ATV

Author: G.O.

  • Sa duhet të presim për të fjetur pas konsumimit të darkës?!

    Sa duhet të presim për të fjetur pas konsumimit të darkës?!

    Ekspertët kanë identifikuar dy arsye konkrete përse njeriu duhet të shmangë gjumin direkt pas të ngrënit, sidomos në darkë.

    Tretja dhe mbipesha
    Qëndrimi shtrirë pas ngrënies së një vakti të rëndë tingëllon shpërblyes, por për tretjen është një makth i vërtetë.

    Tretja është një proces që duhet bërë kur njeriu qëndron në pozicion vertikal. Kur stomaku është plot me ushqim dhe graviteti nuk është më në favorin tuaj, aciditeti i stomakut (që shtohet në volum e sasi gjatë tretjes) ngjitet lart nëpërmjet ezofagut dhe shkakton refluks acidi.

    Simptoma kryesore është urthi, ndjesia e dhimbshme e djegies në mes të kraharorit. Probleme të tilla do ju lënë pa gjumë dhe janë një eksperiencë jo e mirë.

    Nga ana tjetër, jo të gjitha ushqimet kanë të njëjtin ndikim nëse konsumohen vonë në mbrëmje. Për shembull, nëse para gjumit hani një copë pice të mbushur me karbohidrate e yndyrë dhe e shoqëroni me një pije të gazuar, ju me siguri do të përballeni me refluksin më të keq të aciditetit në jetë.

    Nëse hani një kivi para gjumit, ai padyshim do ju bëjë mirë se ky fut ka përbërës që përshpejtojnë gjumin.

    Veç këtyre, ngrënia e ushqimeve të rënda në mbrëmje është një faktor nxitës i mbipeshës, ndaj duhet shmangur.

    Stomaku plot, gjumë i trazuar
    Sipas ekspertëve, konsumi i ushqimeve të rënda para gjumit e vështirëson ardhjen e tij.

    Kafeina, alkooli, yndyra e tepërt prishin cilësinë e gjumit dhe e trazojnë atë duke penguar kështu një sërë procesesh rehabilituese për organizmin.

    Nëse ju hani dhe pini rëndë përpara gjumit, ju do të zgjoheni disa herë gjatë natës për të shkuar në banjë dhe kështu nuk do të flini mirë. Veç kësaj, si pasojë e ushqyerjes së rëndë, truri mbetet aktiv dhe mund të shihni shumë ëndrra të këqija.

    Kur duhet të shtrihemi për të fjetur pas darkës?
    Ekspertët sugjerojnë që të prisni një orë pas ushqyerjes për tu shtrirë për të fjetur. Nëse ju hani hamburger apo biftek në mbrëmje atëherë duhet të prisni tre orë dhe më pas të flini./AgroWeb

  • Tre të vdekur pasi një grua 92-vjeçare u përplas me automjet në një furrë buke në Los Angelos

    Tre të vdekur pasi një grua 92-vjeçare u përplas me automjet në një furrë buke në Los Angelos

    Tre persona kanë humbur jetën dhe gjashtë të tjerë janë plagosur pasi një shoferë 92-vjeçare u përplas me një çiklist, humbi kontrollin e automjetit dhe u fut me veturë në një dyqan ushqimor të enjten, në lagjen Westwood të Los Angelosit.

    Gruaja që drejtonte një Toyota Prius goditi çiklistin dhe më pas vazhdoi të ngiste edhe një bllok tjetër, përpara se të kthente drejt një furre buke brenda dyqanit 99 Ranch Market, ku automjeti u ndal.

    Kapiteni i Policisë së Los Angelosit, Anthony Espinoza, e përshkroi ngjarjen si një “aksident fatkeq” dhe tha se nuk besohet të ketë qenë e qëllimshme.

