ATV

Author: G.O.

  • 15 të lënduar e tetë të arrestuar pas përleshjeve mes tifozëve të Genoas dhe Sampdorias

    15 të lënduar e tetë të arrestuar pas përleshjeve mes tifozëve të Genoas dhe Sampdorias

    Tetë arrestime janë bërë dhe të paktën 15 persona kanë pësuar lëndime, nëntë prej të cilëve kanë përfunduar në spital pas një nate të përplasjesh të dhunshme mes tifozëve të Genoas dhe Sampdorias pas derbit të së mërkurës në mbrëmje në Coppa Italia.

    Një derbi lokal i shumëpritur mes Genoas dhe Sampdorias në raundin e dytë të Coppa Italia solli skena të dhunshme në rrugët përreth Stadio Luigi Ferraris të mërkurën në mbrëmje.

    Dy ekipet nuk ishin përballur për gati dy vjet para mbrëmjes së kaluar, dhe tensionet mes tifozëve rivalë kishin qenë duke u rritur prej disa kohësh. Sipas përditësimeve nga Calciomercato, skenat e pakëndshme nisën kur tifozët e Genoas shpalosën një seri banderolash të vjedhura nga ultrasit e Sampdorias në muajt e fundit.

    Policia u thirr pas përfundimit të ndeshjes, dhe dhuna vazhdoi gjatë gjithë natës, deri rreth orës 2:30 të mëngjesit me orën lokale.

    Një oficer policie është shtruar në spital si rezultat i përplasjeve, ndërsa të paktën 14 persona të tjerë kanë pësuar lëndime. Në total, nëntë persona janë pranuar në spital për shkak të lëndimeve.

    Deri në mëngjesin e së enjtes, janë bërë tetë arrestime.

    Sampdoria kaloi në raundin e 16-të të Coppa Italia pas një barazimi 1-1 në kohën e rregullt, duke mposhtur Genoan me penallti.

  • Elon Musk thotë se nuk është i përfshirë në një romancë me kryeministren italiane Meloni, pas imazhit viral

    Elon Musk thotë se nuk është i përfshirë në një romancë me kryeministren italiane Meloni, pas imazhit viral

    Elon Musk ka mohuar pretendimet se mund të ketë diçka me kryeministren italiane, Giorgia Meloni, pasi një foto e tyre, duke u parë me emocion në sytë e njëri-tjetrit u bë virale.

    Titani i teknologjisë, dhe kryeministrja italiane u fotografuan bashkë në një event, gjatë të cilit Musk i dhuroi Melonit çmimin Global Citizen nga Atlantic Council, shkruan Sky News.

    Megjithatë, një fotografi e tyre nga eventi në New York i vuri flakën internetin, ku njerëzit nisën një sërë spekulimesh për dyshen.


    “Të gjithë e dimë se çfarë ndodhi më pas…”, shkroi një përdorues.

    Megjithatë, titani i teknologjisë, Musk, i riktheu përgjigjen këtyre pretendimeve: “Isha aty me nënën. Nuk kam asnjë lidhje romantike me kryeministren Meloni.

    Foto: Elon Musk dhe Giorgia Meloni / AP
    Meloni, thuhet se kishte kërkuar që Musk të ishte personi që do t’i dorëzonte çmimin në ngjarjen e së hënës, ndërsa biznesmeni i teknologjisë udhëtoi në Itali dy herë vitin e kaluar për të takuar udhëheqësen italiane – gjatë muajit qershor dhe dhjetor.

    Miliarderi i thuri lëvdata asaj, teksa i dorëzoi çmimin, duke thënë se ishte “dikush që është edhe më e bukur brenda se jashtë”. /Telegrafi/

  • Monica Bellucci merr vëmendjen me një kostum elegant, ndërsa shfaqet krah partnerit të saj Tim Burton në Festivalin e Filmit në San Sebastian

    Monica Bellucci merr vëmendjen me një kostum elegant, ndërsa shfaqet krah partnerit të saj Tim Burton në Festivalin e Filmit në San Sebastian

    Ajo njihet për kombinimet e saj të modës dhe karrierën mbresëlënëse në aktrim.

    Monica Bellucci shfaqi stilin e saj karakteristik ndërsa iu bashkua partnerit të saj, Tim Burton, në Festivalin e 72-të të Filmit në San Sebastian, të mërkurën në mbrëmje.

    Monica, 59 vjeçe, e kapi për dore regjisorin 66-vjeçar dhe tregoi të brendshmet e saj të zeza prej dantelle nën një kostum elegant ngjyrë kafe.

    Ajo dukej mahnitëse me xhaketën e gjerë dhe pantallonat e gjera, duke e kompletuar pamjen me syze të errëta.

