Author: K.B.

Të enjten në Gjykatën Themelore të Prizrenit, do të mbahet seanca e radhës në rastin e vrasjes së Auron Thaqit.

26-vjeçari dyshohet se humbi jetën pasi u godit me thikë nga një person, në qytetin e Prizrenit.

Dyshohet se pasi u ther me thikë, Auroni u hodh në rrugë nga një veturë në lëvizje.

Ai vdiq në Qendrën Klinike Universitare të Kosovës, pasi nuk arriti tu mbijetonte plagëve të marra, në korrik të 2024-tës.

Në seancën e kaluar kishte dëshmuar ekspertja e mjekësisë ligjore, Bergita Curri, e cila kishte bërë raportin e autopsisë së trupit të të ndjerit.

Paa trupit gjykues, ajo kishte deklaruar se plaga vdekjeprurëse që shkaktoi vdekjen e Auron Thaqit është plaga në regjionin e përparmë të kërllokullës apo kofshës së djathtë.

Curri theksoi se gjakderdhja e shkaktuar nga kjo plagë ka çuar në vdekjen e tashmë e të ndjerit

Krahas kësaj plage, ekspertja mjeko-ligjore, gjatë dëshmisë së saj tha se Auron Thaqi kishte edhe një plagë tjerë në shpinë e cila nuk kishte depërtuar në asnjë strukturë përveç lëkurës dhe indit nën lëkuror.

“Nga të gjeturat gjatë ekzaminimit të trupit në autopsi ku përveç dëmtimit në regjionin femoral të djathtë është evidentuar edhe një plagë shpuese në pjesë e sipërme të shpatullës së majtë. Nga ekzaminimi i organeve të brendshme dhe vitale nuk është gjetur asnjë shkaktar tjetër përveç gjakderdhjes dhe shokut hemoragjik… Plaga vdekjeprurëse ka qenë plaga në regjionin e përparmë të kofshës së djathtë, ndërsa plaga e përshkuar në pikën dy tek ekzaminimi i jashtëm ka qenë tërësisht e parrezikshme”, kishte deklaruar ajo.

Presidenti i Shteteve të Bashkuara, Donald Trump, ka nisur një tjetër seri kritikash ndaj udhëheqësve evropianë, të cilët i quajti “të dobët” dhe të paaftë për t’u përballur me sfidat aktuale. “Mendoj se janë të dobët. Besoj se ata duan të jenë politikisht korrekt. Mendoj se nuk dinë çfarë të bëjnë. Evropa nuk di çfarë të bëjë”, deklaroi ai në një intervistë për Politico.

Sipas Trump, në pozicionin më të fortë negociues ndodhet Rusia, të cilën e përshkroi si “një vend shumë më i madh” dhe theksoi se lufta në Ukrainë “nuk duhej të kishte ndodhur kurrë”.

Duke folur më tej për udhëheqësit e kontinentit, ai tha se i njeh mirë shumicën prej tyre dhe se mes tyre ka udhëheqës të mirë, të këqij, inteligjentë e madje edhe “disa vërtetë budallenj”. Megjithatë, sipas tij, “Evropa nuk po bën një punë të mirë në shumë aspekte”. Në lidhje me Ukrainën, Trump akuzoi vendet evropiane se “flasin shumë dhe nuk prodhojnë”, ndërsa lufta vazhdon pa fund.

Në të njëjtën intervistë, Trump u rikthye të komentonte edhe situatën në Ukrainë dhe marrëdhëniet me presidentin Volodymyr Zelensky. Sipas tij, Ukraina po humbet territor të rëndësishëm dhe Zelensky duhet të pranojë realitetin. “Duhet të vihet në lëvizje dhe të fillojë t’i pranojë gjërat, sepse po humbet konfliktin”, u shpreh ai. Trump theksoi se humbjet territoriale kanë nisur shumë përpara mandatit të tij.

“Kanë humbur një brez të tërë bregdetar, një brez të madh. Kanë humbur shumë territor, dhe territor të mirë. Nuk mund të quhet fitore”.

Ai po ashtu deklaroi se ka ardhur koha që në Ukrainë të mbahen zgjedhje.

“Po, mendoj se është momenti. Ka kaluar shumë kohë. Nuk po shkon veçanërisht mirë. Populli ukrainas duhet ta ketë këtë mundësi”, tha Trump, duke shtuar se Zelensky mund të fitonte, por se vendi nuk ka mbajtur zgjedhje prej shumë kohësh. “Flasin për demokraci, por vjen një pikë ku nuk është më demokraci”, përfundoi ai.

