ATV

Author: G.O.

  • KQZ: Sot mbyllet afati për aplikim për akreditim të vëzhguesve e mediave

    KQZ: Sot mbyllet afati për aplikim për akreditim të vëzhguesve e mediave

    Sot do të mbyllet afati për aplikim për akreditimin e vëzhguesve dhe mediave për vëzhgimin e zgjedhjeve të parakohshme për Kuvendin e Kosovës, të cilat do të mbahen më 28 dhjetor 2025.

    Zëdhënësi i KQZ-së, Valmir Elezi, ka thënë se periudha e aplikimit, e cila ka filluar më 5 dhjetor, do të përfundojë më 20 dhjetor 2025.

    “Deri në këtë datë, subjektet politike të certifikuara, OJQ-të, organizatat qeveritare dhe ndërqeveritare, organizatat ndërkombëtare të specializuara të cilat merren me zgjedhjet dhe mbrojtjen e të drejtave të njeriut, mediat si dhe përfaqësuesit e vendeve të huaja, mund të dorëzojnë online kërkesën e tyre për akreditimin e vëzhguesve”, njoftoi Elezi.

    Sipas tij, akreditimi u mundëson vëzhguesve të përcjellin nga afër aktivitetet e Komisionit Qendror të Zgjedhjeve, jo vetëm në ditën e zgjedhjeve.

    “Vetëm vëzhguesit e akredituar nga Komisioni Qendror i Zgjedhjeve do të mund tëi vëzhgojnë procesin përgatitor, mbajtjen e zgjedhjeve dhe aktivitetet tjera që do të zhvillohen në 38 Qendrat Komunale të Numërimit (QKN) dhe Qendrën e Numërimit dhe Rezultateve (QNR)”, tha Elezi.

    Deri më tani, KQZ ka akredituar 586 vëzhgues, të cilët përfaqësojnë: organizata jo-qeveritare vendore, organizata ndërkombëtare, media vendore / ndërkombëtare, institucione shtetërore dhe përfaqësi diplomatike.

    Si bëhet aplikimi?

    Hapi i parë: Përfaqësuesi i autorizuar (i organizatës joqeveritare, organizatës qeveritare/ndërqveritare, organizatës ndërkombëtare të specializuar në zgjedhje dhe të drejtat e njeriut; mediave; dhe përfaqësuesi i vendeve të huaja) duhet të plotësojë online të dhënat që kërkohen në platformën: https://apliko.kqz-ks.org

    Hapi i dytë: Pas aplikimit, Zyra për Regjistrim, Certifikim dhe Kontrollin Financiar të Subjekteve Politike (ZRCKFSP) do të shqyrtojë dhe do të miratojë ose jo aplikimin fillestar. Pas vërtetimit të aplikimit, ZRCKFSP, do t’i përcjellë përmes e-mailit përfaqësuesit të autorizuar kredencialet për t’u qasur në platformën online në mënyrën që të bashkangjesë edhe të dhënat për personat e organizatës / medias që kërkon të akreditohen.

    Informacione shtesë:

    ·  Për më shumë informacione dhe sqarime, mund të kontatoni në Zyrë përmes e-mailit [email protected] apo përmes telefonit +383 38 200 81 010.

  • Dëmtohen pesë vetura në “Muharrem Fejza”, një person i panjohur ndezi zjarr

    Dëmtohen pesë vetura në “Muharrem Fejza”, një person i panjohur ndezi zjarr

    Një person i panjohur është vërejtur duke ndezur zjarre në rrugën “Muharrem Fejza” në kryeqytet.

    Policia tha se si pasojë janë dëmtuar pesë vetura, ndërsa tha se po e hetojnë rastin.

    “Rr. Muharrem Fejza, Prishtinë  19.12.2025 – NN. Është raportuar se një person i panjohur i cili është vërejtur se kishte ndezur zjarre dhe si pasojë e zjarrit janë dëmtuar pesë vetura. Njësitë policore kanë dalë në vendin e ngjarjes dhe janë duke e hetuar rastin”, thuhet në raportin 24-orësh të policisë.

  • Horoskopi ditor – Çfarë kanë parashikuar yjet për ju sot?

    Horoskopi ditor – Çfarë kanë parashikuar yjet për ju sot?

