Author: G.O.

Krahas fshatrave, ushtarët dhe policët serbë gjatë luftës në Kosovë, kanë masakruar shumë shqiptarë civil edhe në qytete. Njëra nga këto masakra është edhe ajo e kryer në Vushtrri më 22 maj 1999.

Gjatë kësaj dite (22 maj), qytetarët e Vushtrrisë, kanë përjetuar tmerr të rënd nga makineria vrastare e Sllobodan Millosheviqit dhe njësitë e Arkanit. Në këtë ditë, shumicën e qytetarëve i kanë larguar me forcë nga shtëpitë e tyre, dhe i kanë detyruar të grumbullohen te vendi i njohur “Te varrezat” në qytetin e Vushtrrisë.

Familjet në ish rrugën “Abdullah Shabani”, tani rruga “22 Maji”, janë larguar nga shtëpitë e tyre. Mirëpo, një grup shqiptarësh prej 68 vetash, i kanë detyruar të ndalen në shtëpinë e Kahriman Pasomës. Ndërsa, të tjerët e kësaj lagjeje i kanë detyruar të shkojnë te vendi i quajtur “Te varrezat” në Vushtrri.

Gjatë kësaj kohe, janë plaçkitur dhe u janë marrë para e gjësende me vlerë, si ari etj. “Te varrezat”, të grumbulluarit i kanë ndarë në tri grupe: Gratë me fëmijë deri në moshën 15 vjet, Të moshës së re dhe mesatare dhe Të moshuarit.

Disa nga të grumbulluarit, rreth 1000 veta, i dërguan në sallën e sportit, ku i kanë torturuar në forma të ndryshme, dhe pastaj, disa i kanë dërguar në burgun e Smrekonicës (fshat në veri të Vushtrrisë) dhe disa të tjerë për në Shqipëri.

Nga gjithë kjo katrahurë e dhimbshme, më së rëndi dhe më së keqi kanë pësuar 68 shqiptarët që kishin mbetur në shtëpinë e Kahriman Pasomës. Pengmarrësit shqiptarë janë torturuar në forma çnjerëzore, pastaj janë ekzekutuar të gjithë, shumica me një plumb në kokë – në ballë. Në mesin e të ekzekutuarve kishte femra dhe fëmijë të moshës 15 vjeçare, si dhe pleq e plaka.

Të vrarët në këtë masakër janë:

