ATV

Author: G.O.

  • Mundësia e fundit për konstituim para afatit të Kushtetueses, ambasadorët sot përcjellin seancën nga Kuvendi

    Mundësia e fundit për konstituim para afatit të Kushtetueses, ambasadorët sot përcjellin seancën nga Kuvendi

    Në përpjekjen e 52-të dhe të fundit për konstituimin e Kuvendit të Kosovës para skadimit të afatit kushtetues, pritet që ambasadorë të vendeve të huaja në Kosovë, sot të jenë të pranishëm.

    Ambasada Gjermane ka njoftuar se ambasadori Jorn Rohde, bashkë me përfaqësues të tjerë ndërkombëtarë, do të marrin pjesë në seancën e Kuvendit që do të mbahet sot.

    “Duke qenë se nesër është mundësia e fundit për të konstituuar Kuvendin para afatit të Gjykatës Kushtetuese, ambasadori Rohde, së bashku me kolegë të tjerë ndërkombëtarë, planifikon të marrë pjesë në seancën në parlament,” thuhej në njoftimin e ambasadës.

    Më 26 korrik skadon afati 30-ditor i përcaktuar nga Gjykata Kushtetuese për konstituimin e Kuvendit. Presidentja Vjosa Osmani ka dorëzuar një kërkesë për të sqaruar pasojat juridike në rast se Kuvendi nuk konstituohet deri në këtë afat, duke theksuar se “kompromisi nuk po shihet askund”.

    Seanca pritet të nis sot në ora 11:00.

  • Gjermania planifikon të rekrutojë deri në 40 mijë të rinj në vit për shërbim ushtarak vullnetar

    Gjermania planifikon të rekrutojë deri në 40 mijë të rinj në vit për shërbim ushtarak vullnetar

    Gjermania synon të zgjerojë ndjeshëm forcat e saj të armatosura duke rekrutuar deri në 40 mijë adoleshentë në vit për një formë të re vullnetare të shërbimit ushtarak.

    Projekti do t’i paraqitet kabinetit qeveritar si projektligj në fund të gushtit dhe do të ofrojë paga tërheqëse dhe fleksibilitet për të tërhequr 18-vjeçarët.

    Ministria e Mbrojtjes pret të mbushë këtë vit 15 mijë vende në programin ekzistues dhe të rrisë numrin e të rinjve të përfshirë me 3 deri në 5 mijë çdo vit, si pjesë e strategjisë për t’u përgatitur ndaj kërcënimeve të mundshme, veçanërisht agresionit rus.

    Qëllimi është që deri në vitin 2031 të arrihet kuota prej 40 mijë vullnetarësh në vit, të cilët do t’i shtohen rezervave pas përfundimit të shërbimit. Në të njëjtën kohë, synohet rritja e numrit të ushtarëve profesionistë.

    Kancelari Friedrich Merz ka premtuar ta bëjë ushtrinë gjermane forcën konvencionale më të fuqishme në Evropë, me investime miliarda euro në riarmatim. Synohet që madhësia e ushtrisë profesionale të rritet nga 182 mijë aktualisht në 260 mijë deri në vitin 2035, ndërsa rezervat e gatshme do të zgjerojnë nga 60 mijë në 200 mijë.

  • Hulk Hogan ndërron jetë, Trump ndan një kujtim të veçantë

    Hulk Hogan ndërron jetë, Trump ndan një kujtim të veçantë

    Presidenti i Shteteve të Bashkuara, Donald Trump, i ka dhënë lamtumirën legjendës së mundjes Hulk Hogan, duke reaguar në rrjetet sociale pas ndarjes nga jeta të ikonës së sportit dhe argëtimit amerikan.

    Ai tha se kishte humbur një mik të shkëlqyer dhe e kujtoi me fjalë të ndjera.

    Së bashku me një fotografi të përbashkët, Trump shkroi se Hulk Hogan ishte një “MAGA” në çdo mënyrë, një referencë për mbështetjen e tij të hapur ndaj fushatës dhe politikës së tij.

    “Sot humbëm një mik të shkëlqyer, ‘Hulkster’-in. Hulk Hogan ishte MAGA në çdo mënyrë – i fortë, i ashpër, i zgjuar, por me zemrën më të madhe”, thuhet fillimisht në shkrimin e presidentit amerikan.

    “Ai mbajti një fjalim absolutisht ‘elektrik’ në Konventën Kombëtare Republikane, e cila ishte një nga pikat kulmore të të gjithë javës”.

    “Ai argëtoi fansa nga e gjithë bota dhe ndikimi kulturor që pati ishte i jashtëzakonshëm. Ne i dërgojmë urimet dhe dashurinë tonë më të ngrohtë gruas së tij Sky dhe familjes.

