Author: G.O.

Vetëm një pacient është duke marrë trajtim në Klinikën Infektive i prekur me COVID-19, ka bërë të ditur, drejtori Arben Vishaj.

Vishaj ka deklaruar për Ekonomia Online se gjendja e tij është e mirë dhe se nuk ka kërkesa për spitalizim.

“Për momentin e kemi një pacient që është me COVID-19. Herë pas here kemi raste në mënyrë sporadike por nuk kemi forma siç i kemi pasur më parë forma shumë të rënda klinike dhe nuk kemi kërkesë për spitalizim çfarë i kemi pasur në periudhat tjera të viteve të kaluara”, u shpreh Vishaj për EO.

Presidenti i Francës, Emanuel Macron, do të takohet këtë të martë me homologun e tij nga Shqipëria, Bajram Begaj.

Gjatë pritjes së Markron nga kreu i shtetit, do të interpretohen himnet kombëtare të të dyja vendeve për të vijuar më tej me prezantimet e ekipeve respektive dhe fotos zyrtare në hollin “Nënë Tereza”.

Më pas në orën 08:35-09:05 dy liderët do të zhvillojnë një takim kokë më kokë.

Macron mbërriti në Tiranë mbrëmjen e djeshme (16 tetor), duke shënuar vizitën e parë zyrtare të një Presidenti francez në Shqipëri.

Markon mbërriti në kryeqytet pas përfundimit të Samitit të Procesit të Berlinit, takim të cilin e humbi për shkak të shtyrjes me disa orë të vizitën prej sulmit të ndodhur në një nga shkollat franceze ditën e premte, ku një mësues francez u vra me thikë nga një ish-nxënës i radikalizuar në Arras (Pas- de-Calais).

Presidenti Makron e ka nisur vizitën zyrtare në Shqipëri duke i dorëzuar shkrimtarit tonë të shquar, Ismail Kadare Dekoratën e “Oficerit të Madh të Legjionit të Nderit”.

Ceremonia u mbajt te Pallati i Brigadave, ku Macron vlerësoi punën e Kadares, duke përmendur edhe disa nga veprat e tij. Ai e vlerësoi Kadarenë për rolin si poet i Ballkanit, si rapsod i Europës dhe për lidhjen që mishëron mes Shqipërisë dhe Francës.

Më pas, Makron u takua me Kryeministrin Edi Rama ku shkëmbyen vlerësime dhe deklarata miqësie në Pallatin e Brigadave, aty ku u zhvillua edhe ceremonia e pritjes së presidentit francez./rtsh.al

Ushtria izraelite të shtunën pretendoi se kishte vrarë një udhëheqës të lartë të Hamasit, i cili tha se udhëhoqi sulmin e befasishëm ndaj Izraelit më 7 tetor.

“Ali Qadi udhëhoqi masakrën çnjerëzore, barbare të 7 tetorit të civilëve në Izrael”, tha ushtria izraelite në një deklaratë.

Nuk ka pasur ende asnjë koment nga pala palestineze mbi pretendimin.

Ushtria izraelite shpërndau gjithashtu pamjet e sulmit ajror në të cilin thuhet se u vra Qadi.

Mediat izraelite raportuan gjithashtu se gjatë sulmit të 7 tetorit, Brigadat Al-Qassam, krahu i armatosur i Hamasit, shkatërruan një helikopter ushtarak izraelit pranë Rripit të Gazës.

Në një përshkallëzim dramatik të tensioneve në Lindjen e Mesme, një javë më parë forcat izraelite nisën një fushatë të qëndrueshme dhe të fuqishme ushtarake kundër Rripit të Gazës, një përgjigje ndaj një ofensive ushtarake të grupit palestinez Hamas në territoret izraelite.

Konflikti filloi të shtunën e kaluar kur Hamasi nisi Operacionin “Al-Aksa Flood” kundër Izraelit, një sulm i papritur i shumëfishtë duke përfshirë një breshëri lëshimesh raketash dhe infiltrimesh në Izrael nëpërmjet tokës, detit dhe ajrit.