    Monica kishte stiluar flokët e saj të gjatë të zinj në formë të drejtë perfekte dhe kishte zgjedhur një makijazh natyral dhe rrezatues.

    Partneri i saj prej afërsisht dy vitesh, Tim, dukej elegant me një kostum tërësisht të zi, ndërsa kishte vendosur një kapelë unike dhe syze me xhama me nuanca blu.

    Çifti janë takuar për herë të parë 16 vite më parë, por thuhet se filluan të dilnin së bashku pasi u panë në Festivalin e Filmit Lumière në Lion, në tetor 2022.

    Monica e konfirmoi lidhjen e tyre në qershor të vitit pasues, duke i thënë revistës Elle France: “Ajo që mund të them… Jam e lumtur që takova këtë njeri, para së gjithash”.

    “Është një nga ato takime që rrallë ndodhin në jetë… E njoh këtë njeri, e dua, dhe tani do të njoh edhe regjisorin, një aventurë tjetër fillon”.

    Ajo shtoi: “E dua Tim-in. Dhe kam një respekt të madh për të”.

    Monica po luan në filmin e ri “Beetlejuice”, të drejtuar nga Tim, ku luajnë gjithashtu Jenna Ortega, Michael Keaton dhe Winona Ryder.

    Filmi “Beetlejuice” i Tim Burton-it hapi Festivalin e Filmit në Venecia më 28 gusht.

    Jenna së fundmi foli për përvojën e takimit me Winona Ryder për herë të parë në xhirimet e filmit “Beetlejuice”.

    Ylli i “Wednesday”, 21 vjeç, luan rolin e Astrid Deetz, vajzës së personazhit të Ryder-it, Lydia Deetz, në film.

    “Ajo ishte kaq e ngrohtë, mikpritëse dhe e sjellshme që nga fillimi, dhe nuk mund të isha më mirënjohëse”, shpjegoi Ortega në një intervistë për The New York Times.

    “Ishte në një kohë kur karriera ime po merrte një kthesë tjetër, dhe nuk e kisha kuptuar që më duhej diçka e tillë nga dikush që mund të lidhej me mua, por më duhej”, tha ajo, duke shtuar se ishte në një periudhë “transformuese” në jetën e saj pasi u bë e famshme me rolin e saj në serialin “Wednesday” në Netflix.

    “Mënyra se si unë dhe Winona u lidhëm ishte mjaft e çuditshme. Ishte sikur lexonim mendimet e njëra-tjetrës”, shtoi ajo. /Telegrafi/

  • Sulmi ajror izraelit vret 23 punëtorë sirianë, raportojnë mediat libaneze

    Sulmi ajror izraelit vret 23 punëtorë sirianë, raportojnë mediat libaneze

    Ushtria izraelite e ka bombarduar një ndërtesë, në të cilën jetonin punëtorë sirianë në Liban, duke i vrarë 23 prej tyre, raportoi të enjten agjencia shtetërore e lajmeve e Libanit.

    Ky ishte ndër sulmet më vdekjeprurëse në fushatën ajrore izraelite kundër Hezbollahut – grupit militant libanez të shpallur organizatë terroriste nga Shtetet e Bashkuara.

    Sulmi ndodhi të mërkurën mbrëma kur Shtetet e Bashkuara me aleatë bënë thirrje për një armëpushim të “menjëhershëm” 21-ditor mes Izraelit dhe Hezbollahut.

    Izraeli ka kërcënuar se do të kryejë ofensivë tokësore në Liban, ndërsa këmbimi i rritur i zjarrit mes tij dhe Hezbollahut ka rritur frikën se mund të shpërthejë një luftë e përgjithshme.

    Agjencia libaneze e lajmeve tha se sulmi ndodhi në afërsi të qytetit të lashtë, Balbek, në verilindje të Libanit, i cili shtrihet përgjatë kufirit me Sirinë.

    Ajo e citoi kryetarin e fshatit Younine, Ali Kassas, duke thënë se trupat e 23 shtetasve sirianë janë nxjerrë nga rrënojat.

    Kryqi i Kuq Libanez tha se i ka nxjerrë nëntë trupa të vdekur, duke shtuar se trupat e tjerë po nxirren nga ekipet emergjente të Hezbollahut dhe nga Mbrojtja Civile Libaneze.

    Në Liban, i cili ka rreth 6 milionë banorë, jetojnë rreth 780.000 refugjatë të regjistruar sirianë dhe qindra mijëra të tjerë të paregjistruar.

