ATV

Author: G.O.

  • ​Sveçla: Aksioni në Kaçanik po vazhdon, ka arrestime të reja

    ​Sveçla: Aksioni në Kaçanik po vazhdon, ka arrestime të reja

    Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.

    Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.

    “Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.

    Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.

    “Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.

    Ndryshe, sot në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.

    LEXONI EDHE:

    Vrasja e rreshterit Lika, shoqërohen në polici disa persona nga aksioni policor në Kaçanik

     

  • Haxhiu: Nëse partitë refuzojnë ta konstituojnë Kuvendin, atëherë vendi të shkojë në zgjedhje

    Haxhiu: Nëse partitë refuzojnë ta konstituojnë Kuvendin, atëherë vendi të shkojë në zgjedhje

    Deputetja e Kuvendit të Kosovës nga radhët e Lëvizjes Vetëvendosje, Albulena Haxhiu, ka reaguar pas dështimit të radhës për t’u zgjedhur kryetare e Kuvendit të Kosovës.

    Ajo ka theksuar se mungesa e vullnetit politik për ta konstituuar Kuvendin po e shtyn vendin drejt një zgjidhjeje të pashmangshme “zgjedhje të reja”.

    “Është jashtëzakonisht e rëndësishme që Kuvendi i Kosovës të konstituohet. Lëvizja Vetëvendosje e ka bërë të qartë qëndrimin e saj. Por duket se mungon vullneti për konstituimin e Kuvendit. Jemi shumë të gatshëm të flasim me partitë politike për datën e zgjedhjeve”, tha Haxhiu.

    Ajo shtoi se Vetëvendosje është e hapur për dialog me partitë e tjera lidhur me caktimin e një date për zgjedhje: “Nëse partitë refuzojnë ta konstituojnë Kuvendin, atëherë është e qartë, vendi duhet të shkojë në zgjedhje”, përfundoi ajo.

    Ndryshe, Albulena Haxhiu dështon për herë të katërt për tu zgjedhur kryeparlamentare me 57 vota kundër, 48 kundër dhe 3 abstenime.

    LEXONI EDHE:

    Dështon sërish votimi i kryetares së Kuvendit

  • Murati për propozimin e Haxhiut: Asnjë ndryshim nuk ka pasur dhe as nuk do të ketë

    Murati për propozimin e Haxhiut: Asnjë ndryshim nuk ka pasur dhe as nuk do të ketë

    Pas dështimit të konstituimit të Kuvendit, deputeti Hekuran Murati ka reaguar për mediat, duke shpjeguar pozicionin e Lëvizjes Vetëvendosje lidhur me këtë çështje.

    Murati ka theksuar se, si fituese e zgjedhjeve të fundit të certifikuara nga Komisioni Qendror i Zgjedhjeve (KQZ), Lëvizja Vetëvendosje ka të drejtën e propozuar për kryetar të Kuvendit dhe këtë mundësi e ka shfrytëzuar duke propozuar Albulena Haxhiun.

    ‘VV si fituese e zgjedhjeve, ka të drejtën e propozimit të kandidatit për kryetar të Kuvendit, dhe këtë të drejt e ka shfrytëzuar duke e propozuar Albulena Haxhiu. Kundërshtitë që po bëhen janë me tepër taktizime se sa që kemi të blejmë me ndonjë arsye konkrete. Haxhiu është gruaja me e votuar në zgjedhjet e fundit. Është larg mendsh të thuhet që nuk plotëson kritere ose kushte. Po besoj kjo flet edhe për ata që si VV jemi të përkushtuar që Kuvendit të ia japim një kryetare grua. Ky është propozimi jonë, nuk ka pasur ndryshim dhe as nuk do të ndryshojë. Ne kemi diskutuara brenda, gjithsesi çka takon të bëhet tutje, ne kemi pa që vetëm një herë Kuvendi ka pasur shumicë. Të gjitha votimet tjera, nuk është arritur nga asnjëri tabor, numri i votave prej 61. Kjo nënkupton që cilado pozitë nëse nuk ka dakordim për të ecur tutje, nuk mund të kalojë. Duhet konsensus politik’’, ka thënë ai.

  • Krasniqi: Vetëvendosje s’do ta zhbllokojë procesin, po mban peng shtetin

    Krasniqi: Vetëvendosje s’do ta zhbllokojë procesin, po mban peng shtetin

    Kreu i Partisë Demokratike të Kosovës, Memli Krasniqi ka akuzuar se Lëvizja Vetëvendosje qëllimshëm nuk dëshiron ta zhbllokojë konstituimin e Kuvendit të Kosovës pasi që nuk po ndryshon propozimin për postin e kryeparlamentarit.

