ATV

Author: G.O.

  • Sinjale “acarimi” mes Kosovës dhe Maqedonisë së Veriut

    Sinjale “acarimi” mes Kosovës dhe Maqedonisë së Veriut

    PËRGATITI: FATLUM JASHARI 

    Arrestimi ish-ushtarit të UÇK-së, Blerim Ramadani, me fletarrestim të Serbisë, patrullimet e përbashkëta me policinë serbe dhe incidenti me presidenten Vjosa Osmani, kanë ngritur shqetësime për raportet Kosovë-Maqedoni e Veriut.

    Derisa thelbin e ngjarjeve e lidhi me qeverinë e re në Shkup, opinionisti Bekim Kabashi vlerësoi se ato më shumë mund të ndikojnë brenda vetë shtetit fqinj.

    “Situata në Maqedoni (të Veriut) është në vlim e sipër, vetë fakti që atje ka fituar në zgjedhje aq shumë një parti nacionaliste. Bindshëm. Pra, 58 deputetë i ka VMRO-DPMNE, tregon se ka njëfarë sentimenti antishqiptar. Nuk lidhet krejt me raportet ndërmjet dy shteteve, por tregon se ka një sentiment antishqiptar, që pastaj që sigurisht se reflekton te rasti i Kosovës, sepse Kosova është me shumicë shqiptare dhe shqiptarët e Kosovës janë të lidhur ngushtë me shqiptarët e Maqedonisë”, tha Kabashi.

    Referuar ngjarjeve të fundit, opinionisti nga Gostivari, Albert Musliu, vuri theksin te orientimi i partisë së rikthyer në pushtet në Maqedoninë e Veriut.

    “Nuk i shoh vetëm si përkeqësim ose ftohje të marrëdhënieve ndërmjet dy shteteve, por e shoh si një tendencë të gabuar të partisë më të madhe në pushtet në Maqedoni, VMRO-DPMNE, ngase qysh prej fillimit të mandatit shohim një tendencë të përafrimit shumë të madh me kryetarin e Serbisë, Vucic”, u përgjigj Musliu.

    Pasi tha se mungojnë vizitat e takimet zyrtare me Kosovën, Musliu foli për rëndësinë e marrëdhënieve të mira ndërshtetërore.

    “Fatkeqësisht shoh mungesë vizioni nga VMRO-DPMNE-ja. Nuk është Kosova ajo që varet nga Maqedonia, por Maqedonia ajo që varet nga marrëdhëniet e mira me Kosovën. Popullata shqiptare në Maqedoni është më se një e treta dhe normalisht asnjë shqiptar në Maqedoni nuk është indiferent nga marrëdhëniet me Kosovën”, shtoi tutje Musliu.

    Teksa vlerësoi se situatës, siç u shpreh, “deri në një pikë i ka kontribuuar edhe Kosova, me ndërhyrjen e kryeministrit në zgjedhjet në Maqedoninë e Veriut”, Kabashi tha se tensionimi eventual do të ishte në dëm të shqiptarëve.

    “Nuk është në interes të shqiptarëve që acarimi i raporteve mes Kosovës dhe Maqedonisë të shkojë më tutje, sepse ajo do të reflektojë drejtpërdrejt në të arriturat e shqiptarëve në Maqedoni. Të arriturat, po them për integrimin në institucione”, tha po ashtu Kabashi.

    Kryeministri Albin Kurti dhe partia e tij, Lëvizja Vetëvendosje, përkrahën haptas koalicionin e partive shqiptare VLEN – në zgjedhjet e fundit në shtetin fqinj – që më pas u bë pjesë e koalicionit qeverisës të pritë nga VMRO-DPMNE./atvlive.tv

    Për më shumë ndiqni videon e mëposhtme:

  • PDK-ja e AAK-ja me kritika për Qeverinë, deputetët e pushtetit e bllokuan Kuvendin

    PDK-ja e AAK-ja me kritika për Qeverinë, deputetët e pushtetit e bllokuan Kuvendin

    PËRGATITI: ARTON HAMITI 

    Kryetari i Grupit Parlamentar të partisë më të madhe opozitare, tha se sesioni pranveror i Kuvendit është përmbyllur me rreth 30 pika të papërfunduara.