1. Ali (Ibrahim) Melenica (58 vjeç)

2. Hasan (Ibrahim) Melenica (51 vjeç)

3. Shaban (Ibrahim) Melenica (49 vjeç)

4. Nistret (Ali) Melenica (31 vjeç)

5. Shefki (Musli) Melenica (22 vjeç)

6. Ibrahim (Bajram) Zeqiri (36 vjeç)

7. Driton (Rifat) Murseli (27 vjeç)

8. Rafet (Qazim) Behrami (53 vjeç)

9. Burim (Rafet) Behrami (17 vjeç)

10. Kemajl (Tefik) Tërnava (41 vjeç)

11. Isak (Sylë) Maçastena (33 vjeç)

12. Fehmi (Ukshin) Musa (37 vjeç)

13. Arsim (Ismajl) Musa (20 vjeç)

14. Xhafer (Ramadan) Shaqiri (18 vjeç)

15. Rrahim (Ali) Shatrolli (43 vjeç)

16. Muharrem (Hamdi) Bajrami(32 vjeç)

17. Lulzim (Hamdi) Bajrami (27 vjeç)

18. Naim (Osman) Bajrami (37 vjeç)

19. Afrim (Osman) Bajrami (31 vjeç)

20. Hamit (Adem) Halili (60 vjeç)

21. Hilmi (Hamit) Halili (27 vjeç)

22. Hamdi (Ragip) Dallku (62 vjeç)

23. Agim (Hamdi) Dallku (26 vjeç)

24. Bashkim (Hamdi) Dallku (23 vjeç)

25. Jeton (Rifat) Vërbovci (33 vjeç)

26. Arsim (Hazir) Sejdiu (33 vjeç)

27. Zeqir (Rexhep) Kadriu (46 vjeç)

28. Ferki (Zeqir) Kadriu (58 vjeç)

29. Haki (Zeqir) Kadriu (16 vjeç)

30. Shahin (Xhevat) Feka (40 vjeç)

31. Ekrem (Jahir) Feka (30 vjeç)

32. Miradie (Hajzer) Feka (62 vjeç)

33. Bedri (Ramadan) Kutllovci (38 vjeç)

34. Bujar (Dibran) Krasniqi (19 vjeç)

35. Faik (Raif) Mulaku (57 vjeç)

36. Driton (Shaban) Merovci (31 vjeç)

37. Mensur (Ferat) Gërguri (35 vjeç)

38. Brahim (Rrahim) Maloku (48 vjeç)

39. Arian (Emurullah) Prokupla(30 vjeç)

40. Shahidin (Shefqet) Maxhuni(20 vjeç)

41. Murat (Ferat) Tiriqi (24 vjeç)

42. Serhat (Ferat) Tiriqi (22 vjeç)

43. Ahmet (Qazim ) Uka (35 vjeç)

44. Sekine (Qazim) Uka (24 vjeç)

45. Ajshe (Azem) Uka (31 vjeç)

46. Rrahim (Hasan) Shkreli (19 vjeç)

47. Bukurie (Hasan) Shkreli (16 vjeç)

48. Fatmir (Halim) Keqolli (26 vjeç)

49. Fazli (Zenel) Shabani (56 vjeç)

50. Idriz (Ragip) Hasani (21 vjeç)

51. Ramadan (Sefë) Shaqiri (50 vjeç)

52. Hajdin (Ramadan) Shaqiri (19 vjeç)

53. Besnik (Ramadan) Shaqiri (15 vjeç)

54. Naser (Arif) Zeka (25 vjeç)

55. Nexhmedin (Arif) Zeka (22 vjeç)

56. Agim (Arif) Zeka (20 vjeç)

57. Bajram (Ramadan) Meha (46 vjeç)

58. Ramadan (Bajram) Meha (15 vjeç)

59. Avdi (Hamit) Bardiqi (56 vjeç)

60. Rrahman (Idriz) Ferati (18 vjeç)

61. Zeqir (Rrahman) Zeqiri (45 vjeç)

62. Irfan (Ilaz) Zhilivoda (38 vjeç)

63. Muhamet (Ahmet) Kadriu (56 vjeç)

64. Muzafer (Avdulla ) Muhaxheri (42 vjeç)

65. Agim (Islam) Shaqiri (17 vjeç)

66. Bajram (Habib) Islami (38 vjeç)

67. Ibrahim (Habib) Islami (49 vjeç)

68. Bahri (Mahmut) Syla (24 vjeç)

Pas ekzekutimit, kufomat janë bartur me një kamion dhe janë dërguar në Serbi, përkatësisht në Batajnicë, me qëllim që të humbin gjurmët e krimit.

Dëshmitarët që kanë shkuar në shtëpinë ku është kryer krimi, kuptohet pasi janë larguar forcat pushtuese serbe dhe kufomat e të ekzekutuarve shqiptarë, tregojnë se kishte shumë gjurmë të gjakut nëpër mure, në dysheme dhe vende të tjera të shtëpisë së krimit.

Pas luftës së vitit 1999, përkatësisht deri më 2015, janë kthyer eshtrat e 67 shqiptarëve të vrarë më 22 maj 1999, dhe ka mbetur edhe një, Bukurie Shkreli, që nuk iu kanë gjetur eshtrat.

“Tmerri ka emër”, është libri i cili u promovua nga ish i burgosuri politik, Asllan Selimi, në 24 vjetorin e Masakrës së Dubravës.

Ky ditar historik ka kujtime nga lufta, burgu, gjykimi, dënimi dhe një prej masakrave më të mëdha kundër shqiptarëve në Kosovë gjatë luftës së fundit.

Në emër të familjes, Ramadan Selimi ka falënderuar të gjithë ata që kanë ndihmuar në promovimin e këtij libri.

“Në emër të Asllanit, në emër të bashkëshortes, të ju falënderoj për pjesëmarrjen kaq masive. Po ndihemi shumë krenar. Falënderim të veçantë për penalistët këtu dhe gjithë ata qe përgatiten këtë libër”, ka thënë ai.

