Author: G.O.

Kryeministri i Kosovës, Albin Kurti, i pyetur për përdorimin e dhunës nga Policia e Kosovës ndaj protestuesve mbrëmë, ka thënë se disa raste tashmë janë dërguar në Inspektoratin Policor të Kosovës për të vlerësuar nëse ka pasur sjellje të tepruar nga ndonjë zyrtar policor, raporton Ekonomia Online.

Kurti tha se nuk i di hollësitë e protestës dhe momentin kur policia ka ndërhyrë, ndërsa theksoi se, sipas tij, policia është treguar më tolerante dhe profesionale krahasuar me protestat që ai ka organizuar vite më parë.

“Sa i përket protestave, unë mbrëmë, deri pas mesnate, kam qenë këtu në Kuvendin e Republikës. Çdo herë kur janë mbajtur protestat, këtu kam qenë – ose në Kuvend, ose në Qeveri. Asnjëherë nuk kam qenë diku tjetër. Dhe nuk i di hollësitë e protestave, nuk e di se cili është momenti kur policia ndërhyn apo nuk ndërhyn, çfarë bëjnë protestuesit më herët, por e di që tashmë janë dërguar edhe disa raste në Inspektoratin Policor, për të parë nëse ka pasur ndonjë sjellje të tepruar të ndonjë polici. Por, nëse ju i shikoni xhirimet e sjelljes së policëve, tash ka shumë më shumë xhirime se para 15 vjetësh, kur unë i organizoja protestat. E shihni që policia është jashtëzakonisht më tolerante dhe profesionale”, tha ai.

Deputeti i Partisë Demokratike të Kosovës, Artan Behrami ka folur sërish për Ushtrinë Çlirimtare të Kosovës e duke përmendur edhe kryeministrin Albin Kurti.

Behrami akuzoi Kurtin se po synon zgjedhjet.

“UÇK-ja është shumë e shenjtë për ta futur në pazare, nëpër tezgat elektorale që i ka shtruar Albin Kurti. Ai synon zgjedhje. Tani e prek sustën e viktimizimit dhe fajësimit të të tjerëve. Një gënjeshtër që po mundohet ta përdorë për herë të katërt!”, tha Behrami.

Këshilli Drejtues i Sindikatës së Policisë së Kosovës ka reaguar pas zhvillimeve të fundit gjatë protestave në Prishtinë, duke dënuar dhunën dhe sulmet ndaj zyrtarëve policorë të angazhuar në terren.

Në mbledhjen e mbajtur sot, Sindikata ka diskutuar situatën e krijuar gjatë protestave dhe angazhimin e policëve në ruajtjen e rendit dhe sigurisë.

SPK ka theksuar se e drejta për protestë, tubim paqësor dhe shprehje të lirë duhet të respektohet dhe të garantohet, por ka bërë thirrje që kjo e drejtë të mos shndërrohet në dhunë ndaj policëve, institucioneve apo qytetarëve.

Sindikata ka dënuar hedhjen e mjeteve piroteknike, mjeteve të forta dhe çdo formë sulmi ndaj zyrtarëve policorë gjatë kryerjes së detyrës.

“Policët e Kosovës nuk janë palë në asnjë debat politik. Ata janë profesionistë të uniformuar, të cilët në këto rrethana kanë për detyrë të zbatojnë ligjin dhe të garantojnë sigurinë e të gjithëve”, thuhet në reagimin e SPK-së.

Sindikata ka shprehur mbështetje për pjesëtarët e Policisë së Kosovës që po angazhohen në terren, duke thënë se ata po kryejnë detyrën për ruajtjen e rendit, institucioneve dhe sigurisë së qytetarëve, përfshirë edhe pjesëmarrësit në protesta.

Në reagim, SPK ka apeluar që dallimet politike dhe qëndrimet individuale të mos përkthehen në përplasje me zyrtarët që kanë për detyrë ruajtjen e rendit.

“Policët janë bijtë dhe bijat tuaja, vëllezërit dhe motrat tuaja”, thuhet më tej në reagim, ku theksohet se shumë prej tyre kanë qenë edhe bashkëluftëtarë dhe sot vazhdojnë t’i shërbejnë vendit.

Sindikata ka rikujtuar gjithashtu se çdo polic i lënduar në kryerje të detyrës është një anëtar familjeje që pret të kthehet shëndoshë e mirë në shtëpi.

Në fund, SPK ka bërë të ditur se do të vazhdojë të qëndrojë pranë zyrtarëve policorë dhe të kërkojë mbrojtjen e të drejtave dhe dinjitetit të tyre profesional, duke insistuar që çdo veprim ndaj policëve të vlerësohet në bazë të ligjit dhe jo për motive politike.

Këshilli Drejtues i Sindikatës së Policisë së Kosovës ka reaguar pas zhvillimeve të fundit gjatë protestave në Prishtinë, duke dënuar dhunën dhe sulmet ndaj zyrtarëve policorë të angazhuar në terren.

Në mbledhjen e mbajtur sot, Sindikata ka diskutuar situatën e krijuar gjatë protestave dhe angazhimin e policëve në ruajtjen e rendit dhe sigurisë.