    “Një gjë është e qartë, Albulena Haxhiu nuk kalon. Sikur të donin zgjidhje, kanë pasur mundësi edhe sot, edhe pardje, edhe para katër ditësh. të njëjtën mundësi e kanë edhe pasnesër: Ta ndërrojnë deputetin”, tha Krasniqi.

    Ai tha se kjo po bëhet pasi LVV-ja nuk i ka votat e mjaftueshme për ta formuar qeverinë e re.

    “Kjo vërtetë tashmë është komplet e pakuptimtë, e turpshme, që për teket e një personi, një kandidati, të mbahet peng shteti”, tha Krasniqi.

    Ai tha se nëse Kuvendi nuk konstituohet, zgjidhja do të ishte të mbahen zgjedhje të jashtëzakonshme në maj të këtij viti.

    Krasniqi shtoi se përveç Haxhiut, ka edhe emra të tjera nga LVV-ja që PDK-ja nuk do i votonte për postin e kryeparlamentarit, por nuk pranoi të emëronte ata.

  • Dështon sërish votimi i kryetares së Kuvendit

    Dështon sërish votimi i kryetares së Kuvendit

    Në tentativën e gjashtë për konstituimin e Kuvendit të Kosovës, Lëvizja Vetëvendosje edhe një herë propozoi Albulena Haxhiun për kryetare të Kuvendit, përmes deputetit Glauk Konjufca. Megjithatë, edhe kjo përpjekje për zgjedhje dështoi, raporton ATV.

    Haxhiu mori sërish vetëm 57 vota pro – të pamjaftueshme për t’u zgjedhur në këtë post të rëndësishëm institucional. Ndërkohë, partitë opozitare PDK, LDK dhe AAK kanë qëndruar në vendimin e tyre për të mos e mbështetur këtë kandidaturë.

    Pas dështimit të gjashtë për zgjedhjen e kryetares së Kuvendit, seanca konstituive u ndërpre sërish. Kryesuesi i seancës, Avni Dehari, njoftoi se punimet do të vazhdojnë të dielën, më 27 prill, në ora 10:00.

    Kujtojmë se në këtë seancë u hodh sërish në votim kandidatura e Albulena Haxhiut nga Lëvizja Vetëvendosje për kryetare të Kuvendit, por ajo nuk mori votat e nevojshme – njëjtë si në tentativat e mëparshme.

    Opozita e deritashme, përfshirë PDK-në, LDK-në dhe AAK-në, nuk e përkrahu kandidaturën, duke thelluar më tej bllokadën institucionale. Tani, sytë janë drejtuar nga dita e diel, ku mbetet të shihet nëse do të arrihet ndonjë marrëveshje për të dalë nga ngërçi politik. /atvlive.tv

  • Limaj thotë se Nisma s’do ta votojë Haxhiun

    Limaj thotë se Nisma s’do ta votojë Haxhiun

    Kreu i Nisma Socialdemokrate, njëherësh deputet i Kuvendit të Kosovës, Fatmir Limaj është deklaruar shkurt për media duke treguar qëndrimin e partisë së tij nëse do ta votojnë kandidaten për kryetare të Kuvendit të Kosovës, Albulena Haxhiun.

    Limaj tha se qëndrimi i tyre është i njëjtë dhe nuk ka ndonjë ndryshim.

    “Qëndrimi ynë është i njëjtë, është i njëjtë ashtu siç ka qenë herëve të kaluara”, tha shkurt Limaj.

    Ndërkaq, pritet të vazhdoj seanca konstituive e Kuvendit të Kosovës, ku në rend dite është zgjedhja e kryetarit dhe nënkryetarëve të Kuvendit.

    Kryesuesi i seancës, Avni Dehari, ka thirrur vazhdimin për sot, pasi të mërkurën, për të tretën herë me radhë, Lëvizja Vetëvendosje nuk arriti të sigurojë votat e nevojshme për ta zgjedhur Albulena Haxhiun kryetare të Kuvendit.

  • Gërvalla: S’ka arsye të mos votohet Haxhiu, partitë politike t’i thërrasin mendjes

    Gërvalla: S’ka arsye të mos votohet Haxhiu, partitë politike t’i thërrasin mendjes

    Deputetja e Kuvendit të Kosovës nga radhët e Listës Guxo, Donika Gërvalla Schwarz u ka bërë thirrje partive politike që të votojnë kandidaten për kryetare të Kuvendit të Kosovës, nga radhët e Lëvizjes Vetëvendosje (LVV) Albulena Haxhiun.

    Gërvalla Schwarz para mediave tha se deputetja e LVV-së, Haxhiu është më e votuara nga zgjedhjet e 9 shkurtit.