Ish i burgosuri politik, Nait Hasani, ka thënë se Asllani në librin e tij ka përshkruar torturat e përjetuara dhe largimin nga burgu i Dubravës.

“Në këtë libër me kujtime, Asllani e ka përshkruar prej arrestimit të tij në Mitrovicë. Ai ishte i angazhuar me detyrat e tij të ndërlidhjes, përmes vëllaut të tij Rexhep Selimit. UÇK ishte e padukshme dhe ishte kudo dhe ishte bërë tmerr edhe i Serbisë. Rritja e UÇK-së binte në sy të popullatës që kërkonte liri. Arrestimi i Asllanit dhe torturat e përjetuara janë dëshmi e mjaftueshme e torturave qe kemi përjetuar”, ka thënë Hasani.

Për këtë libër ka folur edhe ish gjenerali Kudusi Lama.

“Ajo çfarë më befasuan, edhe kur don të flet te nëna madhështore; ai e përshkruan nënën e një luftëtari tjetër, janë madhështitë që na sjell. Edhe në burgjet e Serbisë, është zhvilluar luftë. Unë në procesin e leximit të librit, shumë herë e kam gjeture vetën me rrahje të shpeshta të zemrës, është e jashtëzakonshme”, ka thënë ai.

Ndërkaq, sipas redaktorit të këtij libri, Lan Qyqalla, ky ditar duhet të ketë vend në sirtarët e bibliotekave të shkollave.

“Ditari ka rrjedhën e ngjarjeve të burgjeve sllave. Të rrënqethë trupin me përshkrim real, të mbush me lot për torturat qe janë përjetuar të burgosurit shqiptarë. Nuk e përshkruan ngjarjen në formën e pesimizmit. Ky ditar ka motivimin e qëndresës së atdhetarëve”, ka shtuar ai

Prokuroria Speciale e Republikës së Kosovës, përmes një komunikate për media, njoftoi se ka ngritur sot, në Gjykatën Themelore në Prishtinë – Departamentin Special, aktakuzë në mungesë ndaj të akuzuarit me iniciale G.P. për vepër penale të dhunimit gjatë luftës në Kosovë.

“Prokuroria Speciale njofton se i pandehuri si pjesëtar i forcave rezervë policore të Serbisë, në bashkëkryerje me persona të tjerë, në kundërshtim me rregullat e të drejtës ndërkombëtare humanitare, me përdorimin e dhunës fizike dhe veprimeve të tjera çnjerëzore, ka kryer dhunim seksual ndaj mashkullit të nacionalitetit shqiptar. Me këtë veprim i akuzuari ka kryer veprën penale ‘’Krimet e luftës kundër popullsisë civile’’ nga neni 142 të Kodit penal të Jugosllavisë, aktualisht e inkriminuar si Krimet kundër njerëzimit nga neni 143 paragrafi 1 nën paragrafi 1.7 të Kodit Penal të Republikës së Kosovës”, thuhet në komunikatë.

Tutje, thuhet se kjo është aktakuzë e dytë në mungesë që ka të bëjë me dhunim gjatë luftës në Kosovë, e ngritur pasi që janë shterur të gjitha përpjekjet e prokurorisë për të siguruar pranin fizike të pandehurit në procedurë, andaj, Prokuroria Speciale ka propozuar që ndaj të njëjtit të mbahet gjykimi në mungesë./atvlive.tv/

Kryeministri Albin Kurti, bashkë me Ministren e Ekonomisë, Artane Rizvanolli, mori sot pjesë në ceremoninë e fillimit të punimeve në projektin e termocentralit diellor me kapacitet 150 MW nga Solar Energy Group Europe, në fshatin Bec të komunës së Gjakovës.

Ky moment, sipas kryeministrit Kurti simbolizon jo vetëm një hap të rëndësishëm drejt qëllimeve tona për të ngritur kapacitetet nga burimet e ripërtëritshme të energjisë, por edhe përkushtimin tonë të palëkundur për të krijuar një të ardhme më të ndritshme për vendin tone.