    Sipas Abelard Tahirit të PDK-së, kjo tregon për efikasitetin e punës së Kuvendit.

    “Sesioni pranveror ka filluar në fund të janarit të këtij viti, me mbi 30 pika të papërfunduara të sesionit vjeshtor dhe po ashtu po e mbyllim këtë sesion me diku 30 pika të papërfunduara. Kjo tregon për efikasitetin e punës së këtij Kuvendi”, foli Tahiri.

    Megjithatë, Tahiri theksoi se ky sesion ka qenë periudhë e fitoreve të betejave kushtetuese të PDK-së, në mbrojtje të interesit publik dhe vlerave të shtetit demokratik.

    “Beteja e parë që ka të bëjë me Ligjin për Byronë Shtetërore për Verifikimin dhe Konfiskimin e Pasurisë së Pajustifikueshme, ishte një iniciativë që binte ndesh me rendin tonë kushtetues që Gjykata Kushtetuese u dha të drejtë pretendimeve tona. Dhe, në anën tjetër, ishte edhe Ligji për Këshillin e Pavarur Mbikëqyrës, e cila ishte një iniciativë për ta rrënuar shërbimin civil në Republikën e Kosovës, një investim 20-vjeçar nga fondet tona, si taksapagues të shtetit dhe nga fondet e BE-së.”, deklaroi tutje Tahiri.

    Ndërkaq, Qeverinë e udhëhequr nga Albin Kurti, Aleanca për Ardhmërinë e Kosovës e konsideron jotransparente, teksa për punën e Kuvendit, Besnik Tahiri nga ky subjekt tha se shumica parlamentare e ka tradhtuar besimin e qytetarëve.

    “Ky sesion nuk ka qenë i lehtë për shkak se shumica parlamentare ka vazhduar në masë të madhe të shpërfaqë arrogancën, duke mos dhënë llogari dhe përgjegjësi në raport me besimin. Shumica parlamentare e ka tradhtuar besimin e qytetarëve, duke e pamundësuar punën në Kuvendin e Kosovës.”, u shpreh Tahiri.

    Shefi i grupit parlamentar të AAK-së, tha se gjatë këtij sesioni pushteti e ka penguar edhe punën në komisione hetimore.

    “Ndërsa, në komisione hetimore ka pasur puç dhe është tentuar të merret pozita e kryesuesit në komisionin që udhëheq Shemsedin Dreshaj. Ky Kuvend e ka trajtuar në aspektin e njëanshëm gjithë politikën që lidhet me temat e konsensusit në Kuvend.”, tha po ashtu ai.

    Ndryshe, në bazë të punës së deritashme, monitoruesit e Kuvendit shprehen skeptikë nëse do të përmbushet agjenda legjislative, deri në fund të këtij mandati, që i kanë mbetur edhe disa muaj./atvlive.tv/

    Për më shumë ndiqni videon e mëposhtme:

  • Tahiri për rastin e presidentes Osmani në Shkup: Skandal i rëndë diplomatik, janë dëmtuar marrëdhëniet rajonale

    Tahiri për rastin e presidentes Osmani në Shkup: Skandal i rëndë diplomatik, janë dëmtuar marrëdhëniet rajonale

    Kryetari i grupit parlamentar i Aleancës për Ardhmërinë e Kosovës, Besnik Tahiri tha se incidenti në Aeroportin e Shkupit ku është përfshirë presidentja Vjosa Osmani, është skandal i rëndë diplomatik mes dy shteteve,

    Në një konferencë për media, Tahiri, tha se me këtë incident pjesë janë dëmtuar marrëdhëniet rajonale.

    “Presidentja e Kosovës ndalohet, shkelen të gjitha konventat, protokollet diplomatike, ky nuk është skandal është incident i rëndë diplomatik mes dy shteteve”, tha Tahiri.

