ATV

Author: K.B.

  • Lushaku për premtimet e Kurtit: Pas 6 vitesh qeverisje, çerdhet s’ekzistojnë e asnjë shujtë falas s’u është ofruar fëmijëve

    Lushaku për premtimet e Kurtit: Pas 6 vitesh qeverisje, çerdhet s’ekzistojnë e asnjë shujtë falas s’u është ofruar fëmijëve

    Jehona Lushaku nga Lidhja Demokratike e Kosovës, ka rikujtuar një premtim të kryeministrit në detyrë, Albin Kurti, i cili kishte thënë se do hapeshin 160 çerdhe të reja, dhe do jepej ushqim falas për çdo fëmijë nga klasa e parë deri në të pestën.

    Lushaku, ka theksuar se, sot, pas 6 vitesh qeverisjeje, çerdhet e premtuara nuk ekzistojnë, e asnjë shujtë falas nuk u është ofruar fëmijëve nga Qeveria.

    ‘’ Me miliona euro suficit buxheti, që i kanë tepruar qeverisë çdo vit, ka mundur t’i ushqejë fëmijët në shkolla nga tri herë në ditë!’’, ka shkruar Lushaku.

    Postimi:

    ÇERDHET e USHQIMI FALAS PËR FËMIJË

    “160 çerdhe të reja” dhe “ushqim falas për çdo fëmijë nga klasa e parë deri në të pestën”.

    Kështu pati premtuar ish-kryeministri Kurti. Jo nga kafeneja, as nga ndonjë debat televiziv, por premtime publike nga foltorja e Kuvendit, përpara qytetarëve të Kosovës, në emër të ndryshimit.

    Ndërsa sot, pas 6 vitesh qeverisjeje, çerdhet e premtuara nuk ekzistojnë, e ASNJË shujtë falas nuk u është ofruar fëmijëve nga Qeveria.

    Me miliona euro suficit buxheti, që i kanë tepruar qeverisë çdo vit, ka mundur t’i ushqejë fëmijët në shkolla nga tri herë në ditë!

    Por, jo ka vendosur që t’i investojë në propagandë për t’ua shpërlarë trurin prindërve të fëmijëve.

    Për fëmijët tanë, çerdhet e mësimin tërëditor me ushqim të ngrohtë e garanton veç LDK.

  • Djali i Jakup Krasniqit-Gërvallës: Ti jo vetëm e respekton, por edhe e dëshiron atë që tha Fatos Geci

    Djali i Jakup Krasniqit-Gërvallës: Ti jo vetëm e respekton, por edhe e dëshiron atë që tha Fatos Geci

    Altin Krasniqi, djali i Jakup Krasniqit, ka reaguar ndaj ministres së Drejtësisë në detyrë dhe bashkëkryetares së Partisë Guxo, Donika Gërvalla-Schwarz, pas deklaratës së saj se e respekton qëndrimin e Fatos Gecit lidhur me ish-krerët e Ushtria Çlirimtare e Kosovës që po gjykohen në Hagë.

    Altin Krasniqi i është drejtuar Gërvallës duke thënë se ajo jo vetëm që e respekton atë që ka thënë Geci, por edhe e dëshiron atë.

    “Ti, Donikë, jo veç që e respekton atë që e thotë Fatosi, por edhe e dëshiron atë që e thotë Fatosi”, ka shkruar Krasniqi.

    Ai tha se beson në drejtësi dhe se, nëse drejtësia ekziston, ish-presidenti Hashim Thaçi, si dhe Kadri Veseli, Jakup Krasniqi dhe Rexhep Selimi do të kthehen në Kosovë.

    “Epilogun e kësaj gjykate unë nuk e di. Di vetëm se besoj në drejtësi, e nëse drejtësia ekziston, babi, Hashimi, Kadria dhe Rexha kanë me u kthy”, ka deklaruar ai.

    Krasniqi tha se historia do të ndajë qartë ata që, sipas tij, do të mbeten në anën e ndritur të saj dhe ata që do të mbeten në anën e errët.

    “Janë dy anë të historisë: ajo ana e bardhë dhe e ndritur, në të cilën babi, Hashimi, Kadria dhe Rexha kanë me jetu përjetësisht me lavdinë më të madhe që mundet me e pasë njeriu; atë të heroit dhe të çlirimtarit.”

    “Po është edhe ana e errët e historisë, ana e zezë apo Schwarz; aty, kokëulur, ti ki me jetu gjatë”, ka përfunduar Krasniqi.