    Dy burra, të moshave 30 dhe 55 vjeç, si dhe një grua 42-vjeçare, të cilët ndodheshin në atë moment në furrë, vdiqën në vendngjarje. Dy burra të tjerë, 35 vjeç, u dërguan në spital në gjendje kritike, ndërsa dy burra të tjerë, 38 dhe 37 vjeç, ishin në gjendje të qëndrueshme.

    Çiklisti dhe shoferja refuzuan ofertën për t’u transportuar në spital, njoftoi departamenti i zjarrfikësve.

    Zyrtarët thanë se ajo po bashkëpunon me hetuesit dhe se i është nënshtruar një vlerësimi mjekësor. /Telegrafi/

  • Fundjava e basketbollit kosovar, vëmendja në Rahovec dhe Suharekë

    Fundjava e basketbollit kosovar, vëmendja në Rahovec dhe Suharekë

    Të dielën do të zhvillohet beteja mes dy vendeve të fundit, Vëllaznimit dhe Rahovecit, ku këta të fundit janë përforcuar me dy lojtarë të huaj, për dallim nga Vëllaznimi që vjen nga humbja e fundit ndaj Besëlidhjes në Ligën Unike.

    “Vreshtarët” kanë një fitore më pak se “kuqezinjtë”, që do të synojnë asgjë pos fitores në Rahovec, për t’iu shmangur rënies nga Superliga.

    Ndeshja do të zhvillohet të dielën, me fillim nga ora 19:30, në Rahovec.

    18 kilometra nga Rahoveci, në Suharekë, do të zhvillohet një tjetër përballje interesante, që Golden Eagle Ylli i përforcuar do të tentoj ti revanshohet Bashkimit pas dy humbjeve që ia shkaktoi në stinorin e rregullt.

    Ndeshja do të zhvillohet të shtunën, duke filluar në orën 19:30.

    E Sigal Prishtina, që së fundi e liroi trajnerin Michail Kakiouzis për arsye familjare, do të jetë nikoqir i GO+ Pejës. Ndeshja do të zhvillohet ditë e diel, nga ora 17:00, në Pallatin e Rinisë dhe Sporteve.

    Në këtë xhiro, do të jetë edhe repriza e gjysmëfinales së Kupës, mes Trepçës dhe Borës, e cila do të zhvillohet të shtunën, me fillim në orën 17:00, në palestrën 1 Tetori, Prishtinë.

  • Një person i maskuar dhe nën kërcënimin e thikës dyshohet se kreu grabitje në një dyqan në Fushë-Kosovë

    Një person i maskuar dhe nën kërcënimin e thikës dyshohet se kreu grabitje në një dyqan në Fushë-Kosovë

    Një person i maskuar dhe nën kërcënimin e thikës dyshohet se ka kryer grabitje në një dyqan.

    Sipas raportit 24 orësh të Policisë, rasti ka ndodhur të enjten në Fushë-Kosovë dhe nuk raportohet për të lënduar.

    “Fushë Kosovë / 05.02.2026 – 23:10. Është raportuar se një person i maskuar dhe nën kërcënimin e thikës kishte kryer grabitje në një market. Nuk raportohet për të lënduar, ndërsa rasti është duke u hetuar”, thuhet në njoftim.

  • Tiranë: Vdekja e të miturit në klinikë dentare, Prokuroria çon në gjyq shtatë persona, tre për vrasje nga pakujdesia

    Tiranë: Vdekja e të miturit në klinikë dentare, Prokuroria çon në gjyq shtatë persona, tre për vrasje nga pakujdesia

    Prokuroria e Tiranës përfundoi hetimet dhe dërgoi në gjyq shtatë persona pas humbjes së jetës së 3-vjeçarit, Brian Spahiu pas një ndërhyrje dentare në një klinikë në kryeqytet.