Hamasi tha se operacioni ishte në hakmarrje për sulmin ndaj xhamisë Al-Aksa në Jerusalemin Lindor të pushtuar dhe dhunës në rritje të kolonëve izraelitë kundër palestinezëve.

Ushtria izraelite më pas nisi operacionin Shpatat e Hekurt kundër objektivave të Hamasit brenda Rripit të Gazës.

Përgjigjja e Izraelit është shtrirë në ndërprerjen e furnizimit me ujë dhe energji elektrike në Gaza, duke përkeqësuar më tej kushtet e jetesës në një zonë që është përfshirë nga një rrethim të madh që nga viti 2007.

Mbi 3.500 njerëz janë vrarë që nga shpërthimi i konfliktit më 7 tetor, duke përfshirë 2.215 palestinezë dhe 1.400 izraelitë./AA

Deputetja britanike, Alicia Kearns, ka thënë se janë bërë dy javë që kur Milan Radoiçiq e ka pranuar fajin për sulmin e 24 shtatorit ku u vra një polic i Kosovës, ndërkohë që s’ka pasur pasoja për Serbinë.

Kearns thotë se kjo po ndodh edhe përkundër glorifikimit që Serbia ua ka bërë terroristëve me shpalljen e ditës së zisë, veprim që politikania britanike e konsideron “akt të qartë përshkallëzimi”.

“Tashmë kemi dy javë që kur Radoiçiq e pranoi fajin për sulmin në Kosovë, ku u vra një oficer policie.Ai mbetet i lirë në Serbi.Nuk ka pasur pasoja për Serbinë pavarësisht glorifikimit të terroristëve me një ditë zie – një akt i qartë përshkallëzimi”, ka shkruar ajo.

We are now two weeks since Radoičić admitted guilt for the attack on Kosovo which saw a Police Officer murdered.

He remains free in Serbia.

There have been no consequences for Serbia despite its glorification of the terrorists with a day of mourning – a clear act of escalation. https://t.co/PubnBKSHrt

— Alicia Kearns MP (@aliciakearns) October 14, 2023

Me 88% të votave të numëruara, Partia Kombëtare opozitare e Zelandës së Re ka siguruar një epërsi të konsiderueshme ndaj Partisë Laburiste në pushtet në zgjedhjet e përgjithshme të së shtunës.

Sipas Komisionit Zgjedhor të vendit, deri më tani Partia Kombëtare ka siguruar 50 vende në Parlamentin që ka gjithsej 121 vende, e ndjekur nga Laburistët me 34 vende.

Deri më tani, Partia e Gjelbër ka fituar 13 vende, ACT Zelanda e Re 12, Partia e Parë e Zelandës së Re 8, dhe partia e të drejtave indigjene ‘Te Pati Maori’ 4 vende.

Një mandat iu shtua vetëm pak ditë më parë Parlamentit nga 120 mandatet e tij normale pas vdekjes së papritur të njërit prej kandidatëve. Një zgjedhje e pjesshme do të zgjedhë anëtarin e 121-të./AA

Ministri i Shëndetësisë Arben Vitia ka bërë të ditur se mbrëmë, menjëherë pasi u njoftuan për rastin e helmimit të 100 qytetarëve në Komunën e Malishevës bashkë me drejtorin e SHSKUK-së kanë vizituar të hospitalizuarit në Klinikën Infektive në QKUK.

Ai në një postim në Facebook ka shkruar se në QKUK të hospitalizuar janë 11 qytetarë dhe 9 qytetarë të tjerë janë në Spitalin e përgjithshëm të Prizrenit.

“Gjendja e të gjithë të hospitalizuarave pas marrjes së trajtimit mjekësor është e qetë dhe stabile. Inspektoratet dhe organet ligjzbatuese janë në terren dhe kanë marrë të gjitha të dhënat lidhur me rastin dhe burimin e shkakun e helmimit”, ka thënë Vitia.