ATV

Author: K.B.

  • E FUNDIT: Keir Starmer jep dorëheqje nga posti i kryeministrit të Britanisë së Madhe

    E FUNDIT: Keir Starmer jep dorëheqje nga posti i kryeministrit të Britanisë së Madhe

    Kryeministri britanik, Keir Starmer, ka dhënë dorëheqje nga posti i tij si kryeministër i Mbretërisë së Bashkuar dhe udhëheqës i Partisë Laburiste.

    Lajmi është bërë i ditur gjatë një konference për media, ku Starmer ka thënë se ka hyrë në politikë me qëllimin për të ndryshuar jetën e miliona njerëzve për mirë.

    Starmer paraprakisht tha se do të bëjë gjithçka që mundet për të siguruar një dorëzim të rregullt të pushtetit dhe do t’i japë pasardhësit të tij mbështetjen e tij të plotë.

    Starmer më pas falënderoi miqtë dhe kolegët e tij që kanë qenë pranë tij për gjashtë vjet, si dhe stafin nr. 10 dhe “shërbimin civil të jashtëzakonshëm”.

  • Policia apelon për kujdes të shtuar ndaj zjarreve, paralajmëron masa ligjore

    Policia apelon për kujdes të shtuar ndaj zjarreve, paralajmëron masa ligjore

    Policia e Kosovës ka bërë thirrje për kujdes të shtuar nga qytetarët, duke paralajmëruar rrezikun e shtuar nga zjarret si pasojë e temperaturave të larta dhe përvojave të viteve të kaluara.

    Në njoftim theksohet se zjarret paraqesin rrezik të përgjithshëm dhe mund të shkaktojnë pasoja të rënda në zonat ku shfaqen.

    Policia u ka bërë thirrje qytetarëve që të shmangin çdo aktivitet që mund të shkaktojë zjarr dhe të raportojnë menjëherë tek autoritetet për çdo person të dyshuar të përfshirë në zjarrvënie.

    Gjithashtu, autoritetet kanë paralajmëruar se do të ndërmarrin masa ligjore ndaj të gjithë personave që, qoftë me qëllim apo nga pakujdesia, rrezikojnë jetën dhe pronën e qytetarëve.

    Në mënyrë të veçantë, qytetarëve të rajonit të Pejës u është bërë thirrje që të tregojnë kujdes maksimal gjatë përdorimit të mjeteve që mund të shkaktojnë zjarr, përfshirë shkrepëset, cigaret, përdorimin e grillave dhe ndezjen e zjarreve në natyrë.

  • KRU Hidromorava paralajmëron konsumatorët: Dy fatura të papaguara sjellin shkyçje të ujit dhe përmbarim

    KRU Hidromorava paralajmëron konsumatorët: Dy fatura të papaguara sjellin shkyçje të ujit dhe përmbarim

    “KRU Hidromorava” në Gjilan ka dalë me njoftim për konusmatorët që nuk kanë paguar deri në dy fatura do të ketë shkyçje nga rrjeti i ujësjellësit dhe procedura përmbarimore.

    Kompania ka bërë të ditur se konsumatorët që nuk kanë mundësi ta shlyejnë menjëherë borxhin mund të përfitojnë nga riprogramimi i tij me këste mujore. Për këtë, ata mund të paraqiten në zyrat e kompanisë për të arritur marrëveshje.

    KRU Hidromorava ka bërë të ditur se pagesat mund të realizohen në: Arkat e Kompanisë, Posta e Kosovës ( ora 08:00 – 20:00), Institucione Mikrofinanciare”.

  • Pse shalqiri konsiderohet një nga frutat më të dobishme të verës?

    Pse shalqiri konsiderohet një nga frutat më të dobishme të verës?

    Shalqiri, një nga frutat më të preferuara të verës, mund të sjellë një sërë përfitimesh për shëndetin kur konsumohet si pjesë e një diete të balancuar. Sipas studimeve, ky frut është i pasur me ujë, vitamina, minerale dhe antioksidantë që mbështesin funksionimin normal të organizmit.