Një shqiptar në Gjermani është shpallur në kërkim për tentativë vrasjeje. BILD shkruan se 40-vjeçari me emrin Qazim Hodollari ka plagosur me thikë një 37-vjeçar nga Gelsenkirchen.

Ngjarja e rëndë ndodhi më 26 nëntor rreth orës 11:20 të paradites në Mülheim.

Sipas policisë gjermane, 37-vjeçari u dërgua në spital për të marrë ndihmën mjeksore ku ndodhet jashtë rrezikut për jetën, ndërsa rasti vijon të hetohet.

Hetuesit kanë publikuar foto dhe të dhëna personale të të dyshuarit dhe sipas tyre konsiderohet potencialisht i armatosur dhe i rrezikshëm. Shkaku për këtë konflikt dyshohet të ketë qënë vizita e 37 vjeçarit në apartamentin e ish-partneres së shqiptarit po në ditën e krimit

Siria dhe Arabia Saudite kanë nënshkruar një numër marrëveshjesh në sektorët e naftës dhe gazit.

Sipas mediave të huaja, përcjell Telegrafi, kompania shtetërore siriane e naftës nënshkroi katër marrëveshje me kompani saudite në selinë e Ministrisë së Energjisë në kryeqytetin Damask, sipas Agjencisë Arabe të Lajmeve Siriane (SANA) të martën.

Marrëveshjet mbulojnë “shërbime mbështetëse teknike dhe zhvillimin e fushave të naftës dhe gazit në Siri”, tha agjencia, pa përmendur nënshkruesit sauditë të marrëveshjeve.

Më 19 nëntor, drejtori ekzekutiv i Kompanisë siriane të naftës, Youssef Qaballawi, njoftoi zbulimin e pesë fushave të reja të gazit në rajonin perëndimor Al-Sahel.

Sipas shifrave të vitit 2015, rezervat e provuara të gazit në Siri arritën në rreth 8.5 trilionë metra kub, ndërsa prodhimi mesatar ditor i gazit të palidhur është rreth 250 milionë metra kub, duke përfaqësuar 58 përqind të prodhimit total të gazit të vendit.

Gazi i lidhur me naftën përbën 28 përqind të prodhimit, pjesa më e madhe e të cilit vjen nga lindja e lumit Eufrat.

Qeveria e re siriane, nën presidencën e Ahmad al Sharaa, synon të përmirësojë sektorin e energjisë së vendit duke nënshkruar marrëveshje dhe memorandume mirëkuptimi me disa qeveri dhe institucione për të mbështetur rindërtimin dhe rimëkëmbjen ekonomike të vendit pas 14 vitesh luftë civile.

Gjykata e Tiranës vendosi të dënojë me 16 vite burg, 14 vjeçarin Mario Perlleshaj, pasi e shpalli fajtor për vrasjen e bashkëmoshatarit të tij Martin Cani, raporton A2 CNN.

Vrasja e Martin Canit ndodhi më 18 nëntor 2024, në Tiranë, rreth 200 metra larg shkollës “Fan Noli”.

Konflikti mes dy adoleshentëve kishte nisur tri ditë para ngjarjes, brenda ambienteve të shkollës për motive të dobëta. Edhe pse në dukje ishte shuar, konflikti u rindez sërish brenda shkollës.

Të dy të miturit u përplasën në tualetet e shkollës gjatë paradites kur ndodhi ngjarja dhe debatuan ashpër, por u ndanë nga roja i sigurisë.

Pas mësimit, të shoqëruar nga miqtë e tyre, ata u takuan pranë shkollës, ku konflikti u përshkallëzua në një përleshje fizike, duke përfunduar me vrasjen e Martinit dhe plagosjen e Luis Meçes.

Familjarët e 15-vjeçarit Erjon Boba, djali i cili mbeti i vrarë në konfliktin e 25 nëntorit në Durrës, kishin paralamëruan për portestë ditën e sotme përpara Bashkisë së Durrësit.

Në këtë protestë, të pranishëm ishin vetëm familjarët e 15-vjeçarit.

Në një komunikim për mediat ishte halla e viktimës, e cila u shpreh se Erjoni u pre në besë nga shoqëria.

“Erioni ishte edukuar me punë. E vërteta e dhimbshme është se Erioni është prerë në besë nga kjo shoqëri, e cila sot, për fat të keq, nëse një fëmijë është djalë i mirë, vritet nga një fëmijë që prindërit nuk janë marrë me edukimin e tij. Shteti duhet të lëvizë, duhet të tronditet. Ky është një tërmet kur arrijnë të vriten fëmijët, mendoj se nuk ka asgjë më mbi fëmijët”, është shprehur halla e Erjonit, Barie Cupi.