    “Hulk Hogan do të na mungojë shumë!”, shkroi Trump.

    Hulk Hogan, i lindur si Terry Gene Bollea, u gjet i vdekur në banesën e tij në Clearwater, Florida, herët dje ne mëngjes.

    Ai e nisi karrierën në mundjen profesionale në vitin 1977, por u bë i famshëm globalisht pas nënshkrimit me Federatën Botërore të Mundjes (WWE) në dhjetor të vitit 1983.

    Me karakterin e tij si “amerikani heroik”, ai ndihmoi që mundja të lulëzonte në vitet ’80, duke qenë figura kryesore në tetë nga nëntë edicionet e para të WrestleMania-s, ngjarjes më të madhe vjetore të WWE.

  • Dhoma e Tregtisë dhe Industrisë thërret konferencë të jashtëzakonshme

    Dhoma e Tregtisë dhe Industrisë thërret konferencë të jashtëzakonshme

    Dhoma e Tregtisë dhe Industrisë Kosovë ka thirrur konferencë për media.

    Konferenca do të mbahet para objektit të Qeverisë së Kosovës në Sheshin ‘Skënderbeu’ me fillim nga ora 12:00, teksa arsyeja nuk është bërë e ditur.

    Dje Zyra e Rregullatorit të Energjisë ka paralajmëruar bizneset që aktualisht janë duke u furnizuar me rrymë nga KEK si Furnizues i Mundësisë së Fundit, që nëse nuk lidhin kontrata me furnizues afatgjatë të licencuar do të mbesin pa rrymë pas 30 korrikut.

    ZRRE iu ka bërë thirrje të gjithë konsumatorëve të prekur që pa vonesë të kontaktojnë një furnizues të licencuar dhe të nënshkruajnë marrëveshje komerciale për furnizim me energji elektrike.

    Dhoma e Tregtisë disa herë ka kaluar anulim të vendimit të ZRRE-së për kalim të bizneseve në treg të hapur energjetik.

    Bizneset rrezikojnë të mbesin pa rrymë pas 30 korrikut, ZRrE-ja u bën thirrje që të lidhin kontratat me furnizues të licencuar

  • BE-ja po ndjek nga trajtimin e shqiptarëve në Luginën e Preshevës, Costa: Serbia duhet të harmonizojë kornizën ligjore me standardet evropiane

    BE-ja po ndjek nga trajtimin e shqiptarëve në Luginën e Preshevës, Costa: Serbia duhet të harmonizojë kornizën ligjore me standardet evropiane

    Presidenti i Këshillit Evropian, Antonio Costa, ka deklaruar se Bashkimi Evropian po e ndjek me kujdes trajtimin e pakicave kombëtare nga autoritetet serbe, veçanërisht atë të shqiptarëve në Luginën e Preshevës.

    Në një letër dërguar deputetit Shaip Kamberi, Costa thekson se të drejtat e pakicave do të jenë pjesë e rëndësishme e angazhimeve që Serbia duhet të përmbushë në kuadër të anëtarësimit në Bashkimin Evropian.

    Ai ka kërkuar që Serbia të harmonizojë kornizën ligjore për pakicat me standardet ndërkombëtare dhe evropiane.

    Këto deklarata, Kamberi i ka cilësuar si një hap drejt ndërkombëtarizimit të çështjes së shqiptarëve në Serbi.

  • Vizita në Turqi, Maqedonci paralajmëron blerje të reja të dronëve “Bayraktar”

    Vizita në Turqi, Maqedonci paralajmëron blerje të reja të dronëve “Bayraktar”

    Ministri në detyrë i Mbrojtjes, Ejup Maqedonci, ka paralajmëruar blerje të reja nga kompania turke “Baykar”, e njohur për dronët “Bayraktar” që Kosova i bleu në vitin 2023.

    Gjatë vizitës në Turqi, Maqedonci u takua me udhëheqësin e Sekretariatit të Industrisë së Mbrojtjes Kombëtare, Haluk Görgün, me të cilin diskutoi për zgjerimin e bashkëpunimit mes dy vendeve.

    Në këtë vizitë, Maqedoni ishte edhe në Panairin e Industrisë së Mbrojtjes, të cilin e cilësoi si një mundësi për të parë risitë që ndihmojnë në rritjen e kapaciteteve ushtarake të FSK-së.

