Këngëtarja Jessie J ka njoftuar se është bërë nënë për herë të parë.
Përmes instastory-t, Jessie J zbuloi se u bë nënë e një djali, duke shkruajtur:’’ Një javë më parë e gjithë jeta ime ndryshoi. Djali im erdhi në këtë botë dhe zemra ime u rrit dy herë më shumë. Ndjenja është e papërshkrueshme. Po fluturoj nga dashuria. Ai është magjik’’.
Tutje, këngëtarja shtoi se nuk mund ta besoj ende këtë moment.
Jessie J pati njoftuar për herë të parë shtatzëninë e saj në janar në një video emocionuese të vendosur në këngën e saj “Sunflower”./atvlive.tv/
Ylli i televizionit dhe një nga femrat më të përfolura në shtypin rozë, Kim Kardashian është një ndër gratë më të suksesshme në botë e cila ka krijuar një perandori të modës që vlen miliarda dollar.
Ajo me paraqitjet e saj publike ka arritur të marrë një vëmendje të madhe.
Por, është një gjë, që atë e nervozon shumë, aq shumë sa që është vështirë të besohet.
E ftuar në podcast -in ‘’On Purpose’’, Kim ka treguar se momenti për t’i rregulluar flokët vajzave të saj është mjaft I vështirë.
Kim Kardashian është nënë beqare që nga viti 2021.
Pavarësisht se e pëlqen të jetë një nënë beqare dhe është e lumtur ajo u shpreh se ndonjëherë për të është e tepërt çdo gjë sa I përket rritjes së fëmijëve duke e quajtur sfiduese të gjithë situatën që ndodhet tash e dy vite.
‘’Ka netë që qaj derisa të flej’’, u shpreh Kim Kardashian.
Ditëlindja konsiderohet si dita e veçante e çdo personi, një ditë e cila nga shumica e njerëzve në botë festohet çdo vit që vjen duke marrë urimet nga personat më të dashur për jetën e tij.
Por për disa persona kjo ditë nuk është edhe aq perfektë pasi që përgjatë kësaj dite përballën me një depresion apo trishtim.
Por pse ndodhë kjo pikërisht atë ditë?
Sipas Luçia Montezi, psikologe klinike në Macerata, Itali, e cila thotë se “kultura sot e ekzagjeron rëndësinë e rinisë, bukurisë dhe efikasitetit, si kritere që përcaktojnë vlerën e një personi dhe aftësinë e tij për t’u vlerësuar apo edhe për t’u dashur nga të tjerët”.
Kujtimi i një fëmijërie që mund të mos ketë qenë shumë e lumtur, e kombinuar me pritshmërinë për përparimin personal dhe profesional në moshën 25, 30, apo 40 e më shumë mund të jenë arsyet e atij që quhet “depresioni i ditëlindjes”.
Medical News Today e përshkruan si “depresion të ditëlindjes” ndjenjën e lodhjes ose ankthit në ditët para dhe pas konsumit të tortës së festës apo dëshirës për të shmangur njerëzit.
Sipas Psych Central, rritja e nervozizmit, vështirësia në përqendrim dhe mosinteresimi për aktivitetet e pëlqyera më parë mund të jenë një shenjë e “depresionit të ditëlindjes”.
Një shenjë tjetër është fiksimi mbi ngjarjet e kaluara dhe frika nga vdekja.
Shumë njerëz i kanë shumë qejf ditëlindjet kur janë të vegjël, dhe më pas nisin t’i urrejnë me kalimin e moshës.
Veçanërisht e vërtetë nëse ndonjë ngjarje specifike përgjatë asaj periudhe të kohës si humbja e punës, ndarja me një partner ndodh ose ka ndodhur dikur afër ditëlindjes.
Frika nga plakja, është një faktor shumë i rëndësishëm se përse njerëzit trishtohen për ditëlindjen e tyre e po aq e rëndësishme është edhe pritja e urimit nga personat të cilët në ndonjë formë është e pamundur të marrësh.
Çdo vit jetë që kalon, është një vit më afër vdekjes dhe varrit.
Por Medical NewsToday sugjeron vendosjen e një “kufiri mbi trishtimin” për ndjenja të tilla.
Perspektiva ndryshon gjithçka, dhe perspektiva është gjithmonë në kontrollin e cilitdo nga ne.
Shumë me rendësi është vendosja e objektivave për të ardhmen.
