Author: G.O.

Oligarku rus, Alexey Kuzmichev, është arrestuar dhe po merret në pyetje në Francë në lidhje me dyshimet për shmangie të tatimeve dhe pastrim parash, si dhe për shkeljen e sanksioneve ndërkombëtare, tha Zyra e Prokurorit për Financa më 31 tetor.

Një ditë më herët, autoritetet kanë kryer bastisje në shtëpinë e Kuzmichevit në Paris dhe në rajonin Var.

Kuzmichev vazhdon të jetë i ndaluar nga autoritetet dhe ende ndaj tij nuk janë ngritur akuza. Avokatët e tij ende nuk janë deklaruar për rastin.

Zyrtarët doganorë francezë vitin e kaluar konfiskuan jahtin “Le Pettie Ourse” të Kuzmichevit. Konfiskimi i jahtit prej 27 metrash ishte pjesë e sanksioneve të vendosura nga Bashkimi Evropian për shkak të lidhjeve të oligarkut me presidentin rus, Vladimir Putin.

Ky veprim nxiti një betejë ligjore midis autoriteteve dhe Kuzmichevit, i cili është një prej aksionarëve të bankës ruse, Alfa Bank.

Kuzmichev po ashtu në gusht të këtij u fut në listën e sanksioneve amerikane për shkak të pushtimit të paprovokuar rus të Ukrainës./REL/

Ndërmarrja Publike Banesore të martën ka përuruar “Muralin” ndërgjegjësues për kancerin e gjirit, me rastin e Muajit Rozë, raporton Ekonomia Online. Në ceremoninë e përurimit u tha se murali do të shërbejë si mesazh i fuqishëm i vetëdijesimit për kancerin e gjirit si dhe për rëndësinë e zbulimit të hershëm. Në të njëjtën kohë paraqet një formë të solidarizimit me personat që janë përballur dhe vazhdojnë të përballen me të si dhe familjet e tyre duke përhapur shpresë, forcë dhe mbështetje.

Nënkryetarja e Prishtinës, Donjeta Sahataçiu, tha se morali i dedikohet grave që i kanë mbijetuar kësaj sëmundjeje.

“Ne jemi bërë bashkë për Prishtinë dhe jemi bërë përballë kësaj sfide. Për ta lënë një trashëgimi siç është ky morali këtu në qendër të Prishtinës, si një shenjë për të gjitha gratë që e kanë tejkaluar këtë sfidë”, tha ajo.

Kryeshefi i Ndërmarrjes Publike Banesore, Artan Berisha, tha se murali nuk paraqet vetëm një vepër arti, por është simbol i shpresës, unitetit dhe forcës.

Sipas tij, kjo sëmundje mund t’i prek të gjithë, prandaj edhe murali është dëshmi e vendosmërisë sonë për t’u përballur me këtë sfidë.

“Sot, jemi mbledhur për të përuruar një iniciativë të NPB-së që tregon angazhimin ndaj një kauze të rëndësishme  ndërgjegjësimin ndaj kancerit të gjirit. Ky mural para nesh nuk paraqet vetëm një vepër arti, por është simbol i shpresës, unitetit dhe forcës”.

“Ai përfaqëson fuqinë e ndërgjegjësimit, edukimit dhe mbështetjes si dhe ndikimin që një komunitet mund t’a ketë kur është i bashkuar me një qëllim të përbashkët. Kanceri i gjirit na prek të gjithëve, drejtpërdrejt ose tërthorazi, dhe ky mural është dëshmi e vendosmërisë sonë për t’u përballur me këtë sfide”.

“Prandaj, përderisa përurojmë këtë mural, ne sot nderojmë guximin e të mbijetuarve dhe familjarëve të tyre, kujtojmë ata që i kemi humbur dhe shfaqim angazhimin tonë për të rritur ndërgjegjësimin dhe për të nxitur përparimin e vazhdueshëm në këtë drejtim”.

