Author: G.O.

Agjencia e Statistikave të Kosovës vlerëson se indeksi i tërësishëm i harmonizuar i çmimeve të konsumit është më i lartë në një mesatare prej 4,3% në muajin korrik 2025, krahasuar me muajin korrik 2024.

Kurse, inflacioni mujor ishte 0,2% në muajin korrik 2025.

Sipas ASK-së, indeksi i tërësishëm i harmonizuar i çmimeve të konsumit është më i lartë në një mesatare prej 4,3%  në muajin korrik 2025, krahasuar me muajin korrik 2024.

“Kjo kryesisht është shpjeguar me ngritjen e çmimeve të konsumit në këtë periudhë tegrupet dhe nëngrupet e COICOP-it: pushime të organizuara (20,9%), kafe, çaj dhe kakao (16,9%); energjie elektrike (16,6%); mish (12,7%); pemë (12,3%); perime (10,7%); shërbime të tjera në lidhje me pajisjet personale të transportit (10,4%); mirëmbajtje dhe riparim i pajisjeve personale të transportit (10,2%); vajra dhe yndyra (9,9%); shërbime hoteliere (8,2%); shërbime ambulantore (7,1%); qumësht, djathë dhe vezë (6,5%); gazeta, libra dhe materiale për zyra (6,2%); ujë mineral, pijejoalkoolike, lëngje nga pemët dhe perimet (6,2%); mallra dhe shërbime për mirëmbajtjen e zakonshme të ekonomisë shtëpiake (6,1%); pije alkoolike (5,8%); shërbime financiare (5,2%); bukë dhe drithëra (5,0%); vegla dhe pajisje për shtëpi dhe kopsht (4,9%); kujdes personal (4,7%); mirëmbajtje dhe rregullim i vendbanimit (4,0%); prodhime ushqimore (3,9%); furnizim me ujë dhe shërbime të ndryshme që kanë të bëjnë me vendbanimin (3,5%); këpucë (3,4%); duhan (3,4%); gjëra personale (3,3%); sheqer, reçel, mjaltë, çokollatë dhe ëmbëlsira3,2%); qelqurina, takëme dhe mjete të kuzhinës (2,3%); veshje (2,2%), transport rrugor i pasagjerëve (2,0%); dhe gjëra dhe pajisje të tjera rekreative, kopshte dhe manare (1,1%), me një ndikim të përbashkët të këtyre nëngrupeve prej 4,9 për qind në IHÇK”, thuhet në njofitm.

Profesori universitar i kriminalistikës, Fatmir Çollaku, tha se pesë vrasjet e ndodhura brenda dy-tre ditëve të fundit në Kosovë përbëjnë një shqetësim serioz dhe janë një alarm për mobilizimin e institucioneve të sigurisë dhe drejtësisë.

Ai tha se çdo humbje jete është e madhe dhe e parandalueshme.

“Çdo humbje e jetës së një njeriu është humbje e madhe. Është e pakuptimtë që të vriten njerëzit mes veti për motive të ulëta, siç ishte rasti i Prizrenit, që nga një përleshje e qenve ka acaruar, degjeneruar raporti deri te vrasja. Apo te rasti i vrasjes së trefishtë në Gjilan që është tmerr, dukuri e rëndë, sepse dukuria e fajdes është prezente në shumë vende të Kosovës dhe si e tillë është koha e fundit që institucionet t’i thonë stop atyre që për motive pasurore kryejnë këtë veprimtari kriminale të dënuar me ligj”, tha ai.

Megjithatë, Çollaku tha se bazuar në statistikat zyrtare, Kosova ende qëndron më mirë se shumica e vendeve të rajonit për nga numri i vrasjeve.

“Janë shqetësuese këto të dhëna për numrin e madh të vrasjeve brenda dy-tri ditëve. Megjithatë, unë i referohem statistikave zyrtare si tregues se si qëndron Kosova me dukurinë e vrasjeve. Nga janari deri tani kishim një numër shumë të vogël të vrasjeve, diku shtatë sipas të dhënave zyrtare, tani vetëm në muajin gusht pesë vrasje. Megjithatë, jemi ende në atë nivelin e kënaqshëm sa i përket statistikave, që do të thotë që Kosova në aspektin e sigurisë së brendshme dhe prezencës së dukurive negative nuk qëndron keq në raport me vendet e rajonit”, tha Çollaku.