    Dashi

    21 mars – 19 prill

    Me Marsin, planetin tuaj sundues, në majë të hartës suaj për herë të parë që nga viti 2024, ambicia juaj zgjohet. Ju ndiheni gati për gjithçka. Kur angazhoheni për një ide, jepni maksimumin. Megjithatë, sot lajmet nga media ose botimet mund t’ju ngatërrojnë ose t’ju mërzisin. Ndoshta është koha për pak pushim nga lajmet.

    Shtyni për një ditë tjetër bisedat e rëndësishme për financat, pronat e përbashkëta, bankat ose trashëgimitë. Sot ka shumë konfuzion dhe mendime negative. Në vend të kësaj, bëni diçka ndryshe. Dilni nga rutina juaj.

    Binjakët

    21 maj – 20 qershor

    Mos u zhgënjeni nëse bisedat me partnerin, bashkëshortin ose miqtë e afërt duken joreale ose dekurajuese. Figurave autoritare mund t’ju pengojnë. Mbani profil të ulët dhe vëzhgoni nga larg.

    Gaforrja

    21 qershor – 22 korrik

    Mënyra më e mirë për ta kaluar këtë ditë është të ruani paqen me partnerët, bashkëshortin dhe miqtë. Çështjet e punës mund të jenë të vështira, sidomos me eprorët. Nëse dikush ju zhgënjen, lëreni të shkojë. Mos bëni zhurmë për gjëra të vogla.

    Luani

    23 korrik – 22 gush

    Ju pëlqejnë argëtimi, arti dhe shoqëria, por sot mund të zhgënjeheni nga mënyra si zhvillohet diçka. Pyeteni veten nëse pritshmëritë tuaja ishin reale. Edhe romanca mund të zhgënjejë. Nëse keni fëmijë, jini pranë tyre.

    Virgjëresha

    23 gusht – 22 shtator

    Marrëdhëniet familjare mund të tensionohen shumë shpejt sot. Zgjidhja më e mirë është të dilni dhe të kërkoni argëtim, sport ose shoqëri të këndshme. Aktivitetet lozonjare me fëmijët janë të favorshme. Krijojeni vetë lumturinë tuaj. Qëndroni pozitivë.

    Peshorja

    23 shtator – 22 tetor

    Energjia juaj është më e ulët sot dhe mund të ndiheni të zhgënjyer nga një rezultat që prisnit më të mirë. Mos u fokusoni aty. Kaloni kohë me familjen dhe relaksohuni në shtëpi. Shtëpia është vendi ku ndiheni më mirë sot.

    Akrepi

    23 tetor – 21 nëntor

    Shmangni vendimet e rëndësishme financiare dhe blerjet e mëdha sot. Mund t’ju mungojnë informacionet e nevojshme ose të ngatërroheni. Kjo mund t’ju çojë në gabime. Gjeni dikë që t’ju dëgjojë, sepse keni nevojë t’i shprehni mendimet tuaja.

    Shigjetari

    22 nëntor – 21 dhjetor

    Sot mund të jetë e vështirë të mendoni pozitivisht. Detyrimet dhe përgjegjësitë ju kufizojnë. Autoritetet mund të kërkojnë shumë nga ju, ose ndoshta përgjegjësitë familjare ju lodhin. Të gjithë po kërkojmë një rrugëdalje. Merreni me qetësi.

    Bricjapi

    22 dhjetor – 19 janar

    Shumë njerëz ndihen të lodhur ose të mërzitur sot. Ju keni avantazh, sepse Marsi është në shenjën tuaj dhe Hëna gjithashtu. Gjërat kanë tendencë të shkojnë në favorin tuaj. Provoni t’i kërkoni universit një nder. Shihni çfarë ndodh.

    Ujori

    janar 20 – 18 shkurt

    Tregohuni të durueshëm dhe falës me të tjerët nëse ndiheni të zhgënjyer ose të nënvlerësuar. Shumë gjëra ndodhin pa qëllim sot. Mos i merrni personalisht. Nesër është një ditë më e mirë.

    Peshqit

    19 shkurt – 20 mars

    Sot nuk është dita e duhur për të kërkuar leje ose miratim nga figurat autoritare, si prindërit, shefat, mësuesit apo autoritetet. Shtyjini gjërat dhe thjesht kalojeni ditën me qetësi. Nesër do të jetë ditë më e lehtë.

