ATV

Author: K.B.

  • OKB: 58 shtete dhe territore janë të kontaminuara nga minat tokësore

    OKB: 58 shtete dhe territore janë të kontaminuara nga minat tokësore

    Një raport nga Komisioneri i Lartë i OKB-së për të Drejtat e Njeriut zbuloi se të paktën 58 shtete dhe territore ishin të mbushura me mina tokësore në vitin 2025.

    “Është thellësisht shqetësuese që, pothuajse 30 vjet pas miratimit të Traktatit për Ndalimin e Minave Kundër Personelit, këto armë shpërthyese vazhdojnë të vrasin dhe plagosin njerëz, shpesh dekada pasi janë vendosur ”, tha Komisioneri i Lartë Volker Turk në një njoftim për shtyp.

    “Është e nevojshme që të gjitha shtetet të angazhohen për t’i dhënë fund prodhimit, përdorimit dhe transferimit të këtyre armëve dhe për të intensifikuar bashkëpunimin për të hequr minat që janë vendosur tashmë”, shtoi ai.

    Sipas këtij raporti, i cili bazohet në informacione nga agjencitë qeveritare, OJQ-të, organizatat humanitare dhe shoqëria civile, të paktën 1,945 persona u vranë dhe 4,325 u plagosën nga minat tokësore dhe mbetjet shpërthyese të luftës në vitin 2024.

    Në njoftimin e saj, Fushata Ndërkombëtare për Ndalimin e Minave Kundër Personelit (ICBL) raporton më shumë se 5,000 vdekje dhe lëndime në vitin 2025 në 40 vende.

    90% e viktimave janë civilë.

    Midis vendeve të prekura nga minat tokësore janë Myanmari, Siria, Afganistani, Ukraina, Nigeria, Mali, Jemeni dhe Burkina Faso.

  • “100 për qind karton i kuq”, ish-futbollisti beson se Lionel Messi duhej të ishte përjashtuar nga loja

    “100 për qind karton i kuq”, ish-futbollisti beson se Lionel Messi duhej të ishte përjashtuar nga loja

    Ish-sulmuesi i Venezuelës, Alejandro Moreno, ka kritikuar ashpër vendimin e gjyqtarit për të mos e përjashtuar Lionel Messin në fitoren 3-0 të Argjentinës ndaj Algjerisë në ndeshjen hapëse të Kupës së Botës 2026.

    Incidenti i diskutueshëm ndodhi në minutën e 31-të, kur Messi ndërhyri nga prapa ndaj mbrojtësit algjerian Aissa Mandi, duke e goditur në pulpë me taka.

    Gjyqtari polak Szymon Marciniak akordoi faull, por nuk ndëshkoi kapitenin argjentinas as me karton të verdhë, ndërsa VAR-i nuk e ftoi për rishikim të aksionit. Vendimi shkaktoi debat të madh mes tifozëve dhe analistëve sportivë.

    Moreno ishte i bindur se ndërhyrja meritonte karton të kuq.

    “Ky është karton i kuq 100 për qind për Lionel Messin. Duhej të jepej, duhej të jepej”.

    “Ka edhe diçka tjetër që ngre dyshime. Kjo përputhet me narrativën se lojtarët e jashtëzakonshëm marrin trajtim të veçantë. Kur Messi ishte pranë het-trikut dhe portieri e priti goditjen, kamerat treguan Gianni Infantinon duke buzëqeshur, sikur po thoshte: ‘Ah, ishte afër, ishte afër’”.

    Moreno vazhdoi kritikat ndaj mosndërhyrjes së VAR-it.

    “Nëse e sheh incidentin drejtpërdrejt, menjëherë duket si faull. Pastaj e shikon përsëritjen dhe po, është një ndërhyrje që duhet rishikuar. Pse nuk u thirr Szymon Marciniak te monitori? Duhej të ishte karton i kuq për Lionel Messin”.

    “Pavarësisht sa shumë e vlerësoj Lionel Messin, ai ishte një kontakt i ashpër dhe i gabuar. Kur zbret mbi pjesën e pasme të pulpës së një lojtari, nga gjuri deri te kyçi i këmbës, duhet të përjashtohesh për këtë”, deklaroi Moreno.