    Më shumë se 600 njerëz janë vrarë në Liban nga e hëna, kur Izraeli filloi bombardimet e pareshtura për ta shkatërruar atë që e quajti infrastrukturë të ndërtuar nga Hezbollahu prej luftës së fundit mes tyre më 2006. Hezbollahu ka gjuajtur qindra raketa drejt Izraelit gjatë kësaj jave./REL

  • Masakra e Abrisë, Memli Krasniqi: Kjo është historia e Kosovës – kjo është e vërteta e Serbisë

    Masakra e Abrisë, Memli Krasniqi: Kjo është historia e Kosovës – kjo është e vërteta e Serbisë

    Me 26 shkurt të vitit 1998, në Abri të Epërme, forcat serbe vranë dhe masakruan 23 shqiptarë, që i përkisnin të së njëjtës familje.

    Memli Krasniqi, kryetar i PDK-së, ka thënë se kjo tragjedi nuk mori kurrë dënimin e merituar.

    “Me 26 shkurt të vitit 1998, Dituria ishte gjashtë javëshe. Valmiri ishte dy vjeç. Luljeta ishte shtatzënë, duke pritur një Malësor ose Malësore që të vinte në jetë. Fazliu ishte 94 vjeç”.

    “Dituria nuk mbijetoi që të festonte ditëlindjen e parë. Valmiri nuk u regjistrua kurrë në shkollë. Malësori ose Malësorja nuk erdhën asnjëherë në jetë. Fazliu nuk vdiq në shtrat i rrethuar nga më të dashurit e tij”.

    “Jetët e këtyre të katërve, përshirë 19 anëtarëve tjerë të familjes Deliu, u prenë tragjikisht në mëngjesin e 26 shkurtit në Abri të Epërme nga forcat kriminale serbe”.

    “Kjo është historia e Kosovës. Kjo është e vërteta e Serbisë. Kjo është dhembja me të cilën janë detyruar të jetojnë familja Deliu dhe të afërmit e tyre. Një krim që tejkalon gjithçka që fjalët mund të përshkruajnë. Një tragjedi që nuk mori kurrë dënimin e merituar. Një padrejtësi e përjetshme, për të cilin nuk guxojmë të ndalemi asnjëherë së kërkuari drejtësi”, thotë Krasniqi në një postim në Facebook.

    Ai tha se historia jonë nuk do të harrojë asnjëherë sesa me vlerë është liria që gëzojmë sot dhe sa e vështirë ishte rruga që kaloi populli ynë deri në çlirim, teksa kujtoi edhe tre heronjtë e UÇK-së që tanë po atë ditë në altarin e lirisë, Vesel Demaku, Valdet Xhemajli e Afrim Hajdaraj.

  • ZPS për dëshmitarin e 91-të: U keqtrajtua nga pjesëtarët e UÇK-së dhe pa keqtrajtimin e një viktime të vrasjes

    ZPS për dëshmitarin e 91-të: U keqtrajtua nga pjesëtarët e UÇK-së dhe pa keqtrajtimin e një viktime të vrasjes

    Në Dhomat e Specializuara të Kosovës (DhSK) në Hagë, të enjten ka filluar dëshminë dëshmitari i 91-të i Zyrës së Prokurorit të Specializuar (ZPS), i cili mban kodin W04669 në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

    Ky dëshmitar është me masa mbrojtëse dhe pyetjet për atë në seancë private i ka filluar prokurori Cezary Mihailzcuk. Sipas përmbledhjes së lexuar nga prokurori, ky dëshmitar më 1999 ishte arrestuar nga pjesëtarët UÇK-së, ku edhe ishte keqtrajtuar. Po ashtu, theksoi se kishte parë keqtrajtimin e një viktime të vrasjes.

    “Në vitin 1999 dëshmitari 04669 është arrestuar na disa pjesëtarë të UÇK-së dhe është dërguar në një kompleks të UÇK-së. Atje, dëshmitari 04669 është keqtrajtuar, është marrë në pyetje dhe është mbajtur në kushte çnjerëzore. Ai, gjithashtu ka parë me sytë e vet keqtrajtimin e një viktime vrasjeje dhe ka dëgjuar rrahjet e disa personave të tjerë të mbajtur të ndaluar bashkë me atë”, tha prokurori, duke kërkuar më pas seancë private për pyetjet e radhës.

    Sipas kryetarit të trupit gjykues, Charles Smith III, dëshmia e këtij dëshmitari pritet të zgjasë rreth një ditë. Nga kjo kohë, një orë janë paraparë për pyetjet e ZPS-së, ndërsa mesatarisht rreth dy orë për ekipet mbrojtëse.

    Gjithashtu, Smith III tha se pyetje për dëshmitarin do të ketë edhe mbrojtësi i viktimave. Pas ZPS-së dhe mbrojtësit të viktimave, mbrojtja e Jakup Krasniqit përmes avokates, Shyamala Alagendra tha se ata do të jenë të parët që të do të fillojnë me pyetje.

