Author: K.B.

Edita Tahiri e ka përshëndetur arritjen e marrëveshjes së paqes mes SHBA-së dhe Iranit, e cila pritet të nënshkruhet të premten

Sipas saj, kjo marrëveshje hap një epokë të re paqeje, stabiliteti dhe prosperiteti për Lindjen e Mesme dhe Libanin, pas një periudhe të gjatë tensionesh.

Tahiri theksoi se zhvillimi është lajm i mirë edhe për ekonominë globale, duke përmendur rihapjen e Ngushticës së Hormuzit si një faktor me rëndësi për tregtinë dhe energjinë botërore.

Analisti Shenoll Muharremi ka reaguar ashpër pas aksidenteve me fatalitet në rrugët e vendit, duke kritikuar institucionet për, siç thotë ai, mungesën e mirëmbajtjes së rrugëve.

Muharremi ka pyetur se sa njerëz të pafajshëm duhet të humbin jetën në rrugë të pamirëmbajtura, derisa Qeveria të ndërmarrë veprimet e nevojshme për pastrimin dhe mirëmbajtjen e tyre.

“Edhe sa njerëz të pafajshëm duhet me vdek nëpër rrugë të pamirëmbajtura derisa kjo qeveri e paaftë të i pastrojë e mirëmbajë rrugët si duhet?”, ka shkruar ai.

Muharremi ka kujtuar se aksidentet me fatalitet në Autostradën Ibrahim Rugova nuk janë raste të izoluara.

“Sot nuk është hera e parë që ndodhin aksidente me fatalitet në Autostradën Ibrahim Rugova”, ka shtuar ai.

Fëmijët nën moshën 16 vjeç nuk do të jenë në gjendje të hyjnë në një sërë platformash të mediave sociale në Mbretërinë e Bashkuar. Në një njoftim të pritur, kryeministri i Mbretërisë së Bashkuar, Keir Starmer, thotë se do të kundërsulmojë nëse kompanitë e teknologjisë rezistojnë.

Starmer tha se do të hynte në fuqi në fillim të vitit të ardhshëm, duke shtuar se vetë ai nuk është i përgatitur të bëjë kompromis për sigurinë e fëmijëve.

Me këtë ndalim, Mbretëria e Bashkuar i bashkohet një lëvizjeje globale në rritje për të forcuar sigurinë online për fëmijët. Australia, Kanadaja, Brazili dhe Indonezia kanë futur legjislacion ose kanë njoftuar kufizime ose kërkesa bazuar në moshë për aksesin e fëmijëve në mediat sociale.

Vende të tjera si Spanja, Danimarka dhe Koreja e Jugut janë ende duke studiuar ose duke zhvilluar legjislacion të ngjashëm. Franca ka debatuar nëse duhet të ndalojë të gjitha mediat sociale për adoleshentët apo të synojë platforma specifike.

Starmer, i cili është nën presion nga anëtarët e partisë së tij për të dhënë dorëheqjen për shkak të asaj që e shohin si lidership të dobët, njoftoi atë që ai e quan një veprim “udhëheqës botëror” për të mbrojtur fëmijët. Ai sugjeroi që të jetë më pengues sesa ndalimi në stilin australian i mediave sociale për fëmijët nën 16 vjeç.

Marius Borg Hoiby, djali 29-vjeçar i Princeshës së Kurorës së Norvegjisë, Mette-Marit, është shpallur fajtor për dy akuza për përdhunim dhe është dënuar me katër vjet burg.

Tre gjyqtarë e liruan atë nga dy akuza të tjera për përdhunim, por e shpallën fajtor për shumë nga vepra të tjera penale për të cilat ishte akuzuar.

Hoiby nuk ishte në gjykatë për vendimin, por iu bashkua seancës nëpërmjet një lidhjeje video.

Prokurorët kishin kërkuar që ai të dënohej me shtatë vjet e shtatë muaj burg.

Por, avokatët e tij mbrojtës kishin kërkuar një dënim më të shkurtër prej 18 muajsh dhe mund të apelojnë kundër vendimit.

Në Qendrën e Numërimit dhe të Rezultateve po vazhdon procesi i numërimit të votave të zgjedhjeve të parakohshme të mbajtura me 7 qershorit.

Edhe këtë të hënë po vazhdon numërimi i votave me postë, ku nga 223 pako, janë numëruar 80 prej tyre, apo 35.87%.

Por cilët kandidatë kanë më së paku vota deri më tani?