    Përfundimi i hetimeve dërgoi në gjyq shtetasit Roland Xhaxho dhe M.G., për veprën penale ‘Vrasje nga pakujdesia’ dhe ‘Mashtrim’ e kryer në bashkëpunim dhe shtetasen Ina Xhaxho për veprën penale ‘Vrasje nga pakujdesia’, ‘Mashtrim’ e kryer në bashkëpunim dhe ‘Ushtrim i aktivitetit të paligjshëm’; shtetasit E.S. dhe E.A. për veprën penale ‘Shpërdorim detyre’ si dhe shtetasit D.A. dhe V.H. për veprën penale ‘Neglizhenca në trajtimin mjekësor’.

    “Më datë 28.09.2023, i mituri B.S., iu nënshtrua një ndërhyrjeje dentare në 14 dhëmbë, tek Klinika “Splendent” drejtuar nga mjekët Roland dhe Ina Xhaxho, raporton euronews.al.

    Pas ndërhyrjes i mituri kthehet në shtëpi dhe brenda pak orësh dërgohet në gjendje të rëndë shëndetësore (koma dhe insuficiencë respiratore akute), në Spitalin e Pediatrisë në Qendrën Spitalore “Nënë Tereza”, Tiranë, ku dhe më pas në datën 01.10.2023, ndërroi jetë.

    Sipas aktit të riekspertimit mjekoligjor dhe ekspertimit mjekoligjor shtesë, nga ana e grupit ekspertëve italianë, u arrit në konkluzionin se: Shoku septik i rëndë, që solli më pas insufiçencën progresive shumëorganore, është shkaku kryesor i vdekjes të pacientit të mitur B.S. Grupi i ekspertëve arriti në përfundimin se gjatë ndërhyrjes dentare dhe procedurës së anestezisë, nga ana e anestezistit dhe stomatologeve që trajtuan të miturin, u konstatuan shkelje të rënda të protokolleve mjekësore ndërkombëtare dhe praktikave më të mira mjekësore, të cilat kanë një lidhje shkakësore të drejtpërdrejtë me vdekjen e tij.

    Këto shkelje kanë konsistuar në:

    – moszbatimin, moskryerjen e kontrolleve dhe verifikimeve të nevojshme për identifikimin e saktë të gjendjes klinike para operacionit të pacientit; mosformulimin në mënyrë adekuate të diagnozës para operacionit dhe mostrajtimin e duhur profilaktik para operacionit dhe në vazhdim, i mituri iu nënshtrua një procedure kirurgjikale pa u vizituar në mënyrë adekuate, pa një diagnozë të saktë, pa një indikacion të arsyetuar, pa specifikuar alternativat dhe pa kryer testet e nevojshme dhe të detyrueshme për gjendjen klinike të pacientit;

    – ndërhyrje e kryer, e cila ishte më e gjerë se sa lejohej për një fëmijë të moshës 3 vjeç dhe induksioni i anestezisë së përgjithshme për një periudhë prej rreth 5 orë, për të trajtuar njëkohësisht shumë dhëmbë, mes të cilëve disa me infeksion të pulpës me rreziqet që lidhen me anestezinë e përgjithshme dhe kontrollin e vështirë të infeksioneve postoperative, evidenton përgjegjësinë për trajtim të tepërt.

    – nxjerrjen plotësisht e papërshtatshme nga spitali i të miturit, duke mos marrë parasysh gjithashtu rreziqet që lidhen me anestezinë dhe patologjitë nga të cilat vuante fëmija, e sidomos arsyet për një kohë të zgjatur zgjimi, pas ndërhyrjes si dhe shenja të tjera klinike”, bën me dije Prokuroria.

    Gjithashtu nga hetimi rezultoi e provuar se dy stomatologët Ina Xhaxho dhe M.G. kanë mashtruar prindërit e të miturit duke i marrë pagesën për mbushjen e 14 dhëmbëve, ndërkohë që nga autopsia rezultoi se 6 prej tyre ishin hapur por nuk ishin mbushur.