  • Një grua dërgohet pa shenja jete në emergjencën e Gjakovës

    Një grua dërgohet pa shenja jete në emergjencën e Gjakovës

    Një grua në Gjakovë është dërguar pa shenja jete në emergjencën e spitalit, vdekjen e të cilës e ka konfirmuar mjeku.

    Sipas mjekut, ajo nuk kishte shenja dhune.

    Policia tha se po e heton vdekjen dhe se trupi i pajetë është dërguar për obduksion.

    “HETIM I VDEKJES – Rr. Mbretëresha Teutë, Gjakovë 19.12.2025, 23:00. Është raportuar se në Emergjencë është sjellë pa shenja jete viktima femër kosovare, vdekjen e të cilës e ka konfirmuar mjeku kujdestar. Sipas mjekut viktima nuk ka pasur shenja të dhunës. Me vendim të prokurorit trupi i pa jetë është dërguar në IML për obduksion”.

  • Ushtroi dhunë fizike ndaj babait, arrestohet i dyshuari në Prishtinë

    Ushtroi dhunë fizike ndaj babait, arrestohet i dyshuari në Prishtinë

    Një rast i dhunës në familje është raportuar të premten në Prishtinë.

    Sipas raportit policor, është arrestuar një i dyshuar mashkull kosovar, pasi që pas një mosmarrëveshjeje dyshohet se ka sulmuar fizikisht babanë e tij.

    Policia ka arrestuar të dyshuarin, i cili është intervistuar nga organet kompetente.

    Me vendim të prokurorit, i njëjti është dërguar në mbajtje.

  • Policia gjen armë dhe municion në një shtëpi të braktisur në Leposaviq

    Policia gjen armë dhe municion në një shtëpi të braktisur në Leposaviq

    Policia e Kosovës ka njoftuar se në një shtëpi të pabanuar në Leposaviq janë gjetur tri armë, 240 fishekë dhë një palë dylbi.

    Policia rastin e ka cilësuar si “armëmbajtje pa leje”.

    “Leposaviq 19.12.2025, 22:07. Njësit policore gjatë kontrollit në një shtëpi të pabanuar kanë gjetur dhe sekuestruar tri armë të ndryshme, 240 fishekë dhe një palë dylbi. Me vendim të prokurorit rasti procedohet në procedurë të rregullt”, thuhet në njoftimi policor.

  • Shpërthen gypi i ujit në Fushë Kosovë, një pjesë e zonës mbetet pa ujë

    Shpërthen gypi i ujit në Fushë Kosovë, një pjesë e zonës mbetet pa ujë

    Kompania Rajonale e Ujësjellësit “Prishtina” ka njoftuar se në orët e para të mëngjesit ka pasur një shpërthim të gypit të ujit fi 200mm Ac në rrugën “Nëna Tereza”, në drejtim të stacionit hekurudhor në Fushë Kosovë.

    Si pasojë e këtij shpërthimi, një pjesë e zonës ka mbetur pa furnizim me ujë.

    Ekipet teknike janë në terren dhe po bëjnë përpjekje maksimale për ta sanuar rrjedhjen sa më shpejt të jetë e mundur.

    “Kërkojmë mirëkuptimin e të gjithë konsumatorëve të prekur nga kjo ndërprerje e përkohshme. Faleminderit për mirëkuptim!”, thuhet në njoftimin e kompanisë.

  • Java e 18-të në Superligë nis me dy përballje të zjarrta

    Java e 18-të në Superligë nis me dy përballje të zjarrta

    Sot nis java e 18-të në “Albi Mall Superliga”, e cila hapet me dy ndeshje që pritet të ofrojnë spektakël.

    Ferizaji do të presë skuadrën e Llapit, me të dyja ekipet që synojnë fitoren për të përmirësuar pozitat në tabelë.

    Vëmendja tjetër do të jetë te përballja Prishtina – Drenica, ku “Toki” synon ta shënojë fitoren e parë pas rikthimit te kryeqytetasit.

    Të dyja ndeshjet do të zhvillohen në të njëjtën kohë, në orën 13:00.

  • Negociatat dështojnë, Franca shkon drejt në 2026 pa një buxhet të miratuar

    Negociatat dështojnë, Franca shkon drejt në 2026 pa një buxhet të miratuar

    Franca përballet me një legjislacion të përkohshëm emergjent për të shmangur mbylljen e qeverisë, pasi ligjvënësit braktisën bisedimet për buxhetin e vitit 2026, duke mos arritur të bien dakord për një projektligj kompromisi.