    Polemikat nuk e penguan Messin të shkëlqente në vazhdim të takimit. Sulmuesi argjentinas realizoi het-trik, duke i dhuruar Argjentinës fitoren 3-0 dhe duke barazuar rekordin e Miroslav Klose me 16 gola në historinë e Kupave të Botës.

  • Marrja e mendve, ja se kur duhet të shqetësoheni

    Marrja e mendve, ja se kur duhet të shqetësoheni

    Të paktën njëherë e kemi provuar të gjithë marrjen e mendve dhe humbjen e ekuilibrit.

    Sipas studimeve ka shumë njerëz që ankohen tek mjeku i familjes që ankohen për këtë problem.

    Shkaqet, të cilat mund të jenë fizike dhe emocionale, janë po aq të ndryshme sa edhe simptomat.

    Marrja e mendve në vetvete nuk është sëmundje, por shenjë se diçka nuk është në rregull.

    Presioni i ulët i gjakut mund të jetë shkaktar i kësaj gjendjeje.

    Kjo ndodh përgjithësisht kur ngriheni nga divani apo nga krevati në mëngjes.

    Në shumë raste, shkaktar për këtë është presioni i ulët i gjakut.

    Zakonisht nuk ekziston rreziku i pasojave fizike afatgjata, pasi ndryshe nga tensioni i lartë, në këtë rast nuk pritet dëmtim i enëve të gjakut apo organeve.

    Ajo që duhet të bëni është të pini 0.5 litra ujë shpejt, dhe gjërat e kripura janë gjithashtu të dobishme.

    Ju gjithashtu duhet të shtriheni dhe të ngrini këmbët tuaja.

    Trupi ynë përbëhet nga 70 për qind ujë.

    Prandaj, nuk është çudi që trupi ynë del jashtë ekuilibrit kur ka shumë pak lëngje.

    Duhet të pini të paktën dy deri në tre litra ujë në ditë edhe më shumë nëse është shumë nxehtë.

    Kjo siguron që gjaku ynë të mos trashet dhe që organet tona të furnizohen në mënyrë n e duhur.

    Miliarda baktere jetojnë në gojën tonë dhe ato sigurojnë florën orale të paprekur dhe largojnë mikrobet e rrezikshme.

    Nëse flora e gojës është jashtë ekuilibrit, zhvillohet inflamacioni i mishrave të dhëmbëve dhe bakteret hyjnë në trup përmes enëve të gjakut.

    Pasojat e mundshme të paralajmëruara nga marrja e mendve mund të jenë inflamacioni i muskulit të zemrës, sulm në zemër apo edhe goditje në tru.

    Kini kujdes me dhëmbët që janë trajtuar në kanalet e rrënjës dhe bakteret shpesh vendosen atje, pa u vënë re.

    Ngarkesa të forta dhe të parregullta tendosin muskujt dhe tendinat tona.

    Rezultati është tensioni.

    Mund të shkaktojë gjithashtu marrje mendsh për shkak të shtrëngimit të nervave ose enëve të gjakut.

    Ndonjëherë mund të jetë pasojë edhe një hernie diskale pas saj.

    Kjo vitaminë luan një rol kyç në formimin e qelizave të kuqe të gjakut.

    Ato transportojnë oksigjen përmes trupit dhe kështu e mbajnë zemrën në punë.

    Përveç kësaj, vitamina B12 zbërthen toksinën qelizore homocisteinë, e cila dëmton sistemin tonë kardiovaskular dhe enët e gjakut.

    Për parandalim duhet të hani mish viçi, peshk, produkte qumështi dhe vezë, për veganët janë një zëvendësues i mirë dhe preparate nga farmacia.

    Trishtimi dhe shqetësimi e dëmtojnë trupin tonë në planin afatgjatë.

  • Nis numërimi i votave me kusht, këto janë rezultatet e para

    Nis numërimi i votave me kusht, këto janë rezultatet e para

    Komisioni Qendror i Zgjedhjeve ka bërë të ditur se në Qendrën e Numërimit dhe Rezultateve, ka nisur numërimi i votave me kusht.

    Sipas përditësimeve të fundit në platformën e KQZ-së, deri më tani janë numëruar pesë nga 52 kutitë e vendndvotimeve.

    Nga këto rezultate, VV renditet e para, Aleanca e dyta, e treta LDK dhe PDK e katërta.

