ATV

Author: K.B.

  • Dëgjimi i muzikës shumicën e ditëve mund të ulë rrezikun e demencës tek të moshuarit

    Dëgjimi i muzikës shumicën e ditëve mund të ulë rrezikun e demencës tek të moshuarit

    Dëgjimi i muzikës në baza të rregullta mund të ulë ndjeshëm rrezikun e zhvillimit të demencës tek të moshuarit, sugjeron një studim i ri australian. Studiuesit analizuan të dhënat e mbi 10,800 personave të moshës 70 vjeç e lart dhe zbuluan se ata që dëgjonin shpesh muzikë kishin 39% më pak gjasa të diagnostikoheshin me demencë krahasuar me ata që dëgjonin rrallë ose aspak.

    Pjesëmarrësit që dëgjonin rregullisht muzikë shfaqën jo vetëm rrezik më të ulët të demencës, por edhe 17% reduktim të dëmtimit kognitiv, rezultate më të mira në testet e funksioneve mendore dhe kujtesë episodike më të fortë aftësia për të kujtuar ngjarjet e përditshme.

    Edhe luajtja e një instrumenti muzikor u shoqërua me përfitime të rëndësishme për shëndetin e trurit, me studiuesit që treguan një 35% ulje të rrezikut për zhvillimin e demencës tek personat që angazhoheshin në këtë aktivitet.

    “Këto rezultate sugjerojnë se aktivitetet muzikore mund të jenë një mënyrë e thjeshtë dhe e arritshme për të ruajtur shëndetin kognitiv tek të moshuarit,” tha Emma Jaffa nga Monash University, një nga autoret e studimit.

    Megjithatë, studiuesit theksuan se rezultatet janë vëzhguese dhe nuk provojnë se muzika është shkaku direkte i uljes së rrezikut të demencës. Ata paralajmëruan për kufizime si raportimi vetjak i zakoneve muzikore dhe mundësinë e ndikimit të faktorëve të tjerë, duke kërkuar studime të mëtejshme.

    Ndërkohë, demenca vazhdon të rritet në nivel global. Mbi 57 milionë njerëz jetojnë aktualisht me këtë gjendje, dhe çdo vit regjistrohen mbi 10 milionë raste të reja — një çdo 3.2 sekonda.

  • Eman Rrahmani dhe Koalicioni për Familje do të marrin pjesë në zgjedhjet parlamentare

    Eman Rrahmani dhe Koalicioni për Familje do të marrin pjesë në zgjedhjet parlamentare

    Eman Rrahmani dhe Koalicioni për Familje do të marrin pjesë në zgjedhjet parlamentare.

    Këtë e ka konfirmuar vetë Rrahmani përmes një video-mesazhi të publikuar në rrjetin social në Facebook.

    ‘’Të dashur qytetarë, sot si grup deputetësh të Koaliconit për Familje po e shpallim vendimin tonë që të marrim pjesë në zgjedhjet parlamentare kur do që ato mbahen. Mbi njëzetmijë vota janë një amanet që duhet çuar në vend’’ ka thënë Rrahmani.

    Më tutje ai është shprehur se kauza e tyre nuk do të ndalet

  • Policia e Kosovës e kapë në flagrancë të dyshuarin për fajde, dërgohet në mbajtje

    Policia e Kosovës e kapë në flagrancë të dyshuarin për fajde, dërgohet në mbajtje

    Policia e Kosovës, Drejtoria Rajonale Mitrovicë–Jugu, ka njoftuar se ka finalizuar një operacion hetimor që çoi në arrestimin e një personi të dyshuar për veprën penale të fajdesë. Sipas njoftimit zyrtar, policia ka qenë duke zhvilluar veprime të vazhdueshme operativo-hetimore me qëllim të parandalimit të aktiviteteve kriminale në këtë rajon.

    Më datën 19 nëntor 2025, rreth orës 19:00, zyrtarët policorë arritën të arrestojnë të dyshuarin R.G. (1988), i cili dyshohet se ishte duke kryer veprën penale në momentin e ndërhyrjes.

    Me urdhër të gjykatës, u krye kontroll në shtëpinë dhe objektet ndihmëse të pronës së tij, ku policia konfiskoi materiale dhe dëshmi të cilat lidhen drejtpërdrejt me rastin.

    I dyshuari është intervistuar në praninë e avokatit mbrojtës dhe, me vendim të prokurorit, është dërguar në qendrën e mbajtjes.

    Policia e Kosovës theksoi se mbetet e përkushtuar në luftimin e veprave penale, ruajtjen e rendit publik dhe garantimin e sigurisë për të gjithë qytetarët e Republikës së Kosovës.

