ATV

Author: K.B.

  • Gjenerata Z vërshon në rrugët e Meksikës, protesta masive kundër krimit dhe korrupsionit

    Gjenerata Z vërshon në rrugët e Meksikës, protesta masive kundër krimit dhe korrupsionit

    Mijëra persona dolën në rrugët e qytetit të Meksikos për të protestuar kundër kriminalitetit dhe korrupsionit, në një valë demonstratash të thirrura kryesisht nga të rinjtë, të njohur si Gjenerata Z. Autoritetet njoftuan se 120 njerëz mbetën të plagosur, mes tyre 100 policë – 40 prej të cilëve u shtruan në spital. Po ashtu, 20 persona u arrestuan.

    Protesta ishte kryesisht paqësore, por u mbyll me përleshje mes një grupi demonstruesish dhe forcave të rendit. Sipas Pablo Vazquez, sekretar për sigurinë në kryeqytet, incidentet shpërthyen pasi disa protestues tentuan të shembnin barrierat përreth Pallatit Kombëtar, rezidenca e presidentes meksikane Claudia Sheinbaum. Policia reagoi me gaz lotsjellës.

    Kryetarja e qytetit, Clara Brugada, dënoi aktet e dhunshme duke deklaruar në X se “shprehja e dhunshme cenon të drejtat e të tjerëve” dhe se ato u kryen nga një grup i vogël radikal.

    Një grup që e quan veten Generation Z Mexico publikoi një “manifest”, ku thotë se përfaqëson të rinjtë meksikanë të lodhur nga dhuna, korrupsioni dhe abuzimi me pushtetin. Tubimet vijnë pas një sërë vrasjesh të profilit të lartë, mes tyre edhe ekzekutimi i kryebashkiakut të Uruapanit, Carlos Alberto Manzo Rodriguez, gjatë festimeve të Ditës së të Vdekurve.

    Mbështetësit e Manzos, një kritik i hapur i krimit të organizuar, u panë të veshur me kapele kashte – simbol i lëvizjes së tij politike – teksa brohorisnin: “Carlos nuk vdiq, qeveria e vrau”.

    Protesta të ngjashme u zhvilluan edhe në shtete të tjera, përfshirë Michoacán, ku Manzo u vra. Ndërkohë, qeveria meksikane pretendon se demonstratat u organizuan kryesisht nga kundërshtarë të djathtë dhe u shtynë përpara nga llogari të automatizuara në rrjetet sociale.

  • Rama: Nuk do të ketë asnjë pagë nën 500 euro që nga janari

    Rama: Nuk do të ketë asnjë pagë nën 500 euro që nga janari

    Kryeministri i Shqipërisë, Edi Rama deklaroi sot se nga janari 2026 në Republikën e Shqipërisë nuk do të ketë asnjë pagë nën 500 euro.

    Në episodin e 6-të të sezonit 5 të podkastit “Flasim”, në rubrikën “Shënimet e javës” kryeministri Rama tha se “lajmi për pensionet është pasuar nga rritja e pagave, një rritje e konsiderueshme edhe ajo e shtrirë në të gjithë sektorët, por mbi të gjitha e diktuar nga rritja e premtuar e pagës minimale”.

    “Nga janari i vitit që po troket kur paga minimale në sektorin publik dhe atë privat, kur ligji që do të kalojmë në parlament i buxhetit 2026 do të sanksionojë se në Republikën e Shqipërisë nuk do të ketë asnjë pagë nën 500 euro”, theksoi Rama.

    Për vitin 2026 paga minimale do të rritet me 10 mijë lekë, duke arritur në 50 mijë lekë nga 1 janari 2026, për t’u rritur më tej në 70 mijë lekë deri në fund të mandatit.

    Kostoja totale e rritjes së pagave dhe indeksimit parashikohet rreth 10 miliardë lekë dhe do të përfshijë mbi 144 mijë punonjës në të gjitha nivelet e administratës.

  • Përballja Shqipëri-Angli, Policia ndërmerr një sërë masash

    Përballja Shqipëri-Angli, Policia ndërmerr një sërë masash

    Policia e Shtetit ka publikuar planin e masave për ndeshjen ndërkombëtare të futbollit Shqipëri – Angli.

