ATV

Author: G.O.

  • Rutte pas shkeljeve me dronë: Duhet ta ruajmë qiellin tonë

    Rutte pas shkeljeve me dronë: Duhet ta ruajmë qiellin tonë

    Sekretari i Përgjithshëm i NATO-s, Mark Rutte, ka bërë thirrje të martën për përpjekje shtesë për ta mbrojtur më mirë hapësirën ajrore të aleatëve, pas një sërë shkeljesh të hapësirës ajrore dhe shfaqjes së dronëve.

    “Ne duhet ta mbajmë qiellin tonë të sigurt”, tha Rutte, duke folur përkrah presidentes së Komisionit Evropian, Ursula von der Leyen, para një takimi me komisionarët e BE-së.

    “Ne e kemi parë gjatë javëve të fundit se çfarë ka ndodhur me dronët në Poloni, MiG-31 [avionët luftarakë) në Estoni, por edhe çfarë po ndodh tani në Danimarkë”, tha Rutte.

    Në fillim të shtatorit, tre avionë luftarakë rusë hynë në hapësirën ajrore të Estonisë pasi një numër i madh dronësh rusë depërtuan në hapësirën ajrore polake. Pamje të përsëritura të dronëve në Danimarkë shkaktuan pengesa të mëdha në trafikun ajror danez.

    “Në Danimarkë, ne ende po vlerësojmë se çfarë fshihet pas kësaj, por kur bëhet fjalë për Poloninë dhe Estoninë, është e qartë se janë rusët. Megjithatë, ne ende po vlerësojmë nëse është e qëllimshme apo jo. Por, edhe nëse nuk është e qëllimshme, është pakujdesi dhe e papranueshme”, theksoi Rutte.

    Rutte mbështeti idenë e ndërtimit të ashtuquajturit “murit të dronëve” për ta mbrojtur më mirë hapësirën ajrore evropiane, duke e cilësuar atë si gjënë “e duhur dhe domosdoshme”.

    “Ne nuk mund të shpenzojmë miliona euro ose dollarë për raketa për të rrëzuar dronë që kushtojnë vetëm disa mijëra dollarë”, tha Rutte.

    Nisma, e promovuar nga von der Leyen, pritet të diskutohet nga liderët e Bashkimit Evropian të mërkurën në Kopenhagë.

    Von der Leyen premtoi “veprime të menjëhershme për krijimin e murit të dronëve”.

    “Evropa duhet të japë një përgjigje të fortë dhe të bashkuar ndaj depërtimeve të dronëve rusë në kufijtë tanë”, tha ajo.

  • PZAP refuzon ankesën e PDK-së kundër LVV-së

    PZAP refuzon ankesën e PDK-së kundër LVV-së

    Paneli Zgjedhor për Ankesa dhe Parashtresa (PZAP) ka refuzuar ankesën e Partisë Demokratike të Kosovës ndaj Lëvizjes Vetëvendosje.

    PZAP thotë se më datë 28.09.2025 ka pranuar një ankesë nga subjekti politik Partia Demokratike e Kosovës (PDK), me të cilën pretendon se më datë 27.09.2025, kandidatja për Kryetare të Drenasit, Egzona Tërdevci, nga subjekti politik “Lëvizja Vetëvendosje”, në rrjetin social Facebook, në profilin e saj ka postuar një shkrim se PDK ka dy kandidatë në garë për kryetar të Drenasit, duke aluduar në Petrit Hajdari dhe Ramiz Lladrovci.

    Në vendimin e PZAP-it thuhet se paneli pas shikimit të shkresave të lëndës dhe përgjigjes në ankesë, vlerësoj se pretendimet në ankesë se kandidatja për kryetare të Komunës së Drenasit, Egzona Tërdevci për subjektin politik Lëvizja Vetëvendosje, me postimin e saj në rrjetin social facebook “Sonte nga ora 20:20 debati për Drenasin në RTK. Të sinkronizuar si në çdo veprim tjetër, edhe sot dy kandidatët e PDK-së nuk ishin prezent në këtë debat. Ju ftoj të na ndiqni!”, janë të paqëndrueshme dhe si të tilla i refuzoj për faktin se veprimet e përshkruara në ankesë nuk paraqesin shkelje të dispozitës së nenit 32 të Ligjin Nr. 08/L-228 Për zgjedhjet e përgjithshme në Republikën e Kosovës -së, me të cilën përcaktohet se: “Kodi i Sjelljes për subjektet politike dhe mbështetësit e tyre dhe kandidatët ka për qëllim krijimin e kushteve në të cilat populli i Kosovës mund të zgjedhë përfaqësuesit e tij përmes zgjedhjeve të lira, të drejta dhe të mirë informuara në një atmosferë të tolerancës demokratike, paqes dhe respektit për sundimin e ligjit”.

