Author: K.B.

Na ndajnë pak ditë nga mbatja e zgjedhjeve të parakohshme parlamentare.

Derisa Komisioni Qendror i Zgjedhjeve po vazhdon përgatitjet e nevojshme për mbarëvajtjen e procesit zgjedhor.

Ndonëse vendin e presin zgjedhje të reja, KQZ ende nuk ka asgjësuar materialin e zgjedhjeve lokale të 12 tetorit.

Kësisoj, ditë më parë KQZ ka kërkuar të lidh kontratë me një operator ekonomik që do të bënë asgjësimin e materialit zgjedhor.

Sasia e materialit është përafërsisht 45- 50 ton.

Fillimisht për këtë tender janëë ndarë jo më shumë se 4 mijë euro.

Afati i fundit për pranimin e tendderëve është data 8 dhjetor, deri në orën 12:00.

Pas shkarkimit të Ramadan Ahmetit nga pozita e Drejtorit të Termocentralit B, ka lëvizje të reja në Korporatën Energjetike të Kosovës.

Klan Kosova ka mësuar ekskluzivisht nga burime brenda KEK se sot është emëruar një tjetër ushtrues detyre në këtë institucion, Jonuz Saraqi.

U.D. i drejtorit Ekzekutiv të KEK-ut, Gramos Hashani, e ka caktuar Saraqin si Ushtrues Detyre të Drejtorit të Termocentralit Kosova B.

Kush është Jonuz Saraqi?

Saraqi ka shërbyer më herët si drejtor i Termocentralit “Kosova A”.

Në vitin 2024, ai ishte shkarkuar nga ish-drejtori i KEK-ut, Bekir Gerguri, për shkak të vlerësimit të dobët të performancës.

Pavarësisht kësaj, këtë vit, Hashani e ka rikthyer atë në pozitë të lartë duke e emëruar drejtor teknik në TCB, ndërsa sot ka vendosur që ai të marrë edhe drejtimin ekzekutiv të këtij termocentrali.

Kujtojmë se paraardhësi i Saraqit, Ramadan Ahmet, u shkarkua të premten nga pozita.

Derisa në Kosovë gjendja në sektorin e energjisë vazhdon të jetë kaotike, Hashani po përshpejton vendimet për emërime dhe shkarkime brenda KEK-ut.

Së fundmi, vëllai i ish-deputetit Bylbyl Sokoli është emëruar U.D. i Drejtorit Operativ të Termocentraleve dhe Minierës.

Ajo që ka ngjallur më shumë reagime është fakti se Sokoli është kimist me profesion, gjë që e bën të pazakontë caktimin e tij në një pozitë kaq të ndjeshme dhe teknike në operimin e termocentraleve dhe minierave. /Kp/

Hysen Sali Cekaj, anëtar i Lidhjes Demokratike të Kosovës, ka njoftuar sot se nuk do të jetë pjesë e listës së kandidatëve për Kuvendin e Kosovës në zgjedhjet e ardhshme. Në një komunikim drejtuar familjarëve, miqve dhe bashkëpunëtorëve, ai tha se vendimi vjen për shkak të përgjegjësive familjare, veçanërisht përkujdesjes ndaj nënës së tij, e cila ka nevojë për praninë e tij më shumë se kurrë.

“Siç e keni parë, kësaj radhe nuk do të jem kandidat për Kuvendin e Kosovës. Vullnetin, energjinë dhe bindjen për fitoren tonë të përbashkët i kam të plota. Por, përballë përgjegjësive që kam ndaj familjes sime, e sidomos ndaj nënës time, me keqardhje ju njoftoj se nuk do të jem pjesë e listës,” ka deklaruar Cekaj.

Ai theksoi se përkundër moskandidimit, angazhimi i tij politik nuk do të ndalet. Cekaj tha se do të vazhdojë të jetë aktiv në organizimin e mërgatës, duke apeluar që bashkatdhetarët të përkrahin Lidhjen Demokratike të Kosovës dhe ndryshimin që, sipas tij, vendi ka nevojë urgjente.

“Ky vendim nuk e ndalon angazhimin tim. Përkundrazi — mbetem plotësisht aktiv në organizimin e mërgatës sonë të mrekullueshme. I ftoj të gjithë bashkatdhetarët e mi në përkrahje të LDK-së dhe të ndryshimit të domosdoshëm për Kosovën,” u shpreh ai.