    Me qëllim garantimin e rendit dhe sigurisë publike para, gjatë dhe pas zhvillimit të ndeshjes ndërkombëtare të futbollit ndërmjet ekipeve të Shqipërisë dhe Anglisë, që do të zhvillohet sot në orën 18:00, në stadiumin “Air Albania”, duke u mbështetur dhe në përvojën pozitive për planifikimin, organizimin dhe menaxhimin e situatës së rendit dhe sigurisë publike gjatë aktiviteteve me përmasa ndërkombëtare, Policia e Shtetit ka hartuar një plan të detajuar masash.

    Në këtë kuadër janë marrë masa për shoqërimin dhe sigurimin e futbollistëve të ekipit të Anglisë, nga aeroporti i Rinasit, në hotel, në stadium dhe në kthim për në Rinas;

    -Organizimi i shërbimeve për garantimin e rendit publik para, gjatë dhe pas përfundimit të ndeshjes së futbollit, jo vetëm pranë stadiumit, por edhe kontrolli i territorit në të gjithë qytetin e Tiranës;
    -Kryerja e kontrolleve të hollësishme në mjediset e stadiumit për shtetas të paautorizuar, sende dhe lëndë të ndaluara, para se të futen tifozët;
    -Sigurimi i rrugëkalimeve të shërbimeve të emergjencës;
    -Menaxhimi i trafikut rrugor në qytetin e Tiranës, para, gjatë dhe pas ndeshjes së futbollit.

    Për të garantuar sigurinë para, gjatë dhe pas zhvillimit të kësaj ndeshjeje ndërkombëtare, është bashkëpunuar me të gjitha institucionet që kanë rol në mbarëvajtjen e këtij aktiviteti, konkretisht me Federatën Shqiptare të Futbollit dhe UEFA-n, Gardën e Republikës, Policinë Bashkiake, Shërbimin Zjarrfikës, Shoqëritë private të sigurisë (stjuardët dhe personeli i sigurisë), Spitalet, qendrat shëndetësore dhe ato të ndihmës së parë.

    Janë vendosur kontakte dhe po bashkëpunohet dhe me personelin e shërbimit të sigurisë të ekipit të futbollit të Anglisë, në funksion të rritjes së standardeve të sigurisë para, gjatë dhe pas zhvillimit të kësaj ndeshjeje ndërkombëtare.

    Për mbarëvajtjen e këtij aktiviteti, sot nga ora 14:00 deri në përfundim të ndeshjes, nga Policia e Shtetit, në bashkëpunim me bashkinë e Tiranës, do të aplikohen kufizime të qarkullimit të mjeteve në disa akse rrugore në afërsi të stadiumit dhe konkretisht:
    * Rruga “Papa Gjon Pali II”;
    * Rruga “Dervish Hima”, pranë ambasadës së SHBA-së;
    * Rruga “Asim Zeneli”, pranë ambasadës së SHBA-së;
    * Rruga “Themistokli Gërmenji”;
    * Rruga “Ismail Qemali”, kryqëzimi i Liceut;
    * Rruga “Mustafa Matohiti”, pranë shkollës “Kosova”;
    * Rruga “Jul Variboba”, pranë postës;
    * Rruga “ Lekë Dukagjini”, pranë ish-Gardës së Republikës;
    * Rruga “Avdyl Frashëri”, pranë kryqëzimit të Librit Universitar;
    * ⁠Rruga “Skerdilajd Llagami”;
    * ⁠Rruga “Faik Konica”.

    Në zbatim të planit të masave, punonjësit e Policisë së Shtetit do të ushtrojnë kontroll të imtësishëm ndaj tifozëve, para futjes në stadium, me qëllim parandalimin e hyrjes në stadium, të banderolave me përmbajtje raciste, të fishekzjarrëve, flakadanëve, lëndëve piroteknike, monedhave metalike, çadrave, çakmakëve, karikuesve të celularëve, mjeteve/produkteve për përdorim kozmetik dhe sendeve të tjera të forta, të rrezikshme për jetën dhe shëndetin e pjesëmarrësve.

    “Me këtë rast, informojmë shtetasit shqiptarë dhe të huaj, se në bazë të Kodit Penal të Republikës së Shqipërisë, veprimet e dhunshme në aktivitetet sportive, si hyrja në fushën e lojës gjatë kohës së zhvillimit të aktivitetit sportiv nga persona të paautorizuar, përbën kundërvajtje penale dhe dënohet me gjobë nga 50 000 deri në 100 000 lekë. Kur nga kjo vepër, ka ardhur pengimi i zhvillimit normal të aktivitetit sportiv, dënohet me gjobë ose me burgim deri në tre muaj”, thuhet në njoftim.