  • QKUK kryen për herë të parë dy operacione për vendosjen e protezave të supit

    QKUK kryen për herë të parë dy operacione për vendosjen e protezave të supit

    Në Klinikën e Ortopedisë të Qendrës Klinike dhe Universitare të Kosovës (QKUK) janë kryer për herë të parë dy operacione për vendosjen e protezave të supit, duke shënuar një arritje të rëndësishme për shëndetësinë kosovare.

    Ndërhyrjet u realizuan me sukses nga ekipi mjekësor, i përbërë nga dy ortopedë, specialistë të Anesteziologjisë dhe stafi infermieror mbështetës. Operacionet u vlerësuan si tërësisht të suksesshme dhe hapin rrugën për ofrimin e shërbimeve më të avancuara ortopedike brenda QKUK-së.

    Këto procedura u mundësuan edhe falë donacionit të një tavoline të specializuar operative për ndërhyrje në krahë, e cila iu dhurua QKUK-së nga Schulthess Klinik, një qendër mjekësore me renome botërore nga Zvicra.

  • Anulohen të gjitha seancat planifikuar në nëntor dhe dhjetor në gjykimin ndaj Thaçit dhe të tjerëve

    Anulohen të gjitha seancat planifikuar në nëntor dhe dhjetor në gjykimin ndaj Thaçit dhe të tjerëve

    Të gjitha seancat e planifikuara për muajin nëntor dhe dhjetor në gjykimin ndaj Hashim Thaçit dhe të tjerëve janë anuluar, ndërsa Dhomat e Specializuara të Kosovës kanë njoftuar se pritet të marrin një vendim mbi hapat që do të ndërmerren më tej.

    “Pas përfundimit të Konferencës për Ecurinë e Çështjes sot, ju informojmë se të gjitha seancat e caktuara më parë për nëntor dhe dhjetor në gjykimin Thaçi dhe të tjerët janë anuluar dhe janë hequr nga Kalendari i Gjykatës. Siç është thënë gjatë Konferencës për Ecurinë e Çështjes, Trupi Gjykues synon të lëshoj një vendim më vonë këtë javë në lidhje me hapat e ardhshëm”, thuhet në njoftimin e lëshuar.

    Wesley Clark, gjeneral i pensionuar amerikan, ishte dëshmitari i fundit që për dy ditë me radhë dëshmoi në mbrojtje të ish-presidentit të Kosovës, Hashim Thaçi, i cili së bashku me ish-kryeparlamentarët Kadri Veseli dhe Jakup Krasniqi dhe ish-deputetin Rexhep Selimi po gjykohen për krime lufte dhe krime kundër njerëzimit.

  • Vërshimet lënë pa ujë disa zona, KRU furnizon me autobotë

    Vërshimet lënë pa ujë disa zona, KRU furnizon me autobotë

    Reshjet e dendura të shiut kanë bërë që në disa rajone të ketë vërshime dhe vështirësi në furnizim me ujë.

    Kompania Rajonale e Ujësjellësit “Prishtina” është duke furnizuar disa zona nëpërmjet autobotëve, teksa ka ftuar qytetarët të kenë kujdes në shpenzimin e ujit.

    Zëdhënësja e kësaj kompanie, Arjeta Mjeku, ka deklaruar se në disa zona të kryeqytetit po ka reduktime të shkurtra kohë pas kohe, në mënyrë që të furnizohen me ujë ato pjesë që janë afektuar nga vërshimet.

    “[Reduktimet po bëhen] për shkak që t’i furnizojmë ngapak konsumatorët që janë të afektuar nga ITU Shkabaj, pasi që nuk kanë fare” ka deklaruar Mjeku.

    Ajo tha se po punohet intensivisht që të ketë furnizim për të gjithë qytetarët.

    “Po e bëjmë akumulimin e rezervuarëve gjatë natës” shtoi Mjeku.

  • Parlamenti miraton në parim buxhetin 2026 me 83 vota pro, opozita voton kundër

    Parlamenti miraton në parim buxhetin 2026 me 83 vota pro, opozita voton kundër

    Në një seancë maratonë prej afro 17 orësh diskutimesh, e cila u mbyll rreth orës 03:00 të mëngjesit të kësaj të enjte, parlamenti miratoi në parim projektbuxhetin 2026 si edhe 8 projektligjet që përbëjnë paketën fiskale për vitin e ardhshëm. Projektbuxheti me vlerë 8.8 miliardë euro mori 83 votat pro të shumicës socialiste, ndërsa kundër ishin 32 parlamentarë opozitarë.