Cekaj u shpreh i bindur se në zgjedhjet e ardhshme do të rikthehet edhe më fuqishëm në garë dhe në angazhimet e tij për LDK-në dhe vendin. Ai falënderoi të gjithë ata që e kanë kontaktuar pas marrjes së lajmit, duke kujtuar se mbështetja e mërgatës e kishte bërë atë kandidatin më të votuar në zgjedhjet e kaluara.

Londra po teston një flotë dronësh nënujore për të ndjekur anijet spiune ruse pranë brigjeve britanike, si pjesë e strategjisë së re të Marinës Mbretërore për të mbrojtur bregdetet dhe infrastrukturat kritike. Dronët, të njohur si SG Fathom ose “glidera nënujore”, janë si torpedo të pilotuara nga distanca dhe mund të patrullojnë nën ujë për ditë të tëra, duke lëvizur në heshtje.

Katie Raine, përgjegjëse e programit Fathom, tha për BBC-në se dronët monitorojnë thellësitë e oqeanit dhe identifikojnë kërcënimet më shpejt se më parë.

Nëse provat rezultojnë të suksesshme, Fathom mund të integrohet në Atlantic Bastion, një rrjet dronësh, anijesh luftarake dhe avionësh survejimi për të mbrojtur infrastrukturat nënujore.

Ministria e Mbrojtjes ka njoftuar për një rritje të aktivitetit nënujor rus, me një shtim prej 30% të anijeve që kërcënojnë ujërat britanike në dy vitet e fundit.

Strategjia britanike synon jo vetëm mbrojtjen e Marinës Mbretërore, por edhe sigurinë e kabllove nënujore dhe objektivave të tjerë jetikë, pas incidenteve si ai i muajit të kaluar me anijen ruse Yantar, e cila përdori lazer kundër pilotëve të RAF-it që e monitoronin.

Presidentja e Republikës së Kosovës, Vjosa Osmani, ka dërguar një mesazh urimi për Ditën e Çlirimit të Sirisë, në përvjetorin e parë historik të këtij momenti, duke theksuar lidhjet e thella mes dy popujve që kanë kaluar nëpër dekada shtypjeje, dhimbjeje dhe luftë për liri.

Në fjalimin e saj në “X”, Osmani u shpreh se kjo ditë nuk simbolizon vetëm rikthimin e lirisë, por edhe “rilindjen e shpresës së popullit”.,

Presidentja kujtoi se viti 2025 shënoi një kapitull të ri historik me njohjen reciproke mes Kosovës dhe Sirisë.

“Gëzuar Ditën e Çlirimit të gjithë popullit të Sirisë. Me nder të thellë ju drejtohem sot në emër të popullit dhe institucioneve të Republikës së Kosovës, ndërsa shënoni këtë përvjetor historik të parë të çlirimit tuaj. Kjo është një ditë që simbolizon jo vetëm lirinë e rifituar, por edhe rilindjen e shpresës së popullit. Të dy vendet tona, Kosova dhe Siria, kanë njohur kapitujt më të errët të shtypjes, padrejtësisë dhe vuajtjeve të paimagjinueshme. Por ne gjithashtu kemi ditur se çfarë do të thotë të ngrihesh, të transformosh dhimbjen në qëllim dhe forcë. Ne kemi qëndruar të vendosur në besimin tonë se asnjë forcë nuk mund ta shuajë dëshirën e një populli për liri dhe kemi mësuar se drejtësia, megjithëse e vonuar, gjithmonë gjen një zë. Për popullin e Kosovës, liria u fitua përmes kaq shumë sakrificash dhe guximi dhe ne e dimë se i njëjti shpirt përcakton popullin e Sirisë, i cili ka duruar kaq shumë, por kurrë nuk e ka hequr dorë nga besimi i tij në një të nesërme më të mirë. Është ky shpirt i përbashkët i qëndrueshmërisë, dinjitetit dhe shpresës që i lidh dy vendet tona së bashku.