    Tutje ajo tha se arsyetimet e partive politike duke refuzuar të votojnë Haxhiun është false.

    “E kemi thënë qartë se Albulena Haxhiu është kandidatja jonë. Haxhiu është femra më e votuar në vend në zgjedhjet e 9 shkurtit. Nuk ka asnjë arsye asnjë parti, ose grup parlamentar të refuzojë votën për Albulena Haxhiu. Është jo vetëm një personalitet i jashtëzakonshëm, por është edhe një person që me aktivitetin e saj politik ka dëshmuar përkushtimin e saj për këtë vend. Andaj kjo është arsyetim false. Arsyetimi i vërtetë është që partitë nuk duan të pranojnë rezultatet e 9 shkurtit”, ka thënë Gërvalla.

    Tutje ajo tha se shpreson që partitë t’i thërrasin mendjes e të vazhdojnë, edhe pse siç tha nga informacionet që ka lexuar sot nuk e bëjnë optimiste që do ta votojnë Haxhiun për kryeparlamentare.

    “Bllokimi i konstituimit të Kuvendit tregon bllokimin e qëllimshëm të zbatimit të vullnetit të qytetarëve të 9 shkurtit”, u shpreh Gërvalla.

  • Vrasja e rreshterit Lika, shoqërohen në polici disa persona nga aksioni policor në Kaçanik

    Vrasja e rreshterit Lika, shoqërohen në polici disa persona nga aksioni policor në Kaçanik

    Katër persona janë shoqëruar në Polici nga aksioni policor i cili u realizua sot në Kaçanik.

    Siç mësohet ky aksion lidhet me rastin e vrasjes së rreshterit Muhamed Lika.

    Të katër këta persona dyshohet se janë të përfshirë në vepra penale të rënda, përfshirë: “Vrasje e rëndë në bashkëkryerje“, “Pjesëmarrje në grupe terroriste“, dhe “Rekrutim për qëllime terroriste“.

    Ndërkaq, lajmin për zhvillimin e këtij aksioni policor e konfirmuan nga Policia e Kosovës por pa dhënë detaje shtesë.

    Ndryshe, ditë më parë Policia e Kosovës kishte zhvilluar një aksioni të gjerë në Kaçanik, ku më shumë se pesë persona u arrestuan si të dyshuar për përfshirje në vrasjen e rreshterit të Policisë së Kosovës, Muhamed Lika.

  • Shkarkohet kryeshefi ekzekutiv i KOSTT-it

    Shkarkohet kryeshefi ekzekutiv i KOSTT-it

    Bordi i drejtorëve të Operator Sistemit, Transmisionit dhe Tregut (KOSTT) ka shkarkuar të enjten kryeshefin ekzekutiv, Evetar Zeqirin.

    Në një njoftim për media, bordi i drejtorëve të KOSTT-it ka njoftuar se ka vendosur po ashtu që Shaban Neziri të jetë ushtrues detyre deri në marrjen e një vendimi tjetër.

    “Ju njoftojmë që Bordi i Drejtorëve të KOSTT sh.a në takimin e mbajtur me 24 Prill 2024, në bazë të kompetencave dhe përgjegjësive në përputhje me Ligjin për Ndërmarrjet Publike dhe Statutin e kompanisë, ka marrë vendim që të ndërpresë marrëdhënien e punës të Kryeshefit Ekzekutiv të KOSTT z.Evetar Zeqiri. Me këtë rast, Bordi ka emëruar z. Shaban Neziri, zëvendës Kryeshef Ekzekutiv, si ushtrues detyre i Kryeshefit Ekzekutiv të KOSTT sh.a, deri në marrjen e një vendimi tjetër”, thuhet në njoftim.

    Zeqiri ishte emëruar në pozitën e kryeshefit ekzekutiv në tetor të vitit 2022.

    Neziri është inxhinier i elektroteknikës dhe është pjesë e KOSTT-it që nga themelimi.

  • Aksident fatal në Suharekë – ndërron jetë një person pas vetëaksidentit

    Aksident fatal në Suharekë – ndërron jetë një person pas vetëaksidentit

    Një vetaksident me fatalitet ka ndodhur mbrëmë në mes të rrugës Shirokë dhe Sopijë të Suharekës.

    Për pasojë ka mbetur i lënduar rëndë një person E.K. nga fshati Sopijë, i cili fillimisht është dërguar në emergjencën e Suharekës, por për shkak të lëndimeve të rënda është transferuar për në Spitalin Rajonal të Prizrenit.

    I njëjti, si pasojë e lëndimeve të rënda, ka vdekur rreth orës 23:00 në spital.

    Lajmin e ka konfirmuar zëdhënësi i Policisë për Rajonin e Prizrenit, Shaqir Bytyqi.