Author: G.O.

Në Gjykatën Themelore në Prishtinë ka nisur shqyrtimi fillestar për rastin e vrasjes së Liridona Ademajt.

Të akuzuarit Naim Murseli, Granit Plava dhe Kushtrim Kokalla u paraqitën në seancë nën masa të rrepta sigurie.

Naim Murseli pasi u pyet nëse është i martuar, u përgjigj shkurt: Kam gruan e vrarë.

Në aktakuzën e Prokurorisë, thuhet se Murseli, Plava dhe Kokalla ishin dakorduar paraprakisht që vrasja të kryhej nga i akuzuari Plava me marrëveshje që Murseli t’ia paguante atij 30 mijë euro.

I gjithë plani për vrasjen e Liridonës, sipas dosjes, se u bë nga bashkëshorti i saj, tani i akuzuari Naim Murseli, si pasojë e çrregullimit të raporteve familjare e martesore, ku edhe lindi dëshira e tij për hakmarrje.

Në aktakuzë thuhet se fillimisht plani i ishte shpalosur Kokallës nga Murseli, por ai kishte refuzuar të gjente një mundësi për vrasjen e Liridonës, e më pas Kokalla kishte gjetur Plavën, me të cilin e kishte njoftuar Naimin.

Çmimet e naftës në tregjet botërore javën e kaluar dukshëm ranë, pas katër javësh rritje, pasi presidenti amerikan Donald Trump kërkoi nga OPEC të ulë çmimet dhe njëkohësisht paralajmëroi rritje të prodhimit të naftës në SHBA.

Çmimi i një fuçie në tregun londinez javën e kaluar ra për 2,8 për qind, në 78,50 dollarë, ndërsa në tregun amerikan fuçia ra për 4,1 për qind, në 74,66 dollarë.

Rënia e çmimeve në masë të madhe është rezultat i komenteve të Trump, i cili në fjalimin e tij para pjesëmarrësve të Forumit Ekonomik Botëror në Davos, tha se ka kërkuar nga OPEC ta ulë çmimin e naftës për t’i dëmtuar financat ruse dhe me këtë ta detyrojë Rusinë të fillojë negociata paqësore me Ukrainën.

Trump edhe më parë tha se qëllimi i tij është ta rrisë prodhimin vendor të naftës, ndërsa njëkohësisht ta përshpejtojë dhënien e lejeve për projekte të reja. OPEC me vite ul prodhimtarinë për shkak të kërkesës së dobët pas krizës së koronavirusit, por organizata së fundi njoftoi rritje të prodhimit.

Në rrethana të tilla, Agjencia Ndërkombëtare për Energji (IEA) vlerëson se oferta e naftës në vitin 2025 do të rritet për 1,9 milionë fuçi në ditë, madje edhe nëse OPEC dhe aleatët e tij shtyjnë rritjen e prodhimtarisë deri në vitin 2026, sepse prodhuesit e pavarur të udhëhequr nga SHBA do ta rrisin prodhimtarinë.

Për shkak të gjithë kësaj, javën e kaluar çmimet e naftës shënuan rënien e parë këtë vit. Megjithatë, ato ende janë në rritje në krahasim me fillimin e vitit – përafërsisht gjashtë për qind.

ShBA-ja nuk do të vazhdojë me tarifat ndaj Kolumbisë, pasi Bogota ra dakord të pranojë – pa kufizime – emigrantët e dëbuar, ka deklaruar Shtëpia e Bardhë.

Donald Trump kishte urdhëruar tarifa 25% për të gjitha mallrat kolumbiane pasi presidenti i tij ndaloi dy fluturime ushtarake amerikane të dëbimit të zbarkojnë në vend të dielën, njofton BBC, transmeton Sinjali.

Presidenti kolumbian Gustavo Petro ishte përgjigjur fillimisht duke thënë se vendi i tij do të pranonte qytetarët e riatdhesuar në “avionët civilë, pa i trajtuar ata si kriminelë”.

Një deklaratë e Shtëpisë së Bardhë thotë se Kolumbia tani ka rënë dakord të pranojë emigrantët që mbërrijnë me avionët ushtarakë amerikanë “pa kufizim ose vonesë”.

Kolumbia tha se një dialog do të mbahet për të “garantuar dinjitetin e qytetarëve tanë”.

Policia e Kosovës ka arrestuar një person në Mitrovicë të Veriut për armë ilegale. I dyshuari u kap me kallashnikov dhe municion në veturë, pas kontrollit të kryer nga zyrtarët policorë, raporton Gazeta Sinjali.

Nga Policia kanë bërë të ditur se në veturën e të dyshuarit 52-vjeçar, janë gjetur edhe pajisje për prodhimin e kriptovalutave.

I dyshuari me urdhër të prokurorit është ndaluar për 48 orë.

“Njësitet policore nga Stacioni policor në Mitrovicë Veri, me datë 27.01.2025 gjatë një kontrolle rutinore kanë ndaluar një automjet, ku pas kontrollit të detajuar në bagazhin e automjetit kanë gjetur dhe më pas kanë konfiskuar:

një (1) armë e llojit AK-47

një (1) karikator

pesë (5) fishek të kalibrit 7.62 mm si dhe

pajisje për prodhimin e kriptovalutave”

Ndaj të dyshuarit është iniciuar rasti për veprën penale ’Mbajtje në pronësi, kontrolle apo posedim i paautorizuar i armëve’’.

Mijëra palestinezë të zhvendosur po kthehen në veri të Gazës këtë mëngjes, pas një mosmarrëveshje midis Hamasit dhe Izraelit.

Palestinezët ishin planifikuar të udhëtonin në veri të Korridorit Netzarim të shtunën, raporton BBC, transmeton Sinjali.

Turma të mëdha u mblodhën gjatë fundjavës, duke pritur për të kaluar nëpër brezin shtatë kilometra (4.3 milje) të tokës të kontrolluar nga Izraeli që shkëput Gazën veriore nga pjesa tjetër e territorit.

Por Izraeli i ndaloi palestinezët të kalonin korridorin pasi Hamasi dështoi të lironte pengun civil Arbel Yehud të shtunën.

Izraeli dhe Hamasi tani kanë arritur një marrëveshje që Yehud dhe dy pengje të tjerë të lirohen të enjten, me Hamasin që u dorëzoi ndërmjetësuesve egjiptianë prova se ai është gjallë.

Katër persona të dyshuar për krijimin e organizatës terroriste janë privuar nga liria, ndërsa Ministria e Brendshme në Maqedoni të Veriut ka ngritur kallëzime penale ndaj tyre.

Policia ka kryer kontrolle në pesë lokacione në Shkup dhe Gostivar dhe dyshimet janë se celula terroriste ishte e lidhur ideologjikisht me grupin e njohur terrorist- ISIS.

“Synimi i anëtarëve të celulës terroriste ishte kryerja e aktit terrorist kundër objektivave civile ose të ashtuquajtura objektiva të buta, gjegjësisht objekteve publike në vend, me qëllim të krijimit të ndjenjës së pasigurisë ose frikës tek qytetarët. Për të arritur qëllimin e tij, i akuzuari i parë ka krijuar disa grupe në rrjetin social Telegram, në të cilat shpërndante materiale propagandistike të marrë dhe të përkthyer më parë të ISIS-it duke rekrutuar anëtarë të ri”, njoftojnë nga Ministria e Brendshme.

Pas kallëzimit penal nga MPB-ja, prokuroria për ndjekjen e krimit të organizuar dhe korrupsionit tashmë ka marrë masa për këtë rast ndërsa të dyshuarit tashmë janë në paraburgim.