Sakaq, një i afërm tjetër i familjes tha se rasti i 15-vjeçarit ishte një humbje e madhe për familjen.

“Fatkeqësi e madhe. Mjerë ato që e provojnë, fatkeqësisht po jetojmë në një shoqëri depresive dhe indiferente, nuk reagon për asgjë, nuk solidarizohet dhe kjo është e dhimbshme. Kjo ndodh sepse nuk po rritet një brez edukativ, por agresiv. Kur shkojnë nxënësit në shkollë, nuk marrin libra e fletore, por thika dhe municione. Askush nuk interesohet se çfarë bën fëmija”, është shprehur i afërmi.

Ushtarët e Ukrainës në Pokrovsk kanë ngjitur një flamur me ngjyrat blu e të verdhë, të flamurit ukrainas, për të treguar se qyteti, objekt i një beteje të ashpër prej 18 muajsh, nuk ka rënë ende, pas pretendimeve të Rusisë për kontroll të plotë mbi të.

Lajmin e raporton BBC, duke qenë dëshmitare e këtij gjesti simbolik dhe të rezistencës së forcave të Kievit, ndërsa nga fronti duket se ushtria ukrainase po humb terren në këtë qytet kyç në lindje.

Ditët e fundit, presidenti Vladimir Putin deklaroi se forcat ruse kishin marrë kontrollin e qytetit, i konsideruar si një pikënisje drejt synimit të Moskës për të pushtuar gjithë Donbassin. Sot, BBC raporton një tentativë për të kundërshtuar këtë deklaratë: nga një post komandimi ukrainas, larg vijës së frontit, urdhrat transmetohen me radio në mënyrë të shpejtë. Ushtarët ndjekin qindra pamje të drejtpërdrejta nga dronët ndërsa koordinojnë sulmet kundër pozicioneve ruse brenda qytetit.

“Komandanti i regjimentit sulmues të Skalas, Yuri, dëshiron të na tregojë se Ukraina kontrollon ende pjesën veriore të qytetit, për të treguar se pretendimi i Kremlinit për marrjen e Pokrovskut është gënjeshtër”, shkruan media britanike. “Përmes radios, ata i kërkojnë dy ushtarëve të dalin nga një ndërtesë për të vendosur flamurin ukrainas. Ata veprojnë shpejt për të mos u vënë re. Droni kap momentin kur ata valëviten shkurtimisht flamurin blu e të verdhë, përpara se të kthehen në mbrojtje”, vijon raportimi i BBC.

“E pashë me sytë e mi. Mendoj se e gjithë bota duhet të dijë se nuk do të heqim dorë nga territori ynë. Nëse nuk e tregojmë, të gjithë do të humbasin besimin dhe do të ndalojnë ndihmën për Ukrainën”, deklaroi komandanti Yuri për BBC-në.

Beteja për Pokrovskun, dikur nyjë kyçe logjistike për ushtrinë ukrainase, po vazhdon prej gati 18 muajsh. Qyteti është tashmë në rrënoja, dhe pyetja mbetet se sa gjatë Ukraina mund të rezistojë. Ata që ndjekin avancimin rus nga jugu sugjerojnë se forcat ukrainase kanë kontroll të kufizuar mbi qytetin: po humbasin terren, por pretendojnë se mbajnë ende pjesën veriore, deri tek linja hekurudhore që ndan qytetin strategjik në dysh.

Kryetari i Lidhjes Demokratike të Kosovës, Lumir Abdixhiku, do të qëndrojë në Gjermani dhe në Zvicër, në datat 13 dhe 14 dhjetor, ku pritet të takohet me mërgatën atje.

Kështu ka njoftuar LDK’ja, ku ka ftuar qytetarët në ato vende, që të takohet dhe të flasin për programin e kësaj partie dhe projektet që e ‘’çojnë Kosovën drejt standardeve që i meriton’’.

Postimi i plotë:

E dashur Mërgatë,

Më 13 dhe 14 dhjetor, kandidati ynë për kryeministër, Lumir Abdixhiku, vjen në Gjermani dhe Zvicër për t’u takuar me ju, njerëzit që kurrë s’e keni kursyer as mundin e as dashurinë për Kosovën.

Ejani! Të flasim hapur për programin tonë, për planin zhvillimor që i jep shtytje ekonomisë, funksionalizimit të shtetit dhe shpresë rinisë. Të diskutojmë projektet që e çojnë Kosovën drejt standardeve që i meriton, drejt një vendi që krenohet me qytetarët e vet, brenda e jashtë atdheut.

Le ta bëjmë bashkë këtë ndryshim!

Le ta zgjedhim shpresën, le të fitojmë për Republikë.

Zgjedh LDK-në.

#LDK123