    “Dy deputetë të PS-së, Erion Braçe dhe Vullnet Sinaj, nuk votuan tre projektligje të paketës fiskale, konkretisht:

    Erion Braçe nuk mori pjesë në votim për projektligjin: “Për disa shtesa në ligjin nr. 9632, datë 30.10.2006, ‘Për sistemin e taksave vendore’, të ndryshuar”; Votimi: 82 pro, 32 kundër (Braçe nuk votoi).

    Vullnet Sinaj nuk mori pjesë në votimin për projektligjin: “Për marrëveshjen e paqes fiskale”; Votimi: 82 pro, 32 kundër (Sinaj nuk votoi) si dhe “Për fshirjen, shuarjen dhe pagesën e detyrimeve tatimore ndaj administratës tatimore qendrore e të detyrimeve të pagueshme në doganë”; Votimi: 82 pro, 30 kundër (Sinaj nuk votoi).

    Me 83 vota pro dhe 32 kundër u miratuan:

    Projektligji “Për disa ndryshime në ligjin nr. 92/2014, ‘Për tatimin mbi vlerën e shtuar në Republikën e Shqipërisë’”

    Projektligji “Për disa ndryshime dhe shtesa në ligjin nr. 29, datë 30.3.2023, ‘Për tatimin mbi të ardhurat’”

    Projektligji “Për disa shtesa në ligjin nr. 9632, datë 30.10.2006, ‘Për sistemin e taksave vendore’, të ndryshuar”

    Projektligji “Për faturën dhe sistemin e monitorimit të qarkullimit”, të ndryshuar

    Projektligji “Për marrëveshjen e paqes fiskale”

    Projektligji “Për buxhetin e vitit 2026”

    Me 83 vota pro dhe 31 kundër u miratuan:

    Projektligji “Për disa ndryshime dhe shtesa në ligjin nr. 9920, datë 19.5.2008, ‘Për procedurat tatimore në Republikën e Shqipërisë’, të ndryshuar” –

    Projektligji “Për rivlerësimin e pasurisë së paluajtshme” –

    Me 82 vota pro dhe 30 kundër u miratua:

    Projektligji “Për fshirjen, shuarjen dhe pagesën e detyrimeve tatimore ndaj administratës tatimore qendrore e të detyrimeve të pagueshme në doganë” – Votimi: 82 pro, 30 kundër.Shifrat kryesore të buxhetit

    Projektbuxheti i vitit 2026 parashikon 886 miliardë lekë, ose 8.8 miliardë euro, që do të ndahen për sektorët kryesorë publikë, përfshirë shëndetësinë, pagat, mbështetjen për familjet në nevojë, pensionet, arsimin, punësimin, bujqësinë, transportin rrugor, drejtësinë dhe sigurinë — në kuadër të detyrimeve ndaj NATO-s.

    Ministri i Financave, Petrit Malaj, gjatë prezantimit të buxhetit në Kuvend, deklaroi:

    “Të ardhurat buxhetore për vitin 2026 parashikohen në 823.1 miliardë lekë, ose 29.6% të PBB-së, duke u rritur me rreth 52.9 miliardë lekë krahasuar me vitin 2025. Shpenzimet buxhetore parashikohen në 886.8 miliardë lekë, ose 31.9% të PBB-së, me një rritje prej 55 miliardë lekësh.”

    Sipas tij, rritja e shpenzimeve është e barabartë me rreth 550 milionë euro më shumë krahasuar me një vit më parë.

    Projektbuxheti pritet t’i nënshtrohet debatit nen për nen në vijim të procedurave parlamentare.

  • Si na “e përgjojnë” telefonat jetën tonë private

    Si na “e përgjojnë” telefonat jetën tonë private

    Ekziston një frazë, pothuajse si një legjendë urbane, që të gjithë e kemi thënë në një moment të caktuar: “Çfarë po ndodh? Telefoni im më dëgjoi dhe më tregoi një reklamë për atë që po kërkoja pikërisht tani?” E megjithatë, pavarësisht joshjes së idesë, telefoni ynë nuk ka nevojë të të dëgjojë.

    Nuk ka asnjë arsye, aspak kohë dhe më e rëndësishmja, asnjë leje për të aktivizuar mikrofonat vetëm për të na treguar një reklamë për pelena për fëmijë, pastë dhëmbësh kundër kariesit ose bileta të lira avioni. Ajo që po bën në të vërtetë është diçka shumë më e thjeshtë, por edhe shumë… më e zgjuar.