  • Covey: Thaçi kishte marrëdhënie të ndërlikuar me komandantët e UÇK-së

    Covey: Thaçi kishte marrëdhënie të ndërlikuar me komandantët e UÇK-së

    Teksa fliste rreth pikturës që u shfaq në sallën e gjyqit, dëshmitari amerikan Jock Covey, tregoi se Hashim Thaçi kishte marrëdhënie të ndërlikuar me komandantët e UÇK-së.

    Pos kësaj, ish-zëvendësi i Bernard Kouchnerit tregoi se komandantët e UÇK-së në terren, kishin shfaqur mungesë respekti ndaj tij.

    “Jo, ai nuk la ndonjë përshtypje në atë kohë, nuk mori pjesë. As nuk kishte kërkuar që të bënte një gjë të tillë”, tha Covey në pyetjen nëse Thaçi kishte marrë pjesë në takime.

    “Gjeneral Çeku fliste në emër të UÇK-së”.

    “Më kujtohet qartë sepse në fakt dukej sikur po konfirmonte fuqishëm atë që besonim që në fillim, pra që Thaçi kishte një marrëdhënie të ndërlikuar me komandantët në terren, me komandantët e UÇK-së dhe se ata kishin pak kohë ose më mirë thënë, kishin shfaqur mungesë respekti ndaj tij, pra nuk kishin respekt ndaj tij, në këtë rast pra, kur shohim këtë vizatim”, u shpreh dëshmitari.

  • Ngadhnjim Arrni emërohet udhëheqës i Departamentit Special në kuadër të Gjykatës Themelore në Prishtinë

    Ngadhnjim Arrni emërohet udhëheqës i Departamentit Special në kuadër të Gjykatës Themelore në Prishtinë

    Këshilli Gjyqësor i Kosovës (KGJK), në vijim të mbledhjes së 352-të, miratoi raportin e Panelit për shqyrtimin e aplikacioneve, intervistimin, vlerësimin dhe rekomandimin e kandidatëve për pozitën e udhëheqësit të Departamentit Special në kuadër të Gjykatës Themelore në Prishtinë.

    Në njoftimin për media thuhet se bazuar në rekomandimin e Komisionit Vlerësues dhe pas procesit të votimit, anëtarët e KGJK-së zgjodhën me shumicë votash Ngadhnjim Arrnin si udhëheqës të Departamentit Special në kuadër të Gjykatës Themelore në Prishtinë.

    Mandati i tij është pesëvjeçar dhe do të fillojë nga data 1 tetor 2025. /Telegrafi/

  • Ditë vendimtare në Shtëpinë e Bardhë për Gazën, Trumpi: Diçka speciale po vjen

    Ditë vendimtare në Shtëpinë e Bardhë për Gazën, Trumpi: Diçka speciale po vjen

    Sot është një ditë vendimtare për paqen në Gaza. Presidenti amerikan, Donald Trump, pret në Zyrën Ovale kryeministrin e Izraelit, Benjamin Netanjahu. Në fokus të bisedimeve në Shtëpinë e Bardhë do të jetë plani 21 pikësh për përfundimin e luftës në Rripin e Gazës.

    “Ne kemi një mundësi reale për madhështi në Lindjen e Mesme. Të gjithë janë pajtuar për diçka shumë speciale, për herë të parë në histori”, njofton presidenti amerikan përmes rrjeteve sociale, duke premtuar se takimi mes Netanjahun do të ketë një rezultat pozitiv.

    Por në një intervistë me Fox News, kryeministri izraelit nuk tha se e kishte pranuar planin. “Po punojmë për të”, tha ai. “Nuk është finalizuar ende”. Kurse Hamasi njoftoi se nuk kishte marrë asnjë propozim të ri për armëpushim. Në një deklaratë, Hamasi përsëriti “gatishmërinë për të shqyrtuar çdo propozim që merr nga vëllezërit e tij ndërmjetës në një mënyrë pozitive dhe të përgjegjshme, duke ruajtur njëkohësisht të drejtat kombëtare të popullit palestinez”.

    Netanyahu pritet të paraqesë rezerva dhe të shtyjë për ndryshime në planin e armëpushimit, thanë të dielën tre zyrtarë izraelitë, duke nënvizuar vështirësinë e arritjes së një marrëveshjeje, edhe nëse shumë nga detajet janë përpunuar paraprakisht.

