ATV

Author: G.O.

  • Pas afro dy vitesh, Rita Ora zbulon disa detaje të tjera nga martesa e saj sekrete me Taika Waititin

    Pas afro dy vitesh, Rita Ora zbulon disa detaje të tjera nga martesa e saj sekrete me Taika Waititin

    Rita Ora zbuloi më shumë detaje në lidhje me martesën e saj sekrete me Taika Waititi gjatë paraqitjes së saj në The Tonight Show Starring Jimmy Fallon të mërkurën – duke përfshirë një të ftuar të listës A që ishte i pranishëm.

    Këngëtarja, 33 vjeçe, zgjodhi të ndajë një pjesë të vogël me fansat nga dita e saj e madhe e martesës për zgjedhjen e muzikës së çiftit, çfarë bënë pasi u martuan dhe një të ftuar me famë botërore që ishte i pranishëm.

    Rita Ora ka zbuluar më shumë detaje për martesën e saj sekrete me Taika Waititi gjatë pjesëmarrjes së saj në “The Tonight Show Starring Jimmy Fallon” të mërkurën, përfshirë një të ftuar me famë botërore që ishte i pranishëm.

    Këngëtarja e hitit “Your Song” ka qenë në fushatën promovuese për filmin e saj të ardhshëm në Disney+, “Descendants: Rise Of The Red”, dhe foli me prezantuesin për mënyrën se si ka qenë ‘e zënë dhe e angazhuar’ kohët e fundit. Por, biseda shpejt kaloi tek martesa e saj, për të cilën ajo ka mbajtur kryesisht në fshehtësi. Megjithatë, të mërkurën Rita vendosi të ndajë një pjesë të vogël nga dita e saj e madhe për zgjedhjen e muzikës së çiftit dhe atë se çfarë bënë me burrin e saj pasi u kurorëzuan.

    Në foto, këngëtarja dhe aktorja kishte veshur një kostum tërësisht të bardhë dhe këndonte me pasion në një mikrofon, së bashku me këngëtarin tjetër. Duke shpjeguar prapaskenën, Rita tha: “Por e dini çfarë ishte e çuditshme për këtë moment? Ishte një surprizë. Unë nuk kërkova për këtë. Nuk kishte asnjë plan, u martova kështu spontanisht dhe ishte shumë argëtuese. Pastaj thamë, oh tani çfarë? Kështu që thjesht rezervuam një hotel dhe bëmë një festë të vogël. Ajo bëri shaka: ‘Kënga e parë që këndoi ishte ‘I’m Caught In A Trap’. Unë thashë “A është kjo mënyra që deshëm të fillojmë, e kuptoni çfarë dua të them?”.

    Artistja më pas zbuloi se komedianja dhe aktorja Tiffany Haddish, 44 vjeçe, ishte e pranishme në festën pas martesës, e cila është shoqe e mirë me këngëtaren.

    Duke i shfaqur audiencës një fotografi të Ritës dhe dikujt të veshur si Elvis duke performuar në dasmë, Jimmy pyeti: “A keni pasur një imitues të Elvisit në dasmën tuaj?”.

    Rita zbuloi: “Tiffany Haddish ishte gjithashtu e pranishme, e cila është një shoqe e mirë e imja dhe ajo tha ‘Epo, duket se po e bëjmë këtë, atëherë’”.

    Rita dhe Taika, 48 vjeç, u martuan në gusht të vitit 2022, por nuk e konfirmuan martesën e tyre deri në përvjetorin e parë vitin e kaluar. Ishte një ceremoni e paplanifikuar në shtëpinë e tyre në Los Angeles që e planifikuan brenda dy javëve.

    Edhe pse martesa ishte një ceremoni intime, Rita publikoi disa pamje të ditës së madhe në klipin e saj “You & I”.

    Në krijimin e bukur të regjistruar, Rita dokumentoi ditën e saj të madhe, duke filluar me një vështrim pas skene në transformimin e saj si nuse. Pamjet e mrekullueshme përfshinin gjithashtu momentin kur Taika pa gruan e tij që do të jetë për herë të parë ndërsa ajo ecte drejt altarit para se të lidhnin kurorën. Çifti po rrezatonte me lumturi ndërsa u bënë një çift i martuar dhe ndanë një puthje pasionante të parë si burrë dhe grua.

