ATV

Author: G.O.

  • Ky është vendi më i ftohtë në univers

    Ky është vendi më i ftohtë në univers

    A keni menduar se mund të ketë vend më të ftohtë se Antarktiku?

    Nuk po flasim për qytetin më të ftohtë në planetin Tokë, e as për sistemin tonë diellor.

    Mjegullnaja Bumerang është zyrtarisht vendi më i ftohtë në univers, i cili u formua nga një re gazi që buronte nga një yll, arsyeja e temperaturës shumë të ulët është se gazi lëviz nga jashtë me një shpejtësi prej 164 km/s dhe zgjerohet shumë shpejt në hapësirë.

    Mjegullnaja Bumerang ka një temperaturë të brendshme prej -272ºC pak mbi zero absolute.

    Për shkak të ligjeve të termodinamikës në praktike nuk është e mundur të arrihet me 0 kelvin.

    Ku përbëhet nga gazi, bërthama yjore, që njihet edhe si Mjegullnaja e harkut.

    E zbuluar në vitin 1980 nga astronomët Keith Taylor dhe Mike Scarrott pasi u vëzhguan me një teleskop të madh tokësor nga Australia, temperatura e Mjegullnajës Bumerang u llogarit si 1 kelvin.

    Veçoritë e mjegullnajës janë që thith nxehtësinë minimale nga rrezatimi i mikrovalës së sfondit, transmeton atvlive.tv.

    Në vitin 2013, matjet u konfirmuan me ndihmën e radio teleskopit ALMA.

    Ku në vitin 2017, u publikua një studim i ri duke parë se çfarë ndodh në mjegullnajë.

    Ku thanë që temperatura është kaq e ulët për shkak të përshpejtimit të shpejtë të gazit që del nga ylli.

    Nuk është çudi që janë arritur temperatura kaq të ulëta.

    Dhe kjo nuk ndodh edhe në mjegullnajat e tjera? Por në të gjitha mjegullnajat në sistemet e yjeve “që vdesin” zgjerohen, por me një shpejtësi shumë më të ngadalta.

    Në Mjegullnajën Bomerang, zgjerimi është 100 herë më i shpejtë, kështu që rënia e temperaturës është shumë më e theksuar, dhe për këtë është një nga objektet e veçanta të universit, shkenca po përparon gjithnjë e më shumë dhe është në gjendje të zbulojë këto vende të largëta./atvlive.tv/

    Për më shumë ndiqni videon e mëposhtme:

  • Kuvendi mblidhet sot

    Kuvendi mblidhet sot

    Deputetët e Kuvendit të Kosovës do të mblidhen sot për të vazhduar pikat e papërfunduara nga seancat e muajve të kaluar.

    Seanca pritet të fillojë nga ora 12:00.

    Rendi i ditës:

    I. Pikat e papërfunduara nga Seanca plenare, e filluar më 2 shkurt dhe vazhduar 22 mars 2023:

    20. Votimi i Raportit vjetor të Komisionit të Pavarur për Miniera dhe Minerale për vitin 2021,

    21. Shqyrtimi i Raportit vjetor të Autoritetit Rregullator për Shërbimet e Ujit për vitin 2021,

    22. Shqyrtimi i Raportit vjetor për gjendjen e mjedisit në Kosovë për vitin 2021,

    23. Shqyrtimi i Rekomandimeve lidhur me Raportin e auditimit të performancës “Vlerësimi i nxënësve në testet kombëtare dhe ndërkombëtare,

    24. Formimi i Komisionit Ad-Hoc për përzgjedhjen e kandidatëve për një (1) anëtar të Bordit të Radiotelevizionit të Kosovës nga komuniteti serb.

