Author: G.O.

Sekretari i Përgjithshëm i NATO-së, Mark Rutte, edhe sot ka përmendur Kosovën në konferencën e tij të fundit që pati në pas përfundimit të takimit të Ministrave të Mbrojtjes.

Para mediave, në një pjesë të fjalimit të tij ai tha se temë diskutimi siç e kishte përmendur edhe më parë ishte Kosova, dhe Ballkani Perëndimor.

“Sot në takim diskutuam edhe për operacionet e NATO-s në Ballkanin Perëndimor dhe Irak”.

“Në Kosovë, aleatët vazhdojnë të punojnë së bashku për të siguruar që misioni ynë i KFOR-it të ketë forcat dhe burimet që i nevojiten për të mbajtur një mjedis të sigurt dhe për të gjithë”, ka potencuar Rutte.

Për Lindjen e Mesme, dhe Misionin e NATO që është në Irak ai theksoi se ky institucion vazhdon të jetë një kontribuues i rëndësishëm për stabilitetin.

“Për të siguruar që forcat irakiane të sigurisë janë në gjendje të luftojnë grupet terroriste dhe të ofrojnë një mjedis të sigurt për përparimin e ekonomisë dhe shoqërisë së Irakut. NATO po thellon gjithashtu dialogun e saj politik me Irakun. Sepse ne kemi një interes të përbashkët në Lindjen e Mesme të qëndrueshme, të sigurt dhe të begatë”, ka pohuar Rutte.

Më tej, ai shtoi se aleatët e ranë dakord se mbrojtja ajrore dhe raketore mbetet një prioritet i Aleancës.

“Kjo është edhe më e rëndësishme duke pasur parasysh luftën e Rusisë kundër Ukrainës, e cila ka rezultuar në shkelje të shumta të hapësirës ajrore të NATO-s. Përfshirë vetëm dje në Rumani. Më lejoni të shpreh solidaritetin e NATO-s me Rumaninë dhe gjithashtu të urdhëroj autoritetet rumune dhe SACEUR për reagimin e shpejtë dhe efektiv ndaj këtij incidenti”.

“Ne do të vazhdojmë të rrisim mbikëqyrjen, dhe shkëmbimin e informacioneve. Kohët e fundit kemi rritur ndjeshëm praninë tonë në krahun lindor të NATO-s dhe kemi forcuar misionin e policisë ajrore të NATO-s. Aleatët planifikojnë të blejnë mijëra sisteme të mbrojtjes ajrore dhe artilerie dhe shumë qindra avionë luftarakë modernë, kryesisht F-35 të gjeneratës së 5-të. Aleatët po blejnë 1000 raketa Patriot për të rimbushur rezervat e tyre. Në fillim të këtij muaji, forcat ajrore, detare dhe tokësore nga 12 Kombet Aleate u mblodhën në Greqi për të ushtruar taktika të sofistikuara të mbrojtjes ajrore të nivelit të lartë si pjesë e stërvitjes së re të NATO-s, Ramstein Flag 24. Dhe baza e re e mbrojtjes raketore Aegis Ashore në Poloni rrit aftësinë tonë për t’u mbrojtur kundër kërcënimit global në rritje të raketave balistike”, ka thënë Rutte.

Mbreti Charles dhe mbretëresha Camilla mbërritën sot në Sydney në vizitën e tyre të parë në Australi që nga marrja e fronit.

Të vendosur për të kaluar pesë ditë Down Under, familja mbretërore britanike u përshëndet nga kryeministri Anthony Albanese në aeroportin e Sidneit, raporton Sky News.

Princi i atëhershëm Charles vizitoi për herë të fundit Australinë në vitin 2018 për hapjen e Lojërave të Commonwealth në Bregun e Artë.

Vizita shënon turneun e parë mbretëror në Australi nga një monark në fuqi qe nga vizita e mbretëreshës së ndjerë Elizabeth II në vitin 2011, dhe i pari nga një monark i ri qe nga viti 1954.

“Përpara vizitës sonë të parë në Australi si mbret dhe mbretëreshë, ne mezi presim të kthehemi në këtë vend të bukur për të festuar kulturat dhe komunitetet jashtëzakonisht të pasura që e bëjnë atë kaq të veçantë. Shihemi atje,” thanë Charles dhe Camilla në X.

Mbreti dhe mbretëresha do të vizitojnë gjithashtu kryeqytetin Canberra përpara se të nisen për një takim të krerëve të qeverive të Commonwealth në Samoa të mërkurën.

Presidentja e Komisionit Evropian (KE), Ursula von der Leyen, do t’i vizitojë javën e ardhshme gjashtë vendet e Ballkanit Perëndimor, përfshirë Kosovën, për të shprehur përkushtimin e saj dhe të komisionit për angazhim në afrimin e rajonit drejt Bashkimit Evropian.

Von der Leyen, e cila në verë u rizgjodh për një mandat të ri pesëvjeçar, ka paralajmëruar se procesin e zgjerimit e ka ndër prioritetet kryesore dhe për këtë e ka caktuar një komisionare, e cila do të merret vetëm me zgjerimin e bllokut.

Sipas paralajmërimeve nga KE-ja, gjatë vizitës në rajon Von der Leyen do të përqendrohet më së shumti në ndihmën që BE-ja po u jep vendeve të rajonit për përshpejtimin e reformave dhe përgatitjeve për përparim më të shpejtë në procesin e integrimeve evropiane.