    Ai kërkon që të kufizojë rolin e Katarit në Gazën e pasluftës. Edhe vende të ndryshme arabe dhe Autoriteti Kombëtar Palestinez i kanë kërkuar administratës amerikane që të modifikojë planin për paqen në Rripin e Gazës. Sipas medias izraelite, Channel 12, ata kërkojnë riformulimin e pikës për dorëzimin e armëve nga Hamasi.

    Por paqja nuk vjen nga qielli për palestinezët në Gaza… por vetëm vdekja, shkatërrimi dhe disa fletushka të hedhura nga ushtria e Izraelit. Në to lexohej kërkesa e qartë për civilët që të largoheshin nga qyteti kryesor i enklavës, ku IDF vijon me ofensivën e ashpër tokësore. Protestat ndaj kryeministrit Netanyahu në Izrael nuk kanë ndalur, ndërsa, një instalacion i madh arti është parë në një plazh në Tel Aviv, me imazhe të Presidentit të SHBA-së Donald Trump dhe Kryeministrit të Izraelit përballë njëri-tjetrit me fjalët “Mos u mashtroni përsëri”. Në vepër, Netanyahu shfaqet me një hundë të gjatë.

  • 12 vjet burgim ndaj të akuzuarit për vrasjen e vjehrrit në Prishtinë, iu ricilësua vepra penale

    12 vjet burgim ndaj të akuzuarit për vrasjen e vjehrrit në Prishtinë, iu ricilësua vepra penale

    jykata Themelore në Prishtinë ka shpallur aktgjykim dënues ndaj Edon Bujupit i akuzuar për vrasjen e vjehrrit të tij A.K. Me këtë aktgjykim, Bujupi u shpall fajtor për “Vrasje e kryer në tejkalim të mbrojtjes së nevojshme” dhe u dënua me 12 vjet burgim.

    Aktgjykimi ndaj të akuzuarit Bujupi u shpall të hënën nga kryetarja e trupit gjykues, Fatime Dermaku, raporton “Betimi për Drejtësi”.

    Sipas vendimit, në dënimin me burgim, të akuzuarit do t’i llogaritet edhe koha e kaluar në paraburgim, masë e cila iu vazhdua.

    Bujupi obligohet edhe për shpenzimet procedurale dhe atë për paushallin gjyqësor shumën prej 100 euro dhe 50 euro të tjera për fondin për kompensimin e viktimave të krimit, në afat prej 15 ditësh nga plotfuqishmëria e aktgjykimit.Palët e dëmtuara A.K., dhe A.K., udhëzohen në kontest të rregullt juridiko-civil. Ankesa është e lejuar në afat prej 30 ditësh në Gjykatën e Apelit përmes kësaj gjykate.

    Në arsyetimin e vendimit, gjykatësja Dermaku tha se arsyeja e ricilësimit të veprës penale nga “Vrasje” në “Vrasje e kryer në tejkalim të mbrojtjes së nevojshme” është se i akuzuari ka qenë i sulmuar nga viktima dhe dëshmitari.

    Sipas aktakuzës së Prokurorisë Themelore në Prishtinë, e datës 21 tetor 2024, thuhet se Edon Bujupi, me datë 29 nëntor 2023, rreth orës 21:15, në banesën e tij në rrugën “Ali Vitija”, pas një mosmarrëveshjeje mes tij dhe miqve të tij (babait dhe vëllait të gruas), kanë filluar përleshjen mes vete, ku gjatë përleshjes fizike, me dashje që ta privojë nga jeta, i pandehuri Edon godet me armë të ftohtë – thikë e cila kishte gjatësinë e tehut 19 centimetra – në regjionin e majtë të kraharorit tani të ndjerit A.K., i cili si pasojë e plagëve të shkaktuara ka ndërruar jetë në SHSKUK.

    Me këtë, Bujupi sipas aktakuzës thuhet se ka kryer veprën penale “Vrasje” nga neni 172 i Kodit Penal të Republikës së Kosovës.

  • A duhet të ruani ushqimet e mbetura në letër alumini?

    A duhet të ruani ushqimet e mbetura në letër alumini?

    Shumica prej nesh e kanë përdorur fletë alumini të paktën një herë për të mbështjellë mbetjet e ushqimit ose për të paketuar ushqime për t’u marrë me vete.

    Ndërsa shpesh konsiderohet një zgjidhje e përshtatshme dhe e shpejtë, ekspertët paralajmërojnë se letra e aluminit në fakt nuk është mënyra më e sigurt për të ruajtur ushqimin.