    Thelbi i çështjes është një model i Inteligjencës Artificiale i quajtur “Graph Neural Network”, ose shkurt GNN. Ai i sheh të dhënat tona jo si një grumbull tekstesh, klikimesh, SMS-sh dhe hartash, por si një hartë të marrëdhënieve njerëzore. Vetëm se, në vend të njerëzve, harta ka pika të vogla informacioni. Dhe në vend të miqësive, ka lidhje.

    Çfarë bën GNN?

    Imagjinoni një dhomë ndenjeje plot me njerëz që bisedojnë me njëri-tjetrin. GNN merr pjesët e të dhënave dhe i lejon ata të bisedojnë. Jo për mënyrën se si ishte dita e tyre, por për mënyrën se si lidhen me njëri-tjetrin. Çdo “nyjë” është një element. Një fjalë që keni shkruar në Messenger, një faqe që keni hapur dje, vendndodhja juaj e shtëpisë, koha kur zakonisht kërkoni ushqim.

    “Anët” (domethënë, vijat midis nyjeve) janë marrëdhëniet. Cilat fjalë shfaqen shpesh së bashku? Cilat kërkime vijnë gjithmonë pas cilave? Në cilat zona ndodheni kur hapni aplikacione të caktuara. Me fjalë të tjera: GNN nuk ruan “atë që thatë”. Ai ruan “si lidhen gjërat që bëni”. Dhe kjo ide në dukje e thjeshtë e bën atë jashtëzakonisht të mirë në parashikimin e asaj që ka të ngjarë të dëshironi të shihni më pas.
    Çfarë të dhënash përdor?

    Kur bëhet fjalë për rekomandime lajmesh, reklama të personalizuara ose përmbajtje brenda aplikacioneve, IA përdor 4 grupe kryesore të dhënash:

    1. Teksti – ajo që shkruajmë. Kjo përfshin tekste nga kërkimet, mesazhet në aplikacione që lejojnë përdorimin e të dhënave (jo nga aplikacione të koduara si WhatsApp), përshkrimet në YouTube, komentet dhe postimet. GNN nuk e lexon mesazhin si “përmbajtje bisede njerëzore”, por si fjalë të lidhura së bashku. Për shembull, nëse shkruani “Po mendoj të blej perde për shtëpinë time”, modeli mban shenjat: perde, shtëpi, treg dhe marrëdhëniet midis tyre. Nuk formon një pamje të asaj që keni diskutuar me personin me të cilin po flisnit.

    2. Historiku i kërkimit dhe i vizitave në faqet e internetit. Ky është burimi më i madh i informacionit. Nuk është sekret: Historiku i shfletimit zbulon interesa, zakone kohore dhe modele. GNN këtu lexon sekuencat: Ju filloni me faqet e internetit të lajmeve, pastaj hapni sportet, pastaj kërkoni se në çfarë ore është ndeshja, pastaj shikoni këpucët. Këto sekuenca bëhen “shtigje” të vogla në grafik.

    3. Vendndodhja – vetëm nëse e kemi të aktivizuar. GPS jep pika gjeografike që janë të lidhura me nyje të tjera: inteligjenca mëson kur jemi në shtëpi, kur jemi në punë, në cilën lagje bëjmë pazar, në çfarë orari udhëtojmë. A keni parë ndonjëherë të shfaqet një reklamë për një kafene pranë zyrës suaj? Nuk është sepse telefoni “dëgjon” që jeni të mërzitur dhe sugjeron diçka tjetër. Është sepse ka regjistruar që çdo mëngjes jeni atje rreth orës 9:15 dhe hapni Facebook.

    4. Modelet e përgjithshme të përdorimit. Sa shpesh hapim një aplikacion, sa gjatë qëndrojmë, çfarë tjetër bëjmë pak para ose pak pas. Është një lloj ritmi, personal dhe unik. Mikrofoni në telefonin tuaj nuk është i aktivizuar për reklamim, për dy arsye: Së pari, sepse do të ishte ligjërisht katastrofike dhe teknikisht e komplikuar. Së dyti, sepse GNN tashmë ka informacion të mjaftueshëm për të parashikuar se çfarë mund t’ju interesojë pa “dëgjuar” asgjë.

    Si i bën të gjitha këto? Duke ndërtuar këtë grafik marrëdhëniesh dhe duke llogaritur diçka të quajtur “ngulitje”, e cila është një përmbledhje numerike e llojit të përdoruesit që dukeni të jeni. Një ngulitje është si një gjurmë gishtash. Nuk thotë “përdoruesi është i interesuar për frigoriferë”, por “përdoruesi me këtë profil është i lidhur me përdorues të tjerë që ishin të interesuar për frigoriferë”. Pra, GNN po bën një supozim bazuar në modele, jo në përgjime.