  • Kadaj-Bujupi tregon në detaje se çka ndodhi në Shkup: E shtynë, tentuan t’ia marrin telefonin me forcë presidentes

    Kadaj-Bujupi tregon në detaje se çka ndodhi në Shkup: E shtynë, tentuan t’ia marrin telefonin me forcë presidentes

    Këshilltarja e presidentes, Vjosa Osmani, Donika Kadaj-Bujupi ka treguar momentin se si ndodhi incidenti në aeroportin e Shkupit, në Maqedoninë e Veriut.

    Kadaj-Bujupi tha se pala maqedonase në këtë rast, sigurimi i aeroportit të Maqedonisë shkaktoi një incident të paprecedentë, të panevojshëm, e siç tha ajo “krejt i paarsyeshëm”.

    “Nga mediat e Maqedonisë së veriut opinioni po helmohet me gënjeshtra dhe të pavërteta, po pretendojnë që të paraqesin që presidentja ka refuzuar që të fus siç po i referohen ata valixhen në skanerë. Në rend të parë Osmani nuk ka pas fare valixhe. Isha aty, ishim bashkë dhe presidentja Osmani e them me përgjegjësi të plotë nuk ka pas fare valixhe. Krejt çka ka pas një çantë të dorës”, ka thënë Kadaj-Bujupi.

    Sipas saj, presidentes Osmani iu kërkua që të skanojë çantën e dorës për të cilën siç tha ajo e futi në skaner.

    “Në momentin që u futëm në aeroport në kundërshtim me Konventën e Vjenës dhe nene 23.7 të saj, presidentes iu kërkua që ta skanojë çantën e dorës. Policia e Kosovës e cila ishte në nivel të detyrës ua shpjegoi që presidentes që sipas praktikës ndërkombëtare, jo vetëm në rajon por edhe në botë duke filluar në këtë rast edhe në SHBA, e vendet jo njohëse anë e mbanë botës e në të gjitha vendet e BE-së asnjëherë nuk i kërkohet të skanohet çanta e dorës. Sipas Konventës së Vjenës është çantë diplomatike. Çanta është skanuar dhe nuk ka pas asnjë dyshim ”, u shpreh ajo për KlanKosovën.

    Kadaj-Bujupi po ashtu tha se sigurimi i aeroportit fizikisht ‘u turr’ në drejtim të presidentes që t’ia konfiskojnë telefonin.

    “Telefonin presidentja e mban në dorë. Sipas të gjitha protokolleve të sigurisë ajo është mjet pune i presidentes në të cilat diskutohen edhe çështjet e sigurisë dhe në asnjë mënyrë për asnjë çmim, pavarësisht tendencave që mund të ketë nga shtetet tjera presidentja nuk e dorëzon telefonin e vet sepse në atë moment e shkel ligjin. Presidentja refuzoi me dorëzu në skaner. Donin me ia konfisku telefonin. Fizikisht tentonin me trup, merrshin turr, tentuan me ia marr telefonin, me ia konfisku…është e paprecedent, është skandaloze, është shokuese”, shpjegoi momentin që ndodhi një ditë më parë në aeroportin e Shkupit, Kadaj-Bujupi.

    LEXONI EDHE:

    Incidenti në Aeroportin e Shkupit ku u përfshi Presidentja Osmani, çka dihet deri tash?

  • E rëndë: Pas babait, vdes edhe njëri nga djemtë e tij që u plagosën para disa muajsh në Pejë

    E rëndë: Pas babait, vdes edhe njëri nga djemtë e tij që u plagosën para disa muajsh në Pejë

    Sot ka humbur jetën Jetart Berisha (20-vjeçar), viktima e dytë e rastit të rëndë që ndodhi në muajin maj, në Pejë, ku babai me dy djemtë u qëlluan me armë zjarri nga i dyshuari Agron Gashi, raporton Gazeta Sinjali,

    Lajmin e ka konfirmuar zëdhënësi i Prokurorisë në Pejë, Shkodran Nikçi.

