Author: K.B.

Katër persona humbën jetën në një aksident trafiku që ndodhi mbrëmë në qarkoren e Shkupit, midis mbikalimit Vizbeg dhe kryqëzimit të Mirkovcit.

Ministria e Punëve të Brendshme informon se mbrëmë në orën 23:00, SPB Shkupi ka marrë njoftim se në qarkoren e Shkupit, midis mbikalimit Vizbeg dhe kryqëzimit të Mirkovcit, B.B. (76) nga Kosova, duke drejtuar një kamion MAN me një gjysmërimorkio me targa kombëtare të Kosovës, ka humbur kontrollin mbi automjetin dhe ka kaluar mbi gardhin metalik në drejtim të kundërt të autostradës, duke u përplasur me një automjet pasagjerësh BMW me targa të Shkupit, e drejtuar nga R.V. (51) nga Shkupi.

“Përplasja shkaktoi zjarr në të dy automjetet, nga i cili automjeti i pasagjerëve dhe kabina e traktorit u dogjën plotësisht. Zjarri u shua nga një ekip i Brigadës së Zjarrfikësve të Shkupit”.

“Nga plagët e marra në vendin e ngjarjes ndërruan jetë shoferi R.V. si dhe bashkudhëtarët A.V. (20) dhe P.M. (20) nga Shkupi dhe një person tjetër identiteti i të cilit aktualisht nuk dihet. Një mjek i Ndihmës së Shpejtë konstatoi vdekjet, ndërsa me urdhër të prokurorit publik trupat e të ndjerit u dërguan për autopsi”.

“Gjithashtu, me urdhër të prokurorit publik, shoferi B.B. u privua nga liria dhe u ndalua në stacionin policor. Pas sqarimit dhe dokumentimit të plotë të rastit, do të hartohet një raport përkatës”, thonë nga MPB.

Gjatë inspektimit, përkatësisht në periudhën nga ora 23:10 deri në orën 05:00, trafiku u ridrejtua në rrugën Tetovë-Veles, në kryqëzimin e rrugës Prishtinë drejt fshatit Vizbeg dhe Veles-Tetovë në kryqëzimin e rrugës Mirkovci. Në orën 05:00, trafiku u normalizua.

Aksidenti me 4 të vdekur ku u përfshi kamioni me targa kosovare, dalin detaje të reja

Ariana Musliu-Shoshi ka thënë se vendi nuk ka nevojë për një qeveri që i varfëron qytetarët gjatë mandatit, e provon ta blejë dinjitetin e tyre me 100 euro.

Ky reagim vjen pas vendimit të qeverisë në detyrë për të ndarë nga 100 euro për disa kategori, dy javë para zgjedhjeve.

“Qytetarët nuk kanë nevojë për një qeveri që i varfëron gjatë gjithë mandatit, e provon ta blejë dinjitetin e tyre me nga 100 euro!
Shteti nuk ndërtohet me lëmosha elektorale, por me dinjitet, zhvillim dhe shpresë për të ardhmen”, shkruan Musliu-Shoshi në reagim.

Qeveria në detyrë në mbledhjen e mbajtur ka marrë sot vendim për ndarjen e nga 100 eurove për pensionistët, fëmijet, studentët dhe punëtorët e sektorit privat, si edhe 500 euro shtesa për lehonat.

Sipas njoftimit të ekzekutivit, masa synon mbështetjen financiare të qytetarëve përballë rritjes së kostos së jetesës dhe sfidave ekonomike.

Pas këtij vendimi ka reaguar analisti politik Albert Krasniqi, i cili e ka kritikuar kohën e marrjes së këtij vendimi, duke e lidhur atë me procesin zgjedhor.

“Shpërndarja e parave nga arka e shtetit në mes të procesit zgjedhor, tregon për shterpësinë e ideve të një pushteti që tenton të blejë votat e qytetarëve të vendit të dytë më të varfër në Evropë”, ka deklaruar Krasniqi.

Analisti Shenoll Muharremi ka reaguar pasi Qeveria në detyrë ka marrë vendim që të ndajë nga 100 euro për pensionistët, fëmijët, për punonjësit e sektorit jopublik dhe studentët aktiv.

Përmes një postimi në profilin e tij në rrjetin social Facebook, Muharremi ka thënë se Kurti po blen vota me para publike për t’i manipuluar zgjedhjet.

Postimi i tij i plotë:

“Qeveria ndan nga 100 euro”

Ja nisi ky me ble vota me para publike e me i manipulu zgjedhjet.

Qysh nuk ju vjen marre aspak? Ky është korrupsion i pastër elektoral dhe abuzim me paranë publike për interesa të një partie në kohë zgjedhjesh.