  • Deklarata e Gërvallës për ish-krerët e UÇK-së, Çitaku: Ka me të mbulu turpi, Donikë

    Deklarata e Gërvallës për ish-krerët e UÇK-së, Çitaku: Ka me të mbulu turpi, Donikë

    Kandidatja e PDK-së për deputete, Vlora Çitaku ka reaguar ashpër ndaj deklaratave të ministres në detyrë, Donika Gërvalla, lidhur me ish-krerët e UÇK-së në Hagë.

    Gërvalla ka thënë sonte se e respekton deklaratën e bashkëpartiakun të saj, Fatos Geci se “shpreson që Hashim Thaçi të dënohet me burgim të përjetshëm në Hagë”.

    Sekretarja e përgjithshme e PDK-së, ka thënë se një deklaratë e tillë dhemb shumë.

    “Ka me të mbulu turpi, Donikë. Çfarë neverie. Çfarë gërrdije. Me qenë Ministre e Jashtme e Republikës së Kosovës, me përfaqësu këtë shtet para botës, e sot si Ministre e Drejtësisë me ua uru burgimin e përjetshëm Hashim Thaçit, Kadri Veselit, Jakup Krasniqit e Rexhep Selimit. Kjo dhemb. Thellë.”, ka thënë Çitaku.

    Ajo ka thënë se me një gjuhë të tillë nuk po sulmohen katër njerëz, por UÇK-ja.

    “Sepse në fakt, ju nuk po sulmoni vetëm katër njerëz. Ju po doni me dënu UÇK-në, luftën çlirimtare dhe krejt sakrificën mbi të cilën është ndërtu kjo Republikë. Ata burra mund t’i mbani larg Kosovës fizikisht, por nuk mund ta burgosni historinë. Nuk mund ta zhbëni sakrificën, gjakun dhe idealin e mijëra grave e burrave që u ngritën për liri. Marre ju qoftë.”, ka shkruar Çitaku.

  • Parashikimi i motit për të enjten

    Parashikimi i motit për të enjten

    Të enjten parashikohet të mbajë mot me diell dhe vranësira, ndërsa gjatë orëve të pasditës pritet të ketë ndonjë rrebesh të izoluar dhe kalimtar në zona të caktuara.

    Era do të fryjë nga veriu dhe herë pas here pritet të të jetë mjaft e fuqishme, me shpejtësi prej 15-51 km/h.

    Temperaturat minimale do të lëvizin prej 8 deri në 12°C, ndërsa maksimalet prej 20 deri në 24°C. /MeteoKosova/

  • Osmani i reagon Kurtit: Nëse kisha dashur pushtet do të garoja për kryeministre

    Osmani i reagon Kurtit: Nëse kisha dashur pushtet do të garoja për kryeministre

    Ish-presidentja e Kosovës, Vjosa Osmani, ka reaguar ndaj deklaratave të kryeministrit Albin Kurti, i cili kishte thënë se ajo ka ambicie politike.

    Në emisionin “Click” në RTV21, Osmani deklaroi se roli i presidentit nuk lidhet me pushtetin ekzekutiv, por me ruajtjen e balancës institucionale dhe funksionimin demokratik të shtetit.

    Sipas saj, presidenca është institucioni që garanton ekuilibrin mes pushteteve dhe ndërhyn kur është e nevojshme për të korrigjuar gabimet institucionale.

    “Institucioni i presidencës nuk do pushtet. Është shtylla që e mban balancën e pushteteve të tjera, e ruan demokracinë në kohë të rënda dhe siguron që kur të tjerët bëjnë gabime, ato të përmirësohen”, ka deklaruar Osmani.

    Ajo shtoi se, nëse do të kishte synuar pushtetin ekzekutiv, do të kishte kandiduar për postin e kryeministres.

    “Nëse do të doja pushtet, do të kandidoja për kryeministre. Jam e bindur që ka qenë vullnet i popullit që unë të jem presidente”, u shpreh ajo.

    Duke iu përgjigjur deklarimeve të Kurtit lidhur me interpretimin e Kushtetutës, Osmani tha se autoriteti për interpretimin kushtetues i takon Gjykatës Kushtetuese dhe jo kryeministrit.

    “Kurti mund të mendojë që është autoritet për interpretimin e Kushtetutës, por nuk është, është Gjykata Kushtetuese. Unë kam marrë pjesë në hartimin e Kushtetutës dhe e di shumë mirë çfarë po flas. Institucioni i presidencës e mban balancën, këtë e kam bërë”, deklaroi Osmani.

  • Filmi “Dua” vlerësohet me çmimin SACD në Festivalin e Filmit në Kanë

    Filmi “Dua” vlerësohet me çmimin SACD në Festivalin e Filmit në Kanë

    Filmi “Dua” me skenar nga regjisorja Blerta Basholli dhe Nicole Borgeat ka shënuar një hap të rëndësishëm në rrugëtimin e tij ndërkombëtar, duke u vlerësuar me çmimin “SACD” në Festivalin e Kanës, në kuadër të programit paralel “Semaine de la Critique” apo Java e Kritikës.