    Hedhja e sendeve të forta në fushën e lojës ose mbi njerëzit, mbajtja apo përdorimi i lëndëve piroteknike, fishekzjarrëve, flakadanëve, gjatë zhvillimit të një aktiviteti sportiv, dënohen me burgim nga gjashtë muaj deri në tre vjet.

    Legjislacioni penal shqiptar e konsideron vepër penale, goditjen apo çdo vepër tjetër dhune, ndaj sportistit, trajnerit, arbitrit, ndërmjetësit sportiv, për shkak të veprimtarisë sportive, dhe i dënon me burgim nga një deri në tre vjet.

    Kjo vepër, kur kryhet në ambiente sportive, më shumë se një herë, apo nga drejtues apo anëtarë të klubeve sportive, dënohet me burgim nga një deri në pesë vjet.

    Hyrja në stadium e tifozëve dhe e sportdashësve që kanë blerë biletë, fillon në orën 15:00.

    “Kërkojmë mirëkuptimin e tifozëve që të paraqiten në hyrjen e stadiumit, duke filluar nga kjo orë, pasi për shkak të fluksit të tifozëve, pak para fillimit të ndeshjes, mund të humbasin mundësinë për të hyrë në stadium”.

    “Për mbarëvajtjen e këtij aktiviteti sportiv, Policia e Shtetit ka angazhuar qindra punonjës policie, të cilët do të garantojnë rendin dhe sigurinë publike, si dhe do t’ju ofrojnë ndihmë dhe informacion, në rast nevoje, në mënyrë që ky aktivitet të përmbyllet pa incidente, në interes të imazhit të vendit”.

  • Vrau djalin me thikë të bukës, Prokuroria e Tiranës çon në gjyq 74-vjeçarin

    Vrau djalin me thikë të bukës, Prokuroria e Tiranës çon në gjyq 74-vjeçarin

    Prokuroria e Tiranës ka mbyllur hetimet dhe ka çuar për gjykim, Hekuran Gjoni, 74 vjeçarin i cili dyshohet se vrau të birin me thikën e bukës pas një konflikti banal.

    Prokuroria ka dhënë detaje se si rrodhi i gjithë rasti.

    “Në përfundim të hetimeve rezultoi se më 01.02.2025, shtetasi Hekuran Gjoni, për motive banale ka debatuar dhe është konfliktuar me djalin e tij Asim Gjoni dhe në konflikt e sipër e ka qëlluar me mjet prerës dhe si pasojë e plagës së marrë në ijën e majtë, ka gjetur vdekjen”.

    “I pyetur si person ndaj të cilit zhvillohen hetimet shtetasi Hekuran Gjoni shpjegoi se atë ditë kur është ulur për të ngrënë bukë djali u ul po ashtu dhe nisi ta ngacmonte me fjalë. Ai është ndjerë keq dhe në një moment është acaruar dhe e ka qëlluar me shpullë në fytyrë. Më pas sipas tij, djali Asim Gjoni, e kapi nga rrobat, dhe i ka thënë mos i gjuaj. Në këtë moment, ka ndërhyrë vajza e cila i ka thënë pse sillesh me babain kështu, dhe djali i ka dhënë asaj një të shtyrë të fortë, duke rrëzuar përtokë. Në këtë moment ai është acaruar shumë, ka kapur thikën e bukës që ishte në tavolinë dhe e ka goditur djalin e tij një herë në bark (ije)”, thuhet në njoftimin e Prokurorisë së Tiranës.

    Nga hetimi rezultoi se në trupin e kufomës nga këqyrja e jashtme dhe e brendshme u konstatua një plagë prerëse shpuese depërtuese në anën e majtë të gjoksit, shoqëruar me çarje të mushkërisë së majtë, cipës mbështjellëse së zemrës në anën e majtë të majës së saj si dhe plagë prerëse në gishtat e të të dyja duarve.

    Shkaku i vdekjes së Asim Gjoni, sipas njoftimit, është shoku i rëndë traumatik hemorragjik.

  • Raportojeni menjëherë në policinë sllovene, reagon Ambasada pas heqjes së targave të kosovarëve

    Raportojeni menjëherë në policinë sllovene, reagon Ambasada pas heqjes së targave të kosovarëve

    Ambasada e Republikës së Kosovës në Slloveni ka dalë me një njoftim urgjent për qytetarët kosovarë, pasi mbrëmë dhjetëra shoferë kanë mbetur pa targa të automjeteve në kryeqytetin slloven, Lubjanë. Qytetarët e prekur janë ftuar të kontaktojnë ambasadën për këshilla dhe asistencë rreth kthimit në Kosovë.