    Motra e Ritës, Elena, ishte një shoqëruese e nuses, ndërsa miku më i mirë i Taika-s, aktori Jermaine Clement, fluturoi nga Zelanda e Re për ceremoninë.

    Detajet e reja vijnë ndërsa këngëtarja ka qenë duke promovuar filmin e saj të ardhshëm, “Descendants: Rise Of The Red”, dhe ka marrë shumë frymëzim nga emri me zgjedhjet e saj të fundit të modës. /Telegrafi/

  • PIPS: Viti 2023 sfidues për MPJD-në, shkaku i dialogut Kosovë-Serbi

    PIPS: Viti 2023 sfidues për MPJD-në, shkaku i dialogut Kosovë-Serbi

    Tensionet në veri, acarimi i raporteve me aleatët ndërkombëtarë e sanksionet e BE-së, janë si rezultat i mungesës së dialogut të mirëfilltë Kosovë-Serbi. Kështu konstatohet në raportin vjetor “Vjetari i Politikës së Jashtme (2023)”, të publikuar nga Instituti i Prishtinës për Studime Politike (PIPS), raporton Ekonomia Online.

    Aty u tha se qëllimi i këtij raporti është të dokumentojë të arriturat, sfidat dhe objektivat strategjike të Kosovës në lidhje me politiken e jashtme.

    Jon Krasniqi, menaxheri i projektit në PIPS, tha se ky raport del çdo vit, kësaj radhe ka ofruar një analizë përgjatë vitit 2023 deri më 15 shkurt 2024. Të dhënat përfshijnë deklaratat e qeverisë, angazhimet që i kanë bërë në politikën e jashtme.

    “Raporti tregon se ky ka qenë viti më sfidues në politikën e jashtme të Kosovës. Kjo si rast të një procesi apo një shqetësimi që e ka pas Kosova gjatë vitit 2023 në dialogun Kosovë-Serbi, masat sanksionet e vendosura nga Bashkimi Evropian gjithashtu edhe disa nga ShBA, tensionet apo incidentet që ndodhen në veri e deri tek sulmi në Banjskë që pastaj u ndërthuren me procesin e dialogut”.

    “Integrimi atlantik, moslëvizja e Kosovës për anëtarësim në BE, liberalizimi i vizave proces zvarritës, megjithatë sukses i politikës së jashtme. Rritje e numrit të pjesëtarëve të KFOR-it, anulimi i aktiviteteve të ‘Defender Europe ‘23’ që lidhet me raportet me NATO-n. Performanca e MPJD-së, 403 takime 50 konsultime politike në vende të ndryshme, konferenca angazhime me shtetet e QUINT-it dhe BE-ja”, ka thënë ai.

  • Kurti: Realizimi i regjistrimit të popullsisë, ishte një nga projektet më me prioritet këtë vit

    Kurti: Realizimi i regjistrimit të popullsisë, ishte një nga projektet më me prioritet këtë vit

    Kryeministri i vendit, Albin Kurti, po merr pjesë në publikimin e të dhënave të para të regjistrimit të popullsisë nga Agjencia e Statistikave të Kosovës.

    Kurti tha se realizimi i regjistrimit të popullsisë ishte një nga projektet më me prioritet të qeverisë gjatë këtij viti.

    “Realizimi i regjistrimit të popullsisë ishte një nga projektet më më prioritet të qeverisë gjatë këtij viti, duke marrë parasysh rëndësinë e të dhënave në kohë si dhe raundin e regjistrimeve globale 2015-2024, ku edhe Kosova do të jetë pjesë e këtij zhvillimi”.

    “Ky regjistrim është një reflektim i përkushtimit tonë për të kuptuar dhe adresuar nevojat e popullatës sonë, duke siguruar si shpërndarje të barabartë të burimeve, ashtu edhe për hedhje të bazave për vendimmarrje për të informuar që do të formësoj të ardhmen e Kosovës”.

    “Në një mënyrë, statistikat e mirëfillta janë si GPS-i për të ardhmen e vendit tonë. Me të dhëna të sakta, jemi të sigurt se nuk do ta humbim rrugën dhe do ta gjejmë destinacionin tonë, përndryshe pa to do të përfundojmë duke bërë rrotullime e rrjedhimisht të humbim resurse të vlefshme”, tha Kurti.