    Si përdoret e gjithë kjo në celular?

    Në të gjitha llojet e mënyrave. Nga lajmet e sugjeruara në Google Discover, te Reels që shfaqen në Instagram, njoftimet në YouTube, sugjerimet e aplikacionit Play Store dhe sigurisht reklamat. Logjika teknike është gjithmonë e njëjtë: Të ndërtohet një hartë marrëdhëniesh që bëhet më e dendur teksa celulari mëson zakonet tona. GNN-të janë ideale për punë të tilla sepse ato mësojnë më mirë ndërsa shtohen nyje të reja, lidhje të reja, modele të reja.

    Në praktikë, kjo do të thotë: Nëse shikoni lajme në mbrëmje, burimi përshtatet në përputhje me rrethanat. Nëse kërkoni udhëtime gjatë fundjavave, reklamat ndryshojnë. Nëse kërkoni dërgesa në zona specifike, shfaqen sugjerime për atje. Kur shkruani mesazhe me fjalë që lidhen me shëndetin, stilin e jetës ose produkte specifike, sistemi e merr këtë si një tregues të një zakoni të ri. Dhe e gjithë kjo bëhet pa mbajtur kopje të bisedave tuaja. Ai vetëm ruan lidhjet dhe modelet.

    A është kjo e mirë apo e keqe?

    Opinionet ndryshojnë. Natyrisht, është një formë personalizimi që na ndihmon të mos humbasim afatet kohore kaotike. Por, si çdo mjet, ka edhe anën e tij të errët: krijon “flluska” interesash, kufizon shumëllojshmërinë e informacionit dhe përforcon obsesionet tona. Gjëja e rëndësishme këtu është se GNN-të tregojnë se si inteligjenca artificiale nuk ka nevojë të duket si spiun për të qenë efektive. Ajo thjesht duhet të shohë dhe të regjistrojë rrjetet e marrëdhënieve. Këto marrëdhënie, shumicën e kohës, krijohen nga ne vetë me gishtat, zakonet dhe lëvizjet e përditshme. Pra, celulari “lexon” gjurmët që i japim.

  • Anulohet seanca për spiunazh, i akuzuari Shabani në ekzaminim psikiatrik

    Anulohet seanca për spiunazh, i akuzuari Shabani në ekzaminim psikiatrik

    Gjykata Themelore në Prishtinë ka njoftuar se seanca e shqyrtimit gjyqësor në rastin ndaj të akuzuarve për spiunazh Bedri Shabani dhe Muharrem Qerimi, e paraparë të mbahej sot, është anuluar.

    Anulimim është bërë pasi thuhet se trupi gjykues në këtë çështje penale ka urdhëruar një ekzaminim lidhur me gjendjen mendore të të pandehurit Shabani, sipas propozimit të mbrojtjes së tij.

    “Anulimi është bërë nga trupi gjykues dhe bazohet në faktin se është urdhëruar ekzaminimi psikitatrik i të pandehurit B.SH., i cili ekzaminim nuk mund të përfundohet në kohë të shkurtër”, thuhet në njoftim.
    Gjykata ka njoftuar se lidhur me caktimin e datës së radhës në këtë çështje penale, palët do të njoftohen paraprakisht, përmes ftesave të gjykatës.

    Shabani dhe Qerimi janë të akuzuarit e parë për spiunazh që nga shpallja e pavarësisë së Kosovës.

    Në aktvendimin për konfirmim të aktakuzës të nxjerrë më 30 prill, Themelorja ka konstatuar se ekziston dyshimi i bazuar mirë se Shabani dhe Qerimi kanë bërë spiunazh si pjesë e BIA-s.

    Ata, në shqyrtimin fillestar i kanë mohuar akuzat për spiunazh.

    Sipas informacioneve të lëshuara nga Prokuroria Speciale, Shabani dhe Qerimi mblodhën informata që do t’i shërbenin BIA-s së Serbisë për ta ndërtuar një narrativ të rremë për një rrjet të trafikimit të organeve nga Ushtria Çlirimtare e Kosovës gjatë luftës.

    Qerimi në bazë të aktakuzës i ka dërguar zyrtarit të BIA-s Sërgjan Rosiq edhe të dhëna të klasifikuara që lidheshin me veprimtarinë e Prokurorisë Speciale.

    E Shabani, në bazë të pretendimeve të prokurorisë, përveç Rosiqit, pati kontakt edhe me një zyrtar tjetër, Bogolub Janiçeviq, që kishte rol udhëheqës në masakrën e Reçakut.