    Në këtë seancë, të gjithë të akuzuarit janë prezent në sallën e gjyqit, përveç Hashim Thaçit, i cili po e përcjellë përmes video-lidhjes. Gjithashtu, virtualisht është prezent edhe gjyqtari Fergal Gaynor.

    Smith gjithashtu tregoi se ka ndryshime edhe në orarin e sotëm të seancës. Ai tha se pushimin e drekës do ta bëjnë në orën 13:00 deri në orën 14:00 për të vazhduar më pas me seancën e dytë deri në ora 15:00, gjithnjë me 45 minuta vonesë në transmetim.

    Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

    Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

    Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor

    Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi

  • Antidroga zbuloi tri parcela me kanabis në Malishevë, Policia njofton se janë shkatërruar 1757 fije kanabis

    Antidroga zbuloi tri parcela me kanabis në Malishevë, Policia njofton se janë shkatërruar 1757 fije kanabis

    Njësitë e Drejtorisë për Hetimin e Trafikimit me Narkotikë nga Gjakova kanë zbuluar dhe shkatërruar tri parcela të mbjella me 1757 fije kanabis në Malishevë.

    Aksioni është realizuar në orët e para të mëngjesit të 21 shtatorit në një zonë të Malishevës, ku pas verifikimit dhe dokumentimit të rastit, bimët janë shkatërruar në vend-ngjarje.

    Policia njofton se hetimet janë duke vazhduar për të identifikuar personat përgjegjës për këtë veprimtari të paligjshme.

    Organet e hetuesisë janë angazhuar maksimalisht për të luftuar kultivimin dhe shpërndarjen e substancave narkotike në mbarë vendin.

  • Arrestohen dy persona në Podujevë, iu gjetën rreth 50 qese me mariuhanë

    Arrestohen dy persona në Podujevë, iu gjetën rreth 50 qese me mariuhanë

    Janë arrestuar dy të dyshuar në Podujevë, pasi tek të njëjtit janë gjetur dhe sekuestruar 47 qese me substancë, dyshohet të jetë narkotike e llojit marihuanë me peshë 80 gramë, tri peshore elektronike, 12 pako të letrave që shërbejnë për mbështjellje të marihuanës, një armë zjarri, një karikator, 24 fishekë dhe një thikë.

    Sipas policisë, në cilësi të provave materiale janë sekuestruar edhe dy telefona, 1049 euro para të gatshme dhe një fletore me shënime.

    “Janë arrestuar dy të dyshuar meshkuj kosovarë për shkak se tek të njëjti janë gjetur dhe sekuestruar: 47 qese me substancë, dyshohet të jetë narkotike e llojit marihuanë me peshë 80 gramë, tri peshore elektronike, 12 pako të letrave që shërbejnë për mbështjellje të marihuanës, një armë zjarri, një karikator, 24 fishekë dhe një thikë. Po ashtu në cilësi të provave materiale janë sekuestruar edhe dy telefona, 1049 € para të gatshme dhe një fletore me shënime. Me vendim të prokurorit pas intervistimit njëri nga të dyshuarit është liruar në procedurë të rregullt, ndërsa i dyshuari tjetër është dërguar në mbajtje”, thuhet në raportin e policisë.

  • Liga e Evropës vazhdon sot edhe me 9 ndeshje tjera

    Liga e Evropës vazhdon sot edhe me 9 ndeshje tjera

    Liga e Evropës do të vazhdojë sot me xhiron e parë.

    Pas nëntë ndeshjeve të djeshme, sot luhen edhe nëntë përballje tjera.

    Besiktasi i Milot Rashicës dhe Ernest Muçit do të përballet me gjigantin holandez, Ajax.

    Roma ndeshet me Athletic Bilbaon, teksa Tottenhami me Qarabag.

    Këto janë të gjitha përballjet:

     

     

  • Kurti kujton masakrën e Abrisë: Njëra nga krimet më mizore të Serbisë, askush nuk është dënuar

    Kurti kujton masakrën e Abrisë: Njëra nga krimet më mizore të Serbisë, askush nuk është dënuar

    Kryeministri Albin Kurti ka kujtuar masakrën e Abrisë së Epërme të Drenasit, në 26-vjetorin e saj.

    Kurti, përmes një postimi në Facebook, shprehet se kjo masakër është njëra nga krimet më mizore të gjenocidit të Serbisë në Kosovë, e deri tani askush nuk është dënuar.

    “Nuk i harrojmë të rënët në rrugën e vështirë deri te çlirimi. Nderojmë kujtimin për ta duke u angazhuar për forcimin e Republikës sonë. Lavdi të gjithë të rënëve për lirinë e Kosovës! I përmotshëm qoftë përkujtimi i të gjallëve për ta”, ka shkuar i pari i qeverisë.