Madje ekspertët sugjerojnë të shkruani mbi gjëra të tilla si “Çfarë mësova vitin e kaluar?” ose “Çfarë dua që të mësoj këtë vit?”./atvlive.tv/
Pas një periudhe disa javore, Kuvendi i Kosovës sot do të mbajë seancën e radhës.
Në njoftimin e lëshuar thuhet se deputetët duhet të mblidhen nga ora 13:00.
Pikat që do të diskutohen të gjitha janë të mbetura nga seancat e kaluara.
Rendi i ditës:
Pikat e papërfunduara nga Seanca plenare, e mbajtur më 23 mars 2023:Votimi në parim i Projektligjit nr.08/L-212 për shëndet riprodhues dhe fertilizim të asistuar mjekësor,
Votimi në parim i Projektligjit nr.08/L-214 për ndryshimin dhe plotësimin e Ligjit nr.03/L-163 për minierat dhe mineralet, i ndryshuar dhe plotësuar me Ligjin nr.04/L-158,
Shqyrtimi i Propozim-rezolutës për gjendjen në Ministrinë e Industrisë, Ndërmarrësisë dhe Tregtisë,
Zgjedhja e tre (3) anëtarëve të Komisionit të Pavarur të Mediave,
Zgjedhja e një (1) anëtari të Bordit për Ankesa të Mediave,
Zgjedhja e një (1) zëvendësi të Avokatit të Popullit nga radhët e komuniteteve që nuk janë shumicë në Kosovë,
Shqyrtimi i parë i Projektligjit nr. 08/L-210 për ndryshimin dhe plotësimin e Ligjit nr. 02/L-31 për Lirinë Fetare në Kosovë,
Shqyrtimi i parë i Projektligjit nr.08/L-218 për organizimin e tregut për produktet bujqësore,
Themelimi i Komisionit Hetimor Parlamentar në lidhje me rastet e dhunës seksuale dhe dhunës në familje në Republikën e Kosovës.Pikat e papërfunduara nga Seanca plenare, e mbajtur më 6 dhe 7 prill 2023:4. Votimi i Propozim-Rezolutës për punën dyvjeçare të Qeverisë së Kosovës,
Shqyrtimi i dytë i Projektligjit nr.08/L-110 për Agjencinë e Kosovës për Akreditim,
Shqyrtimi i dytë i Projektligjit nr.08/L-155 për sanksionet e shёnjestruara kundër shkelësve të huaj të drejtave të njeriut,
Shqyrtimi i dytë i Projektligjit nr.08/L-201 për ndryshimin dhe plotësimin e Ligjit nr.05/L-081 për energjinë,
Shqyrtimi i parë i Projektligjit nr.08/L-160 për pensionet e zyrtarëve policor të Policisë së Kosovës dhe punonjësit e Inspektoratit Policor të Kosovës me autorizime policore,
Shqyrtimi i parë i Projektligjit nr.08/L-220 për çmimin e produkteve medicinale,
Shqyrtimi i rekomandimit lidhur me auditimin e procesit të shitjeve me negocim direkt në Agjencinë Kosovare të Privatizimit,
Shqyrtimi i propozimit për ndryshimin dhe plotësimin e Vendimit të seancës plenare, nr.08-V-321, i datës 23 qershor 2022.