    Më tej, Kurti tha se nxjerrja e të dhënave të plota dhe të sakta do t’iu mundësojë vendimmarrësve, duke filluar nga niveli lokal e qendror për orientimin e politikave dhe shërbimeve më të mira për qytetarët.

    Pa statistika cilësore, edhe vendimet mund të jenë jo cilësore. Statistikat janë një e mirë publike dhe duhet përdorur për marrjen e vendimeve bazuar në dëshmi. Në demokraci, marrja e vendimeve politike duke u bazuar në dëshmi është shumë më rëndësi për të ofruar.

  • Katër të arrestuar në Pejë, dyshohet se e mashtruan një person duke ia marrë 280 mijë euro për një lokal

    Katër të arrestuar në Pejë, dyshohet se e mashtruan një person duke ia marrë 280 mijë euro për një lokal

    Policia e Kosovës ka arrestuar katër persona në Pejë, të cilët dyshohen për mashtrim në vlerë 280 mijë euro.

    Viktima ka deklaruar në polici se këtyre personave u kishte dërguar 280 mijë euro që nga viti 2022 për blerjen e një lokali në Istog, që rezultoi se ishte pronë e komunës..

    “Viktima ka deklaruar se personave tё dyshuar iu ka dёrguar tё holla nё vlerё prej dyqind e tetëdhjetë mijё (280000) euro, mjete tё cilat viktima ja ka dёrguar qё nga vitit 2022, pёr blerjen e njё lokali. Pas njё pune intensive tё hetuesve Rajonal me datё 09.07.2024, janё arrestuar dy (2) persona tё dyshuar, nё vazhdën e hetimit tё rastit me datё 11.07.2024 janё arrestuar edhe dy (2) tё dyshuar tjerё”, thuhet në njoftim.

    Të arrestuarit janë: F.D, e lindur më 1999, B.M e lindur 1992, M.N I lindur me 1982 dhe L.D e lindur me 1994.

    Tutje, Policia njoftoi se tё gjithё tё dyshuarit pas intervistimit nga hetuesit, me vendim tё prokurorit tё shtetit janё dёrguar nё mbajtje pёr 48 orё.

  • ASK-ja publikon të dhënat, popullsia e Kosovës përbëhet nga 1.5 milionë banorë

    ASK-ja publikon të dhënat, popullsia e Kosovës përbëhet nga 1.5 milionë banorë

    Agjencia e Statistikave të Kosovës (ASK) ka publikuar sot rezultatet preliminare të Regjistrimit të Popullsisë, Ekonomive Familjare dhe Banesave (ReKos 2024).

    Sipas të dhënave të publikuara nga ASK-ja, në Kosovë jetojnë 1,586,659 banorë, prej tyre 795,046 meshkuj dhe 791,614 femra.

    Po ashtu, në këtë event është duke marrë pjesë dhe kryeministri Albin Kurti.

  • Vdesin katër persona, gjatë tentativës për të kaluar Kanalin Anglez

    Vdesin katër persona, gjatë tentativës për të kaluar Kanalin Anglez

    Katër persona kanë vdekur teksa tentonin të kalonin Kanalin Anglez për në Britaninë e Madhe nga Franca.

    Roja bregdetare franceze konfirmoi vdekjet pasi një varkë u përmbys dhe tha se 63 emigrantë ishin shpëtuar gjatë një përpjekjeje për kalim gjatë natës.

    Vdekjet u raportuan fillimisht nga gazeta franceze La Voix Du Nord dhe transmetuesi BFM TV, i cili citoi autoritetet lokale, shkruan Sky News.

  • Osmani në mesin e liderëve botërorë, përfaqësoi Kosovën në aktivitetin përmbyllës të Samitit të NATO-s

    Osmani në mesin e liderëve botërorë, përfaqësoi Kosovën në aktivitetin përmbyllës të Samitit të NATO-s

    Presidentja e Kosovës, Vjosa Osmani, e ka përfaqësuar vendin në aktivitetin përmbyllës të Samitit të NATO-s në Washington me ftesën e presidentit amerikan, Joe Biden.