    Në njoftim, theksohet se para se të kërkohet asistencë nga Ambasada, rastet duhet të raportohen fillimisht në Policinë e Republikës së Sllovenisë.

    Njoftimi i Ambasadës:

    Ambasada e Republikës së Kosovës në Lubjanë njofton të gjithë shtetasit e Republikës së Kosovës që kanë mbetur mbrëmë pa targa të automjeteve që të lajmërohen për këshilla dhe asistencë lidhur me kthimin në Kosovë. Nënkuptohet, rastet duhet të paraqiten fillimisht në Policinë e Republikës së Sllovenisë.

    Për informata shtesë ju lutemi kontaktoni linjën emergjente të Ambasadës në numrin: +386 31 465 221.

    Ju faleminderit për bashkëpunimin.

  • Rryma ndërpritet sot në disa zona, njoftohen qytetarët për oraret

    Rryma ndërpritet sot në disa zona, njoftohen qytetarët për oraret

    Orari sipas rajoneve të Kosovës, e diele 16 nëntor:

    Prishtinë

    Punime të domosdoshme për siguri të sistemit

    Nga NS 110/10(20)[kV] Prishtina 7 do të ndërprehet J20 Fusha Lidhse nga ora 07:00 deri 09:00

    Pa tension mbesin te gjitha daljet 10(20)kV si me poshtë:

    1.

    Nga NS 110/10(20)[kV] Prishtina 7 do të ndërprehet:

    Dalja 10kV J15 Viva Fresh (kodi: 19000089) nga ora 07:00 deri 09:00

    Vendet: Viva Fresh, Hotel Gorenja, Al Petroll, Koral, fusha Sheki, Skender Mramori, Proten, Ondeks Mont.

    Arsyeja: Ndërprerje për siguri, lidhja e zbarrave.

    2.

    Nga NS 110/10(20)[kV] Prishtina 7 do të ndërprehet:

    J12 Rezervë (kodi: ……….) nga ora 07:00 deri 09:00

    Vendet: …

    Arsyeja: Ndërprerje për siguri, lidhja e zbarrave.

    3.

    Nga NS 110/10(20)[kV] Prishtina 7 do të ndërprehet:

    Dalja 10kV J13 Fabrika e Kasetave (kodi: 19000096) nga ora 07:00 deri 09:00

    Vendet: Fabrika e Kasetave, Hajvali Vorret, Busia Petroll

    Arsyeja: Ndërprerje për siguri, lidhja e zbarrave.

    4.

    Nga TS 110/10(20)[kV] Prishtina 7 do të ndërprehet:

    Dalja 10[kV] J14 Grand Store (kodi: 19000095 ) nga ora 07:00 deri 09:00

    Vendet: Grand Store, Fjolla-Kavaja, Qagllavica 1, Bajram Krasniqi L. Janina, Lagjja Marigona 1, Servisi i Gorenjes, Grand Store(Te Hysi), Lagjja Qëndresa 1, Lagjja Qëndresa 2, Trimi AL PVC te Grand Store, Trimi AL PVC te Grand Store, Lagjja NICI-Veterniku, Lagjja,,Katër Dardhat”, mbrapa Nicit, Afër servisit Gorenje- Janina 2, Konsumatorët e lagjes Veternik-Naim Berisha, Naser Kelmendi- Nic holding, AL TRADE SH.P.K-TS 3 dhe AL TRADE SH.P.K-TS 4.

    Arsyeja: Ndërprerje për siguri, lidhja e zbarrave.

    5.

    Në TS 110/10(20)kV Prishtina 7 do të ndërprehet:

    .Dalja 10kV J15 Pallati i Drejtësisë (kodi: 19000091) nga ora 07:00 deri 09:00

    Vendet: Pallati i Drejtësisë.

    Arsyeja: Ndërprerje për siguri, lidhja e zbarrave.

    6.

    Në TS 110/10(20)kV Prishtina 7 do të ndërprehet:

    Dalja 10kV J15 MAP (kodi: 19000092) nga ora 07:00 deri 09:00

    Vendet: MAP.

    Arsyeja: Ndërprerje për siguri, lidhja e zbarrave.

    7.