  • Bizneset rrezikojnë të mbesin pa rrymë pas 30 korrikut, ZRrE-ja u bën thirrje që të lidhin kontratat me furnizues të licencuar

    Bizneset rrezikojnë të mbesin pa rrymë pas 30 korrikut, ZRrE-ja u bën thirrje që të lidhin kontratat me furnizues të licencuar

    Zyra e Rregullatorit të Energjisë ka paralajmëruar bizneset që po furnizohen përkohësisht nga Korporata Energjetike e Kosovës si Furnizues i Mundësisë së Fundit, se pas 30 korrikut do të mbesin pa rrymë nëse nuk lidhin kontratë me furnizues të licencuar.

    Ky institucion ka bërë thirrje që të gjithë konsumatorët e prekur të veprojnë pa vonesë, duke theksuar se mosveprimi brenda afatit do të sjellë ndërprerje automatike të furnizimit me energji elektrike.

    ZRrE-ja ka sqaruar se ky proces është në përputhje me ligjin dhe se edhe vendimet gjyqësore e kanë konfirmuar ligjshmërinë e këtij tranzicioni në tregun e liberalizuar të energjisë.

  • Laura Fazliu në finale të Lojërave Botërore Universitare

    Laura Fazliu në finale të Lojërave Botërore Universitare

    Xhudistja kosovare Laura Fazliu ka siguruar medalje në Lojërat Botërore Univeristare. Kjo ngjarje e rëndësishme e studentëve po mbahet në Gjermani.

    Deri në finale të kategorisë deri 63 kg, Laura mposhti tri kundërshtare.

    Fazliu është prej më të mirave në botë në këtë kategori.

  • Mundësia e fundit për konstituim para afatit të Kushtetueses, ambasadorët nesër përcjellin seancën nga Kuvendi

    Mundësia e fundit për konstituim para afatit të Kushtetueses, ambasadorët nesër përcjellin seancën nga Kuvendi

    Në përpjekjen e 52-të dhe të fundit për konstituimin e Kuvendit të Kosovës para skadimit të afatit kushtetues, pritet që ambasadorë të vendeve të huaja në Kosovë të jenë të pranishëm.

    Ambasada Gjermane ka njoftuar se ambasadori Jorn Rohde, bashkë me përfaqësues të tjerë ndërkombëtarë, do të marrin pjesë në seancën e Kuvendit që do të mbahet nesër,

    “Duke qenë se nesër është mundësia e fundit për të konstituuar Kuvendin para afatit të Gjykatës Kushtetuese, ambasadori Rohde, së bashku me kolegë të tjerë ndërkombëtarë, planifikon të marrë pjesë në seancën në parlament,” thuhet në njoftimin e ambasadës.

    Më 26 korrik skadon afati 30-ditor i përcaktuar nga Gjykata Kushtetuese për konstituimin e Kuvendit. Presidentja Vjosa Osmani ka dorëzuar një kërkesë për të sqaruar pasojat juridike në rast se Kuvendi nuk konstituohet deri në këtë afat, duke theksuar se “kompromisi nuk po shihet askund”.

    Seanca pritet të nis në ora 11:00.

  • Osmani priti në takim lamtumirës ambasadoren e Sllovenisë, e falenderoi për kontributin e saj

    Osmani priti në takim lamtumirës ambasadoren e Sllovenisë, e falenderoi për kontributin e saj

    Presidentja e Republikës së Kosovës, Vjosa Osmani, priti sot në takim lamtumirës ambasadoren e Republikës së Sllovenisë në Kosovë, znj. Minca Benedejčič, me rastin e përfundimit të mandatit të saj diplomatik në vendin tonë.

    Presidentja Osmani shprehu mirënjohjen më të thellë për kontributin e çmuar të ambasadores Benedejčič në forcimin e marrëdhënieve ndërmjet Kosovës dhe Sllovenisë, si dhe për përkushtimin e saj në thellimin e bashkëpunimit bilateral në fusha të ndryshme.

    Gjatë mandatit të Ambasadore Benedejčič, janë realizuar vizita të shumta të nivelit të lartë ndërmjet dy shteteve, të cilat kanë forcuar më tej raportet ndërshtetërore, duke reflektuar miqësinë dhe solidaritetin e ndërsjellë që karakterizon marrëdhëniet ndërmjet popullit të Kosovës dhe atij slloven.

    Në këtë kontekst, Presidentja Osmani vlerësoi rolin e Sllovenisë në mbështetje të Kosovës, që nga periudhat më të vështira historike e deri sot përmes mbështetjes në përpjekjet e Kosovës për anëtarësim në Këshillin e Evropës, Bashkimin Evropian, NATO dhe organizata të tjera ndërkombëtare.

    Duke e falënderuar për bashkëpunimin e shkëlqyer gjatë mandatit të saj, Presidentja Osmani i uroi znj. Benedejčič suksese në angazhimet e mëtejme.