Author: G.O.

Ambasada amerikane në Serbi i ka thënë Radios Evropa e Lirë se Shtetet e Bashkuara nuk kanë rol në vendimet e autoriteteve në Serbi, teksa e ka komentuar dorëheqjen e drejtorit të Agjencisë serbe për Siguri dhe Informacion (BIA), Aleksandar Vullin.

“Pozicioni ynë për Vullinin është i ditur. Ai është nën sanksione amerikane”, ka thënë një zëdhënës i ambasadës në kërkesën e Shërbimit të Ballkanit të Radios Evropa e Lirë për ta komentuar dorëheqjen e Vullinit.

Ambasada ka thënë se SHBA-ja synon ta thellojë partneritetin me Serbinë, me qëllim të integrimit evropian dhe euro-atlantik.

Vullin ka dhënë dorëheqje nga pozita e shefit të agjencisë së inteligjencës së Serbisë, më 3 nëntor.

“Po e dorëzoj dorëheqjen e parevokueshme nga pozita e drejtorit të BIA-s”, ka thënë Vullin më 3 nëntor, i cili është në listën e sanksioneve amerikane prej korrikut të këtij viti, për shkak të dyshimeve për korrupsion dhe për përfshirje në trafikim të drogës, si dhe për lidhjet me Rusinë.

“SHBA-ja dhe BE-ja po kërkojnë kokën time si parakusht për të mos vendosur sanksione ndaj Serbisë. Unë nuk jam shkaktar i shantazheve dhe presioneve ndaj Serbisë dhe botës serbe, por nuk do ta lejoj veten të jem shkaktar i shantazheve dhe presionit ndaj Serbisë dhe botës serbe. Prandaj, parashtroj dorëheqjen time të parevokueshme nga posti i drejtorit të BIA-s”, ka thënë VUllin.

Presidenti i Serbisë, Aleksandar Vuciq, ka thënë se ka ekzistuar presion prej kur Vullin është emëruar në atë pozitë.

“Ai e di shumë mirë si lëviz dhe çfarë pasoja mund të ketë. Nuk mund të komentoj për të gjitha gjërat për arsyen e thjeshtë se jam i obliguar që të mos flas për këto gjëra”, ka thënë Vuçiq për Televizionin Pink më 3 nëntor, duke shtuar se e kupton reagimin e Vullinit.

Mes tjerash, Vuçiq ka thënë se Vullin nuk është agjent i askujt, përfshirë Rusinë.

Ai i ka thënë Televizionit Pink se dëshiron ta falënderojë Vullinin “për kontributin që e ka bërë për ruajtje të shtetit tonë, për ta bërë atë stabil dhe të pavarur”.

Në dekadën e fundit, Vullin ka mbajtur disa pozita politike, përfshirë atë të kryetarit të Zyrës për Kosovën në Qeverinë e Serbisë, si dhe në departamente të mbrojtjes dhe çështjeve të brendshme.

Ai ka mbajtur lidhje të ngushta me zyrtarët rusë edhe pas nisjes së luftës së Rusisë në Ukrainë, në shkurt të vitit 2022.

Ndonëse Serbia është kandidate për anëtarësim në BE, ajo nuk u është bashkuar sanksioneve të bllokut evropian kundër Rusisë, për luftën e nisur kundër Ukrainës./REL/

Banorët e lagjes “Matiçan”, në Prishtinës, kanë protestuar kundër rihapjes së deponisë së dheut, në këtë lagje. Kjo për shkak të kamionëve që po dëmtojnë rrugën, shkaktojnë aksidente, pluhur dhe zhurmë. Ata madje paralajmëruar protesta më të ashpëra, nëse nuk mbyllet deponia.

Sipas tyre, kjo deponi ishte mbyllur por është rihapur prapë me vendim të kryetarit të Prishtinës, Përparim Rama, vendim këtë të cilin e quajnë të jashtëligjshëm, për shkak të mospëlqimit të banorëve që jetojnë aty.

Organizatori i kësaj proteste, Arsim Rexhepi tha se deponia duhet të mbyllet urgjentisht sepse po pengon jetesën e banorëve në lagjen e Matiçanit.

Ai tha kanë bërë kërkesa të vazhdueshme dhe ende nuk ka diçka konkrete. Sipas tij, nëse nuk mbyllet kjo deponi, protestat e ardhshme do të jenë më të ashpra.