Këtë vit, filloi një kapitull i ri midis Republikës së Kosovës dhe Republikës Arabe Siriane me një njohje të ndërsjellë midis dy vendeve tona. Kjo njohje është një lidhje morale midis dy popujve që e kuptojnë koston e lirisë dhe vlerën e të qëndruarit krah për krah për një botë më të drejtë. Jemi të entuziazmuar nga ajo që na pret në partneritetin tonë. Republika e Kosovës është e përkushtuar të punojë ngushtë me ju në vitet që vijnë, duke i afruar dy kombet tona edhe më shumë në miqësi dhe bashkëpunim. Të dashur miq në Siri, ju lutem dijeni se Kosova është me ju. Ne do të jemi partneri juaj, miku juaj dhe aleati juaj në çdo hap të rrugës. Nga Prishtina në Damask, zemrat tona rrahin si një e vetme, për liri, për dinjitet dhe për miqësinë e qëndrueshme midis dy vendeve tona. Gëzuar Ditën e Çlirimit”, ka thënë Osmani.

Ambasada e Zvicrës në Kosovë ka reaguar pas publikimit të një lajmi edhe në mediat në Kosovë ku pretendohej se “Zvicra ‘hap dyert’ për 85 mijë vende pune për të huajt – me paga deri në 6.500 euro”.

Dhe sipas reagimit të ambasadës zvicerane, ky informacion është i rremë dhe kuotat për shtetasit e vendeve të treta (shtetet jo-Shengen) mbeten të pandryshuara për vitin 2026.

“Kujdes nga lajmet e rreme! Kohët e fundit, mediat sociale dhe gazetat online kanë përhapur pretendime se Zvicra po hap tregun e saj të punës për 85,000 punëtorë të huaj. Këto raportime janë të rreme!”, është thënë në fillim të reagimit të ambasadës zvicerane.

Më pas theksohet se “siç thuhet në njoftimin zyrtar për shtyp të 19 nëntorit 2025, Këshilli Federal Zviceran ka vendosur të ruajë kuotat ekzistuese për shtetasit e vendeve të treta (shtetet jo-Shengen) për vitin 2026”.

“Një maksimum prej 8,500 punëtorësh dhe specialistësh të kualifikuar nga vendet e treta mund të rekrutohen në Zvicër vitin e ardhshëm. Kjo përfshin 4,500 leje qëndrimi (B) dhe 4,000 leje afatshkurtra (L)”, ka shtuar reagimi i Ambasadës së Zvicrës në Kosovë.

Një 70-vjeçare është gjetur e pajetë në banesën e saj në Korçë.

Sipas informacioneve paraprake, mësohet se e moshuara jetonte e vetme në një pallat në lagjen nr 17.

Ka qenë fëmija i saj që ka lajmëruar policinë pasi prej disa ditësh nuk e kishte parë të moshuarën.

Dyshohet që e moshuara të ketë disa ditë që ka ndërruar jetë, ndërsa nga kqyrja paraprake nuk janë konstatuar shenja dhune.

Pritet që trupi ti nënshtrohet ekspertizës mjeko ligjore për të zbardhur shkakun e vdekjes.

Grekët të palëkundur, vijojnë protestat, fermerët të vendosur t’i vazhdojë bllokadat
Read more

Analistja, Nafie Selmani ka publikuar në rrjetet e saj sociale një skandal të regjistruar në libarat në Maqedoninë e Veriu. Selmani ka ndarë foto nga një faqe e librit të gjeografisë ndërsa i referohet rajonit të Dukagjinit si Metohi.

Selmani në një lidhje live në Euronews Albania e ka cilësuar këtë një skandal dhe një gabim të rëndë. Ajo theksoi se botimi i librit të gjeografisë së klasës së 7-të është publikuar në gushtin e këtij viti dhe se termi Metohi është një gabim i rëndë identitar.

“Teksti është i librit të gjeografisë konkretisht të klasës së 7-të. Fotoja erdhi nga një prind i shqetësuar nga ky skandal sepse nuk mund ta llogarisim një lapsus të tillë pasi libri është publikuar në gusht 2025 dhe i ka kaluar të gjitha filtrave që kërkohen konform i ligjeve aktuale të Maqedonisë së Veriut. Rajonit të Dukagjinit i referohet si Metohi dhe është një gabim i rëndë historik dhe identitar”, u shpreh ajo.