    Ndryshe nga enët ose qeset plastike që mund të mbyllen hermetikisht, letra e aluminit nuk ofron mbrojtje të plotë. Ajri mund të arrijë lehtësisht në ushqim, gjë që rrit rrezikun e prishjes dhe rritjen e baktereve të dëmshme. Përveç kësaj, lagështia nga ushqimi mund të avullojë, duke bërë që ushqimi të humbasë freskinë dhe strukturën e tij më shpejt.

    Ushqimi i mbështjellë me letër alumini mund të ndryshojë aromën dhe shijen e tij, veçanërisht nëse është acid ose i kripur. Në raste të tilla, ndodh një reaksion midis aluminit dhe përbërësve në ushqim, gjë që është e padëshirueshme si për shijen ashtu edhe për pasojat e mundshme shëndetësore.

    Gjithashtu nuk rekomandohet që ushqimi i nxehtë të mbështillet direkt në letër alumini. Është më mirë të prisni që ushqimi të ftohet në temperaturën e dhomës përpara se ta mbështillni, dhe vetëm nëse do të ruhet për një kohë të shkurtër, jo më shumë se një ose dy ditë.

    Nëse përdorni rregullisht letër alumini për të ruajtur ushqimin, merrni në konsideratë mundësi të tjera që e mbrojnë më mirë ushqimin dhe i zgjasin freskinë. Enët prej qelqi ose plastike me kapak janë një zgjedhje më e sigurt dhe që zgjasin më shumë.

     

  • Pirro Çako ndan një fotografi të veçantë për t’i thënë lamtumirë nënës së tij, Luiza Çako

    Pirro Çako ndan një fotografi të veçantë për t’i thënë lamtumirë nënës së tij, Luiza Çako

    Është shuar sot në moshën 88-vjeçare sopranoja e njohur, Luiza Papa Çako, duke lënë një boshllëk të madh në skenën operistike dhe në artin muzikor shqiptar.

    Luiza Çako ka lënë pas një karrierë të gjatë dhe të pasur artistike, me interpretime dhe role që do të mbeten gjithmonë të paharrueshme për publikun shqiptar.

    Pas lajmit të trishtueshëm, djali i saj, kantautori i njohur Pirro Çako, ka reaguar në rrjetet sociale duke publikuar një fotografi të vjetër nga fëmijëria, ku shihet duke qëndruar në krahët e nënës së tij.

    “Lamtumirë, nëna ime”, ka shkruar ai krahas fotografisë së veçantë, duke treguar dashurinë dhe respektin e thellë për të.

    Luiza Çako shquhej për talentin e saj të rrallë, për përkushtimin në skenë dhe për kontributin e vyer që i ka dhënë artit në vend.

    Me një repertor të gjerë dhe të larmishëm, nga muzika popullore deri te veprat më të mëdha operistike, ajo ka sjellë në jetë dhjetëra role, duke lënë gjurmë të thella në historinë e Teatrit të Operës dhe Baletit.

    Trashëgimia e saj artistike do të mbetet një burim frymëzimi për gjeneratat e ardhshme, ndërsa kujtimi i saj do të qëndrojë i gjallë në zemrat e publikut dhe kolegëve të saj. /Telegrafi/

  • A i shpeshton qimet rruajtja e shpeshtë?

    A i shpeshton qimet rruajtja e shpeshtë?

    A e keni ditur se rruajtja nuk ka asnjë ndikim në trashësinë apo shpejtësinë e rritjes së qimeve tuaja? Po, kjo është një nga keqkuptimet më të zakonshme që ekziston. Shumë njerëz besojnë se sa më shpesh të rruajnë një zonë të trupit, e sidomos kokës, aq më të forta dhe të dendura bëhen qimet. Por, e vërteta është shumë më interesante.

    Kur heqni qimet nga një zonë e trupit, ju thjesht keni prerë qimen në nivelin e sipërm të lëkurës. Folikulat e flokëve, ato struktura të vogla që prodhojnë qimet, nuk preken fare. Ato vazhdojnë të punojnë në të njëjtën mënyrë, duke prodhuar qime me të njëjtën trashësi dhe shpejtësi si më parë.

    Shumë njerëz e vërejnë që qimet e reja duken më të trasha, më të forta, apo më të dendura pas rruajtjes. Por ky efekt është thjesht një iluzion optik dhe ndjesor. Kur prerë qimen, maja e saj e hollë dhe e natyrshme zëvendësohet me një majë të prerë dhe të drejtë, që është më e trashë në prekje dhe duket më e fortë. Pra, ajo që ju perceptoni si rritje më e shpejtë apo trashësi më e madhe, nuk është në të vërtetë një ndryshim biologjik, është vetëm forma e qimes së prerë.