Teksa veçoi miratimin e Strategjisë se re të Energjisë në Kuvendin e Kosovës, ai theksoi se orientimet e sektorit të energjisë për periudhën 10 vjeçare ne tashmë i kemi vendosur në këtë Strategji, me synimin që zhvillimi i sektorit të energjisë të shkojë drejt tranzicionit energjetik në përputhje me Marrëveshjen e Sofies dhe Planin e Gjelbër të Ballkanit Perëndimor 6, si dhe gradualisht drejt neutralitetit ndaj karbonit deri në 2050.

“Sot ne jemi mbledhur këtu për të shënuar realizimin e vizionit tonë –atë të përpjekjes për pavarësi energjetike dhe transformimit të sektorit drejt energjisë edhe të pastër edhe të qëndrueshme’’, u shpreh kryeministri para të pranishmëve në këtë Inaugurim.

Ligji për Burimet e Ripërtëritshme të Energjisë dhe Strategjia jonë e re e Energjisë, sipas kryeministrit, tregon përkushtimin tonë për të krijuar një mjedis të favorshëm dhe të qëndrueshëm për të investuar.

Javën e kaluar kryeministri Kurti, së bashku me Ministren e Ekonomisë, Artane Rizvanolli, si dhe Administratoren e Agjencisë Amerikane për Zhvillim Ndërkombëtar (USAID), Samantha Power lancuan ankandin e parë për parkun me energji solare me kapacitet prej 100 MW.

Kryetarja e Nënkomisionit për Evropën në Komisionin për Marrëdhëniet me Politikën e Jashtme të Senatit Amerikan, senatorja Jeanne Shaheen, me mbështetjen e kolegëve të saj nga të dyja partitë politike, propozoi edhe një herë “Projektligjin për Demokracinë dhe Prosperitetin e Ballkanit Perëndimor” në mbledhjen e fundit të Senatit.

Me mbështetjen e senatorëve Roger Wicker, Ben Cardin, Dick Durbin dhe Chris Van Hollen, propozimi i senatores demokrate është promovimi i bashkëpunimit ndërmjet vendeve të Ballkanit Perëndimor, por edhe bashkëpunimi i tyre me SHBA-të në fushën e sigurisë kibernetike dhe qëndrueshmërisë kibernetike, duke pasur parasysh “përpjekjet e dëmshme të Iranit dhe Rusisë për t’i bërë vendet e rajonit objektivin e tyre”.

Sipas një deklarate nga faqja e internetit e senatores Shaheen, ligji mbështet “stabilitetin demokratik dhe zhvillimin ekonomik të rajonit, përmes iniciativave në infrastrukturë, tregti dhe antikorrupsion, duke përfshirë formalizimin ligjor të sanksioneve, me qëllim që të pengohen aktorët që udhëheqin aktivitete destabilizuese”.

Ligji hyri sërish në procedurën e Senatit të enjten, pak para seancës dëgjimore të Komisionit për Marrëdhëniet me Politikën e Jashtme për Ballkanin Perëndimor.

Pothuajse i njëjti grup senatorësh e propozoi Ligjin në mbledhjen e fundit të Senatit, por nuk u miratua.

“Ruajtja e paqes dhe forcimi i demokracisë në Ballkan është me rëndësi kyçe për sigurinë dhe stabilitetin evropian, veçanërisht në kohën kur lufta e paprovokuar e Putinit në Ukrainë vazhdon”, tha Shaheen.

“Ligji im dypartiak do të forcojë tregtinë dhe investimet midis Shteteve të Bashkuara dhe Ballkanit Perëndimor, do të zhdukë korrupsionin, do të kodifikojë sanksionet kundër aktorëve destabilizues dhe do të dërgojë një sinjal të fortë dypartiak se Shtetet e Bashkuara janë të përkushtuara ndaj partnerëve tanë në rajon”, tha senatorja demokrate.

“Ballkani është shtëpia e një trashëgimie kulturore të larmishme dhe rëndësia e tij gjeopolitike vazhdon të rritet”, tha senatori republikan Roger Wicker.

Wicker shtoi se “pushtimi brutal rus i Ukrainës nënvizon rëndësinë e partneriteteve tona ballkanike”.

“Miratimi i këtij projektligji do të shërbente si një deklaratë e qartë, dypartiake e angazhimit të Shteteve të Bashkuara për të forcuar partneritetet tona diplomatike në rajon”, tha ai.