“Sot jemi kundër një vendimi të kryetarit të komunës, i cili ka marrë vendim për hapjen, rihapjen deponisë së dheut në mënyrë ilegale për neve, sepse kryetari i komunës, përfaqësuesit e komunës nuk kanë marrë pëlqimin e banorëve për rihapjen e kësaj deponie, në si banorë besoj shumica e banorëve kanë marrë iniciativa, kërkesa, protesta të shumta në pesë vitet e fundit kudër asaj deponie dhe asnjëherë kërkesat tona nuk janë marrë parasysh deri në vitin e fundit, ne 2022 kur fillimisht është mbyllur deponia dhe kryearti i komunës, zoti Rama ka marrë një vendim për neve të paligjshëm për arsyeje se e ka rihapur dhe i dhënë hortikulturës sot parcela në atë pjesë, ne jemi kundër deponisë jem për mbylljen e deponisë urgjentisht. Kjo për arsyeje të shumta, e para kamionët që kalojnë në rrugën tonë dëmtohet rruga është rrezik i përgjithshëm i banorëve…. Ku ne si banorë nuk mund të hapim dyert, dritaret për ajrosje të shtëpive tona prej tymit, zhurmës dhe prej pluhurit të kamionëve. D.m.th. është një problem i madh kërkesën e fundit që ne si banorë me peticion e kemi dorëzuar me 26.10 2023 te nënkryetari komunës i cili na ka premtuar që brenda javës, ku ka premtuar brena javës do të na bëjnë një zgjidhje apo do të marrin një vendim për mbylljen e kësaj deponie” tha Rexhepi

Po ashtu, Rexhepi tha se si banorë në protestat e ardhshme do të bllokojnë rrugën për të gjithë kamionët.

Ai shtoi se në hapësirën e deponisë nuk hedhet vetëm dheu por edhe mbeturinat të tjera të cilat po dëmtojnë shëndetin e banorëve.

“Ne si banorë nuk do të tërhiqemi, nga kërkesat tona ku në fakt ne do të i japim një afat dy ditor punë, ditën e hwnw dhe të martën nuk do te ketë protestë, prej të mërkurës do të vazhdojë protestat, dhe protestat e ardhshme do të bllokohet rruga vetëm për kamionë, te jemi te qartë nuk do të bllokohet rruga për komunikacion të banorëve, por për kamionët që hedhin dhe në atë deponi. .. Aty hedhet edhe mbeturina të ndryshme, personalisht kam incizime të bollshme ku kamionët hedhin mbetej interne të tjera jo vetëm, dhe si armatura dhe bërllok dhe në fund mbulohen me dhe, nuk është vetëm deponi e dheut”, shtoi Rexhepi.

Avokati i Isni Kilajt, Brien Edwards, ka bërë të ditur se ndaj klientit të tij nuk ka aktakuzë, duke kërkuar kështu lirimin e tij.

Edwards tha se Kilaj ka treguar gatishmëri që të intervistohet menjëherë edhe pa praninë e ndonjë avokati.

Ai u shpreh se Kilaj është familjar dhe ka lidhje jashtëzakonisht të mirë me komunitetin ku jeton.

“Në çoftëse do të bëhet siç thotë prokuroria, ai duhet të pres derisa të bëhet aktakuza, derisa të konfirmohet pra vendimi, i ndaluar, larg nga shtëpia, larg nga familja e tij, ai do të vazhdojë të jetë në një situatë të cënueshme, larg nga shtëpia e tij, nga ku u mor më 2 nëntor”.

“Ai duhet të pres derisa prokuroria të përfundojë hetimet e veta dhe pastaj të hartojë aktakuzën dhe pastaj ta paraqesi aktakuzën dhe ndërkohë ai nuk mund të bëjë asgjë që ta detyrojë prokurorinë që ta përshpejtojë këtë proces”, është shprehur ai.

“Nëse do të kishte një aktakuzë para juve sot z.Gjykatës, z.Kilaj sot do të paraqitej, do të deklarohej dhe nuk do të diskutohej e drejta e tij për të pritur 30 ditë, ai do t’iu thoshte tani menjëherë se nuk është fajtor për asnjë nga akuzat që prokuroria mund të dojë t’i paraqes kundër tij, kaq i përgatitur është ai për të bashkëpunuar plotësisht me këtë trup gjykues, me këtë gjykatë dhe me prokurorinë”, është shprehur tutje Edwards.

Isni Kilaj paraqitet para Gjykatës Speciale

Kryeministri i Republikës së Kosovës, Albin Kurti, ishte mbrëmë pjesë e darkës në kuadër të konferencës parlamentare ndërkombëtare me temë “E ardhmja e Transportit” të organizuar nga Komisioni Parlamentar për Mjedis, Ushqim, Bujqësi, Planifikim dhe Zhvillim, dhe me mbështetje të fondacionit gjerman Friedrich Erbert Stiftung.

Kryeministri Kurti gjatë darkës i informoi deputetët për projektet e qeverisë në fushën e transportit dhe energjisë, me theks të veçantë investimet në ndërtimin e hekurudhës që do të lidh Prishtinën me Durrësin dhe projektet për diversifikimin e resurseve energjetike. Ai theksoi mundësitë e investimeve në sektorin e ndërtimit të kapaciteteve të reja gjeneruese të energjisë së ripërtrishme nga teknologjia solare dhe e erës.