    Çmimi “SACD” jepet nga Shoqata e Autorëve dhe Kompozitorëve Dramaturgjikë në Francë dhe synon të vlerësojë filma që dallohen për skenar të fortë, origjinalitet dhe qasje të veçantë artistike.

    Ky çmim ndahet gjatë programit paralel të Kanës, i cili i dedikohet kryesisht zbulimit të regjisorëve të rinj dhe filmave me stil autorial.

    Filmi Dua flet për fundin e viteve 90-ta në Kosovë. Derisa lufta po afrohet dhe tensionet etnike po rriten, 13-vjeçarja Dua përpiqet të gjejë vendin e saj mes bashkëmoshatarëve dhe brenda trupit të saj që po ndryshon.

    Pas një incidenti që trondit komunitetin e saj, ajo vetë bëhet shënjestër dhe krijon një shoqëri me një vajzë të guximshme, Maki, e cila e çon drejt një forme të papritur rezistence.

    Mes dhunës së përditshme dhe kërcënimit gjithnjë e më të madh të dëbimit, mbetet pak hapësirë për zgjime të qeta.

    Kasti i filmit përbëhet prej aktorëve sikurse: Pinea Matoshi, Vlera Bilalli, Kaona Matoshi, Yllka Gashi, Kushtrim Hoxha dhe Andi Bajgora, të cilët sjellin në jetë personazhet e këtij rrëfimi.

    Filmi vetëm para pak ditësh e kishte pasur premierën botërore në festivalin e Kanës.

  • Befason Trump: Mund të kandidoj për kryeministër të Izraelit

    Befason Trump: Mund të kandidoj për kryeministër të Izraelit

    Presidenti amerikan, Donald Trump ka bërë një deklaratë të pazakontë duke sugjeruar se mund të kandidojë për postin e kryeministrit të Izraelit.

    “Unë tani jam në 99% në Izrael. Mund të kandidoj për kryeministër, kështu që ndoshta pasi ta bëj këtë, do të shkoj në Izrael dhe do të kandidoj për kryeministër. Netanyahu do të bëjë gjithçka që unë dua që ai të bëjë,” tha Trump.

    Deklarata e tij ka tërhequr vëmendje për shkak të tonit politik dhe pretendimeve të drejtpërdrejta për ndikim në udhëheqjen izraelite.

    Deri më tani nuk ka pasur reagim zyrtar nga kryeministri izraelit Benjamin Netanyahu.

    Ndryshe, zgjedhjet parlamentare në Izrael tashmë janë planifikuar të mbahen jo më vonë se 27 tetor 2026, kur përzgjidhen të 120 deputetët e Knesset-it (parlamentit izraelit).

    Zgjedhjet mbahen në Izrael zakonisht çdo 4 vjet, por shpesh mund të ndodhin më herët për shkak të krizave politike ose rrëzimit të qeverisë.

  • Çitaku: Sikur Sami Lushtaku të vritej në luftë, Kurti do shkonte te varri i tij për të vendosur lule

    Çitaku: Sikur Sami Lushtaku të vritej në luftë, Kurti do shkonte te varri i tij për të vendosur lule

    Vlora Çitaku nga Partia Demokratike e Kosovës (PDK), ka thënë në “Pressing”, se sikur Sami Lushtaku të vritej në luftë, edhe Albin Kurti do shkonte te varri i tij e t’i vendoste lule.

    Ajo tha se Sami Lushtaku është plagosur disa herë në luftë dhe se i është treguar nga miqtë e tij që natën atij i ndodh të shkojë t’i vizitojë varret e shokëve të tij të vrarë në luftë.

    “Unë e shoh më shumë si reflektim i deficitit të tij personal, për shkak se është e pashpjegueshme ky obsesion që e kanë ata me Sami Lushtakun. Mund ta gjykosh si politikan, por t’i thuash atij Sami Lushtakut po jokorrekte, por edhe jonjerëzore. Samiut ende i ndodh të zgjohet e të shkojë t’i vizitojë varrezat e shokëve të tij që janë vrarë në luftë, është plagosur disa herë. Sikur të ishte i vdekur edhe vetë Albin Kurti do shkonte te varri i tij e do t’i vendoste lule”, ka thënë ajo.