  • Pse flamujt e Anglisë mund t’u konfiskohen tifozëve në ndeshjen hapëse të Botërorit 2026 në Dallas

    Pse flamujt e Anglisë mund t’u konfiskohen tifozëve në ndeshjen hapëse të Botërorit 2026 në Dallas

    Tifozët anglezë që do të ndjekin nga afër ndeshjen e parë të kombëtares së tyre ndaj Kroacisë në Kupën e Botës 2026 po përballen me rregulla të pazakonta në Dallas, ku disa prej flamujve tradicionalë të Anglisë mund të konfiskohen nga stafi i sigurisë së stadiumit.

    Ndërsa qindra mbështetës janë parë të mbështjellë me flamujt e Shën Gjergjit në ambientet përreth stadiumit, autoritetet lokale kanë vendosur kufizime të rrepta për përdorimin e tyre brenda arenës.

    Ndalohet vendosja e flamujve mbi tabelat reklamuese

    Klubi Zyrtar i Tifozëve të Anglisë (England Supporters Club) është informuar nga drejtuesit e stadiumit se një praktikë e zakonshme në stadiumet evropiane, varja e flamujve mbi tabelat LED rreth fushës nuk do të lejohet në Dallas.

    Vetëm disa pankarta zyrtare, të miratuara paraprakisht, do të mund të vendosen në zonat pas portave. Ndërkohë, tifozët që sjellin flamuj personalë rrezikojnë t’i humbasin ata nëse përpiqen t’i ekspozojnë në vende që bien ndesh me rregulloren e stadiumit.

    Sipas organizatorëve, kufizimet janë vendosur për arsye sigurie dhe për të shmangur mbulimin e hapësirave reklamuese.

    Stadiumi i Dallasit ka tërhequr kritika edhe më herët për mënyrën e zbatimit të rregullave ndaj tifozëve.

    Në një ndeshje të mëparshme, mbështetës të Holandës dhe Japonisë panë flamujt e tyre të konfiskoheshin nga stafi i sigurisë, pavarësisht se të njëjtët flamuj ishin lejuar pa probleme në stadiume të tjera të Shteteve të Bashkuara.

    Drejtori ekzekutiv i organizatës “Football Supporters Europe”, Ronan Evain, kritikoi mungesën e qartësisë në zbatimin e rregullave, duke theksuar se politikat duket se ndryshojnë nga një stadium në tjetrin.

    Sipas tij, në disa arena tifozët mund të shfaqin flamujt pa asnjë problem, ndërsa në të tjera përballen me kufizime të papritura, gjë që krijon konfuzion për mbështetësit që udhëtojnë për të ndjekur turneun.

    Çfarë thonë rregullat e FIFA-s?

    Udhëzuesi zyrtar i FIFA-s për Kupën e Botës parashikon që flamujt e vegjël, banderolat dhe pankartat e prodhuara nga materiale rezistente ndaj zjarrit lejohen brenda stadiumeve. Për flamujt ose pankartat më të mëdha kërkohet miratim me shkrim paraprak.

    Nga ana tjetër, FIFA vazhdon të ndalojë çdo simbol apo mesazh me karakter politik.

    Së fundmi, organizata fitoi një proces gjyqësor në Los Anxhelos që ndalon tifozët iranianë të përdorin flamurin para-revolucionar të Iranit në stadiume, duke e konsideruar atë një simbol politik.

    Kjo situatë ka ngritur pikëpyetje mbi mënyrën e zbatimit të rregullave në Botërorin 2026, veçanërisht për tifozët që presin të shprehin mbështetjen e tyre përmes flamujve kombëtarë.

  • Oda Amerikane: Të shqetësuar me shpërfilljen e thirrjeve të SHBA-së nga ana e Qeverisë në detyrë

    Oda Amerikane: Të shqetësuar me shpërfilljen e thirrjeve të SHBA-së nga ana e Qeverisë në detyrë

    Oda Ekonomike Amerikane në Kosovë shpreh shqetësimin e saj serioz lidhur me siç theksojnë mungesën e vazhdueshme të konsideratës nga ana e Qeverisë në detyrë të Republikës së Kosovës për thirrjet e përsëritura të Qeverisë së Shteteve të Bashkuara të Amerikës, për të mbështetur përfshirjen e Kosovës në infrastrukturën dhe rrjetin e furnizimit me gaz të lëngshëm natyror (LNG).