Kryetari i Sindikatës së Bashkuar të Arsimit, Shkencës dhe Kulturës (SBAShK), Rrahman Jashari, në një prononcim për Ekonomia Online, tha se nga raportet që kanë gjendja me furnizimin e librave në shkolla nuk është e mirë, pasi sipas tij, edhe pas dy muajsh ka nxënëseve që nuk është pajisur ende me libra.

Ai ka thënë se gjendje është me e keqe për nxënësit nga klasa gjashtë deri në të nëntën, si shkak i vendimit që këto klasë t’i përdorin librat e viteve të kaluar.

Jashri sqaroi se një pjesë e atyre librave kanë qenë të dëmtuara, nuk kanë qenë të dhe se fletoret e punës kanë paraqitur problem ngase kanë qenë të plotësuara.

“Ne kemi marrë informacione prej 2 javësh, gjendja nuk ka qene fortë e mirë ngase na është thënë së ka nxënëse që nuk janë pajisur një pjesë e tyre fare por një pjese tjetër janë pajisur me tekste, dhe gjendjen e kemi me të keqe nga klasa e 6-9 për arsye të ditura sepse tekstet janë përdorur vitin e kaluar shkollorë dhe një pjesë e tyre kanë qene të dëmtuara, nuk kanë qenë të përdorshme për këtë vite edhe fletorët e punës kanë paraqitur problem ngase kanë qenë të plotësuara:.

Jashari tha se ky vendim që ka marr MASHT-i për furnizim me libra ka qenë gabim dhe se shpreson që vitin e ardhshme Qeveria të ndaj mjete të mjaftueshëm që nxënësit të pajisen me libra.

“Vetë fakti që po flasim për këtë temë mbas 2 muaj fillimi në shkollë tregon që vërtet vendimi i zonjës Nagavci ka qenë i gabuar dhe uroj qe edhe ata të kenë mësuar nga  ky gabim dhe vitin e ardhshëm urojë të kemi mjete të mjaftueshme nga qeveria që të gjithë nxënësit që nga klasa e 1-9 me kohë të jenë të furnizuar por jo në këtë formë po si në të kaluarën”.

Ai tha se problem ka pasur edhe tek rimbursimin i familjeve, sipas tij, është raportuar se ka pasur prind që për shkak të borxheve u janë bllokuar mjetet e ndara nga MAShTI, raporton EO.

“Nga informacionet  tona ka pasur vrenjtë se ka nxënëse që ende nuk janë pajisur një pjesë fare, më asnjë tekste. Kryetarit i këshillit të prindërve te nivelit te vendit e dinë ankesa të tilla, ajo që është thënë dhe është shprehur frikë e arsyeshme nga njerëzit që i njohin këto gjera është thënë së mund te ketë prind që për shkak të borxheve pa pamundësisë t’i paguajnë borxhet e caktuara mund ti kenë pas edhe të bllokuar mjetet eventuale dhe me kujtohet një rast kur zonja ministresh e dha një vendimi që këta të mos veprojnë mirëpo ata ia kthyen se ata e kanë detyrën e vetë, mbase një pjesë e prindërve edhe nuk kanë mundur fare deri të rimbursimi për shkak të borxheve dhe xhirollogarive të mbyllura, ka pasur edhe prind që kane pritur më rreshta që të marrin librat në librari pra e gjithë kjo nuk ka nevojë të ndodhtë, nëse Qeveria nuk ka mjete bashkëkohorë për laptop dhe projektor se paku mos të na sfidojë më tekste shkollore”.

Ministria e Arsimit këtë vit ka ndare nga 80 euro për blerjen e librave për nxënësit nga klasa e parë deri në të pestën, si dhe nga 30 euro shtesë si mbështetje për materiale të tjera shkollore për nxënësit nga klasa e gjashtë deri në të nëntën.

Sot në vendin tonë parashihet të mbajë mot kryesisht me kthjellime dhe reshje shiu në disa zona pasdites.

Temperaturën minimale për ditën e sotme do ta mbajë Peja, Gjilani dhe Ferizaj me 9 gradë Celsius, ndërsa atë maksimale  Prizreni me 22 gradë Celsius.