Por, këto ngjarje, sipas tij, duhet të shihen si një sinjal i qartë për veprim të koordinuar.

“Ky është tregues dhe alarmi i fundit që të mobilizohen institucionet, policia, prokuroria, gjykata të kryejnë të gjitha punën e vet si duhet dhe kësisoj të reduktohet, nëse jo të zhduket, sepse është e pamundur të zhduket, të reduktohet kjo kategori e veprave penale”, tha profesori Çollaku.

Duke komentuar rastin në Gjilan, ai tha se në aspektin procedural-penal, veprimet e deritanishme kanë qenë në përputhje me ligjin.

“Në aspektin procedural-penal, gjërat janë të qarta sipas ligjit në fuqi. Nga raportimet rezulton se me pëlqimin e gjyqtarit të procedurës paraprake, gjithçka sipas ligjit, është lënë një dorëzani e madhe në vlerë shumë të madhe dhe ata kanë ndërprerë paraburgimin në atë kohë dhe janë lënë në liri që të zhvillohen procedurat. Asgjë nuk është vepruar joligjore”, tha ai.

Megjithatë, Çollaku nënvizoi se rastet e përsëritjes nga persona me precedent penal duhet të trajtohen me kujdes më të madh.

“Te recidivizmi, te rastet e rënda si te personat e dyshuar, pra babai i këtyre fëmijëve që është i dyshuar kryesor me numër shumë të madh të veprave penale, atëherë ndoshta do të duhej që të ketë një qasje më rigoroze organet edhe të drejtësisë edhe këto të hetuesisë, që të mos ja lejojnë rastit fare. Është një parim që vendimet gjyqësore nuk mund të komentohen në kuptimin që gjykata është e fundit, në rastin konkret jemi duke folur për procedura që nuk kanë arritur ende në gjykatë, sepse bëhet fjalë për fazën paraprake ku ata janë lënë të lirë në bazë të dorëzanisë e si e tillë dorëzania njihet me ligj si një nga mënyrat për të pasur personin të qasshëm në procedurë penale,” tha Çollaku.

Kur presidenti amerikan, Donald Trump, dhe homologu i tij rus, Vladimir Putin, të takohen këtë javë në Alaskë për të negociuar dhënien fund të luftës në Ukrainë, të shumtë janë ata që presin pakt. Ukrainasit nuk janë në mesin e tyre.

Pas më shumë se tre vjetësh luftë dhe bisedimeve për paqe që përfundonin ende pa nisur mirë, më pas ultimatumeve të papërfillshme, dhe mijëra të vdekurve, Ukraina tenton t’iu bëjë ballë trupave ushtarake ruse.

Optimizmi se do të ketë përparim në bisedimet në Alaskë, më 15 gusht, është shumë i zbehtë në Ukrainë – të paktën deri më tani.

“Nuk ka shumë për të shpresuar për ndonjë zhvillim pozitiv”, ka thënë një burrë në Kiev për televizionin Current Time.

“Mendoj se është fazë e re në zinxhirin e afateve kohore. Frikësohem se situata do të zvarritet kështu deri në fund të mandatit të presidentit aktual amerikan”.

Përpara takimit, Uashintoni duket se ka nisur t’i përgatisë Kievin dhe Moskën për kompromise të mëdha, në mënyrë që të përfundojë lufta, pasi nënpresidenti amerikan, JD Vance, ka paralajmëruar se ka mundësi që të dyja palët do të mbesin të pakënaqura nga marrëveshja përfundimtare.

Rusia e ka injoruar vazhdimisht idenë e takimit me presidentin ukrainas, Volodymyr Zelensly, duke thënë se diçka e tillë mund të ndodhë pasi palët të jenë gati për të nënshkruar marrëveshjen për paqe, dhe jo për një marrëveshje armëpushimi.