    II. Pikat e papërfunduara nga Seanca plenare e filluar më 9 shkurt 2023:

    15. Shqyrtimi i parë i Projektligjit nr.08/L-199 për ndryshimin dhe plotësimin e Ligjit nr.05/L-060 për Mjekësinë Ligjore,

    16. Shqyrtimi i rekomandimeve për mbikëqyrjen e zbatimit të Ligjit nr.04/L-109 për Komunikimet Elektronike,

    17. Përzgjedhja e një (1) anëtari joekzekutiv të Bordit të Bankës Qendrore të Kosovës (BQK).

    III. Pikat e papërfunduara nga Seanca plenare, e filluar më 23 shkurt 2023:

    8. Votimi i Raportit të Komisionit Hetimor Parlamentar lidhur me menaxhimin e krizës energjetike nga ana e Qeverisë së Republikës së Kosovës,

    9. Shqyrtimi i parë i Projektligjit nr.08/L-208 për parqet industriale dhe teknologjike,

    10. Shqyrtimi i parë i Projektligjit nr.08/L-209 për investime të qëndrueshme,

    11. Shqyrtimi i Vendimit të Qeverisë për miratimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Moxico Luma Kosova Mining L.L.C.”,

    12. Shqyrtimi i Planit Hapësinor për Parkun Kombëtar “Bjeshkët e Nemuna”,

    13. Propozimi i GP “Multietnik” për shkarkimin e nënkryetarit të Kuvendit të Republikës së Kosovës, Bekim Arifi.

    IV. Pikat e papërfunduara nga Seanca plenare, e filluar më 9 mars 2023:

    9. Shqyrtimi i Raportit të Performancës së Ndërmarrjeve Publike Qendrore për vitin 2021,

    10. Shqyrtimi i Rekomandimeve lidhur me Raportin e auditimit “Sistemi i licencimit të hidrocentraleve dhe monitorimi i tyre mbi ndikimin në mjedis dhe ujëra”,

    11. Shqyrtimi i Rekomandimeve lidhur me Raportin e auditimit “Performanca financiare dhe operative NP “Trepça Sh.A”,

    12. Emërimi i drejtorit dhe zëvendësdrejtorit të Sekretariatit Ekzekutiv të Agjencisë për Krahasim dhe Verifikim të Pronës,

    13. Shqyrtimi i Projekt-Deklaratës në mbështetje të Fondit Kosovaro-Amerikan për Arsim (KAEF).

    V. Pikat e papërfunduara nga Seanca plenare, e filluar më 23 mars 2023:

    6. Votimi në parim i Projektligjit nr.08/L-212 për shëndet riprodhues dhe fertilizim të asistuar mjekësor,

    7. Votimi në parim i Projektligjit nr.08/L-214 për ndryshimin dhe plotësimin e Ligjit nr.03/L-163 për minierat dhe mineralet, i ndryshuar dhe plotësuar me Ligjin nr.04/L-158,

    8. Shqyrtimi i Propozim-rezolutës për gjendjen në Ministrinë e Industrisë, Ndërmarrësisë dhe Tregtisë,

    9. Formimi i Komisionit Ah-hoc për përzgjedhjen e një (1) anëtari të Bordit të Radiotelevizionit të Kosovës nga komuniteti shqiptar,

    10. Zgjedhja e tre (3) anëtarëve të Komisionit të Pavarur të Mediave,

    11. Zgjedhja e një (1) anëtari të Bordit për Ankesa të Mediave,

    12. Zgjedhja e një (1) zëvendësi të Avokatit të Popullit nga radhët e komuniteteve që nuk janë shumicë në Kosovë,

    13. Shqyrtimi i parë i Projektligjit nr. 08/L-210 për ndryshimin dhe plotësimin e Ligjit nr. 02/L-31 për Lirinë Fetare në Kosovë,

    14. Shqyrtimi i parë i Projektligjit nr.08/L-218 për organizimin e tregut për produktet bujqësore,

    15. Themelimi i Komisionit Hetimor Parlamentar në lidhje me rastet e dhunës seksuale dhe dhunës në familje në Republikën e Kosovës.

  • Italia shpall gjendje të jashtëzakonshme pas numrit në rritje të emigrantëve

    Italia shpall gjendje të jashtëzakonshme pas numrit në rritje të emigrantëve

    Italia shpalli gjendjen e jashtëzakonshme pas rritjes së numrit të emigrantëve që duan të hyjnë nga Mesdheu.