Ndërkohë, dita e nesërme në vendin tonë parashihet të ketë mot të ngjashëm.

Temperaturën minimale për ditën e nesërme do ta mbajë Peja me 8 gradë Celsius, ndërsa atë maksimale Prizreni me 20 gradë Celsius.

Ndërkaq, në Shqipëri do të ketë mot kryesisht të vranët dhe reshje shiu. Temperaturën minimale do e ketë Korça me 9 gradë Celsius, ndërsa ajo maksimale do të jetë në Berat me 28 gradë Celsius. /atvlive.tv/

Parashikimin e plotë të motit, për rajon dhe Evropë mund ta gjeni në videon e mëposhtme:

Policia e Kosovës ka arrestuar dje në Prishtinë gjashtë persona.

Kjo, pasi që gjatë kontrollimit tek të njëjti janë gjetur dhe sekuestruar 9 gramë substancë që dyshohet të jetë narkotike e llojit marihuanë.

Në raportin 24 orësh të Policisë, bëhet e ditur se dyshuarit pas intervistimit me vendim të prokurorit janë liruar në procedurë të rregullt.

Njoftimi i plotë:

POSEDIM I SUBSTANCAVE NARKOTIKE

Rr. Viktor Majer, Prishtinë 27.2023 – 16:30. Gjashtë meshkuj kosovarë janë arrestuar për arsye se gjatë kontrollimit te të njëjtit janë gjetur dhe sekuestruar 9 gramë substancë që dyshohet të jetë narkotike e llojit marihuanë. Të dyshuarit pas intervistimit me vendim të prokurorit janë liruar në procedurë të rregullt.

Kryeministrja Giorgia Meloni se Italia po përgatitej të ndërmarrë ndihma për Rripin e Gazës nëpërmjet detit.

“Jam në kontakt të vazhdueshëm me ministrin e Mbrojtjes (Guido) Crosetto dhe aleatët tanë”, u tha Meloni gazetarëve në Marche, qyteti i Acqualagna.

“Ne kemi një mjet patrullues shumëdimensional që është gati të arrijë në ujërat e Gazës për të ofruar ndihma humanitare. Dhe ne kemi dy fregata të tjera dhe një anije amfibe, nëse nevojiten, si dhe spitalet fushore”.

Ajo tha se lirimi i pengjeve që Hamasi mori në sulmet e tij mbi Izraelin, më 7 tetor ishte vendimtare për de-përshkallëzimin e situatës.

“Shpresojmë që në një moment të ketë lajme (për pengjet). Lajmet (në këtë front) do të ishin shumë të rëndësishme për të arritur një de-përshkallëzim”, tha Meloni.

Ajo shtoi se Italia po bënte “punë të mundimshme” në nivel diplomatik “me përgjegjësi dhe ekuilibër të madh” brenda Këshillit Evropian dhe OKB-së. /ANSA

Banorët e Grenlandës nuk do të kthejnë orët e tyre prapa në orën dimërore të dielën për herë të parë dhe nuk do të ndryshojnë zonën kohore.

Qeveria e Grenlandës vendosi të heqë orën verore dhe dimërore në ishull në nëntor 2022, njoftoi agjencia daneze e lajmeve Ritzau.

Ishulli është zyrtarisht pjesë e Mbretërisë së Danimarkës, por në praktikë është kryesisht vetëqeverisës. Në vend që të kthenin akrepat e orës, autoritetet grenlandeze vendosën të qëndrojnë përgjithmonë në zonën kohore UTC/GMT-2.

Të dielën, pjesa më e madhe e Evropës, përfshirë Danimarkën, do të zhvendosin orët e tyre një orë pas, duke kaluar nga ora verore në dimërore.

Por në Grenlandë, në vend të katër orëve të mëparshme, do të jetë tri orë më pak se në Danimarkë. Qyteti i vogël i Ittoqqortoormiit në lindje të Grenlandës është e vetmja pjesë e ishullit që do të kthejë orët prapa të dielën.