Por, ai moment duket shumë larg, për shkak të dallimeve të thella në qëndrime mes rusëve dhe ukrainasve në shumë aspekte, përfshirë territorin dhe sigurinë, pavarësisht tri rundeve të bisedimeve direkte në Turqi prej mesit të majit.

Putin e ka refuzuar propozimin e Zelenskyt për t’u takuar ballë për ballë, kur dy shtetet kanë zhvilluar rundin e parë të negociatave në Stamboll.

Ai ka thënë javën e kaluar se sërish e ka bindjen e njëjtë, dhe që nuk ka asgjë kundër takimit me Zelenskyn, por që fillimisht duhet të “krijohen disa kushte”, dhe që ato momentalisht janë “shumë larg”.

“Nuk pres asgjë nga takimi. Pres vetëm prej ushtrisë ukrainase”, ka thënë një grua në Kiev.

Bisedimet zhvillohen në një moment të rëndësishëm, pasi Trumpi duket se është shumë i zemëruar me Putinin. Presidenti rus, në anën tjetër, nuk duket se ka disponim që të heqë dorë prej synimeve fillestare.

Trump dhe Putin i kanë zhvilluar gjashtë biseda telefonike, ndërsa një zyrtar i lartë amerikan ka urdhëtuar në Moskë të paktën tri herë.

Vendimi për ta takuar Putinin ballë për ballë – diçka që paraardhësi i Trumpit, Joe Biden, e ka refuzuar me çdo kusht pas nisjes së luftës – reflekton bindjen e presidentit amerikan që marrëdhënia e tij me liderin rus do të rezultojë me marrëveshje për paqe të qëndrueshme.

Për Putinin, takimi me Trumpin – pa prezencën e Zelenskyt apo ndonjë zyrtari tjetër ukrainas – është fitore e vogël, dhe reflekton pozicionin e Putinit se Zelensky është lider jolegjitim dhe që marrëveshja për përfundim të luftës mund të arrihet vetëm me Shtetet e Bashkuara.

Udhëtimi në Shtetet e Bashkuara përbën një tjetër fitore për Putinin, ndaj të cilit ekziston fletarrestim i lëshuar nga Gjykata Ndërkombëtare Penale, nën dyshimet se ka kryer krime lufte.

Vetëm vendet anëtare të gjykatës janë të obliguara që ta ndalojnë atë, ndërsa administrata Trump ka qasje armiqësore ndaj tribunalit të Hagës.

Megjithatë, një grua ukrainase i ka thënë televizionit Current Time se ndonëse nuk pret përparim si rezultat i takimit, ndoshta Trump do të mund ta shtyjë Putinin në rrugën e paqes.

“Nuk pres më asgjë”, ka thënë ajo. “Por, në fakt shpresoj për diçka, edhe miqtë e mi njëjtë, që Trumpi do të bëjë diçka”.

Ministrat e jashtëm evropianë kanë bërë thirrje për “unitet transatlantik” për të ndihmuar në përfundimin e luftës në Ukrainë.

Kaja Kallas, shefja e politikës së jashtme të Bashkimit Evropian, ka zhvilluar takime virtuale me ministrat e jashtëm sot.

Ajo tha se BE-ja do të punojë për më shumë sanksione kundër Rusisë, më shumë mbështetje ushtarake për Ukrainën dhe procesin e pranimit të Ukrainës në bllok.

“Uniteti transatlantik, mbështetja për Ukrainën dhe presioni ndaj Rusisë janë mënyra se si do ta përfundojmë këtë luftë dhe do të parandalojmë agresionin e ardhshëm rus në Evropë”, tha ajo në një postim në X.

Një person dyshohet se është sulmuar nga dy persona në orët e para të së shtunës pranë Liqenit të fshatit Përlepnicë.

Zëdhënësi i Policisë për Rajonin e Gjilanit, Ismet Hashani, ka thënë se personat e dyshuar për sulmin deri tani janë të panjohur.

“I lënduari fillimisht ka pranuar tretman mjekësor në Qendrën Emergjente në Gjilan e më pas është dërguar në QKUK për trajtim të mëtejmë”, ka thënë ai.

Hashani ka shtuar se po punohet në ndriçimin dhe sqarimin e rrethanave të këtij rasti në koordinim me Prokurorin e Shtetit.