    “Ka vdekur edhe viktima e dytë e plagosjes para disa muajsh që ka ndodhur në Pejë. Prokurori i shtetit ka lëshuar urdhër për obduksionin e viktimës”, tha Nikqi.

    Kujtojmë se më 7 qershor kishte ndërruar jetë edhe babai i Jetart Berishës, Jeton Berisha.

    I dyshuar për këtë rast Agron Gashi, ndodhet nën masën e paraburgimit, pasi dyshohet se i plagosi viktimat, mbrëmjen e 22 majit.

  • Arrestohet një 36-vjeçar në Shtime, gjuajti me armë në një aheng familjar

    Arrestohet një 36-vjeçar në Shtime, gjuajti me armë në një aheng familjar

    Policia ka arrestuar një person pasi kishte shtënë me armë zjarri gjatë një ahengu familjar në rrugën “2 korriku”, në Shtime.

    I dyshuari është 36-vjeçar me inicialet D.F., tek i cili bëhet e ditur se është gjetur arma e zjarrit me të cilën dyshohet se ka shtënë gjatë ahengut.

    Ai është shoqëruar në stacionin e policisë në Shtime dhe pas intervistimit nga policët hetues, me vendim të prokurorit është ndaluar në mbajtje për 48 orë për procedura tjera hetimore, ndërsa si provë materiale është sekuestruar pistoleta.

  • Vdes në QKUK një 41-vjeçare, u rrah nga bashkëshorti dy ditë më parë

    Vdes në QKUK një 41-vjeçare, u rrah nga bashkëshorti dy ditë më parë

    Një grua nga Gushterica e Poshtme e Graçanicës, ka humbur jetën sot në QKUK, ku përfundoi për trajtim mjekësor si pasojë e dhunës së ushtruar nga bashkëshorti i saj para dy ditësh, raporton Gazeta Sinjali.

    Viktima dyshohet se ka pasur hemorragji në tru nga lëndimet e rënda dhe nuk është arritur që të kryhet operacioni nga ekipi mjekësor në Klinikën Emergjente.

    Burri i saj i dyshuar është arrestuar më 31 korrik, në orët e mbrëmjes dhe më pas është dërguar në mbajtje për 48 orë.

  • Hapja e Urës së Ibrit, Rashiq: Të gjitha palët duhet t’i shmangin veprimet e njëanëshme

    Hapja e Urës së Ibrit, Rashiq: Të gjitha palët duhet t’i shmangin veprimet e njëanëshme

    Që nga njoftimet e fundit për hapjen e mundshme të urës kryesore në Ibër, deri më sot nuk është bërë asgjë.

    Bashkimi Evropian tha se çështja duhet të zgjidhet në kuadër të dialogut në Bruksel, kurse Qeveria deklaroi sot se ura duhet të hapet.

    Ndërsa ministri për Komunitete dhe Kthim, Nenad Rashiq, ka thënë se hapja e urës në veri do të ndodhë kur në Bruksel të dakordohen që të krijohen kushtet për një veprim të tillë.

    “Unë e kam shprehur disa herë mendimin tim dhe po mundohem t’ua paraqes mendimin tim kolegëve dhe sigurisht kryeministrit, që është se hapja e urës ishte një marrëveshje mes dy-tri palëve në Bruksel dhe ishte pjesë e procesit teknik të Brukselit apo negociatave teknike në të cilat thuhet se, ndër të tjera, dy palët në këtë rast dhe e treta si lehtësues do të bien dakord se kur do të krijohen kushtet për hapjen e urës dhe me theks të veçantë thuhet që ura do të përdoret për këmbësorë, që do të thotë fjalë për fjalë është një urë për këmbësorë, asnjëherë nuk është menduar të ketë trafik, veçanërisht trafik makinash apo ndonjë lloj trafiku tjetër, prandaj është e pazakontë të insistohet që të ketë qarkullim të veturave apo automjeteve të tjera kur nuk është përmendur as në marrëveshjen e Brukselit e as në marrëveshjen e tregut”, thotë Rashiq.