    Ndërkohë, nga hetimi, u provua që stomatologia Ina Xhaxho pas ngjarjes ka vazhduar ushtrimin e aktivitetit të saj në mënyrë të paligjshme, pasi nuk ka rinovuar, në përputhje me procedurat ligjore, licencën si stomatologe nga Urdhri i Stomatologut.

    Gjatë hetimeve u konstatuan shkelje të rënda të protokolleve mjekësore në kryerjen e autopsisë dhe ekspertizës mjekoligjore edhe nga ana e ekspertëve të I.M.L.-së, shtetasit E.S dhe E. A.

    Gjithashtu, shkelje u konstatuan edhe tek mjekët roje të pediatrisë V.A. dhe D.S. në momentin që i mituri u dërgua në spital. Mjekët nuk zbatuan protokollet mjekësore në drejtim të përcaktimit të diagnozës së duhur, evidentimin e shkaqeve më të zakonshme të shokut tek fëmijët dhe trajtimin e terapisë së përshtatshme me antibiotikë. Si rrjedhojë edhe moskryerja e veprimeve të tyre ka shkaktuar dëmtimin e rëndë të të miturit, edhe pse ai ishte në gjendje të rëndë, fakt që rezultoi nga akti i riekspertimit, pasi vdekja e tij nuk erdhi nga mosveprimet e tyre, por nga shkaku kryesor dhe i drejtpërdrejtë, që ishin veprimet dhe mosveprimet e të pandehurve R.Xh., I.Xh dhe M.G. /euroenews.al/

  • Vitaminat kyçe që ndihmojnë gratë gjatë menopauzës

    Vitaminat kyçe që ndihmojnë gratë gjatë menopauzës

    Një regjim i shëndetshëm ushqimor është një nga mënyrat më të mira për të menaxhuar hormonet dhe për të minimizuar simptomat e menopauzës.

    Magnezi

    Magnezi është i rëndësishëm për përmirësimin e shëndetit të zemrës, uljen e presionit të gjakut, uljen e rrezikut të diabetit, luftimin e osteoporozës dhe lehtësimin e konstipacionit, të gjitha shqetësime që shtohen me menopauzën.

    Në veçanti, glicinati i magnezit mund të ndihmojë gjithashtu në qetësimin e ankthit, lehtësimin e dhimbjeve të kyçeve, përmirësimin e gjumit dhe afsheve të nxehta.

    Burimet ushqimore: spinaqi, farat e kungullit, fasulet e zeza, peshku ton, qumështi i sojës, oriz kaf, bajamet, shqemët, avokado, kosi pa yndyrë dhe bananet.

    Vitamina A

    Në një kohë kur ndryshimet hormonale i japin trupit edhe më tepër stres, kjo vitaminë do të ndihmojnë me forcimin e imunitetit dhe me përmirësimin e funksioneve të tirodides.

    Burimet ushqimore: Mëlçia e viçit dhe qengjit, gjalpi, djathi dhe peshku. Trupi gjithashtu mund të prodhojë vitaminë A nga beta karotina nga konsumi i perimeve dhe frutave si patatja e ëmbël, kungulli i dimrit, lakra jeshile, karotat, specat e kuq të ëmbël, mango apo pjepri.

    Vitaminat B6 dhe B12

    Vitaminat B mund të ndihmojë në parandalimin e depresionit të menopauzës dhe të rrisin energjinë duke rritur serotoninën. Gjithashtu mund të ndihmojnë me pagjumësinë dhe ndoshta edhe të reduktojnë afshet e nxehta.

    Burimet ushqimore: Për B6, salmon, qiqra, ton, pulë, mish derri, patate të ëmbla, banane, patate, avokado, fistekë. Për B12, peshku ton, drithëra të fortifikuara, mish viçi, qumësht me pak yndyrë, djathë, vezë.

    Vitamina K

    Është e rëndësishme për densitetin e kockave, i cili zvogëlohet me rritjen e moshës, duke rritur rrezikun për fraktura.