    Agjencia italiane e lajmeve ANSA, raporton se vetëm në tri ditët e fundit në brigjet jugore të Italisë kanë mbërritur mbi 3 mijë persona. Rreth 38 persona të tjerë janë raportuar të vdekur dhe 18 të tjerë të zhdukur.

    Gjendja e jashtëzakonshme është paraparë të zgjasë 6 muaj ndërsa janë ndarë edhe 5 milionë euro.

    Qeveria italiane e drejtuar nga kryeministrja Giorgia Meloni u mblodh për të shqyrtuar masa më të rrepta për operacionet e kërkim-shpëtimit.

    Përpos gjendjes së jashtëzakonshme, zyrtarë të lartë italiane kanë kërkuar nga Bashkimi Evropian që të reagojë pasi nuk mund të përballojë e vetme këtë situatë të krijuar. 

  • Plagosja në veri, Policia e Kosovës: Dyshohet se një zyrtar policor u përfshi në këtë rast

    Plagosja në veri, Policia e Kosovës: Dyshohet se një zyrtar policor u përfshi në këtë rast

    Mbrëmë u raportua për një rast të një personi të plagosur nga përfshirja me armë zjarri në veri të Mitrovicës, rast ky, për të cilin pati reagime të shumta, ndër to kur në mediat serbe u tha se në këtë rast ishte përfshirë një zyrtar policor i Kosovës.

    Lidhur me këtë, Policia e Kosovës përgënjeshtroi mediat serbe, duke deklaruar se nuk ka plagosur asnjëri.

    Mirëpo pasditen e sotme Policia e Kosovës ka reaguar përsëri.

    Sipas një komunikate për media, Policia e Kosovës, njoftoi se pas hetimeve të pandërprera dhe angazhimeve të njësiteve policore në vendin e ngjarjes, dyshohet për përfshirje të mundshme të një zyrtari policor në gjuajtje me armë zjarri, shkruan atvlive.tv.

    “Bazuar në informacionet dhe dëshmitë e siguruara janë marrë masa të suspendimit ndaj zyrtarit policor, pasi i njëjti nuk kishte raportuar lidhur me rastin dhe për përfshirjen e tij në rast, nga ku PK-ja kishte lëshuar njoftim se nuk ka qenë e përfshirë në shkëmbim apo gjuajtje me armë zjarri”, thuhet në komunikatë.

    Po ashtu, bëhet e ditur se janë marrë masa të suspendimit edhe ndaj tre zyrtarëve të tjerë të mundshëm të përfshirë në rast.

    Tutje, Policia njoftoi se për këtë është njoftuar Inspektorati Policor i Kosovës dhe Prokuroria, për procedura të mëtejme penale.

    “Policia e Kosovës do të vazhdojë të realizojë detyrat zyrtare konform autorizimeve ligjore, të mbajë të informuar opinion në mënyrë të drejt dhe të paanshme, pa marrë parasysh se kush është përfshirë në rast dhe në asnjë rrethanë të vetme, nuk do të veprojë ndryshe, vetëm sipas legjislacionit në fuqi. Njëkohësisht Policia e Kosovës do të bashkëpunojë ngushtë me Inspektoratin Policor dhe Prokurorin e Shtetit, me qëllim që të vazhdojë të mbajë përgjegjës zyrtarët policorë, të cilët nuk përkojnë dhe veprojnë sipas standardeve më të larta etike dhe profesionale”, përfundon komunikata./atvlive.tv/

  • Në Britani mjekët hyjnë në grevë, kërkojnë rritje pagash

    Në Britani mjekët hyjnë në grevë, kërkojnë rritje pagash

    Mjekët e rinj në Britani filluan të martën një grevë katër-ditore mbi pagat që ka të ngjarë të shkaktojë ndërprerje të paprecedentë në Shërbimin Shëndetësor Kombëtar (NHS).

    Dhjetëra mijëra mjekë të rinj, që përbëjnë gati gjysmën e fuqisë punëtore mjekësore, po bëjnë grevë për rritje të pagave në përputhje me inflacionin, grevë kjo që pason një grevë tre-ditore të mjekëve muajin e kaluar.