    Pjesëmarrjen aty, Osmani e ka vlerësuar të një rëndësie të veçantë për shtetin e Kosovës.

    “Është hera e parë në histori që Kosova përfshihet në një Samit të aleancës së shpresës dhe për këtë u jam mirënjohëse personalisht Presidentit Biden dhe SHBA-ve”, ka theksuar Osmani

    Presidenca ka njoftuar se në përfundim të samitit, Osmani ka biseduar me Bidenin dhe me liderë të tjerë nga disa shtete të botës.

  • Biden ngatërron emrin e Zelenskyt, i referohet si “Presidenti Putin”, ky është reagimi i presidentit ukrainas

    Biden ngatërron emrin e Zelenskyt, i referohet si “Presidenti Putin”, ky është reagimi i presidentit ukrainas

    Presidenti i Shteteve të Bashkuara të Amerikës, Joe Biden, i ka ngatërruar emrin Presidentit të Ukrainës, Volodymyr Zelensky, në konferencën për shtypin pas takimit me udhëheqësit e vendeve të NATO-s në Washington.

    Duke e ftuar Zelenskyn për të folur në konferencë, Biden iu referua atij si “Presidenti Putin”.

    Ai e kapi gabimin dhe e korrigjoi veten, ndërsa ftoi Presidentin Ukrainas të fliste në konferencën për shtypin.

    “Ai do të mundë Presidentin Putin, Presidenti Zelenskyy”, tha më pas Biden. Zelensky u pa duke qeshur.

  • Sot temperaturat arrijnë deri në 37 gradë, IHMK-ja këshillon edhe për kujdes gjatë vozitjes

    Sot temperaturat arrijnë deri në 37 gradë, IHMK-ja këshillon edhe për kujdes gjatë vozitjes

    Instituti Hidrometeorologjik bën të ditur se sot në Kosovë mban mot me diell.

    IHMK-ja njofton se vazhdojnë të mbizotërojnë temperaturat e larta, ku ato minimale do të lëvizin ndërmjet 15-19 gradë Celsius, ndërsa maksimalet e ditës parashihen të lëvizin ndërmjet 32-37 gradë Celsius.

    Do të fryjë erë nga drejtimi i jugperëndimit me shpejtësi 1-4m/s.

    Indeksi UV do të jetë shumë i lartë, prandaj duhet kujdes në kontaktin direkt me rrezet e diellit.

    Personat me sëmundje kronike t’ju shmangen këtyre rrezeve, ose të bartin masa mbrojtëse, syze kapelë, rroba me ngjyrë të lehta.

    IHK bën apel për kujdes të veçantë edhe pjesëmarrësve në komunikacion, sepse ky mot me vapë shkakton shqetësime, dobëson reflekset e ngasjes, gjithashtu në raste të veçanta mund të humbin edhe kontrollin.

    Konsumimi i shpeshtë i ujit të freskët është i këshillueshëm. 

  • Sot publikohen rezultatet preliminare të regjistrimit të popullsisë

    Sot publikohen rezultatet preliminare të regjistrimit të popullsisë

    Agjencia e Statistikave të Kosovës (ASK) njofton se sot do të bëhet publikimi i rezultateve paraprake të Regjistrimit të Popullsisë, Ekonomive Familjare dhe Banesave (ReKos 2024).

    Konferenca e ASK-së do të mbahet prej orës 10:00.

    “Projekti i Regjistrimit të Popullsisë, Ekonomive Familjare dhe Banesave (ReKos2024) është një nga projektet më madhore të një vendi në kohë paqeje, i realizuar nga 05 prill deri më 24 maj 2024. Të dhënat paraprake përfshijnë numrin e popullsisë sipas gjinisë në nivel të komunave përfshirë trendët më të fundit demografike. Agjencia e Statistikave të Kosovës (ASK) falënderon të gjithë qytetarët e Kosovës për bashkëpunimin që kanë treguar gjatë këtij procesi, të gjithë stafin e përfshirë në Regjistrim, institucionet që kanë mbështetur këtë proces, si dhe të gjitha mediat për korrektësinë dhe raportimin e drejt gjatë gjithë procesit të Regjistrimit të Popullsisë në Kosovë (ReKos2024)”, thuhet në njoftim.