    Ngrënia e një racioni me zarzavate me gjethe gjeshile (një burim i mirë i vitaminës K) në ditë mund të zvogëlojë rrezikun e një frakture.

    Burimet ushqimore: lakër jeshile, marule, spinaq, brokoli, lakrat e Brukselit, shpargu, bamjet, fasulet e gjelbra etj.

    Vitamina C

    Vitamina C gjatë menopauzës është e rëndësishme për ruajtjen e densitetit të kockave. Gjë e cila ju mbron nga frakturat që mund të pësoni në jetë.

    Eefektet e saj antioksiduese mund të ndihmojë në parandalimin e sëmundjeve të zemrës, të cilat janë më të zakonshme pas menopauzës.

    Burimet ushqimore: kivi, specat e kuq, agrumet, luleshtrydhet, domatet, brokoli, lakra jeshile, papaja.

    Kalciumi

    Me kalimin e moshës, kockat tuaja bëhen poroze (një gjendje e njohur si osteoporoza) dhe mund të dobësohen.

    Burimet ushqimore: Qumësht, kos, djathë, tofu, lëng portokalli të fortifikuar me kalcium, spinaq, bizele, sardele, salmon, troftë.

    Vitamina D

    Ndihmon trupin të absorbojë kalciumin, një bllok ndërtimi për kocka të forta, e rëndësishme për funksionimin e duhur të muskujve, mbështet shëndetin e zemrës, funksionin neurologjik, rregullimin e sheqerit në gjak dhe imunitetin.

    Mund të ndihmojë gjithashtu për të mbështetur funksionin e trurit dhe për të luftuar depresionin e menopauzës.

    Burimet ushqimore: peshq si salmoni, toni dhe trofta, kërpudhat, qumështi, tofu, kosi, lëngu i portokallit dhe drithërat, mishi i derrit, vezët.

    Omega 3

    Rreziku i sëmundjeve të zemrës rritet pas menopauzës. Omega 3 mund të ndihmojë në mbajtjen nën kontroll të niveleve të triglicerideve. Ajo gjithashtu mund të ndihmojnë me çështjet psikologjike, depresionin dhe afshet e nxehta.

    Burimet ushqimore: salmoni, farat e lirit, farat chia, arrorët, tofu, fasulet dhe avokado.

    Probiotikët

    Probiotikët janë mikrobe të dobishme, që ri-kolonizojnë florën në trupin tuaj. Ato mund të ndihmojnë me problemet e tretjes me të cilat përballen shumë gra në këtë periudhë dhe gjithashtu mbështesin shëndetin e organeve ripordhuese.

    Burimet ushqimore: kos, kefir, lakër turshi, turshitë, miso, tempeh dhe disa djathëra.

    Shafrani i Indisë

    Së bashku me mbrojtjen nga sëmundjet që janë më të mundshme pas menopauzës, efekti anti-inflamator i shafranit të Indisë mund të ndihmojë gjithashtu në dhimbjet e kyçeve.

  • Rritja e pagave për ushtarakët në Shqipëri, ministri Vengu: Synojmë nivelin e NATO-s

    Rritja e pagave për ushtarakët në Shqipëri, ministri Vengu: Synojmë nivelin e NATO-s

    Ministri i Mbrojtjes në Shqipëri, Pirro Vengu, është shprehur se qeveria shqiptare ka për qëllim që të rrisë pagat për ushtarakët në mesataren e NATO-s deri në vitin 2029.

    Sipas tij, pagat do të vijojnë trajektoren e rritjes në këtë mënyrë: 60-70% për nivelet bazë dhe 30-40% për nivelet e larta të komandimit.

    “Forcimi i kapaciteteve njerëzore nuk vjen vetëm përmes trajnimeve, por edhe përmes pagave që reflektojnë përgjegjësinë, profesionalizmin dhe sakrificën” – ka thënë mes tjerash, Vengu.