III. Pikat e papërfunduara nga Seanca plenare, e mbajtur më 20 prill 2023:
Shqyrtimi i Projektligjit nr.08/L-221 për ratifikimin e Marrëveshjes së kredisë dhe projektit ndërmjet Republikës së Kosovës, përfaqësuar nga Ministria e financave, punës dhe transfereve, KOSTT (Operator sistemi, transmisioni dhe tregu sh. a.) dhe KFË, Frankfurt Am Main (KFË) për Projektin -Zhvillimi i sektorit të energjisë VII – përmirësimi i rrjetit të transmetimit,
Shqyrtimi i Projektligjit nr.08/L-222 për ratifikimin e Marrëveshjes së kredisë në mes të Republikës së Kosovës dhe Bankës Evropiane për rindërtim dhe zhvillim për Projektin “Ngrohtorja solare e Prishtinës”,
Votimi në lexim të dytë i Projektligjit nr.08/L-184 për ndryshimin dhe plotësimin e Ligjit nr. 06/L-024 për trajtimin e ndërtimeve pa leje,
Shqyrtimi i Propozim-rezolutës për shpenzimet e parasë publike për dy vite mandat të Qeverisë së Republikës së Kosovës.Pika e papërfunduar nga Seanca e Jashtëzakonshme, e mbajtur më 26 prill 2023: Votimi i Propozim Rezolutës nga debati parlamentar lidhur me zhvillimet në Korporatën Energjetike të Kosovës (KEK) dhe përgjegjësinë e institucioneve qendrore në sektorin energjetik.Pikat e papërfunduara nga Seanca plenare, e mbajtur më 4 maj 2023:Votimi i Projektligjit nr.08/L-223 për ratifikimin e Marrëveshjes për bashkëfinancimin e bursave të arsimit të lartë në nivelin master në mes Ministrisë së Arsimit, Shkencës, Teknologjisë dhe Inovacionit dhe Ambasadës së Francës në Prishtinë,
Votimi në lexim të dytë i Projektligjit nr. 08/L-153 për edukimin në fëmijërinë e hershme,
Shqyrtimi i parë i Projektligji nr.08/L-219 për ndryshimin dhe plotësimin e Ligjit nr.04/l-054 për statusin dhe të drejtat e dëshmorëve, invalidëve, veteranëve, pjesëtarëve të ushtrisë çlirimtare të Kosovës, personat e dhunuar gjatë luftës, viktimave civile dhe familjarëve të tyre, i ndryshuar dhe plotësuar me ligjin nr. 04/L-172,
Shqyrtimi i parë i Projektligjit nr.08/L-224 për ndryshimin dhe plotësimin e Ligjit nr. 06/L-005 për tatimin në pronën e paluajtshme,
Shqyrtimi i parë i Projektligjit nr.08/L-225 për Agjencinë e Inteligjencës dhe Sigurisë së Mbrojtjes,
Shqyrtimi i parë i Projektligjit nr.08/L-207 për tekstet shkollore,
Shqyrtimi i Vendimit të Qeverisë së Republikës së Kosovës nr.21/136, datë 22.03.2023 për themelimin e Kolegjit Publik Ndërkombëtar të Biznesit (IBCM) me seli në Mitrovicë si Institucion i arsimit të Lartë,
Shqyrtimi i rekomandimit lidhur me raportin e auditimit të performancës menaxhimi i projektit “Bashkimi i qytetit të Ferizajt”.
Sot në vendin tonë do të mbahet mot kryesisht i kthjellët dhe me diell.
Temperaturën minimale do e mbajë Gjakova me 10 gradë Celsius, ndërsa atë maksimale Prizreni me 21 gradë Celsius.
Edhe dita e nesërme në Kosovë do të jetë me vranësira dhe gjatë pasdites pritet të ketë reshje të lehta shiu. Temperatura minimale do të shënohet në Gjakovë me 11 gradë Celsius, ndërsa ajo maksimale në Ferizaj me 24 gradë Celsius.
Ndërkohë, në Shqipëri do të ketë mot me intervale të lehta me diell. Temperaturën minimale do e ketë Korça me 9 gradë Celsius, ndërsa ajo maksimale do të jetë në Shkodër me 30 gradë Celsius. /atvlive.tv/
Parashikimin e plotë të motit, për rajon dhe Evropë, mund ta gjeni në videon e mëposhtme:
Sot në Dhomat e Specializuara në Hagë vazhdon gjykimin ndaj krerëve të ish-Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.
Ndryshe edhe dje ka vazhduar dëshminë dëshmitari i gjashtë i ZPS-së në gjykimin e Thaçit dhe të tjerëve. Dëshmitari i radhës i ZPS-së është dëshmitari i mbrojtur 4355.
Të hënën ka përfunduar dëshminë edhe dëshmitari i pestë me kodin 3165 në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.
Sikur ditët e kaluara edhe të hënën e të martën seanca në shumicën e kohës ka qenë me përmbajtje të redaktuar dhe në sesion privat.
Gjykimi do të vazhdojë me dëgjimin e dëshmitarit të radhës nga Zyra e Prokurorit të Specializuar.
Në këtë proces deri tani janë dëgjuar gjashtë dëshmitarë të prokurorisë të cilët kanë dëshmuar nën masa mbrojtëse, dhe në seanca pothuajse tërësisht të mbyllura për publikun.
Për muajin maj janë paraparë të zhvillohen dhjetë seanca.
Gjykimi ndaj ish-krerëve të UÇK-së ka nisur më 3 prill kurse të akuzuarit janë deklaruar të pafajshëm.