Në listën e Vetëvendosjes kandidatja me më së paku vota është Arijeta Ajeti me 2,522 Vota. Në listën e Partisë Demokratike të Kosovës më se paku vota ka Ilir Peci. Ai në zgjedhjet e 7 qershorit ka grumbulluar 726 Vota.

Në Lidhjen Demokratike të Kosovës më së paku vota ka Albana Bunjaku. Ajo deri më tani ka siguruar 726 Vota.

Ndërsa në Aleancë më së paku vota ka Argjenta Berbatovci me 156 vota

Një aksident ka ndodhur paraditen e së hënës në “Rrugën e Kombit”.

Ngjarja raportohet të ketë ndodhur në aksin rrugor Rrëshen-Reps.

Sipas mediave në Shqipëri, një shtetas nga Kosova, sapo ka zbritur nga autobusi ka tentuar të kalojë nga ana tjetër e autostradës, por që është përplasur nga një automjet.

Ai është transportuar me urgjencë në spital, derisa raportohet të jetë në gjendje të rëndë.

Katër persona kanë humbur jetën të dielën në Kosovë, në raste të ndryshme.

Njëri nga ta vdiq si pasojë e një vrasje me thikë, dy për shkak të aksidenteve në trafik ndërsa i katërti si pasojë e përkeqësimit të gjendjes shëndetësore.

Rasti më i rëndë u raportua në Prizren, ku një person mbeti i vrarë pas një përleshjeje. Sipas Policisë, viktima dyshohet se është goditur me mjet të mprehtë (thikë) dhe si pasojë ka ndërruar jetë. Një person tjetër ka mbetur i lënduar në këtë ngjarje. Lidhur me këtë rast janë arrestuar tre të dyshuar, dy burra dhe një grua.

Një rast tjetër i vdekjes është raportuar në Aeroportin “Adem Jashari”. Policia ka njoftuar se një personi i ishin shfaqur probleme shëndetësore dhe ishte dërguar për trajtim në Qendrën Klinike Universitare të Kosovës, ku më pas ka ndërruar jetë. Ai, siç raportohet, po vinte nga Zvicra në Kosovë, me avion.

Rasti i tretë është ai në autostradën “Ibrahim Rugova” ku ka ndodhur një aksident trafiku me fatalitet. Policia njofton se drejtuesi i automjetit dyshohet se ka humbur kontrollin mbi veturën, duke shkaktuar aksidentin ku humbi jetën një pasagjere ndërsa vetë shoferi ka pësuar lëndime dhe po trajtohet në QKUK.

Po ashtu, në Gjilan është raportuar vdekja e një personi që po trajtohej nga lëndimet e marra në një aksident trafiku të ndodhur më 2 maj të këtij viti.

Prokuroria Speciale e Republikës së Kosovës ka mirëpretur vendimin e Gjykatës Themelore në Prishtinë ndaj Hysri Selimit i akuzuar për veprën penale të spiunazhit.

Sipas një postimi në rrjetin social në Facebook bëhet e ditur se ky vendim përfaqëson një hap të rëndësishëm në zbatimin e sundimit të ligjit dhe në mbrojtjen e sigurisë kombëtare.

“Prokuroria Speciale e Republikës së Kosovës mbetet e përkushtuar në ndjekjen e rasteve që cenojnë rendin kushtetues dhe interesat e Republikës së Kosovës, duke vepruar në përputhje me ligjin dhe standardet më të larta profesionale”, thuhet në postim.

Deputetja Marjana Koçeku ka bërë të ditur përmes një statusi në rrjetet sociale se nuk do të jetë më pjesë e Partisë Socialiste, duke deklaruar se do të vijojë mandatin si deputete e pavarur.

Ajo thekson se vlerat dhe idealet e saj kanë qenë të pandryshuara edhe para angazhimit politik, duke shtuar se ato përbëjnë kufirin e saj personal në jetën publike.

Koçeku ka qenë e para në listën e kandidatëve për deputetë të Partisë Socialiste në qarkun Shkodër në zgjedhjet e fundit, një pozicion që i dha asaj një rol të rëndësishëm në përfaqësimin e kësaj force politike në zonë.

Megjithatë, mbetet për t’u parë nëse largimi i saj është formalizuar edhe zyrtarisht pranë strukturave të Partisë Socialiste dhe Kuvendit.

Statusi i plotë i Marjana Koçekut: Prej sot jam deputete e pamvarun. Idealet e vlerat e mia janë ato që i kam pasë e i kam shprehë qysh para se me u asociu me nji parti. Ato m’i diftojne kufijtë.