SPK ka theksuar se e drejta për protestë, tubim paqësor dhe shprehje të lirë duhet të respektohet dhe të garantohet, por ka bërë thirrje që kjo e drejtë të mos shndërrohet në dhunë ndaj policëve, institucioneve apo qytetarëve.

Sindikata ka dënuar hedhjen e mjeteve piroteknike, mjeteve të forta dhe çdo formë sulmi ndaj zyrtarëve policorë gjatë kryerjes së detyrës.

“Policët e Kosovës nuk janë palë në asnjë debat politik. Ata janë profesionistë të uniformuar, të cilët në këto rrethana kanë për detyrë të zbatojnë ligjin dhe të garantojnë sigurinë e të gjithëve”, thuhet në reagimin e SPK-së.

Sindikata ka shprehur mbështetje për pjesëtarët e Policisë së Kosovës që po angazhohen në terren, duke thënë se ata po kryejnë detyrën për ruajtjen e rendit, institucioneve dhe sigurisë së qytetarëve, përfshirë edhe pjesëmarrësit në protesta.

Në reagim, SPK ka apeluar që dallimet politike dhe qëndrimet individuale të mos përkthehen në përplasje me zyrtarët që kanë për detyrë ruajtjen e rendit.

“Policët janë bijtë dhe bijat tuaja, vëllezërit dhe motrat tuaja”, thuhet më tej në reagim, ku theksohet se shumë prej tyre kanë qenë edhe bashkëluftëtarë dhe sot vazhdojnë t’i shërbejnë vendit.

Sindikata ka rikujtuar gjithashtu se çdo polic i lënduar në kryerje të detyrës është një anëtar familjeje që pret të kthehet shëndoshë e mirë në shtëpi.

Në fund, SPK ka bërë të ditur se do të vazhdojë të qëndrojë pranë zyrtarëve policorë dhe të kërkojë mbrojtjen e të drejtave dhe dinjitetit të tyre profesional, duke insistuar që çdo veprim ndaj policëve të vlerësohet në bazë të ligjit dhe jo për motive politike.

Partia Demokratike e Kosovës i ka bërë thirrje Kryetares së Kuvendit që të thërrasë me urgjencë seancën plenare për përmbylljen e miratimit të ligjit që mbron UÇK-në, çlirimtarët dhe historinë.

Sot, institucionet dhe përfaqësuesit politikë kanë përgjegjësi të veprojnë pa vonesë.

“Ky moment kërkon vendimmarrje në interes të shtetit dhe përmbushje të detyrimeve ndaj përpjekjeve të popullit tonë për liri”, thuhet në njoftim.

Kenia ka konfirmuar rastin e parë të Ebolës, teksa një shtetas kenian, i cili kishte jetuar në Republikën Demokratike të Kongos për shtatë vitet e fundit, ka humbur jetën në Nairobi.

Ministri i Shëndetësisë, Aden Duale, tha se pacienti ishte sëmurur rreth një muaj më parë dhe ishte trajtuar në disa spitale në RD e Kongos. Ai mbërriti në Nairobi të shtunën dhe iu nënshtrua kontrolleve rutinë në aeroport, përpara se të dërgohej nga një i afërm në një spital në kryeqytet.

Testet laboratorike konfirmuan se pacienti ishte infektuar me virusin Ebola Bundibugyo. Sipas ministrit Duale, ai vdiq disa ditë pas mbërritjes në Nairobi.

Autoritetet keniane kanë nisur gjurmimin e personave që mund të kenë pasur kontakt me pacientin, ndërsa po monitorohet situata për të parandaluar përhapjen e virusit, shkruan euronews.al.

Sipas të dhënave të bëra publike nga autoritetet, shpërthimi në Republikën Demokratike të Kongos ka shkaktuar më shumë se 4,000 viktima këtë vit, duke u renditur ndër shpërthimet më vdekjeprurëse të Ebolës të regjistruara.

Ushtruesja e detyrës së presidentes së Kosovës, Albulena Haxhiu, i është drejtuar Gjykatës Kushtetuese për interpretim lidhur me ushtrimin e kompetencave të presidentit në rast se Kuvendi nuk arrin ta zgjedhë presidentin e ri.

Këtë e ka konfirmuar Zyra e Presidentes në një përgjigje për Radion Evropa e Lirë, sot në ditën kur përfundon afati për zgjedhjen e presidentit të ri.

Sipas Zyrës së Presidentes, Haxhiu e ka dorëzuar kërkesën në Kushtetuese më 5 tetor, duke u bazuar në nenin 113, paragrafin 3, nënparagrafin 1 të Kushtetutës.

“Kemi kërkuar të përcaktohet se si dhe nga kush ushtrohen kompetencat e domosdoshme presidenciale pas përfundimit të periudhës gjashtëmujore, kur presidenti i ri ende nuk është zgjedhur”, ka thënë Zyra e Presidentes.

Afati gjashtëmujor i ushtrimit të detyrës nga Haxhiu përfundon më 6 tetor, ndërsa Kuvendi ende nuk ka zgjedhur presidentin e ri.