    Ai shton se nuk ka nevojë për ngritjen e tensioneve, sidomos në Mitrovicën e Veriut dhe se duhet të shmangen veprimet e njëanshme.

  • Ministri Maqedonci: Investuam mbi një milion euro në ndërtimin e objektit të Akademisë së Mbrojtjes

    Ministri Maqedonci: Investuam mbi një milion euro në ndërtimin e objektit të Akademisë së Mbrojtjes

    Ministri i Mbrojtjes Ejup Maqedonci bëri të ditur se 43 kadetë të FSK-së janë duke i ndjekur studimet në objektin e Akademisë së Mbrojtjes, në të cilin objekt është investuar mbi një milion euro.

    Maqedonci përmes një postimi në rrjetin social në Facebook ka shkruar se në këtë formë menaxhmenti drejtues e akademik ngritë kapacitetet profesionale të Forcës së Sigurisë së Kosovës përmes shkollimit të kuadrove të reja të kadetëve në Qendrën për Studime Universitare, dhe avancimin e oficerëve në Shkollën e Oficerëve.

    Tutje ai tha se: “Qendra për Studime Universitare (QSU) e ndërtuar mbi katër shtylla apo programe kryesore: Programi Profesional; Programi i Udhëheqjes; Programi Akademik dhe Programi i Përgatitjes Fizike, ka për mision që të arsimojë, edukojë, trajnojë dhe inspirojë kadetët që të bëhen oficerë të cilët do të udhëheqin me shembull dhe që qëllim kryesor kanë shërbimin ndaj atdheut”.

    Sipas tij, kadetët e diplomuar në Qendrën për Studime Universitare-Akademinë e Mbrojtjes janë liderët e së ardhmes.

    “Të përgatitur në aspektin fizik e mendor janë të gatshëm për të udhëhequr çdo situatë në mënyrë efektive, pa marrë parasysh mjedisin ose skenarin e operacionit”, ka shkruar ndër të tjera Maqedonci.

  • Të paktën 30 persona të vdekur nga përmbytjet në Pakistan

    Të paktën 30 persona të vdekur nga përmbytjet në Pakistan

    Të paktën 30 persona kanë vdekur këtë javë si pasojë e përmbytjeve të shkaktuara nga shirat e rrëmbyeshëm në Pakistan. Përmbytjet sipas autoriteteve kanë shkaktuar edhe shumë dëme.

    Qyteti i dytë më i madh, ai i Lahores u përmbyt nga reshjet që raportohet të jenë më të mëdhatë në më shumë se katër dekada.

    Ardhja e sezonit të shirave të dendur ka shkaktuar përmbytje dhe rrëshqitje dheu në të gjithë Azinë Jugore javën e kaluar, me të paktën 195 të vdekur dhe pothuajse 200 të zhdukur në një fatkeqësi në Indinë fqinje.Shiu goditi veriun e Pakistanit, duke shkaktuar përmbytje e shembje ndërtesash, raporton Reuters.

    “Rekordi 44-vjeçar i reshjeve u thye përsëri në Lahore”, thanë zyrtarët e shërbimeve në provincën verilindore të Punjabit, ku autoritetet numëruan gjashtë vdekje dhe paralajmëruan se përmbytjet më të mëdha priten në jug këtë javë.

    Në Khyber Pakhtunkhëa, 12 fëmijë ishin në mesin e 22 personave që vdiqën në tre ditët e fundit nga shirat.

    Organizatat globale, si Kombet e Bashkuara, e shohin Pakistanin si një nga vendet më të cenueshme ndaj motit ekstrem dhe ndryshimeve klimatike, me përmbytjet që bënë kërdinë në vitin 2022, duke lënë të vdekur më shumë se 1700 njerëz dhe duke zhvendosur miliona prej tyre.