    Një tjetër fakt interesant është se mënyra si rruani qimet mund të ndryshojë ndjesinë e tyre. Prerja me brisk ose me makinë elektrike i bën qimet të ndihen më të forta, por nuk ka asnjë ndikim real në folikula. Folikulat vazhdojnë të prodhojnë qime në të njëjtën mënyrë, në të njëjtin ritëm, pavarësisht sa shpesh rruni.

    Kjo nuk ndodh vetëm me qimet e trupit, e njëjta gjë vlen edhe për flokët e kokës. Shumë njerëz besojnë se prerja e flokëve i bën ato të rriten më shpejt dhe më të forta. Por në fakt, prerja e flokëve është thjesht një mënyrë për të larguar majat e dëmtuara ose të thyera, duke i bërë flokët të duken më të shëndetshëm dhe më të dendur, por jo më të shpejtë ose më të trashë në rrënjë.

    Pra, ky është një kuriozitet i bukur i natyrës: trupi ynë ka ritmet e veta të rritjes së qimeve dhe nuk mund t’i “mashtrosh” me rruajtje. Çfarë mund të bëni, megjithatë, është të kujdeseni për lëkurën dhe qimet tuaja, për t’i mbajtur të shëndetshme dhe të bukura. Rruajtja është thjesht një mënyrë praktike për t’u ndjerë pastër dhe të qetë, por jo një mjet për të ndryshuar biokiminë e trupit.

    Në fund të fundit, trupi ynë është i mrekullueshëm dhe çdo folikulë ka funksionin e vet. Pra, mos u shqetësoni për mitet që thonë se sa më shpesh të rruani, aq më shumë do të rriten qimet. Thjesht shijoni ndjesinë e pastërtisë dhe kujdesit për trupin tuaj, dhe mbajeni këtë fakt të bukur si një kuriozitet për të ndarë me të tjerët: rruajtja nuk ndryshon folikulat, por ju bën të ndiheni mirë.

  • Kon e kishe ndërru ma lehtë, berberin… apo të dashurën?

    Kon e kishe ndërru ma lehtë, berberin… apo të dashurën?

    E pyeta vëllain, një koleg në punë edhe djalin e axhës:

    Qe sa vite e keni te njëjtin berberin?

    Krejtë m’than se qe 8/9 vjet nuk kishin nderru

    E Njani tha: Qysh kur s’kom pas mjekër, ai ma ka qeth ballin.

    Respekt për berberin…

    Po i pyes edhe për lidhje, pra Sa ka qene lidhja ma e gjatë që ke pas?

    Njani m’tha: 3 muaj, tjetri: 4, me pauza.

    A po e kuptoni?

    Berberi – 10 vjet.

    Femra – 3 muaj.

    Pse be djemmm?

    Jom e sigurt që edhe ti që po e sheh këtë video, berberin e ke ma gjatë se çdo lidhje që ke pas.

    Po I bjen qe ma shumë jeni besnik me ata që ua pret qafën, se te ajo që ju jep zemrën?

    Edhe jo veç te na.

    Edhe në Britani kanë bo një anketë me mbi 2,000 persona,

    Edhe e dini çka doli?

    Mesatarisht 3 nga 10 burra kanë thonë që kurrë s’e ndrojnë berberin, çka do që të ndodhë.

    13% e kanë pranuar që do ndiheshin ma fajtor me tradhtu berberin, sesa partneren!

    Me fakte tash, jo vec me mendime.

    Sipas djemve gjithmonë, berberi nuk të streson. Nuk t’pyet ku je, me kë je, a s’po më shkru.

    Me berberin ke lidhje pa presion, pa xhelozi, ti hyn, ulësh, dhe për 5 apo edhe 10 euro… del njeri i ri.

    Disa burra kanë një lidhje 10-vjeçare me berberin, e s’dinë as emrin e dytë të partneres.

    Po e tradhtove partneren… okej, mund të flasësh, të kërkosh falje, të bësh ndonjë gjest romantik.

    Po e tradhtove berberin… ke marrë fund ai nuk të sheh më me sy as qeth nuk të qeth më.
    Sepse berberi është i vetmi që të pyet: “Si zakonisht?” dhe e di saktësisht çfarë do.

    Partnerja? Ajo ndonjëherë as vetë s’e di çfarë do nga ti sipas djemve edhe kjo.

    Në fund të ditës, për disa burra, besnikeria s’është te zemra… por te karriga e berberit.

    Ti çfarë do bëje?

    Kon e kishe ndrru ma lehte, berberin… apo partneren?