  • Për aknet hormonale, provoni këtë çaj

    Për aknet hormonale, provoni këtë çaj

    Nuk është çaj jeshil, nuk është çaj i zi dhe nuk është hibiskus.

    Rezulton se ylli i vërtetë kur bëhet fjalë për trajtime natyrale kundër akneve është një çaj që ndoshta nuk e ke konsideruar më parë: çaji i mentes jeshile (spearmint), shkruan Vogue.

    Sipas disa studimeve, pirja e çajit të mentejës jeshile mund të ndihmojë në pastrimin e lëkurës nga brenda, duke nxitur një ngjyrë më të njëtrajtshme të lëkurës dhe duke reduktuar papastërtitë — veçanërisht kur kombinohet me produkte kundër akneve dhe udhëzimeve nga një dermatolog. Ky efekt duket të jetë veçanërisht i dobishëm për personat që vuajnë nga aknet hormonale.

    Më e mira nga të gjitha është se përfitimet e çajit të mentejës jeshile shkojnë përtej lëkurës. Ai ndihmon në rritjen e hidratimit të trupit dhe për më tepër, ka një shije të freskët dhe të këndshme menteje.

    Çfarë është menteja jeshile (spearmint)?

    Menteja jeshile ndoshta e njeh si shijen që përdoret në disa pasta dhëmbësh dhe çamçakëzë klasikë si Wrigley’s Double Mint. Por kjo bimë aromatike — me emrin shkencor Mentha spicata L. — është e njohur prej kohësh edhe për vetitë e saj mjekësore.

    E pasur me përbërës antioksidantë, anti-inflamatorë dhe antibakterialë, menteja jeshile është përdorur tradicionalisht për:

    Lehtësimin e ftohjeve, kollës dhe temperatures;

    Mbështetjen e tretjes;

    Qetësimin e dhimbjeve të fytit.

    Një rishikim i fundit shkencor ka treguar se vajrat esencialë dhe ekstraktet e mentes jeshile shfaqin aktivitet të fuqishëm antimikrobial, antioksidant, antikancerogjen, anti-inflamator dhe mbrojtës për mëlçinë. Studime të tjera sugjerojnë se ajo mund të ndihmojë edhe në lehtësimin e dhimbjeve kur aplikohet në lëkurë, si dhe në luftimin e infeksioneve kërpudhore.

    Si mund të ndihmojë çaji i mentes jeshile në reduktimin e akneve?

    Kur bëhet fjalë për aknet, menteja jeshile duket se vepron në disa drejtime njëkohësisht: balancon hormonet, redukton inflamacionin, ofron antioksidantë dhe potencialisht pengon shumimin e baktereve që lidhen me aknet. Duhet theksuar se kërkimet janë ende të kufizuara, por rezultatet e deritanishme janë mjaft premtuese.

    Balancimi i hormoneve

    Menteja jeshile duket se ka efekt anti-androgjen, që do të thotë se mund të ndihmojë në uljen e niveleve të hormoneve androgjene, si testosteroni, të cilat rrisin prodhimin e sebumit (yndyrës së lëkurës). Një studim tregoi se gratë që pinin çaj menteje jeshile dy herë në ditë për një muaj shfaqën një ulje statistikisht të rëndësishme të niveleve të androgjeneve. Ky efekt mund të ndihmojë gjithashtu në përmirësimin e simptomave të PCOS.

    Veprim anti-inflamator

    Inflamacioni luan një rol të rëndësishëm në zhvillimin e akneve. Menteja jeshile përmban përbërës si acidi rosmarinik, i cili ka veti anti-inflamatore dhe ndihmon në përmirësimin e pamjes së lëkurës.

    Antioksidantë

    Stresi oksidativ mund ta bëjë lëkurën të duket e lodhur dhe e dëmtuar. Antioksidantët që gjenden në mentejën jeshile ndihmojnë në mbrojtjen e qelizave nga dëmtimi dhe mbështesin shëndetin e përgjithshëm të lëkurës.

