Author: G.O.

Kryeministri Edi Rama ka ndarë këtë mëngjes një mesazh urimi për Gjirokastrën, e cila sot feston 20-vjetorin e shpalljes si Pasuri Botërore nga UNESCO.

Përmes një statusi në Facebook, Rama shprehu vlerësimin e tij për qytetin historik, duke e cilësuar atë si “pasuri të përjetshme të shpirtit”.

Statusi i plotë:

“MIRËMËNGJES 😊
Dhe nga Gjirokastra që kremton 20-vjetorin si pasuri botërore në UNESCO dhe përjetësisht pasuri e shpirtit, ju uroj ditë të mbarë,” shkroi Rama, duke e shoqëruar postimin me një video nga qyteti.

Mbi vendin tonë sot do të mbajë mot me diell dhe vranësira të shpërndara.

Sipas parashikimit të Institutit Hidrometeorologjik të Kosovës, temperaturat minimale do të lëvizin ndërmjet 14 e 17 gradë Celsius, derisa ato maksimalet nga 28 e deri në 32 gradë Celsius.

“Do të fryjë erë nga veriperëndimi, me shpejtësi 1–8 m/s”, thuhet në njoftimin e IHMK-së.

Nënkryetarja e Sindikatës së Bashkuar të Arsimit, Vjollca Shala, ka ngritur shqetësimin për largimin e mësimdhënësve dhe nxënësve nga shkollat e Kosovës, duke theksuar se emigrimi drejt vendeve evropiane po ndodh për shkak të kushteve më të mira të jetesës dhe pagesave më të larta.

Shala tha se shkollat rrezikojnë të mbesin pa staf arsimor dhe pa nxënës nëse trendi aktual vazhdon.

“Shumë shqetësuese janë informacionet që po i marrim nga terreni për largimin e nxënësve nga shkollat e Kosovës, por në të njëjtën kohë edhe për largimin e mësimdhënësve nga shkollat e Kosovës. Shumica prej tyre po emigrojnë nëpër Evropë, ngase atje po gjejnë kushte më të mira për jetesë dhe pagesa më të mira për mësimdhënësit. Është shqetësuese një gjë e tillë, ngase shkollat e Kosovës po boshatisen si nga nxënësit ashtu edhe nga mësimdhënësit. Thjesht, mësimdhënësve po u duhet të mësojnë gjuhën e shtetit ku emigrojnë, pasi përvojën e punës tashmë e kanë. Është shqetësuese, sepse në një të ardhme, nëse vazhdon një ikje e tillë, shkollat tona do të mbesin edhe pa mësimdhënës. Duke analizuar edhe gjendjen politike dhe moskonstituimin e Kuvendit të Kosovës, kjo po shkakton pasiguri si për nxënësit, ashtu edhe për mësimdhënësit”, tha Shala tha për EO.

Ajo kritikoi institucionet shtetërore për moskrijimin e kushteve të duhura në arsim dhe për vonesat në funksionalizimin e Kuvendit të Kosovës.

“Duke mos pasur siguri në shkollat tona, duke pasur parasysh kushtet e punës dhe pagesat, atje (në vendet evropiane) po gjejnë pagesë më të mirë dhe vlerësim më të mirë. Në të njëjtën kohë, edhe nxënësit me familjet e tyre natyrisht po ikin, ngase po gjejnë kushte më të mira në vende të ndryshme të Evropës”, shtoi ajo.

Gjatë 24 orëve të fundit janë raportuar 21 vatra zjarri në Shqipëri, 5 nga të cilat janë ende aktive.

Ministria e Mbrojtjes raporton se këto vatra zjarri janë evidentuar në bashkitë: Dibër, Vlorë, Rrogozhinë, Tiranë, Kamëz, Dimal, Përmet, Këlcyrë, Gjirokastër, Librazhd, Belsh, Lezhë, Kurbin, Roskovec, Pogradec e Korçë, shkruan Tch.

Aktualisht mbeten aktive vatrat:

“Në operacionet për shuarjen e zjarreve u angazhuan 38 automjete zjarrfikëse dhe 459 forca. Gjithashtu në operacionet e ditës së djeshme morën pjesë edhe Forcat e Armatosura me 90 efektivë dhe 3 helikopterë.
Bazuar në parashikimet e Institutit të Gjeoshkencave, sot nuk priten reshje në të gjithë territorin.

Sa i përket zjarreve, sot pritet nivel rrezik “I LARTË” në qarqet Durrës, Tiranë, Fier dhe Vlorë, nivel rrezik “I MODERUAR” në të gjitha qarqet e tjera. Nё disa qarqe pritet rrezik “I LARTË” vetёm nё zona tё lokalizuara, konkretisht: qarku Shkodër (Jug), Kukës (Jugperëndim), dhe Korçë (Veri).

“I gjithë sistemi i mbrojtjes civile vijon të jetë në ndjekje të situatës dhe në gatishmëri të plotë për ndërhyrje të shpejtë. Në këtë situatë u bëjmë thirrje të gjithë qytetarëve që të tregojnë përgjegjësi maksimale.