    Ekspertët theksojnë se shalqiri përmban likopen, një antioksidant që është lidhur me shëndetin kardiovaskular. Gjithashtu, ai është burim i aminoacidit L-citrulinë, i cili mund të ndihmojë në përmirësimin e funksionit të enëve të gjakut dhe në uljen e lehtë të tensionit arterial te disa persona.

    Për shkak të përmbajtjes së lartë të ujit, që arrin rreth 92 për qind, shalqiri konsiderohet një zgjedhje e mirë për hidratim gjatë ditëve të nxehta të verës. Ai përmban edhe fibra, të cilat mund të mbështesin tretjen dhe të ndihmojnë në parandalimin e kapsllëkut.

    Shalqiri përmban gjithashtu vitaminë C dhe përbërës të tjerë ushqyes që kontribuojnë në funksionimin normal të sistemit imunitar dhe në mbrojtjen e qelizave nga stresi oksidativ. Disa studime sugjerojnë se antioksidantët dhe lëndët ushqyese që gjenden në këtë frut mund të ndihmojnë edhe në reduktimin e proceseve inflamatore në organizëm.

    Megjithatë, specialistët theksojnë se asnjë ushqim i vetëm nuk mund të parandalojë apo trajtojë sëmundje të caktuara. Përfitimet e shalqirit janë më të dukshme kur ai konsumohet në kuadër të një stili jetese të shëndetshëm, që përfshin ushqyerje të balancuar dhe aktivitet fizik të rregullt.

  • Rama vizitë në Francë, takohet me Macron

    Rama vizitë në Francë, takohet me Macron

    Kryeministri Edi Rama do të pritet sot në Paris nga Presidenti i Francës Emmanuel Macron. Diskutimet pritet të zhvillohen mesditën e sotme në Pallatin Elize, raporton A2CNN

    Sipas njoftimit të qeverisë franceze, në fokus të takimit do të jetë integrimi i Shqipërisë në BE dhe investimet franceze në vendin tonë.

    Takimi i Ramës me Macron vjen në një ditë kur protesta qytetare në Tiranë do të hyjë në ditën e 23-të të saj, ku kërkesa kryesore është dorëheqja e Ramës.

  • 21 aksidente me të lënduar dhe mbi 1,700 gjoba trafiku në 24 orët e fundit në Kosovë

    21 aksidente me të lënduar dhe mbi 1,700 gjoba trafiku në 24 orët e fundit në Kosovë

    Policia e Kosovës ka publikuar statistikat e trafikut për 24 orët e fundit, sipas të cilave nuk është shënuar asnjë aksident trafiku me fatalitet.

    Gjatë kësaj periudhe janë regjistruar 21 aksidente trafiku me persona të lënduar, ndërsa 14 aksidente të tjera kanë përfunduar vetëm me dëme materiale.

    Në kuadër të aktiviteteve për sigurinë në komunikacion, Policia e Kosovës ka shqiptuar gjithsej 1,734 tiketa trafiku ndaj drejtuesve të automjeteve që kanë shkelur rregullat e qarkullimit rrugor.

    Policia u ka bërë thirrje të gjithë pjesëmarrësve në trafik që të respektojnë rregullat e komunikacionit, të përshtatin shpejtësinë me kushtet e rrugës dhe të tregojnë kujdes të shtuar për të parandaluar aksidentet.

  • KQZ: Pas shqyrtimit të ankesave, do të shpallim rezultatet përfundimtare të zgjedhjeve

    KQZ: Pas shqyrtimit të ankesave, do të shpallim rezultatet përfundimtare të zgjedhjeve

    Komisioni Qendror i Zgjedhjeve (KQZ) është në pritje të përfundimit të shqyrtimit të ankesave lidhur me procesin zgjedhor para se t’i shpallë rezultatet përfundimtare të zgjedhjeve të parakohshme për Kuvendin e Kosovës.

    Zëdhënësi i KQZ-së, Valmir Elezi, ka theksuar se shpallja e rezultateve varet nga përmbyllja e procedurave ankimore dhe vendimet që do të nxirren nga institucionet përkatëse.