    Të pandehurit, sipas aktakuzës, kanë përdorur celularët dhe postën elektronike për të dërguar të dhëna, e po ashtu edhe janë takuar fizikisht me zyrtarët e BIA-s në territorin e Serbisë.

    Paragrafi 3 i nenit 124 të Kodit Penal parasheh që personat që hyjnë në shërbim të huaj të inteligjencës, mbledhin të dhëna apo e ndihmojnë shërbimin e shtetit të huaj në ndonjë mënyrë, dënohen minimalisht me pesë vjet burgim.

  • KEDS tregon se ku do të ketë ndërprerje të rrymës sot

    KEDS tregon se ku do të ketë ndërprerje të rrymës sot

    Kompania për Distribuimin e Energjisë Elektrike në Kosovë (KEDS) ka njoftuar se të enjten, më 20.11.2025, do të kryhen punime të domosdoshme për siguri të sistemit energjetik.

    Si rezultat i kësaj, në disa lokalitete do të ketë ndërprerje të rrymës.

    Ky është orari sipas rajoneve:

    Prishtinë

    Punime të domosdoshme për siguri të sistemit

    1.

    Nga TS 35/10kV Koliqi do të ndërprehet:

    Dalja 10kV Keqekolla-Hajkobilla (kodi: 14016004) prej orës 10:00 deri në ora 15:30

    Vendet: Keqekollë, Prapashticë, Hajkobillë, Dabishevc dhe Mutivodë.

    Arsyeja: Mirëmbajtje preventive, intervenim në eliminimin e defekteve dhe të gjeturave nga inspektimi me dron.

    2.

    Në TS 110/10[kV] Prishtina 7

    Nga dalja 20[kV] Rezonanca, prej orës 09:30 deri 14:00 pa tension mbesin:

    NS 10/0.4[kV] ( kodi: 19000087056 ) Lagje LLADROVCI mbrapa rezonances

    NS 10/0.4[kV] ( kodi: 19000087061 ) Bajram Krasniqi L. Janina

    NS 10/0.4[kV] ( kodi: 19000087064 ) GRAND STORE (Te HYSI)

    NS 10/0.4[kV] ( kodi: 19000087065 ) Lagje QENDRESA 1-Bajram Gashani

    NS 10/0.4[kV] ( kodi: 19000087066 ) Lagje QENDRESA 2

    NS 10/0.4[kV] ( kodi: 19000087067 ) TRIMI AL PVC te grand store

    NS 10/0.4[kV] ( kodi: 19000087071 )

    NS 10/0.4[kV] ( kodi: 19000087115 ) Rezonanca Veternik

    NS 10/0.4[kV] ( kodi: 19000087155 ) “AL-PETROL”sh.p.k.Arbër Kryeziu

    NS 10/0.4[kV] ( kodi: 19000087235 ) Bajram Gashani AL TRADE “SH.P.K”(TS-3)

    NS 10/0.4[kV] ( kodi: 19000087236 ) Bajram Gashani AL TRADE “SH.P.K”(TS-4)

    NS 10/0.4[kV] ( kodi: 19000087279 ) Adnan Krasniqi “A & F Group”shpk

    NS 10/0.4[kV] ( kodi: 19000087292 ) Mehmet Prishtina “NEW PRISHTINA RESIDENCE” shpk

    NS 10/0.4[kV] ( kodi: 19000087304 ) Raif Hajdini

    NS 10/0.4[kV] ( kodi: 19000087323 ) Bajram Gashani 1 “BAU HOLDING” L.L.C.

    NS 10/0.4[kV] ( kodi: 19000087324 ) Bajram Gashani 2 “BAU HOLDING” L.L.C.

    Vendet: Pjesë të Veternikut, Çagllavicë Q.T.Grand Store, 19.Bulevardi Dëshmorët e Kombit, Lagja Qëndresa, Qaglavic-New Prishtina Residence A 1, Anton SantoriAhmet Selaci.

    Arsyeja: Nderprerje per siguri, – Punimi i lidheseve XHE ne 4 pozicione te ndryshme dhe energjizimi i kabllove te reja si dhe nderrimi i kthines dalese tek TS: Raif Hajdini.

    3.

    Nga TS 110/10[kV] Prishtina 7

    Nga dalja 10[kV] M. Adm. Publike nga ora 10:00 deri 13:00 do të ndërprehet:

    TS 10/04[kV] Ministria e administrates publike (kodi:19000092159)

    Vendet: Pallati i drejtesise

    Arsyeja: Nderrim të TMT

    Prizren

    Punime të domosdoshme për siguri të sistemit

    1.