    Veprim antimikrobial

    Disa studime sugjerojnë se përbërësit e mentejës jeshile mund të kenë efekt antibakterial, duke frenuar bakteret që lidhen me aknet dhe duke ndihmuar në reduktimin e infeksionit, inflamacionit dhe bllokimit të poreve.

    Sa çaj menteje jeshile duhet të pini?

    Bazuar në studimet ekzistuese, dy filxhanë çaj menteje jeshile në ditë konsiderohen si sasia e duhur për të ndihmuar në reduktimin e akneve. Për të përfituar plotësisht, rekomandohet të konsumohet për të paktën disa javë. Duhet shmangur shtimi i sheqerit, pasi ai mund të neutralizojë efektet anti-inflamatore.

    Duhet mbajtur parasysh se çdo person është i ndryshëm dhe se kërkimet shkencore janë ende të kufizuara. Çaji i mentejës jeshile duhet të konsumohet si pjesë e një rutine të përgjithshme për kujdesin ndaj lëkurës dhe nuk duhet të zëvendësojë trajtimet dermatologjike, një dietë të balancuar apo gjumin e mjaftueshëm. Ai nuk është një zgjidhje mrekullie për aknet, por mund të shërbejë si një ndihmës natyral shtesë.

  • Pas arrestimit të ish-ushtarit të UÇK-së, Gucati: Shmangni udhëtimet nëpër territorin e Serbisë

    Pas arrestimit të ish-ushtarit të UÇK-së, Gucati: Shmangni udhëtimet nëpër territorin e Serbisë

    Pas arrestimit të një tjetër ish-ushtarit të UÇK-së, Mithat Llozhani, nga autoritetet serbe, kryetari i Organizatës së Veteranëve të Luftës së UÇK-së (OVL-UÇK), Hysni Gucati, ka bërë thirrje që veteranët, familjet e dëshmorëve dhe qytetarët të shmangin udhëtimin nëpër territorin e Serbisë, raporton Ekonomia Online.

    Gucati ka paralajmëruar se ndalimet, sipas tij, po bëhen mbi bazën e listave dhe verifikimeve nga ana e Serbisë, ndërsa ministri i Punëve të Brendshme i Serbisë, Ivica Daçiq, ka paraqitur versionin zyrtar të Beogradit, duke deklaruar se arrestimi është bërë nën dyshimin për krime lufte kundër popullatës civile.

    “Kemi bërë një apel veteranëve sidomos, familjeve të dëshmorëve, mos i bini nëpër territorin serb se duke parë këto listat që i ka Serbia, tash në dorë që i ka ndërru, tani duke bërë verifikim, vetëm duke i ndalë pjesëtarët e UÇK-së. Edhe a i ndalë pjesëtarët e UÇK-së vetëm me tregu pak forcën që unë e bëj këtë punë. Ka këtë mundësi me i ndalë njerëzit, një vit, dy vjet apo sa po i ndalin nëpër burgje. Tani, unë nuk e di deri kur duhet me u bind veteranët, apo te kur duhet me u vetëdijësu, ne duke bërë apel. Ne i kemi përbetu në Zot, mos shkoni nëpër territor të Serbisë. As qytetarë është mire mos me i ra, se lëre më pjesëtarë të UÇK-së me i ra nëpër territorin serb me shku asajde”, tha ai.

    Ai ka shtuar se ndalimet, sipas tij, po krijojnë stres të madh për familjet dhe po i japin argumente Serbisë.

    “Tash le qe familja në stres, e është vetë në stres, po nuk është e hijshme me i dhënë argumente shtetit serb me shku asajde. Edhe me të blloku, tash një Zot e di kur i lirojnë ata. Unë e di që e ka angazhuar një avokat ai, dje e kam dëgjuar përmes mediave elektronike dhe kam dëgjuar që është ndalë një pjesëtar i joni. Ai djali ka qenë në Shqipëri një kohë të shkurtër, ka bërë disa ushtrime, po me rëndësi veteran është i UÇK-së. Nuk po muj me thanë që s’është. Është veteran, se ka qenë në uniformë. Kështu është saktë informacioni që e kam, veç e di që është pjesëtar i UÇK-së. E di edhe unë e lypa në listat e organizatës së veteranëve, është pjesëtar i Ushtrisë Çlirimtare të Kosovës”, tha ai.