    “Ky raund i fundit i grevave do të shohë nivele të paparashikueshme të ndërprerjes dhe ne jemi shumë të shqetësuar për ashpërsinë e mundshme të ndikimit tek pacientët dhe shërbimet në të gjithë vendin,” tha Drejtori Kombëtar Mjekësor i NHS në Angli, Stephen Powis.

    “Ne kemi kërkuar gjithashtu (spitalet) të riplanifikojnë procedurat dhe pacientët ambulatorë sa më shpejt të jetë e mundur, por kjo do të marrë javë për t’u rikuperuar,” shtoi Powis për BBC Radio, duke shtuar se NHS po punon për të siguruar që shërbimet e urgjencës të mbahen të paprekura. Shefi i Konfederatës NHS, i cili përfaqëson organizata në të gjithë sektorin e kujdesit shëndetësor, tha për Sky News se ai priste që deri në 350,000 termine të anuloheshin gjatë grevës katër-ditore.

    Në anën tjetër, Shoqata Mjekësore Britanike (BMA), sindikata që përfaqëson mjekët, kërkon një rritje pagash prej 35%, duke argumentuar se mjekët kanë pësuar një ulje reale të pagave prej 26% gjatë 15 viteve. BMA ka shtuar se grevat e mjekëve të rinj, disa prej të cilëve janë me shumë përvojë, mund të ndërpriten nëse ministri i shëndetësisë Steve Barclay parashtron një ofertë të besueshme pagash.

    Kjo grevë po ndodh në kohën kur NHS përjeton një nga krizat e saj më të rënda në historinë e saj 75-vjeçare, e mbingarkuar me rreth 7 milionë pacientë që presin trajtim spitalor, duke prekur rëndë fusha të tilla si kujdesi kardiovaskular.

  • Stano: Nëse nuk zbatohen pjesë të marrëveshjes, do të ketë pasoja të mëdha ndaj Serbisë

    Stano: Nëse nuk zbatohen pjesë të marrëveshjes, do të ketë pasoja të mëdha ndaj Serbisë

    Bashkimi Evropian është duke insistuar që Kosova dhe Serbia e kanë për obligim që të zbatojnë të gjitha pikat e Marrëveshjes për normalizim të marrëdhënieve, bashkë me aneksin për të, pasi në të kundërtën do të përballen me pasoja.

    Lidhur me zbatimin e kësaj Marrëveshjeje është deklaruar të martën sërish, zëdhënësi i BE-së, Peter Stano.

    Ai është përgjigjur në pyetjet rreth deklaratave të presidentit të Serbisë, Aleksander Vuçiq, i cili është cituar nga mediat në Serbi, të ketë thënë se do t’i zbatojë disa pjesë të Marrëveshjes, por disa tjera nuk do t’i pranojë.

    Sipas Stanos, zbatimi është kyç për palët që të dëshmojnë se sa janë partnere të besueshme për BE-në dhe vendet anëtare.

    Mes tjerash, Stano ka thënë se do të monitorohet qartë niveli i zbatimit, dhe nëse nuk zbatohen pjesë të Marrëveshjes, do të ketë pasoja për rrugëtimin e Serbisë drejt BE-së, por edhe pasoja financiare.

  • (VIDEO) Momenti kur automjeti i Bernard Ndrecës shpërthen sapo ai hipën në të

    (VIDEO) Momenti kur automjeti i Bernard Ndrecës shpërthen sapo ai hipën në të

    Euronews Albania ka mundur të sigurojë pamjet e fiksuara nga kamerat e sigurisë, kur automjeti tip ‘Audi’ i kreut të Rithemelimit në Vaun e Dejës, Benard Ndreca, hidhet në erë.

    Nga pamjet e siguruara, shihet Ndreca i cili hipën në automjet rreth orës 07:10 minuta dhe teksa ai nis lëvizjen me automjetin e tij, sasia e tritolit e vendosur në pjesën e përparme të makinës shpërthen.

    Shpërthimi është tepër i fuqishëm duke dëmtuar makinën në pjesën e motorit.

    Ndreca mundet të dalë nga automjeti duke i shpëtuar mrekullisht atentatit.