    Nga TS 110/35/10 kV Theranda do të ndërprehet:

    Dalja 10kV Budakova (kodi: 32000008) prej orës 10:00 deri në ora 15:30

    Vendet: Pishina Solid, Reqani I, Reqani II, Dragaqina I, Qadraku I, Pompat e Ujit Mohlan, Greiqevci I, Buzhala I, Budakova II dhe Budakova.

    Arsyeja: Mirëmbajtje preventive, intervenim në eliminimin e defekteve dhe të gjeturave nga inspektimi me dron.

    * * *

    Punime nga pala e tretë

    1.

    Nga TS 110/10kV Prizreni 3 do të ndërprehet:

    Dalja 10kV Kamenica (kodi: 31000029) prej orës 10:00 deri në ora 14:00.

    Vendet: Lagjet Gurishti, Petrovë dhe Arbana.

    Arsyeja: Ri-sistemimin e shtyllave të betonit 12/1600 dhe kabllove të tensionit të mesëm, sipas pëlqimit elektro-energjetik.

    Ferizaj

    Punime në projekte investive

    1.

    Nga TS 35/10kV Ferizaj II do të ndërprehet:

    Dalja 10[kV] J12 Banka 1&2 (kodi: 40041039) nga ora 09:00 deri në ora 18:00

    Vendet: MBTS Banka,TS Fatmir Rashani,TS Halil Haxhidema,TS TMK Ndertesa,TS Koncorzium Komuna(perballe Spitalit)

    Arsyeja: Projekte investive, Ndërrimi i pajisjeve në TS e mëposhtëm: Mbts Banka, Fatmir Reshani, Moda, ndërtesa përball Parkut dhe Kinemaja.

    2.

    Nga TS 35/10kV Ferizaj III do të ndërprehet:

    Dalja 10[kV] Ylli 1 (kodi: 40042015) nga ora 09:00 deri në ora 18:00

    Vendet: rr. 12 Qershori, rr. Dëshmorët e Kombit, një pjesë e rr. Ismail Qemajli, një pjesë e rr. Tahir Sinani, Sheshi Hyre Emini, një pjesë e rr. Toni Bler, Hekurudha, Kinemaja re -KEDS, Hoteli (MBTS)

    Arsyeja: Projekte investive, ndërrimi i pajisjeve në TS e mëposhtëm: Mbts Banka, Fatmir Reshani, Moda, ndërtesa përball Parkut dhe Kinemaja.

    Gjakovë

    Punime të domosdoshme për siguri të sistemit

    1.

    Nga NS 110/10(20)[kV] Gjakova 2 do të ndërprehet:

    Dalja 10[kV] Bistazhini (kodi: 81000005) nga ora 10:30 deri 15:30

    Vendet: Fshatrat: Bistrazhin, Damjan (një pjesë), Dol, Fshaj (një pjesë), Gërqinë, Kusar, Kushavec (një pjesë), Lipovec, Marmull, Marash, Pjetërshan, Raç (një pjesë), Ramamat, Rrezinë, Smaq (një pjesë),

    Arsyeja: Ndërprerje per siguri. Eleminimi i vrejtjeve L.P. Bistazhini.

    *****

    Punime në projekte investive

    1.

    Nga NS 35/10[kV] Gjakova I do të ndërprehet:

    NS 10/04[kV] TS 29 (kodi: 80080051003) nga ora 09:00 deri në ora 17:00

    Vendet: Lekë Dukagjini.

    Arsyeja: Projekte investive. Kyçja e konsumatorëve ekzistues në rrjetin e ri.

    Gjilan

    Punime të domosdoshme për siguri të sistemit

    1.

    Nga TS 110/35/10[kV] Gjilani 1 do të ndërprehet:

    TR 2 (H01) pa tension mbesin të gjitha daljet 10kV prej orës 10:00 deri ne ora 13:00

