Author: G.O.

Ministri i Punëve të Brendshme, Pançe Toshkovski, ka njoftuar sot në një konferencë për media se Policia, në bashkëpunim me Prokurorinë, do të hetojë çdo detaj lidhur me tragjedinë e Koçanit.

Ai theksoi se të gjithë ata që kanë lidhje, qoftë direkte apo indirekte, me ngjarjen do të mbajnë përgjegjësi.

Toshkovski theksoi se nuk ka vend për ndarje ndërmjet “tonës dhe tuajës”, por vetëm për ata që janë përgjegjës dhe ata që janë të papërgjegjshëm.

Ai siguroi opinionin publik se çdo aspekt i ngjarjes do të hetohet me kujdes të plotë nga Prokuroria Publike dhe Ministria e Punëve të Brendshme.

“Dëshiroj ta siguroj opinionin se çdo detaj në lidhje me ngjarjen penalo-juridike është detyrë e Prokurorisë Publike në bashkëpunim me MPB-në që ta përcaktojnë dhe ta procedojnë në mënyrë adekuate. Ne këtë do ta bëjmë… Mirëpo, duhet të respektojmë procesin e drejtësisë dhe hetimin duhet ta kryejmë rrënjësisht”, tha Toshkovski.

Presidenti francez, Emmanuel Macron, ka njoftuar një samit të ri, i cili do të mblidhet për të mbështetur një marrëveshje paqeje të mundshme midis Ukrainës dhe Rusisë.

Pas një samiti të liderëve të Bashkimit Evropian në Bruksel të enjten, presidenti francez thekson se ky samit i ri për Ukrainën do të mbahet të enjten e ardhshme në Paris.

Ai konfirmoi gjithashtu se presidenti ukrainas, Volodymyr Zelensky, do të marrë pjesë në këtë samit.

Komisioni Qendror i Zgjedhjeve (KQZ) është në pritje nga vendimet përfundimtare të institucioneve përkatëse, përpara se të mund të vazhdojë me certifikimin e rezultateve të zgjedhjeve parlamentare të 9 shkurtit.

Po ashtu, KQZ njofton se procesi zgjedhor është në fazën e ankesave.

“Aktualisht procesi zgjedhor është në fazën e ankesave ndaj rezultateve përfundimtare të shpallura nga KQZ më 15 mars 2025. Komisioni Qendror i Zgjedhjeve do të presë vendimet e institucioneve përkatëse, t’i zbatojë ato nëse kanë detyrime për KQZ-në dhe pastaj do të mund të procedojë me certifikimin e rezultateve përfundimtare”, tha zëdhënësi i KQZ-së, Valmir Elezi.

Ish-presidenti Hashim Thaçi përfundoi vizitën në Burojë të Skenderajt, duke i përshëndetur të pranishmit me gisht.

Tri ditë pas varrimit të babait të tij, ish-presidentit Hashim Thaçi, i është lejuar vizita në Kosovë.

Vizita e tij po përcillet nga forca të shumta policore vendëse dhe atyre të EULEX-it.

Dhomat e Specializuara të Kosovës në Hagë nuk ia lejuan Thaçit pjesëmarrjen në varrimin e babait të tij, Haxhi Thaçi, të martën e kësaj jave.

Refuzimi i Speciales ka nxitur reagime të mëdha. Ministrja e Drejtësisë, Albulena Haxhiu, ka kërkuar që të mos shkelen të drejtat e të akuzuarve, ndërsa kryetari i PDK-së, Memli Krasniqi, ka shkruar se me këtë, Specialja ka humbur rrugën e saj.

Thaçi e takoi babanë për herë të fundit më 13 mars, kur i bëri vizitë në QKUK.

Ndaj ish-presidentit e ish-kryeministrit të Kosovës, Specialja ka ngritur dy aktakuza, për krime lufte dhe për ndikim te dëshmitarët.

Në tryezën e Dialogut Ndërfetar u tha se Kosova ka një trashëgimi të gjatë ndërfetare e cila duhet të forcohet gjithnjë e më shumë.

Kjo tryezë me temën “Dialogu ndërfetar sipas modelit shqiptar”, u organizua nga Fondacioni “Drita” dhe u mbajt në Katedralen e Prishtinës.

Kryetari i Kuvendit të Kosovës, Glauk Konjufca u shpreh se historia e popullit shqiptar tregon se në asnjë moment të historisë nuk mund të gjendet një konflikt i cili ka bazë fetare.

Ai tha se dialogu ndërfetar sipas modelit shqiptar duhet sa më shumë të shpërndahet.

“Historia jonë e gjatë e një populli të përvuajtshëm tregon se në asnjë moment të historisë sonë nuk mund të gjejmë një konflikt i cili ka bazë fetare në popullin tonë…Modeli shqiptar vërtetë që ekziston ai edhe duhet të përdoret dhe të përhapet akademikët duhet të prodhojnë sa më shumë literaturë për këtë model sepse ky model është i vërtetë dhe është pasuri që e kemi dhe duhet ta shpërndajmë dhe ndajmë me të tjerët”, theksoi ai.

Presidenti i Fondacionit “Drita”, Zef Gashi u shpreh se Kosova ka një histori të gjatë të bashkëjetesës ndërfetare dhe ndër-etnike e cila duhet të forcuar gjithnjë e më shumë.

“Në këtë kohë kur bota përballet me sfidat të shumta përçarje, konflikte me tendenca për të rënë dallimet mbi atë që na bashkon, ne sot dërgojmë një mesazh të qartë dialogu është rruga e vetme për të ndërtuar një shoqëri të drejtë, të barabartë dhe paqedashëse. Modeli ynë i unitetit të përbashkët, respekti për të dallueshme është mënyra më e mirë për të motivuar shoqërinë drejt një të ardhmeje më të mirë për të gjithë. Ne jemi dëshmitarë se Kosova dhe populli i saj ka një histori të gjatë të bashkëjetesës dhe respektit mes festimeve të ndryshme dhe etnive të shumta. Kjo është një trashëgimi e çmuar që jo do të duhej të ruhej, por edhe të forcohet gjithnjë e më shumë”, theksoi ai.

Delegati Apostolik i Vatikanit, Jean Marie Speich u shpreh se për lumturi, harmoni e bashkëjetesë duhet dialog për të ecur përpara.

“Zgjidhja e lumturisë, bashkëjetësës, harmonisë nuk është vetëm në aspektin politik e ekonomik, por gjithashtu në dialog, në bashkë ezkistencën paqësore në mes të përfaaqësuesve të kulturave të ndryshme dhe fetare të cilat ekzistojnë në Ballkan… Selia e shenjt promovon dialogun ndërfetar për kohë të gjatë si kishë katolike në kontestin ndërfetar dhe ne mundohemi që të zhvillojmë dialog në shumë mënyra”, theksoi ai.