Kështu, kur nuk je i zoti me qeverisë e me kriju mirëqenie, por krijon vetëm kriza, tash nga paniku për ndëshkim në zgjedhje i ndani lëmosha me jau ble votën qytetarëve që i keni varfëruar. Shtresave më të margjinalizuara të shoqërisë.

Fatkeqësisht, 100 euro nuk dalin për asgjë në ditën e sotit, me këto çmime astronomike që janë kriju nga keqmenaxhimi i energjisë dhe ekonomisë që ka kriju inflacioni e rritje të çmimeve kronike. Qytetarëve u duhet siguri dhe stabilitet afatgjatë, jo vitra.

Merrini paret, e ndëshkojini me votë!

Këta ju kanë marrë e ju kanë varfëruar me mijëra euro; këto 100 euro janë vetëm për me ju mashtru për votë.

Policia e Kosovës, përkatësisht Drejtoria për Bashkëpunim Ndërkombëtar Policor, në koordinim dhe në bashkëpunim me njësitet tjera relevante të Policisë së Kosovës dhe institucionet e drejtësisë, me datën 21 maj 2026 ka bërë ekstradimin e shtetasit malazez nga Gjermania për në Kosovë.

I dyshuari ishte arrestuar nga autoritete gjermane, pasi që i njëjti kërkohej përmes INTERPOL-it me letër rreshtim ndërkombëtar, lëshuar nga institucionet e drejtësisë së Kosovës, për veprën penale ‘vrasje e rëndë’ dhe se i njëjti i ishte shmangur drejtësisë.

Ekstradimi u realizua bazuar në ligjet në fuqi dhe në bashkëpunim të ngushtë në mes të institucioneve të Republikës së Kosovës dhe atyre gjermane.

Kryeministri në detyrë Albin Kurti pasi ka dhënë lajmin për ndarjen e nga 100 euro për pensionistet, studentët dhe punëtoret e sektorit privat, ai ka treguar se kur do të ndahen këto mjete.

Ai ka bërë me dije se pagesat për pensionistë dhe studentët do të bëhet para festes së Bajramit.

“Meqenëse për pensionistët dhe fëmijët nuk do të ketë nevojë për aplikim, sepse i kemi listat e përfituesve tashmë, do të synojmë që pagesat e njëhershme për familjet përfituese t`i bëjmë në fillim të javës që vjen, pra para ftesës se Bajramit. Ashtu që secila familje të ndjehet e barabartë me atë ditë feste, duke e ditur se dora e mirë e shtetit kujdeset për ta”, tha Kurti.

Kurse, për të punësuarit e sektorit jo publik dhe studentët, nga ministri i financave jam njoftuar që nevojitet procedurë aplikimi e cila do të hapet në javën e ardhshme, ka shtuar Kurti.

Spitali i Përgjithshëm në Pejë ka njoftuar për realizimin me sukses të një operimi të rrallë.

Sipas njoftimit të spitalit në Facebook, për herë të parë në një institucion shëndetësor publik është kryer me sukses nefrektomia laparoskopike, një procedurë minimalisht invazive për heqjen e veshkës.

Ky intervenim është realizuar nga urologu Shkëlzen Elezaj, ndërsa në këtë proces kanë kontribuar edhe ekipet e Repartit të Urologjisë, Repartit të Anestezionit dhe Kujdesit Intensiv.

“Mirënjohje dhe falënderim të sinqertë për të gjithë ekipin që kontribuoi në këtë sukses: Repartin e Urologjisë, Repartin e Anestezionit, Kujdesin Intensiv. Faleminderit për përkushtimin, profesionalizmin dhe frymën e shkëlqyer ekipore. Falënderim i veçantë për kirurgun e palodhshëm Dr. Naim Loxha, për angazhimin, guximin profesional dhe kontributin e çmuar, si dhe për Dr. Liridon Elezaj për mbështetjen dhe bashkëpunimin professional”, shkroi mes tjerash spitali i Pejës.

Kandidatja për deputete nga radhët e PDK-së, Blerta Deliu-Kodra, ka reaguar pas vendimit të qeverisë në detyrë për ndarjen e një pagese prej 100 eurosh për disa kategori të qytetarëve, pak ditë para zgjedhjeve.

Përmes një postimi n ë Facebook, ajo ka kritikuar këtë vendim, duke thënë se qytetarët e Kosovës nuk janë lypsarë.