    Vendet: Rrugët: Afrim Zhitia, Agim Rashiti, Ahmet Gashi (një pjesë), Avdullah Presheva, Evlia Çelebia, Isa Kastrati (një pjesë), Reshat Ymeri, Rexhep Mala, Dervish Cara (një pjesë), Dheu i Bardhë, Fatmir Ibishi (një pjesë), Gjergj Fishta (një pjesë), Gjon Buzuku (një pjesë), Isa Kastrati (një pjesë), Lekë Dukagjini (një pjesë), Memin Beqiri, Molla e kuqe (një pjesë), Qamil Bala (një pjesë), Vëllezërit Frashëri (një pjesë) dhe Gjon Buzuku (një pjesë), Abdullah Tahiri, Brigadat e Uçk-së (një pjesë), Bujanovcit (një pjesë), Gjinollët (një pjesë), Halim Aga, Mehmet Akif Ersoy, Marie Shllaku, Reshat Ymeri, Enver Miftari dhe Xhorxh Vashingtoni, Mulla Idrizi, Arbëria, Bajram Llovca, Edit Durham (një pjesë), Elena Gjika (një pjesë), Gursel Bajram Sylejmani (një pjesë), Ibrahim Temo, Martirët e Gjilanit (një pjesë), Xheladin Kurbaliu (një pjesë), Zabeli i Sahit Agës, Pjesë e rrugës së Bujanovcit, Hidrosistemi në fshatin Përlepnicë, Fab. e baterive I.28 Nëntori (një pjesë), Afrim Zhitia, Agim Rashiti (një pjesë), Ali Hulugrica (një pjesë), Dheu i Bardhë (një pjesë), Fatmir Ibishi, Fehmi Agani, Gjergj Fishta (një pjesë), Hasan Tasini (një pjesë), Memin Beqiri, Metush Krasniqi, Rexhep Mala, Rukije Haliti, Shyt Mareci, Te Bazeni, Vëllezërit Llozana dhe fshatrat Kufcë e Epërme (një pjesë), Poredinë (Lagjeja Poredinë), 8 Nëntori, Adem Jashari (një pjesë), Afrim Zhitija (një pjesë), Ali Hadri (një pjesë), Avdullah Presheva, Isa Kastrati, Isuf Kiki (një pjesë), Kadri Halimi (një pjesë), 15 Qershori, Abdullah Presheva, Rexhep Dajkoci (një pjesë), Dardania, Fatos Limani (një pjesë), Haki Myderizi (një pjesë), Halim Orana (një pjesë), Haqif Tetova, Kadri Halimi (një Ramiz Sadiku (një pjesë), Rexhep Dajkovci (një pjesë), Sadik Sadiku, Sadullah Brestovci (një pjesë), Vëllezërit Baftiu (një pjesë) dhe Zija Shemsiu, Gllama (një pjesë), Stanishorit (një pjesë) dhe Fehmi Agani (një pjesë), Esat Berisha (një pjesë) dhe Mulla Idrizi (një pjesë), Bulevardi i Pavarësisë, Esat Berisha (një pjesë), Gjinollët (një pjesë), Makfire Deda, Mulla Idrizi, Skënderbeu dhe Xhemë Topalla, Abdullah Tahiri, Adem Jashari, Gjinollët, Hamdi Kurteshi, Muharrem Kurteshi, Mehmet Akif Ersoy, e Malishevës (një pjesë), Mulla Idrizi dhe Tregu i gjelbërt, Esat Berisha (një pjesë) dhe Mulla Idrizi (një pjesë),, Hamdi Kurteshi (një pjesë), Muharrem Kurteshi, Vëllezërit Maliqi (një pjesë) dhe Abdullah Tahiri (një pjesë), Adem Jashari (një pjesë), Elez Agushi, Esat Berisha, Urim Mehmeti, Xhevat Ajvazi, Demush Shabani dhe Mulla Idrizi (një pjesë). Fshatrat: Bilincë, Inatoc (një pjesë), Llovcë, Malishevë, Malishevë e Poshtme, Pograjë, Sllubicë (një pjesë), Stublinë, Uglar dhe Zabeli i Sahit Agës, Bukovik, Capar, Dobërçan, Kufcë e Poshtme (një pjesë), Malishevë, Malishevë e Poshtme, Malishevë e Epërme dhe Vërbicë e Kmetocit, Arkatana dhe Gurthyesi Cufa Com Sh.P.K., ), F. e Radiatorëve, F. e Tekstilit I, F. e Tekstilit II-Albimi, F. e Tekstilit III,

    Fshatrat: Dragancë, Kufcë, Kufcë e Epërme, Kufcë e Ulët, Makresh i Epërm, Makresh i Ulët, Mellc (një pjesë), Stanishor dhe Stazhë, Përlepnicë, Bunari i Përlepnicës, Kodra e Përlepnicës, Muhaxherët e Përlepnicës, Kmetoc, Kosaqë dhe Shillovë, Velekincë, përfshirë edhe Velekincë e Epërme dhe e Ulët, Pjesë e fshatit Velekincë dhe Zabeli i Sahit Agës, përfshirë edhe stacionin e pompave të ujit, thertoren dhe Fluidin.

    Arsyeja: Bartja e kabllove nga kthina H06 te kthina H04.