    Anëtarët e një komiteti të përbashkët ligjvënësish nga të dyja dhomat hoqën dorë pas më pak se një ore bisedimesh për të rënë dakord për një projektligj buxhetor.

    Kryeministri Sebastien Lecornu tha se do të konsultohet me udhëheqësit kryesorë politikë të hënën mbi hapat e mëtejshëm që duhen ndërmarrë, duke shtuar se nuk kishte më kohë të mjaftueshme për një votim parlamentar mbi një buxhet para fundit të vitit.

    Kolapsi e detyron Lecornun të kërkojë legjislacion emergjent për të lejuar shpenzimet, mbledhjen e taksave dhe huamarrjen në vitin e ri derisa të arrihet një marrëveshje për një buxhet të duhur.

    Guvernatori i bankës qendrore, Francois Villeroy de Galhau, paralajmëroi se kjo ofron vetëm një zgjidhje afatshkurtër.

    Franca përdori legjislacion të ngjashëm emergjence vitin e kaluar, për të cilin Ministrja e Buxhetit Amelie de Montchalin tha se kushtoi 12 miliardë euro përpara se një buxhet i plotë të miratohej në fillim të shkurtit.

    Investitorët dhe agjencitë e vlerësimit po shqyrtojnë me kujdes financat e Francës, ndërsa Lecornu po përpiqet të frenojë një deficit buxhetor që arrin në 5.4% të prodhimit këtë vit – më i larti në eurozonë.

    Ndryshe, negociatat e reja në janar mund të jenë po aq të vështira. Po rritet presioni mbi Lecornun për të përdorur kompetenca të veçanta kushtetuese për të anashkaluar parlamentin – diçka që ai është zotuar të mos e bëjë.

    Kreu i partisë republikane konservatore, Bruno Retailleau, i kërkoi atij të përdorte këto kompetenca, megjithëse një gjë e tillë ka të ngjarë të shkaktojë një votim të rrezikshëm mosbesimi që mund të rrëzojë qeverinë e tij.

  • Mbathja e këpucëve te fëmijët nën 1 vjeç: Pasojat dhe këshillat e nevojshme

    Mbathja e këpucëve te fëmijët nën 1 vjeç: Pasojat dhe këshillat e nevojshme

    Sipas një studimi, zhvillimi i këmbës së fëmijës do të favorizohet më tepër nëse ai do të ecë pa këpucë. Krahas kësaj, këpucët tepër të ngushta mund të shkaktojnë në këmbën e fëmijës deformim, dobësim të muskujve si edhe kufizim të lëvizjes.

    Këmba e fëmijës ka 200 000 përcjellës nervore në zonën e poshtme, 26 kocka në kavilje si edhe 100 muskuj dhe tendina.

    Lëvizja e kryer në mënyrën e gabuar të pjesëve të mësipërme të këmbës do të ketë efekte negative tek fëmija.

    Flasin ekspertët

    Jessi Stensland, themeluese e kompanisë “FeetFrex”, flet në lidhje me lëvizjen natyrale të këmbës së fëmijës, e cila shprehet se në momentin që fëmija vesh këpucë fillon të ecë keq.

    Duke i veshur ato tek fëmijët e vegjël (për shembull 18 muajsh), do të bëni të mundur që këmba të mos zhvillohet në mënyrë korrekte, pra me të gjithë potencialin e saj, sidomos nëse përdoren këpucë me shtresë të fortë mbështetëse.

    Edhe lëvizja e kaviljes do të kufizohet dhe kështu tek fëmija mund të shfaqen edhe probleme me mbajtjen e shpinës si edhe dhimbje në zonën përkatëse.

    Nëse do të dëshironi patjetër, apo do të jetë shumë e nevojshme, ekspertët këshillojnë që të përdorni këpucë që të kenë këto karakteristika:

    • Pjesa e poshtme të jetë shumë e hollë;
    • Të jenë tepë fleksible në çdo pjesë të tyre;
    • Te jenë tepër të lehta.

    Brenda shtëpisë ecja pa këpucë duhet të favorizohet sa më shumë të jetë e mundur.