“Kryeministër, qytetarët e Kosovës nuk janë lypsarë – mos i trajto si të tillë! Kur një qeveri kujtohet për qytetarët vetëm pak ditë para zgjedhjeve, atëherë problemi nuk është te 100 eurot, por te mënyra si e sheh qytetarin. Kosovarët nuk kanë nevojë për lëmoshë elektorale. Kanë nevojë për paga dinjitoze, ekonomi të fortë dhe perspektivë që të rinjtë të mos e shohin largimin si zgjidhje”, ka shkruar ajo.

Deliu-Kodra ka shkruar se qytetarët, sipas saj, duhet të kenë më shumë dinjitet ekonomik dhe mundësi zhvillimi, duke theksuar se vota e tyre nuk mund të ndikohet nga masa të tilla financiare në prag të zgjedhjeve.

“Vota e qytetarëve të Kosovës ka më shumë vlerë se çdo tentim për ta blerë me para të momentit. Më 7 qershor, bashkë do t’i themi STOP krizës dhe do ta ndryshojmë Kosovën – në një vend me zhvillim, dinjitet dhe mirëqenie për të gjithë”, shkroi Deliu-Kodra.

Kandidati për deputet nga lista e Artan Behrami ka reaguar ashpër pas vendimit të kryeministrit Albin Kurti për ndarjen e nga 100 eurove për disa kategori në Kosovë, vetëm pak ditë para zgjedhjeve të 7 qershorit.

Behrami e ka cilësuar këtë vendim si “blerje klasike të votës” dhe ka kërkuar reagim nga organet e drejtësisë.

“Prokuroria duhet tani të zbarkojë në Qeverinë e Kosovës. Kjo është blerje klasike e votës, është ndikim i drejtpërdrejtë te votuesit”, ka shkruar ai.

Sipas tij, veprimi bie ndesh me Kodin Penal të Kosovës, duke cituar dispozitën që parasheh se “keqpërdorimi i varësisë ekonomike apo profesionale për të ndikuar te votuesi që të votojë në një mënyrë të caktuar ose të mos votojë, dënohet me 1 deri në 5 vjet burgim”.

Krahas fshatrave, ushtarët dhe policët serbë gjatë luftës në Kosovë, kanë masakruar shumë shqiptarë civil edhe në qytete. Njëra nga këto masakra është edhe ajo e kryer në Vushtrri më 22 maj 1999.

Gjatë kësaj dite (22 maj), qytetarët e Vushtrrisë, kanë përjetuar tmerr të rënd nga makineria vrastare e Sllobodan Millosheviqit dhe njësitë e Arkanit. Në këtë ditë, shumicën e qytetarëve i kanë larguar me forcë nga shtëpitë e tyre, dhe i kanë detyruar të grumbullohen te vendi i njohur “Te varrezat” në qytetin e Vushtrrisë.

Familjet në ish rrugën “Abdullah Shabani”, tani rruga “22 Maji”, janë larguar nga shtëpitë e tyre. Mirëpo, një grup shqiptarësh prej 68 vetash, i kanë detyruar të ndalen në shtëpinë e Kahriman Pasomës. Ndërsa, të tjerët e kësaj lagjeje i kanë detyruar të shkojnë te vendi i quajtur “Te varrezat” në Vushtrri.

Gjatë kësaj kohe, janë plaçkitur dhe u janë marrë para e gjësende me vlerë, si ari etj. “Te varrezat”, të grumbulluarit i kanë ndarë në tri grupe: Gratë me fëmijë deri në moshën 15 vjet, Të moshës së re dhe mesatare dhe Të moshuarit.

Disa nga të grumbulluarit, rreth 1000 veta, i dërguan në sallën e sportit, ku i kanë torturuar në forma të ndryshme, dhe pastaj, disa i kanë dërguar në burgun e Smrekonicës (fshat në veri të Vushtrrisë) dhe disa të tjerë për në Shqipëri.

Nga gjithë kjo katrahurë e dhimbshme, më së rëndi dhe më së keqi kanë pësuar 68 shqiptarët që kishin mbetur në shtëpinë e Kahriman Pasomës. Pengmarrësit shqiptarë janë torturuar në forma çnjerëzore, pastaj janë ekzekutuar të gjithë, shumica me një plumb në kokë – në ballë. Në mesin e të ekzekutuarve kishte femra dhe fëmijë të moshës 15 vjeçare, si dhe pleq e plaka.