Mos ndizni zjarre në ambiente të hapura, mos digjni mbeturina dhe shmangni çdo veprim që mund të shkaktojë zjarr. Edhe pakujdesia më e vogël mund të ketë pasoja të rënda për mjedisin, pronën dhe jetën e njerëzve.

Në rast zjarri, njoftoni menjëherë shërbimet zjarrfikëse. Vetëm me kujdesin dhe bashkëpunimin e të gjithëve mund të parandalohet përhapja e zjarreve dhe të mbrojmë natyrën dhe komunitetet tona”, njofton ministria.

Gjyqësori iranian ekzekutoi sot një burrë të dënuar për përdhunimin dhe vrasjen e një vajze të re në Iranin veriperëndimor.

Sipas prokurorit të provincës së Azerbajxhanit Perëndimor, Naser Atambati, ekzekutimi u krye në agim dhe në publik, “me kërkesë të familjes së viktimës dhe qytetarëve, për shkak të ndikimit të fortë emocional që çështja pati në shoqërinë lokale”.

Deri më tani, nuk janë bërë publike detaje rreth moshës së vajzës, as profilit të autorit të krimit apo kohës së saktë të krimit.

Gjyqi filloi në janar, me të pandehurin të dënuar me vdekje në mars. Gjykata Supreme e Iranit e la në fuqi dënimin pasi u paraqit një apel.

Në Iran, krime të tilla si vrasja dhe përdhunimi dënohen me vdekje. Sipas grupeve të të drejtave të njeriut si Amnesty International, vendi renditet i dyti në botë për sa i përket ekzekutimeve, pas Kinës. Ekzekutimet publike në Iran zakonisht kryhen në agim, me varje.

Presidentja Vjosa Osmani ka dhënë një deklaratë pas takimit me ambasadoren amerikane në Organizatën e Kombeve të Bashkuara, Dorothy Shea, ku ka theksuar rëndësinë e avancimit të mëtejshëm të marrëdhënieve strategjike midis Kosovës dhe Shteteve të Bashkuara të Amerikës.

Osmani ka shprehur mirënjohjen për riafirmimin e SHBA-ve se Kosova mbetet një partner i ngushtë strategjik dhe se Shtetet e Bashkuara janë fuqimisht të angazhuara për anëtarësimin e plotë të Kosovës në Kombet e Bashkuara. Ajo gjithashtu theksoi se në takim janë diskutuar hapat për forcimin e mëtejshëm të bashkëpunimit mes dy shteteve.

“Mirënjohëse për riafirmimin e qartë të Shteteve të Bashkuara se Kosova mbetet partner i ngushtë strategjik i SHBA-ve dhe se aleatët tanë amerikanë janë fuqimisht të përkushtuar për anëtarësimin e plotë të Kosovës në Kombet e Bashkuara. 🇽🇰🇺🇸

Ndër të tjera, dje në New York, në takim me të ngarkuarën me punë të Misionit të SHBA-ve në OKB, Ambasadoren Dorothy Shea, diskutuam edhe për avancimin e mëtejshëm të marrëdhënieve strategjike ndërmjet Kosovës dhe SHBA-ve”, ka shkruar Osmani në një postim në Facebook.

Sekretari amerikan i Shtetit, Marco Rubio mori dje vendimin për kufizime udhëtimi ndaj presidentit kuban, Miguel Díaz-Canel lidhur me rolin e tij në shtypjen e protestave masive në vitin 2021.

Rubio tha se ”SHBA po kufizon vizat për figurat kryesore të regjimit kuban, presidentin Díaz-Canel, ministrin e Forcave të Armatosura Revolucionare, Alvaro López Miera, ministrin e Brendshëm, Lazaro Álvarez Casas dhe të afërmit e tyre lidhur me përfshirjen  e tyre  në brutalitetin e regjimit kuban ndaj popullit të Kubës”.

Këto sanksione do të prekin edhe familjarët e afërt të këtyre liderëve.

“Departamenti i Shtetit gjithashtu shtoi ndërtesën e kontrolluar nga regjimi ‘Torre K’ në listën e kufizimeve për Kubën, për të penguar që dollarët amerikanë të financojnë shtypjen nga regjimi kuban”, shkroi Rubio në një postim në platformën X.

“Ndërkohë që populli kuban vuan nga mungesa e ushqimit, ujit, ilaçeve dhe energjisë elektrike, regjimi shpërdoron paratë për të pasuruar njerëzit e vet të brendshëm”, shtoi Rubio.

Ministri i Jashtëm kuban, Bruno Rodríguez reagoi në X, duke thënë se “SHBA ka kapacitetin të vendosë sanksione udhëtimi kundër liderëve revolucionarë dhe të zhvillojë një luftë të gjatë dhe të pamëshirshme ekonomike kundër Kubë, por nuk ka kapacitetin të thyejë vullnetin e këtij populli apo të drejtuesve të tij”.

Gjatë 24 orëve në gjithë territorin e Kosovës janë shqiptuar afro 3 mijë tiketa.

Policia e Kosovës njofton se shqiptoi saktësisht 2724 tiketa.

Gjatë kësaj kohe, u shënuan 27 aksidente trafiku me të lënduar dhe 49 aksidente me dëme material.

Ndërkaq, bëhet e ditur se gjatë 24 orëve arrestuan 20 persona.