Ndryshe aktakuza e parë kundër katër të akuzuarve u konfirmua më 26 tetor 2020 dhe u bë publike më 5 nëntor 2020. Sipas aktakuzës, krimet e paraqitura në të u kryen më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore.
Një person që përplasi një automjet afër portave të Shtëpisë së Bardhë, po përballet me akuza të shumta penale, tha policia amerikane.
Autoritetet amerikane deklaruan se ka gjasa që incidenti të ketë qenë i qëllimshëm.
Sipas njoftimit të policisë amerikane, i dyshuari po akuzohet për kërcënim me vrasje, rrëmbim apo shkaktim i lëndimeve ndaj presidentit, nënpresidentes apo familjarëve të tyre. Autoritetet nuk kanë bërë të ditur identitetin e të dyshuarit.
I dyshuari u arrestua pas incidentit që ndodhi të hënën mbrëma, tha Shërbimi Sekret amerikan, duke shtuar se nuk ka ndonjë rrezik pas kësaj ngjarjeje.
Sipas një dëshmitari që foli për Reuters, automjeti, që i dyshuari kishte marrë me qira, u përplas në rrethojat e sheshit Lafajet, që gjendet pranë Shtëpisë së Bardhë. Hetuesit i kanë gjetur të dyshuarit një flamur me simbole naziste.
“Sipas hetimeve të para, shoferi mund të ketë përplasur qëllimshëm automjetin në rrethojat e sheshit Lafajet”, shkroi në Twiter zëdhënësi i Shërbimit Sekret, Anthony Guglielmi.
I arrestuari po ashtu po përballet me akuza të sulmit me armë të rrezikshme, dëmtim të pronës private dhe drejtim të pakujdesshëm të automjetit.
Televizioni WUSA transmetoi një video të policisë duke iu afruar një automjeti të tipit U-Haul. Në video shihet se si dera e këtij automjeti hapet nga një robot i telekomanduar.
Chris Zaboji, i cili ishte dëshmitar i kësaj ngjarjeje, publikoi një video të shkurtër në mediat sociale, që tregonte momentin kur automjeti u përplas për rrethoja.
“Shikova pas dhe pashë automjetin duke u përplasur në barrikadë”, tha ai, duke shtuar se më pas automjeti u përplas sërish për rrethojat e sheshit.
Vendndodhja e saktë e presidentit amerikan, Joe Biden, në momentin e incidentit, që ndodhi pak para orës 22:00, nuk dihet. Ai ishte takuar më parë me kryetarin e Dhomës së Përfaqësuesve të Shteteve të Bashkuara, Kevin McCarthy, në Shtëpinë e Bardhë të hënën në mbrëmje./REL/
Ministri i Punëve të Brendshme, Xhelal Sveçla, ka pritur sot në takim ambasadorin e Turqisë në Republikën e Kosovës, Sabri Tunç Angili.
Me këtë rast, ministri Sveçla e njoftoi Ambasadorin Angili për prioritet e Qeverisë dhe
Ministrisë së Punëve të Brendshme për luftimin e krimit të organizuar dhe korrupsionit.
Gjatë këtij takimi ministri Sveçla e njoftoi ambasadorin edhe për reformat në të cilat është duke kaluar Ministria e Punëve të Brendshme.
Ministri Sveçla vlerësoi mbështetjen e vazhdueshme që ka dhënë Turqia në fuqizimin e
kapaciteteve të institucioneve tona të sigurisë, me theks të veçantë për Policinë e Kosovës.
Ambasadori Angili e falënderoi ministrin Sveçla për mikpritjen dhe shprehu gatishmërinë për thellimin e bashkëpunimit në mes Republikës Turqisë dhe Republikës së Kosovës.
Në semaforët e kryeqytetit Ganiu, 19-vjeçar, del çdo ditë për të pastruar xhamat e veturave, në mënyrë që të fitojë para, siç tha ai, për ta mbajtur familjen.
“Prej kur i kom pas 9-10 vjet jam dal me punu që me mbajt familjen, sepse s’ka pas kush tjetër, e ka qenë pak e vështirë. Ka shumë njerëz të mirë që sillen mirë me mu po edhe prej atyre sillen keq me mu por normal ka ma shumë njerëz të mirë”, deklaroi Ganiu.
Tutje, 19-vjeçari shpreh dëshirën që në të ardhmen të bëhet këngëtar.
”Unë kam qejf me realizu dëshirë teme, që me bo muzikë, me u bo këngëtar”, tha ai.