Ligji parashikon krijimin e një nisme rajonale për konkurrencën tregtare dhe ekonomike, kodifikimin e dy udhëzimeve ekzistuese ekzekutive për vendosjen e sanksioneve për korrupsionin dhe kërcënimet ndaj paqes dhe stabilitetit në Ballkanin Perëndimor.

Gjithashtu, projektligji synon nisjen e një iniciative për luftimin e korrupsionit, e cila do ta drejtonte Sekretarin e Shtetit të SHBA-së për t’i ofruar asistencë teknike të gjitha vendeve në zhvillimin e strategjive kombëtare për të luftuar korrupsionin./REL/

Ministri i Pushtetit Lokal, Elbert Krasniqi u ka uruar punë të mbarë kryetarit të Mitrovicës së veriut, Erden Atiq dhe nënkryetares Katarina Axhançiq, pas betimit të tyre.

Krasniqi ka thënë se Qeveria do ta mbështesë çdo veprim dhe vendim të kryetarit të ri të kësaj komune.

“Si Qeveri do të jemi në mbështetje të tyre sikurse secilës komunë tjetër në Republikën e Kosovës në implemetimin e mandatit të tyre kushtetues. Shumë e rëndësishme që qytetarët e pjesës veriore të kenë shërbime adekuate, cilësore dhe të kenë komunën dhe kryetarin e nënkryetarin afër tyre. Secili veprim dhe vendim i kryetarit do të ketë mbështetjen e nivelit qendror. Si Qeveri si Ministri jemi në mbështetje të të gjithë kryetarëve”, tha Krasniqi.

Kryetari Erden Atiq, i fitoi zgjedhjet e 23 prillit, me partinë Lëvizja Vetëvendosje, ku i fitoi rreth 550 vota ose 66 për qind të votave të përgjithshme.

Pjesëmarrja në zgjedhjet e jashtëzakonshme lokale ishte 3.47 për qind e trupit zgjedhor.

Ministrja e Drejtësisë, Albulena Haxhiu informoi sot se nënshkroi vendimin për suspendim të përmbaruesit Irfan Kërçagu, deri në marrjen e një vendimi të Komisionit Disiplinor.

Ajo u bëri thirrje të gjithë përmbaruesve që të respektojnë përgjegjësitë e tyre.

Haxhiu shtoi se si ministre e Drejtësisë është zotuar në mbrojtjen e interesit publik dhe se çdo vendim i saj do të jetë në linjë me këtë parim.

“Profesionet e lira duhet t’u shërbejnë qytetarëve dhe institucioneve e jo të kontribuojnë në dëmtimin e tyre. Duke pasur parasysh ankesat e qytetarëve dhe institucioneve ndaj përmbaruesve, i bëj thirrje të gjithë përmbaruesve që të respektojnë përgjegjësitë e tyre sepse nuk do të tolerojmë asnjë tejkalim kompetence apo shkelje.”, shkroi Haxhiu në Facebook.

Kryeministri i Republikës së Kosovës, Albin Kurti mërgatën shqiptare e konsideruar si një pasuri të çmuar për Kosovën, derisa shtoi se me Ligjin e ri për zgjedhjet e përgjithshme po i jepet fund padrejtësisë ndaj diasporës.

Këto komente kryeministri Kurti i bëri në konferencën “Diaspora Flet”, ku theksoi po ashtu se diaspora vazhdon të ketë rol të jashtëzakonshëm në zhvillimin ekonomik, social e politik të vendit.

Sipas tij, Qeveria e Kosovës është e përkushtuar të zbatojë politika që e ndërlidhin diasporën me vendin.

“Diaspora është moti pasuri e çmuar e kombit tonë. Ne njohim mirë rolin dhe angazhimin e diasporës në Kosovë, por edhe vlerësojmë potencialin e saj si një nga burimet për zhvillim. Andaj, jemi të përkushtuar në punën tonë ditore për të zbatuar politikat të cilat e ndërlidhin rolin e diasporës jo vetëm si një pjesë e rëndësishme e identitetit tonë por edhe si një forcë e jashtëzakonshme për ndryshimet të cilat kanë filluar të marrin formë në Kosovë… Akutalisht jemi drejt finalizimit të kornizës ligjore që reflekton vlerësimin tonë të thellë për kontributin e thellë të diasporës. Me ligjin e ri për zgjedhjet e përgjithshme po i japim fund një padrejtësie të gjatë ndaj mërgatës për sa i përket votimit dhe po e përmbushim përfundimisht edhe një zotim tonin. Ai parasheh që mërgata të ketë lehtësim real të shpreh vullnetin politik, teksa ambasadat e konsullatat e Kosovës gjatë zgjedhjeve do të shndërrohen në qendra votimi”, u shpreh ai.