Von der Leyen do ta nisë turneun e saj në rajon të mërkurën, më 23 tetor, me ndalesën e parë Shqipërinë, ku do të takohet me presidentin Bajram Begaj dhe kryeministrin Edi Rama. ajo do të marrë pjesë edhe në përurimin e Kampusit të Kolegjit Evropian në Tiranë.

Më 24 tetor, ajo do të shkojë në Maqedoninë e Veriut dhe në Bosnje e Hercegovinë. Në Bosnje, ajo do t’i vizitojë edhe zonat e goditura nga përmbytjet e 4 tetorit, dhe do të shpreh gatishmërinë e BE-së për të ndihmuar në përballje me pasojat.

Në Serbi, Von der Leyen do të qëndrojë më 25 tetor, ku do të takohet me presidentin serb Aleksandar Vuçiq.

Von der Leyen do të udhëtojë pastaj për vizitë në Kosovë të shtunën e 26 tetorit, ku do të takohet me presidenten Vjosa Osmani dhe kryeministrin Albin Kurti. Vizitën në rajon ajo do ta përfundojë me takimin me liderët e Malit të Zi të shtunën në Podgoricë.

Vetëm disa ditë pas vizitës së saj, Komisioni Evropian do t’i miratojë dhe publikojë paketën vjetore të zgjerimit dhe raportet e progresit për vendet e përfshira në këtë proces.

Fokusin e veçantë Von der Leyen do të ketë në paketën e BE-së për rritje dhe reforma në Ballkanin Perëndimor, e cila parasheh ndihmë financiare prej 6 miliardë euro për këto vende.

Të premten e kaluar, BE-ja i miratoi agjendat e reformave të pesë vendeve të Ballkanit Perëndimor, të cilat i kanë paraqitur ato si kusht për të përfituar nga paketa e Planit të Rritjes.

Kosova, e cila aplikoi për anëtarësim në BE më 15 dhjetor të vitit 2022, mbetet vendi i vetëm në rajon që nuk e ka ende statusin e vendit kandidat./REL

Disa posterë janë vendosur në pjesë të ndryshme në Mitrovicë të Veriut. Policia e konfirmoi këtë rast duke thënë se një grup i grave i ka vendosur këta posterw, si një lloj aksioni ose protestë e tyre.

Në fotografitë e publikuara të posterave, shihet një zyrtar policor duke kontrolluar një fëmijë afër të cilit shihen biskotat ‘Plazma’, në një tjetër shihet një pastruese me logon e Vetëvendosjes duke fshehur ‘Plazma’ dhe në posterin e fundit shihet një person i maskuar duke gjuajtur një kuti të këtyre biskotave.

Këta postera janë vendosur në disa lokacione në veri të Mitrovicës dhe janë të nënshkruara nga artisti me pseudonimin Graforizha.

Shefi i Grupit Parlamentar të PDK-së, Abelard Tahiri, ka akuzuar pushtetin aktual se po tenton ta ndalë fjalën e lirë.

Ai ka vlerësuar se Qeveria Kurti një gjë të tillë po mundohet ta bëj edhe me RTK-në.

Në profilin e tij në “Facebook”, ai ka shkruar se pas 9 shkurtit, Kosovës do t’i rikthehet normaliteti.

Sipas tij, pas kësaj date, edhe RTK-së do t`i kthehet fisnikëria në misionin e vet si transmetues publik.

“Një RTK që do të duhej të ishte në funksion të publikut dhe fjalës së lirë, na i mbylli dyert dhe transmetimin pikërisht nga frika e pushtetit. Si akt, ka ndodhur pardje. Si metodë, ka ndodhur që prej ditës së parë të qeverisjes së Vetëvendosjes. Si tendencë, po ndodhë edhe sot dhe synon të vazhdojë edhe më tej, derisa të fusë nën kthetra çdo forum ku flitet hapur dhe kritikohet arsyeshëm. Por fjalën e lirë nuk do të mund ta mbysin. Pas 9 shkurtit, Kosovës do t’i rikthehet normaliteti, e RTK-së, fisnikëria në misionin e vet si transmetues publik”, ka shkruar Tahiri.

Kryeministri Albin Kurti ka pritur në takim sot Drejtorin Politik të Ministrisë së Punëve të Jashtme të Gjermanisë, Günter Sautter.

Zyra e Kryeministrit njoftoi se në takim u bisedua për “rezultatet e Procesit të Berlinit, përfshirë gjashtë takimet ministeriale dhe vlerësuam si arritje të rëndësishme marrëveshjen e re për Qasjen në Arsimin e Lartë dhe Deklaratën për Planin e Veprimit të Tregut të Përbashkët Rajonal (CRM) 2025–2028”.

Gjithashtu, ZKM thotë se gjatë takimit u diskutua për forcimin dhe thellimin e marrëdhënieve bilaterale ndërmjet Republikës së Kosovës dhe Gjermanisë, si dhe për bashkëpunimin rajonal, dialogun në Bruksel dhe integrimet euroatlantike.

“Kurti e falënderoi Sautter për vizitën dhe shprehu mirënjohjen e tij për ndihmën dhe mbështetjen diplomatike, ushtarake dhe ekonomike të Gjermanisë për të cilën ka tha se “ka qenë thelbësore për çlirimin, pavarësimin dhe ndërtimin e zhvillimin e vendit tonë”.

Kryeministri Kurti e uroi Sautter për pozitën e re në Ministrinë e Punëve të Jashtme dhe i ofroi bashkëpunimin e plotë në avancimin e agjendës së përbashkët në mbrojtjen dhe avancimin e demokracisë dhe lirive themelore.

Zyrtari gjerman në këtë takim u shoqërua nga ambasadori i vendit të tij, Jörn Rohde.