Të vrarët në këtë masakër janë:

1. Ali (Ibrahim) Melenica (58 vjeç)

2. Hasan (Ibrahim) Melenica (51 vjeç)

3. Shaban (Ibrahim) Melenica (49 vjeç)

4. Nistret (Ali) Melenica (31 vjeç)

5. Shefki (Musli) Melenica (22 vjeç)

6. Ibrahim (Bajram) Zeqiri (36 vjeç)

7. Driton (Rifat) Murseli (27 vjeç)

8. Rafet (Qazim) Behrami (53 vjeç)

9. Burim (Rafet) Behrami (17 vjeç)

10. Kemajl (Tefik) Tërnava (41 vjeç)

11. Isak (Sylë) Maçastena (33 vjeç)

12. Fehmi (Ukshin) Musa (37 vjeç)

13. Arsim (Ismajl) Musa (20 vjeç)

14. Xhafer (Ramadan) Shaqiri (18 vjeç)

15. Rrahim (Ali) Shatrolli (43 vjeç)

16. Muharrem (Hamdi) Bajrami(32 vjeç)

17. Lulzim (Hamdi) Bajrami (27 vjeç)

18. Naim (Osman) Bajrami (37 vjeç)

19. Afrim (Osman) Bajrami (31 vjeç)

20. Hamit (Adem) Halili (60 vjeç)

21. Hilmi (Hamit) Halili (27 vjeç)

22. Hamdi (Ragip) Dallku (62 vjeç)

23. Agim (Hamdi) Dallku (26 vjeç)

24. Bashkim (Hamdi) Dallku (23 vjeç)

25. Jeton (Rifat) Vërbovci (33 vjeç)

26. Arsim (Hazir) Sejdiu (33 vjeç)

27. Zeqir (Rexhep) Kadriu (46 vjeç)

28. Ferki (Zeqir) Kadriu (58 vjeç)

29. Haki (Zeqir) Kadriu (16 vjeç)

30. Shahin (Xhevat) Feka (40 vjeç)

31. Ekrem (Jahir) Feka (30 vjeç)

32. Miradie (Hajzer) Feka (62 vjeç)

33. Bedri (Ramadan) Kutllovci (38 vjeç)

34. Bujar (Dibran) Krasniqi (19 vjeç)

35. Faik (Raif) Mulaku (57 vjeç)

36. Driton (Shaban) Merovci (31 vjeç)

37. Mensur (Ferat) Gërguri (35 vjeç)

38. Brahim (Rrahim) Maloku (48 vjeç)

39. Arian (Emurullah) Prokupla(30 vjeç)

40. Shahidin (Shefqet) Maxhuni(20 vjeç)

41. Murat (Ferat) Tiriqi (24 vjeç)

42. Serhat (Ferat) Tiriqi (22 vjeç)

43. Ahmet (Qazim ) Uka (35 vjeç)

44. Sekine (Qazim) Uka (24 vjeç)

45. Ajshe (Azem) Uka (31 vjeç)

46. Rrahim (Hasan) Shkreli (19 vjeç)

47. Bukurie (Hasan) Shkreli (16 vjeç)

48. Fatmir (Halim) Keqolli (26 vjeç)

49. Fazli (Zenel) Shabani (56 vjeç)

50. Idriz (Ragip) Hasani (21 vjeç)

51. Ramadan (Sefë) Shaqiri (50 vjeç)

52. Hajdin (Ramadan) Shaqiri (19 vjeç)

53. Besnik (Ramadan) Shaqiri (15 vjeç)

54. Naser (Arif) Zeka (25 vjeç)

55. Nexhmedin (Arif) Zeka (22 vjeç)

56. Agim (Arif) Zeka (20 vjeç)

57. Bajram (Ramadan) Meha (46 vjeç)

58. Ramadan (Bajram) Meha (15 vjeç)

59. Avdi (Hamit) Bardiqi (56 vjeç)

60. Rrahman (Idriz) Ferati (18 vjeç)

61. Zeqir (Rrahman) Zeqiri (45 vjeç)

62. Irfan (Ilaz) Zhilivoda (38 vjeç)

63. Muhamet (Ahmet) Kadriu (56 vjeç)

64. Muzafer (Avdulla ) Muhaxheri (42 vjeç)

65. Agim (Islam) Shaqiri (17 vjeç)

66. Bajram (Habib) Islami (38 vjeç)

67. Ibrahim (Habib) Islami (49 vjeç)

68. Bahri (Mahmut) Syla (24 vjeç)

Pas ekzekutimit, kufomat janë bartur me një kamion dhe janë dërguar në Serbi, përkatësisht në Batajnicë, me qëllim që të humbin gjurmët e krimit.

Dëshmitarët që kanë shkuar në shtëpinë ku është kryer krimi, kuptohet pasi janë larguar forcat pushtuese serbe dhe kufomat e të ekzekutuarve shqiptarë, tregojnë se kishte shumë gjurmë të gjakut nëpër mure, në dysheme dhe vende të tjera të shtëpisë së krimit. /kp/