    OEAK thekson se në një kohë kur Kosova vazhdon të mbetet tejmase e varur nga kapacitetet e vjetruara gjeneruese, importet e mëdha të energjisë elektrike dhe një treg rajonal energjetik gjithnjë e më i paqëndrueshëm, qasja në gazin e lëngshëm amerikan përfaqëson jo vetëm një mundësi energjetike, por edhe një zgjedhje strategjike.

    “Diversifikimi i burimeve të energjisë, rritja e sigurisë së furnizimit dhe forcimi i konkurrueshmërisë ekonomike duhet të mbeten ndër prioritetet kombëtare të Kosovës.

    Veçanërisht shqetësues është fakti se të gjitha shtetet e tjera të Ballkanit Perëndimor kanë shprehur zotimin e tyre për t’u bërë pjesë e infrastrukturës rajonale të LNG-së, e cila po zhvillohet me mbështetje të fuqishme nga Shtetet e Bashkuara të Amerikës. Kosova rrezikon të mbetet jashtë një kornize strategjike rajonale që po përcakton gjithnjë e më shumë të ardhmen e sigurisë energjetike dhe zhvillimit ekonomik në Evropën Juglindore”, thuhet në reagim.

    Oda Amerikane vlerëson se partneriteti strategjik i Kosovës me Shtetet e Bashkuara të Amerikës mbetet një nga asetet më të rëndësishme kombëtare të vendit.

    “Shpërfillja e vazhdueshme e qëndrimeve dhe prioriteteve strategjike të aleatit më të afërt të Kosovës bart rrezikun e ndikimit në cilësinë dhe thellësinë e këtij partneriteti me kalimin e kohës.

    Prandaj, Oda Ekonomike Amerikane në Kosovë i bënë thirrje institucioneve të Kosovës që të rivlerësojnë me kujdes implikimet afatgjata strategjike, ekonomike dhe gjeopolitike të qëndrimit jashtë nismave rajonale për LNG-në dhe të angazhohen në mënyrë konstruktive me Shtetet e Bashkuara të Amerikës për këtë çështje me rëndësi të veçantë”, thuhet ndër të tjera në reagim.

  • Si mund ta parandaloni formimin e akullit në frigoriferin tuaj vetëm me një artikull ushqimor?

    Si mund ta parandaloni formimin e akullit në frigoriferin tuaj vetëm me një artikull ushqimor?

    Grumbullimi i akullit në frigoriferë është një problem i zakonshëm në familje dhe më shpesh shkaktohet nga lagështia e tepërt që hyn në pajisje, si dhe nga ruajtja jo e duhur e ushqimit. Edhe pse shpesh neglizhohet, grumbullimi i akullit mund të zvogëlojë efikasitetin e frigoriferit dhe të rrisë konsumin e energjisë.

    Për të parandaluar këtë problem, është e rëndësishme të siguroheni që të gjitha ushqimet të jenë të paketuara siç duhet dhe të mbyllura mirë, veçanërisht ato të ruajtura në qese ose enë. Në këtë mënyrë, sasia e lagështirës që hyn në brendësi të pajisjes zvogëlohet.

    Në rastin e akullit të formuar tashmë, hapi i parë është shkrirja e plotë e ngrirësit dhe pastrimi i plotë i sipërfaqeve të brendshme. Pas heqjes së akullit, është e nevojshme të fshihen të gjitha pjesët për të hequr çdo lagështi të mbetur që mund të çojë në formimin e akullit të ri.

    Një truk i thjeshtë që mund të ndihmojë në parandalimin e kësaj është shpesh të aplikoni një shtresë të hollë vaji në pjesën e brendshme të frigoriferit. Vaji mund të veprojë si një barrierë mbrojtëse që zvogëlon mbajtjen e lagështirës dhe formimin e akullit.

    Gjithashtu rekomandohet që dera e ngrirësit të mos hapet shumë shpesh, pasi hyrja e ajrit të ngrohtë kontribuon në kondensimin dhe formimin e akullit. Është gjithashtu e rëndësishme që pajisja të mos jetë e mbipopulluar, në mënyrë që ajri të qarkullojë lirshëm.

    Mirëmbajtja e rregullt dhe përdorimi i duhur i frigoriferit tuaj mund të zvogëlojë ndjeshëm pamjen e akullit, të zgjasë jetëgjatësinë e pajisjes dhe të sigurojë ruajtje më të mirë të ushqimit.