    Në vazhdim, Gucati ka shprehur keqardhje për familjen e të ndaluarit dhe ka ngritur shqetësime lidhur me kartelën e veteranit.

    “Më vjen keq, më së pari për familjen e tij, për fëmijët e tij, për atë, pse hyn nëpër territor të Serbisë. Edhe më e keqja, po flitet, nuk jam i sigurt, gjithmonë po flas në bazë mediave, që atij ju paska zënë edhe kartela e veteranit në xhep. Kartela nuk i vynë në Gjermani, as në Kroaci a s’ka kund. Pse kartelën me veti? Kështu që më vjen keq nëse ju ka zënë dhe kartela në xhep, unë jam shumë keq për atë. Kështu që unë ju bëj apel edhe veteranëve, invalidëve e familjeve të dëshmorëve mos bien pre e ktyne, e kësaj rrugës famëkeqe për pjesëtarët e Ushtrisë Çlirimtare të Kosovës që janë duke rënë në grackat e Serbisë”, tha ai.

    Ish-ushtari i Ushtrisë Çlirimtare të Kosovës, Mithat Llozhani, është arrestuar dje nga autoritetet serbe në kufirin mes Serbisë dhe Koracisë dhe derisa po udhëtonte nga Gjermania drejt Serbisë.

    Ministri i Punëve të Brendshme të Serbisë, Ivica Daçiq, ka dhënë versionin zyrtar të autoriteteve serbe lidhur me arrestimin dhe ndalimin e Mit’hat Lozhanit, i cili sipas Organizatës së Veteranëve të Luftës së UÇK-së (OVL UÇK) është ndaluar vetëm pse në xhep i është gjetur kartela e anëtarësisë së veteranit.

    Daçiq ka deklaruar se Lozhani është arrestuar në Pikën Kufitare të Batrovcit nën dyshimin e bazuar se ka kryer veprën penale të krimeve të luftës kundër popullatës civile.

    Kujtojmë që më 21 janar të këtij viti, është liruar 77-vjeçari Haziri Haziri i cili ishte arrestuar më 8 shtator të 2025-ës në Merdare, po ashtu nën pretendime për krime lufte.

  • Kjo është arsyeja pse barnat nuk duhen marrë me produkte qumështi

    Kjo është arsyeja pse barnat nuk duhen marrë me produkte qumështi

    Shumë njerëz i marrin medikamentet së bashku me qumësht, kos apo produkte të tjera të qumështit, pa e ditur se kjo praktikë mund të ulë ndjeshëm efektin e tyre.

    Sipas mjekëve dhe farmacistëve, produktet e qumështit përmbajnë kalcium, i cili mund të lidhet me disa përbërës aktivë të barnave dhe të pengojë përthithjen e tyre në organizëm. Si pasojë, medikamenti nuk vepron siç duhet ose efekti i tij dobësohet.

    Kjo vlen veçanërisht për disa antibiotikë, si tetraciklinat dhe fluorokinolonet, si dhe për disa suplemente hekuri. Kur këto barna merren me qumësht apo kos, trupi nuk i absorbon plotësisht.

    Ekspertët këshillojnë që medikamentet të merren me ujë dhe të respektohen udhëzimet e mjekut ose farmacistit. Nëse keni dyshime, është gjithmonë më e sigurt të pyesni specialistin përpara se të kombinoni barnat me ushqime të caktuara.

    Kujdesi në mënyrën e marrjes së medikamenteve është po aq i rëndësishëm sa edhe vetë trajtimi.