    Nga NS 110/10[kV] Prishtina 7 do të ndërprehet:

    Dalja 10[kV] J17 Veterrniku 1 (kodi: 19000094) nga ora 07:00 deri 09:00

    Vendet: 376.Rr.Rexhep Krasniqi te TMk,120.Lagjja e Spitalit te BMW, ExDCdcdc-LLAM-8,Qazim Sadiku te Betoni Dino, rr.Behar Begolli,Stadioni Veternik(h.Fontana), rr. Shkupi Lokal-3, rr.Richard hollbruk garazha nr.35

    Arsyeja: Ndërprerje për siguri, lidhja e zbarrave.

    8.

    Nga TS 110/10(20)[kV] Prishtina 7 do të ndërprehet:

    Dalja 10[kV] J06 Hajvalia (kodi: 19000040) nga ora 07:00 deri 09:00

    Vendet: Hajvali Shkolla, Hajvali Policia, Hajvali Ulzat 1, Hajvali Ulzat 2, Mili Hajvali

    Arsyeja: Ndërprerje për siguri, lidhja e zbarrave.

    * * *

    Punime nga pala e tretë

    1.

    Nga NS 35/20[kV] Prishtina I do të ndërprehet:

    LP 20[kV] Dalja F.K. nr.10 (kodi: 10012182) nga ora 10:00 deri në ora 13:00

    Vendet: Bercom, Europrint, Semitronix, rr. Hamdi Grajqevci, objekte në rr.Dardania, banesat e Tregtisë, një pjesë e rr. Nënë Tereza disa objekte në rr. Enver Maloku.

    Arsyeja: Realizimi i hyrje-dalje sipas pëlqimit elektro-energjetik.

    Prizren

    Punime nga pala e tretë

    1.

    Nga NS 110/10[kV] Prizren 3 do të ndërprehet:

    Dalja 10[kV] J29 Kamenica (kodi: 31000029 ) nga ora 12:00 deri në ora 16:00

    Vendet:rrugët: 101 Enver Hadri, 130 Besëlidhja (një pjesë), 15 Faik Çabrati (një pjesë), 17 Mbreti Gent, 18 Beteja e Pashtrikut, 196 Aleks Buda, 205 Janina, 206 Arta, 208 Flamuri, 222 Ali Pashë Tepelena (një pjesë), 239 Luj Pasteri, 240 Petro Marko, 35 Skender Latifi, 37 Verrat e Llukës, 38 Afrim Bytyqi, 40 Ismail Qemajli, 41 Lasgush Poradeci, 42 Ismet Gashi, 49 Aziz Kelmendi, 51 Jashar Salihu, 54 Enkelejt, 55 Sadik Ramë Gjurgjeviku, 65 Brigadat, 7 Ismail Kryeziu, Arban, Jeta e Re, Përparimi dhe Tranziti (një pjesë), Fshatrat: Petrovë (një pjesë) dhe Rrallinë (një pjesë).

    Arsyeja: Risistemimi i shtyllave të betonit 12/1600 dhe kabllove të tensionit të mesëm, sipas pëlqimit elekroenergjetik.

    Ferizaj

    Punime nga pala e tretë

    1.

    Nga NS 35/10[kV] Shtërpca do të ndërprehet:

    Dalja 10[kV] J02 Molika (kodi: 40044007) nga ora 08:30 deri në ora 15:30

    Vendet: TS Repititori, TS Shkolla e Skijimit, TS Kulla dhe TS Hotel Molika.

    Arsyeja: Eliminimi i problemeve teknike në transformator.

    Gjakovë

    Punime në projekte investive

    1.

    Nga NS 110/35/10[kV] Rahoveci do të ndërprehet:

    Dalja 10[kV] Pataqani (kodi: 82000001) nga ora 08:30 deri në ora 17:00

    Vendet: Bratotin, Drenoc, Nushpal, Pastasellë, Pataçan i Epërm, Pataçan i Poshtërm, Senoc, Varjak dhe Zatriq.

    Arsyeja: Projekte investive. Ngritja e shtyllave nen tension, montimi i konzollave, montimi i izolatorëve, shtrirja e përçuesit me gjitha elementet përcjellëse si dhe punime tjetra elektrike në kuadër të Lot 12, Pataqani.

  • Ahmeti: Pafajësia e Hashimit, Kadriut, Rexhepit e Jakupit u konfirmua nga miqtë amerikanë e europianë në Hagë

    Ahmeti: Pafajësia e Hashimit, Kadriut, Rexhepit e Jakupit u konfirmua nga miqtë amerikanë e europianë në Hagë

    Kryetari i BDI-së, Ali Ahmeti, deklaron se sot ndodhet “me mendje e me zemër pranë bashkëkombasve që do të protestojnë në Strasburg”, siç shprehet, “aty ku filloi padrejtësia e madhe ndaj UÇK-së dhe popullit shqiptar, para Asamblesë Parlamentare të Këshillit të Europës”.