Kryeministri Kurti tha se për herë të parë janë duke dizajnuar një fond për diasporë, i cili sipas ti, paraqet mundësi të mirë partneriteti me të gjitha shoqatat, asociacionet e institutet.

Shefi i qeverisë u shpreh se po punojnë në adresimin e sfidave për të ruajtur gjuhën shqipe jashtë vendit.

“Për të adresuar kërkesat e shumta që ka mërgata jonë për herë të parë jemi duke dizajnuar një fond për diasporën me qëllim ofrimin e resurseve financiare për të bashkëkrijuar ide të reja dhe për të ofruar zgjidhje kreative për komunitete ku jeni dhe veproni. Ky fond paraqet mundësi të mirë partneriteti me të gjitha shoqatat, asociacionet e institutet për të adresuar objektivat kryesore në qasjen tonë për angazhimin, bashkëpunimin dhe bashkë-krijimin me mërgatën tonë. Po e theksojmë gjuhën shqipe sepse besojmë që këtu është çelësi i integrimit pa asimilim”, u shpreh Kurti.

Zëvendësministrja e Punëve të Jashtme dhe Diasporës, Liza Gashi u shpreh se fokusi kryesor i tyre është dëgjimi i zërit të diasporës.

Derisa ka përmendur shumë aspekte legjislative që kanë ndërmarrë, ajo theksoi se në planin e zhvillimit kombëtar diaspora shihet si shtyllë për qeverisje të mirë.

“Për neve fokusi kryesor është dëgjimi i zërit të diasporës për këtë arsye në vitin e parë të qeverisjes kemi në çdo cep të botës kudo që kanë shkuar ministrat, zëvendësministrat e përfaqësues të qeverisë kanë pas një ndërlidhje me komunitetin. Nuk është kjo patjetër vetëm temë e Ministrisë së Punëve të Jashtme, diaspora është temë horizontale që prek çdo sektor të Republikës së Kosovës, por prek edhe jetën e bashkatdhetarëve tanë në fusha të ndryshme… Ne jem dera juaj e parë e ndërlidhjes pastaj janë këto celulat tjera, për këtë arsye në planit e zhvillimit kombëtar për vitin 2030 diaspora shihet si shtyllë në kuadër të politikës horizontale për qeverisjes të mirë… Për qeverinë tonë diaspora shihet si ekspertizë si njohuri dhe si agjendë i ndërlidhjes në këtë rast për këtë arsye kemi lansuar platformën për diplomaci qytetare”, theksoi ajo.

Konferenca “Diaspora flet” është organizuar nga “Germin” për tri ditë me radhë më 18, 19 dhe 20 maj, tema e përgjithshme e saj ishte “Si mund të bashkë-krijojmë”.

Në seancën solemne, ku ka dhënë betimin kryetari i ri i Komunës së Mitrovicës Veriore, Erden Atiq, është zgjedhur edhe nënkryetarja e kësaj Komune, Katarina Axhançiq , e cila ishte zyrtare e deritashme në ATK.

E veçanta e kësaj seance ishte flamuri shtetëror, i cili është vendosur për herë të parë në këtë objekt.

Gjithçka kaloi qetësisht dhe pa incidente, ndërsa përreth objektit të Komunës ka prezencë të shtuar e forcave të sigurisë.

Seancën solemne të Kuvendit Komunal i cili përbehet prej 14 këshilltarëve, prej të cilëve vetëm njëri është serb, e udhëhoqi kryesuesi i këtij Kuvendi, Nexhat Uglanin, i cili kryetarit të ri dhe gjithë këshilltarëve iu uroi sukses në punën e tyre.

Seancën e ka vëzhguar nga afër edhe ministri i Administrimit të Pushtetit Lokal, Elbert Krasniqi.