    “Komisioni Qendror i Zgjedhjeve është në pritje të përfundimit të shqyrtimit të ankesave dhe vendimmarrjen e institucioneve përkatëse para se të procedojë me shpalljen e rezultateve përfundimtare të zgjedhjeve të parakohshme për Kuvendin e Kosovës. Pas marrjes së këtyre vendimeve, mbetet të shihet nëse ato përmbajnë obligime konkrete për KQZ-në”, ka deklaruar Elezi.

    Dy ankesa lidhur me procesin e rinumërimit janë deponuar në Panelin Zgjedhor për Ankesa dhe Parashtresa, e afati 48 orësh për ankesa ka përfunduar të dielën në mesditë.

    Tash, Paneli Zgjedhor për Ankesa dhe Parashtresa ka afat tri ditë për të marrë vendim lidhur me to.

    Të dyja ankesat janë paraqitur nga Partia Demokratike e Kosovës. Njëra është dorëzuar të premten, ndërsa tjetra të shtunën.

  • Kërcënoi me vrasje katër policë dhe dëmtoi pajisje në stacion, arrestohet i dyshuari në Pejë

    Kërcënoi me vrasje katër policë dhe dëmtoi pajisje në stacion, arrestohet i dyshuari në Pejë

    Një person ka përfunduar në pranga në Pejë pasi dyshohet se ka kanosur me vrasje katër zyrtarë policorë gjatë ushtrimit të detyrës së tyre zyrtare, si dhe ka dëmtuar një kompjuter brenda stacionit policor.

    Sipas raportit të Policisë së Kosovës, rasti ka ndodhur më 21 qershor 2026, rreth orës 13:30.

    I dyshuari, një mashkull kosovar, fillimisht ka kërcënuar verbalisht me vrasje katër zyrtarë policorë derisa ata ndodheshin në kryerje të detyrës zyrtare. Më pas, gjatë qëndrimit në ambientet e stacionit policor, ai ka dëmtuar një kompjuter në njërën nga zyrat e stacionit.

    “Pejë / 21.06.2026 – 13:30. Është arrestuar i dyshuari mashkull kosovar për shkak se i kishte kanosur verbalisht me vrasje katër zyrtarë policorë derisa kanë qenë në kryerje të detyrës zyrtare dhe brenda në stacion policor në një zyrë e ka dëmtuar një kompjuter. I dyshuari me vendim të prokurorit pas intervistimit është dërguar në mbajtje”, thuhet në raportin e Policisë.

    Me vendim të prokurorit, i dyshuari pas intervistimit është dërguar në mbajtje, ndërsa rasti po trajtohet nga organet kompetente.

    Pejepolicia

  • Heq byzylykun elektronik dhe GPS-in, arrestohet i dyshuari në Prishtinë

    Heq byzylykun elektronik dhe GPS-in, arrestohet i dyshuari në Prishtinë

    Një person është arrestuar në Prishtinë pasi dyshohet se ka shkelur urdhrin mbrojtës të lëshuar ndaj tij.

    Sipas raportit policor të 24-të orëve të fundit ai gjatë datës 18 qershor ka larguar nga trupi byzylykun elektronik dhe gjurmuesin GPS, të cilat i kishte të vendosura që nga 11 qershori.

    Lidhur më këtë me vendim të prokurorit është dërguar në mbajtje për 48 orë.

    Rasti është cilësuar si “Mospërfillje e Gjykatës” dhe “Asgjësim apo Dëmtim i Pasurisë”.

  • Nëna raporton zhdukjen e vajzës në Zveçan

    Nëna raporton zhdukjen e vajzës në Zveçan

    Një rast i zhdukjes është raportuar të premten në Zveçan.

    Sipas policisë, një nënë ka njoftuar autoritetet se vajza e saj ka dalë nga shtëpia dhe nuk dihet asgjë për vendndodhjen e saj.

    “Zveçan 19.06.2026, 15:00-16:00. Ankuesja femër kosovare ka raportuar se vajza e saj viktima femër kosovare ka dalë nga shtëpia dhe nuk di për vendndodhjen e saj. Rasti po hetohet nga njësitet relevante”, thuhet në raportin e policisë.