    Ahmeti pohon se “kjo gjykatë nuk po gjykon mbi atë për të cilën u themelua, por po gjykon mbi shpifjet e Serbisë të sajuara nga Rusia”.

    Ai shton: “Hashimi, Kadriu, Rexhepi, Jakupi dhe të tjerët janë aleatë të 🇺🇸 dhe 🇪🇺 dhe vendin e kanë në Kosovë. Pafajësia e tyre u konfirmua nga miqtë tanë amerikan e europian në Hagë, prandaj, lironi djemtë tanë!”

    Ahmeti thekson gjithashtu se “padrejtësia duhet të merr fund menjëherë, i gjithë populli shqiptar është në këmbë për drejtësi për shenjtërinë e luftës sonë çlirimtare”.

  • KFOR dhe Policia e Kosovës gjejnë 10 detonatorë në Leposaviq

    KFOR dhe Policia e Kosovës gjejnë 10 detonatorë në Leposaviq

    KFOR dhe Policia kanë dërguar në stacionin policor 10 detonatorë ndezës me fitila që i kanë gjetur afër lumit në Leposaviw.

    “ARMËMBAJTJE PA LEJE- Gnjezhdan, Leposaviq 15.11.2025-11:30. Raportohet senjësi nga KFOR-i dhe Policia e Kosovës kanë sjellë në stacion policor dhjetë (10) detonator ndezës me fitila (kabllo) të cilët i kishin gjetur në afërsi të fshatit afër lumit. Njësia e hetimeve ka dalë në vendin e ngjarjes, po ashtu është kontaktuar prokurori i shtetit i cili udhëzon që të iniciohet rasti si me lartë. Rasti është nën hetime nga njësitet kompetente.”

  • Përzgjedhësi i Sllovenisë uron Kosovën: Edhe na rrahën edhe na mposhtën, plotësisht e merituar

    Përzgjedhësi i Sllovenisë uron Kosovën: Edhe na rrahën edhe na mposhtën, plotësisht e merituar

    Përzgjedhësi i Sllovenisë Matjaz Kek e ka uruar Kosovën për fitoren dhe kualifikimin në play-offin e Kampionatit Botëror 2026.

    Kosova e dominoi Slloveninë për të shënuar fitore 0-2, sfidë që ishin më të mirë nga fillimi i ndeshjes.

    Plotësisht me rezultatin është pajtuar edhe Kek, që vlerësoi lartë Kosovën për paraqitjen e bërë.

    “Së pari, ta urojmë kundërshtarin tonë Kosovën, e merituan plotësisht fitoren. Bëmë disa gabime, karton të kuq e pastaj autogol, por ata ishin më të shpejtë, fituan topat e dytë dhe nuk po futeshim në lojë”.

    “E ndryshuam formacionin, pastaj kur ke papërgjegjësi, luan jo mirë në këtë nivel duhet ta paguash. Me vetëm 10 lojtarë luajtëm me guxim, por duhet ndoshta të bënim kështu nga fillimi”.

    “Nëse e dominuam këtë ndeshje në Prishtinë para një muaji, atëherë sot na dominuan. Të gjithë topat ishin nga ata. Fituan edhe na rrahën, në aspektin sportiv. Absolutisht na dominuan edhe në tribuna të stadiumit”, deklaroi ai.

    Kujtojmë, Kosova rikthehet në “aksion” të martën e ardhshme përballë Zvicrës në “Fadil Vokrri”.

  • Pas lajmeve për ndarje, Teuta Selimi shpërthen me një rrëfim emocionues

    Pas lajmeve për ndarje, Teuta Selimi shpërthen me një rrëfim emocionues

    Këngëtarja e njohur Teuta Selimi ka ndarë një rrëfim të sinqertë dhe emocional me ndjekësit e saj në rrjetet sociale, duke marrë vëmendjen e publikut.

    Në një periudhë të cilësuar si delikate në jetën e saj personale, pas zërave për ndarje nga bashkëshorti, artistja ka publikuar një dedikim prekës për fansat e saj, duke pranuar hapur se ka kaluar beteja të brendshme.

    Përmes një postimi në InstaStory, Selimi ka falënderuar publikun për mbështetjen e pakushtëzuar, duke theksuar se kjo ka qenë jetike për të gjatë momenteve më të vështira.