit e Ministrisë së Mbrojtjes Turke dhe, sipas të dhënave të paraqitura në ekspozitë, mund të arrijë shpejtësi deri në Mach 25 (rreth 8.5 kilometra në sekondë) dhe ka një rreze veprimi deri në 6,000 kilometra.

Sistemi “Yildirimhan” përdor tetoksid të azotit të lëngshëm si lëndë djegëse dhe ka katër motorë raketash, karakteristika që, sipas burimeve turke, e rendisin atë ndër platformat më të përparuara të raketave të zhvilluara nga Turqia deri më sot.

Prezantimi u zhvillua në kuadër të Ekspozitës Ndërkombëtare të Mbrojtjes dhe Hapësirës Ajrore SAHA 2026, ku industritë turke të mbrojtjes dhe agjencitë shtetërore prezantojnë sisteme të reja teknologjike në fusha të tilla si mbrojtja ajrore, sistemet pa pilot, aviacioni dhe teknologjitë hapësinore.

🇹🇷 Türkiye'nin milli füzesi "YILDIRIMHAN" SAHA 2026'da tanıtıldı

Milli Savunma Bakanlığı AR-GE Merkezince geliştirilen YILDIRIMHAN'ın özellikleri:

➔ Hipersonik füze olma özelliği taşıyor
➔ Mach 9 ile 25 arasında değişen hızlara ulaşabiliyor
➔ Yakıt olarak sıvı nitrojen… pic.twitter.com/w3z7FbLr4z

— Anadolu Ajansı (@anadoluajansi) May 5, 2026