  • Sami Lushtaku padit Albin Kurtin për shpifje, kërkon dëmshpërblim për deklaratat rreth “rrezikimit të eskortës”

    Sami Lushtaku padit Albin Kurtin për shpifje, kërkon dëmshpërblim për deklaratat rreth “rrezikimit të eskortës”

    Kryetari i Skenderajt, Sami Lushtaku, ka dorëzuar një padi për shpifje dhe kompensim të dëmit moral kundër Kryeministrit në detyrë të Kosovës, Albin Kurti, në Gjykatën Themelore në Prishtinë.

    Padia vjen pas deklaratave të Kurtit , ku ai pretendoi se Lushtaku kishte tentuar të bënte ndeshje komunikacioni me eskortën kryeministrore.

    Sipas dokumentit të publikuar nga Lushtaku, padia e ushtruar përmes avokatit Labinot Vata, e cilëson deklaratën e Kurtit si të pavërtetë, shpifëse dhe me qëllim dëmtimin e rëndë të reputacionit dhe integritetit të Lushtakut.

    Në argumentet e paraqitura në padi, pala mbrojtëse e Lushtakut thekson se këto deklarata e paraqesin klientin e tyre si person që ndërmerr veprime “të rrezikshme, të dhunshme dhe potencialisht kriminale”, pa pasur asnjë bazë faktike.

    “Nuk ka asnjë vendim apo provë. Nuk ekziston asnjë aktgjykim, aktvendim, procesverbal apo sanksion administrativ nga organet e rendit që mbështet pretendimet e kryeministrit.”, thuhet në deklaratë.

    Padia specifikon se Sami Lushtaku “prej vitesh nuk drejton personalisht automjete”, çka sipas mbrojtjes e bën deklaratën e Kurtit krejtësisht të pabazuar dhe absurde, duke qenë se ai paraqitet si shofer i mjetit që ka rrezikuar eskortën.

    Para se t’i drejtohej gjykatës, avokati i Lushtakut i kishte dërguar Kurtit një kërkesë zyrtare përmes postës elektronike për tërheqjen e deklaratave dhe kërkim falje publike, në pajtim me Nenin 12 të Ligjit për Shpifjen dhe Fyerjen. Pasi nuk kanë pranuar asnjë përgjigje apo reagim nga ana e Kryeministrit, pala paditëse ka iniciuar procedurën gjyqësore.

    Vlera e dëmit moral në këtë padi është lënë *e papërcaktuar*, ndërsa kërkohet që gjykata t’i cilësojë këto deklarata si shpifje që kanë cenuar nderin dhe dinjitetin e Lushtakut në opinionin publik.

    Baza e kësaj padie është një intervistë e Kryeministrit Albin Kurti.

    “Kryetari i Komunës së Skenderaj, me veturë zyrtare, 2Z, ka synuar që të bëjë ndeshje komunikacioni me eskortën ku isha unë… ka synu që ta ndërpresë qarkullimin e eskortës tonë, në mënyrë të dhunshme, me veturë zyrtare të Komunës së Skenderaj… ka pas tentim për rrezik.”, ka deklaruar Kurti.

  • Musliu e zhgënjyer nga policia, rrëfen detaje nga “rrethimi” i Skenderajt

    Musliu e zhgënjyer nga policia, rrëfen detaje nga “rrethimi” i Skenderajt

    Kandidatja për deputete nga radhët e PDK-së, Ganimete Musliu, ka folur për natën e 15 prillit kur telefonoi Policinë e Kosovës, kur Skenderaj ishte “rrethuar”, dhe se të njëjtit i ishin përgjigjur se “ka shumë vetura të paregjistruara dhe meqë po vjen vera ka numër më të madh të automjeteve”.

    Ajo shtoi se ishte e zhgënjyer nga reagimi i Policisë dhe se nuk kishte ditur për praninë e mediave në vendngjarje.

    “Ky moment për mua ka qenë zhgënjyes me institucionin në këtë rast dhe kjo telefonatë ka zbardhur shumë anomali që s’kisha desht as me i verifikuar, pa dashje, nuk ka qenë qëllimi im me nxjerr këtë joseriozitet të Policisë së Kosovës. Asnjëherë s’kam dasht me bë politikë me institucionet e sigurisë, s’kisha dasht me dëgju një komunikim të tillë.

    Derisa, shtoi se atë natë kishte shkuar në Skenderaj nga Prishtina rreth orës 1 pasmesnate.

    “Isha në shtëpi, dhe më vjen një mesazh një fotografi dhe më thotë një qytetarë hyn lexoj portalet, dhe hyra në media dhe i pashë. Dhe kam shku prej Prishtinës në Skenderaj. As s’e kam ditë që ka media atje fare. Kam shku atje, në momentin e parë, ka ardhur një makinë e Policisë dhe është ndalur para turmës”, tha Musliu.