  • Arrestohet në Shtime i dyshuari për ngacmim të një gruaje

    Arrestohet në Shtime i dyshuari për ngacmim të një gruaje

    Policia ka arrestuar një person të dyshuar për ngacmim në komunën e Shtimes, pas një ankese të paraqitur nga viktima.

    Sipas raportit policor, ngjarja kishte ndodhur më 13 qershor 2026, rreth orës 13:00, kur një grua kishte njoftuar autoritetet se ishte ngacmuar nga një burrë.

    Pas veprimeve hetimore, më 16 qershor 2026, njësia e hetimeve arriti ta identifikojë dhe arrestojë të dyshuarin. Ai është intervistuar nga hetuesit, ndërsa me vendim të prokurorit është dërguar në mbajtje.

    “Shtime 13.06.2026-13:00. Viktima femër kosovar, kishte njoftuar se ishte ngacmuar nga i dyshuari mashkull kosovar. Me datë 16.06.2026, njësiti i hetimeve ka arrit që ta arrestojë të dyshuarin dhe pas intervistimit, me vendim të prokurorit dërgohet në mbajtje”.

  • Arrestohet burri që rrahu gruan në Mitrovicë

    Arrestohet burri që rrahu gruan në Mitrovicë

    Një burrë është arrestuar në Mitrovicë të Jugut, pasi dyshohet se ka ushtruar dhunë psiqike dhe fizike ndaj bashkëshortes së tij.

    Sipas njoftimit zyrtar të policisë, i dyshuari, me vendin të prokurorit është dërguar në mbajtje.

    Është arrestuar i dyshuari mashkull kosovar, pasi që kishte ushtruar dhunë psikike dhe fizike ndaj bashkëshortes së tij. Me vendim të prokurorit i dyshuari është dërguar në mbajtje”, thuhet në raportin e PK-së.v

  • Arifi: Haradinaj do të ishte presidenti më i mirë për Kosovën në këtë fazë

    Arifi: Haradinaj do të ishte presidenti më i mirë për Kosovën në këtë fazë

    Kandidati për deputet nga Aleanca, Avni Arifi, ka komentuar situatën politike në vend dhe çështjen e zgjedhjes së presidentit, duke vlerësuar se Ramush Haradinaj do të ishte personi më i përshtatshëm për ta udhëhequr vendin në postin e presidentit.

    Në emisionin “Këndi i Debatit” në Tëvë1, Arifi tha se bindja e tij për Haradinajn nuk lidhet me raportet personale apo përkatësinë partiake, por me vlerësimin që ka për rolin e tij në këtë periudhë.

    “Unë mendoj që Ramush Haradinaj, në bindjen time, jo pse kam lidhje personale me të dhe jam bashkëudhëtar me të qe 22 vite, por besoj që është personi më i mirë në këtë fazë për t’i prirë Kosovës si president i shtetit. E kam me bindje të plotë dhe këtë nuk e them sepse është i partisë sime apo për shkak të lidhjeve personale”, ka thënë Arifi.

    Ai u pyet edhe për mundësinë që Haradinaj të zgjidhet president në të ardhmen, ndërsa theksoi se ish-lideri i Alenaca gjithmonë i ka bërë publike ambiciet e tij politike.

    “Unë nuk besoj se Ramushit mund t’i kontestohet fakti që ambiciet e veta i ka shprehur gjithmonë hapur. Ai ka thënë se synon të jetë kryeministër, ka thënë se synon të jetë president. Por në këto zgjedhje as Aleanca nuk e ka pasur Ramushin kandidat për president”, deklaroi Arifi.

    Sipas tij, edhe kryetari i Aleancës, Ardian Gjini, ka bërë të ditur se aktualisht partia nuk e ka kandidaturën e Haradinajt për president dhe se nuk është shprehur ndonjë vullnet konkret në këtë drejtim.

    “E ka thënë edhe kryetari i partisë, Ardian Gjini, se nuk e ka kush Ramushin për president dhe as nuk është shprehur vullnet për të qenë president. Mirëpo, ai është një njeri i Kosovës dhe nëse partitë opozitare apo zhvillimet politike në vend e bëjnë të nevojshme një diskutim të tillë, mund të bisedohet. Por në bindjen time, asnjë president më i mirë se Ramushi në këtë fazë nuk mund të jetë”, është shprehur Arifi.