    Nga video shihet gjithashtu që pranë makinës ndodhej edhe një grua, e cila gjithashtu ka shpëtuar për mrekulli.

    Vetë Ndreca ka reaguar në lidhje me incidentin, duke thënë se nuk ka konflikte me njeri dhe se sulmi mund të ketë ardhur për shkak të angazhimit të tij politik.

    Kamerat e sigurisë kanë kapur edhe momentin kur dy autorët e maskuar kanë vendosur tritolin në pjesën e përparme të makinës nga krahu i shoferit.

    Grupi hetimor ndodhet në vendngjarje dhe po vijon mbledhjen e provave që mund të bëjnë të mundur identifikimin dhe kapjen e autorëve.

     

  • Kurti konfirmon adresën e re të Ambasadës së Kosovës në Mbretërinë e Bashkuar

    Kurti konfirmon adresën e re të Ambasadës së Kosovës në Mbretërinë e Bashkuar

    Kryeministri i vendit, Albin Kurti ka konfirmuar se Ambasada e Kosovës në Mbretëri të Bashkuar do të zhvendoset në Hyde Park.

    Ai ka shkruar në Twitter se Kosova është e interesuar të forcojë lidhjet me Mbretërinë e Bashkuar.

    “I emocionuar të ndaj që ambasada Kosovës në Mbretërinë e Bashkuar ka një adresë të re dhe së shpejti do të zhvendoset në Hyde Park në një shtëpi që i përkiste komedianit të ndjerë Spike Milligan. Ne jemi të nderuar nga historia kulturore që mban lokacioni dhe synojmë të forcojmë më tej lidhjet tona”, ka shkruar Kurti.

  • OKB: Rreth 9 mijë civilë janë vrarë në Ukrainë që nga fillimi i luftës

    OKB: Rreth 9 mijë civilë janë vrarë në Ukrainë që nga fillimi i luftës

    Rreth 8,500 civilë janë vrarë që kur Rusia nisi pushtimin e saj në Ukrainë, sipas Organizatës së Kombeve të Bashkuara.

    Zyrtarisht, OKB-ja ka verifikuar 8,490 viktima dhe 14,244 të plagosur që nga fillimi i pushtimit në shkurt 2022 dhe këtë muaj.

    Sipas OKB-së, shifrat janë vetëm maja e ajsbergut” për shkak të aksesit të kufizuar në zonat e betejës, veçanërisht në lindje dhe jug.

    Shumica e viktimave u regjistruan në territorin e kontrolluar nga qeveria ukrainase dhe nën sulmin e forcave ruse, duke përfshirë 3,927 në rajonet Donetsk dhe Luhansk.

    Rusia nga ana tjetër mohon të ketë shënjestruar civilët ose të ketë kryer mizori.

  • Krasniqi: Agim Ramadani dha shembullin se si duhet të mbrohet atdheu

    Krasniqi: Agim Ramadani dha shembullin se si duhet të mbrohet atdheu

    Kryetari i Partisë Demokratike të Kosovës, Memli Krasniqi, në 24-vjetorin e rënies e ka kujtuar komandantin Agim Ramadani, për të cilin tha se ka dhënë shembullin e veçantë se si duhet të mbrohet atdheu.

    Krasniqi përmes një postimi në Facebook ka thënë se heroi, Agim Ramadani, jeton në zemrat e secilit shqiptar atdhedashës.

    “24 vjet nga rënia heroike e Agim Ramadanit – komandant ‘Katanës’. Duke i prirë një prej betejave më të rëndësishme të luftës çlirimtare, asaj për thyerjen e kufirit shqiptaro-shqiptar, Agimi u flijua edhe vet që ai kufi të mos mbyllet më. Përmes jetës dhe veprës, si poet e patriot, Agimi dha shembullin e veçantë se si duhet dhe mbrohet atdheu. Sot, përmes vargjeve dhe luftës së tij, ai jeton në zemrat e secilit shqiptar atdhedashës. Lavdi të gjithë dëshmorëve të betejës së Koshares, bashkëluftëtarëve të Agimit, që për asnjë moment nuk u stepën në rrugën e shenjtë të lirisë!”, ka shkruar Krasniqi.