Duke theksuar përkushtimin e Qeverisë në fushën e arsimit, kryeministrit Kurti gjithashtu i njoftoi deputetët rreth sistemit dual të arsimit që ka filluar së aplikuari në Kosovë. Synimi është lidhja e arsimit me ekonominë dhe arsimit profesional me tregun e punës në mënyrë që të përgatisim rininë për tregun e punës.

Të pranishëm në darkë ishin deputetë nga Gjermania, Portugalia, Shqipëria, Turqia, Maqedonia e Veriut dhe Bosnja e Hercegovina.​

Në Klinikën e Dermatologjisë të Qendrës Klinike Universitare të Kosovës (QKUK), mungon hapësira e mjaftueshme për të ofruar trajtimet e nevojshme për pacientë. Përveç kësaj, ka vështirësi të vazhdueshme në sigurimin e azotit të lëngshëm dhe mungesën e Patch testeve. Po ashtu, vihet në theks edhe nevoja për rritjen e numrit të infermierëve. Ndërkaq, në këtë klinikë, deri në shtator të këtij viti, janë kryer mbi 16 mijë vizita amulantore specialistike.

Kështu bën të ditur në një intervistë për KosovaPress, drejtori i Klinikës së Dermatologjisë, Enver Krasniqi, i cili potencon se për shkak të mungesës së hapësirës, brenda një dhome janë të vendosur deri në katër shtretër, për çka thotë se po humbet privatësia e pacientëve.

“Kur përmendet hapësira, një rast konkret në pjesën stacionare, praktikisht dhomat e parapara me standarde për dy pacientë e dy shtretër, diku janë të vendosur tre e diku katër shtretër, me çka pamundësohet të kryhet puna sipas standardeve… Tek ne përveç terapisë me gjilpëra apo ampulla dhe me tableta, një pjesë të mirë të madhe, bën pjesë terapia lokale, pra lyerja e pacientëve me barna të ndryshme, dhe praktikisht humbet privatësia e pacientit. 04:40 Problemi me azot të lëngësht, ku furnizimi bëhet me para të imëta apo peti cash dhe nuk ka ndonjë furnizim të rregullt dhe të sigurtë. Pastaj kemi mungesë të Patch testeve, seteve për Patch teste, që më tepër se tre katër vite, që pamundëson ofrimin e shërbimit të Alergologjisë në kuadër të Dermatologjisë”, thotë Krasniqi.

Krahas kësaj, Krasniqi potencon se për herë të parë në historinë e Dermatologjisë kosovare, në muajin qershor është bërë aplikimi i terapisë biologjike me dy pacientë, për të cilët thotë se po vazhdojnë me marrjen e terapisë.

Drejtori i klinikës për sëmundjet e lëkurës, Enver Krasniqi thekson se këtë vit është shënuar rritje e numrit të vizitave specialistike për mbi 24 për qind, krahasuar me vitin e kaluar.

“Statistikat nëntë mujore krahasuar me vitin e kaluar, për periudhën e njëjtë të vitit të kaluar, ku vërehet një rritje e numrit të vizitës specialistike për 24.4 për qind që shprehur në numër i bie i kemi 16.817 vizita ambulantore specialistike. Po ashtu, në këtë vit ka rritje për 50.8 për qind të numrit të shërbimeve dhe procedurave ambulantore që janë kryer, krahasuar me përudhen e njëjtë të viti të kaluar, që i bie 12 mijë e 81 shërbime janë kryer. Po ashtu, ka rritje të numrit të pacientëve që kanë qenë të spitalizuar diku për 17.4 për qind, shprehur në numër i bie 722 pacientë kanë qenë të spitalizuar në pjesë stacionare që janë trajtuar”, potencon Krasniqi.

Në intervistën për KosovaPress, Krasniqi thekson se Klinika e Dermatologjisë ka mungesë të infermierëve, derisa shton se ka nevojë të bëhen ndryshime edhe në sistemin e brendshëm elektronik të shërbimeve ambulantore, për shkak që ende punohet në formën klasike, me dorë.

Lidhur me këtë nevojë, ai shton se kanë marrë sinjale pozitive nga menxhamenti i ri i ShSKUK-së, për çka thotë se deri më tani kjo klinikë është lënë anash dhe nuk e ka pasur mbështetjen e duhur.

“Kemi mungesë të stafit të mesëm, kemi pak, krahasuar me mjek dhe me nevojat që janë reale…Kemi momentalisht 20 specialistë të punësuar në Klinikën e Dermatologjisë…Sa i përket stafit të mesëm 26 infermierë punojnë me moshën mesatare…. Ne kemi mungesë të sistemit të brendshëm të sistemit elektronik apo Data Bazë atë të shërbimeve ambulantore sikur që janë shërbimet e tjera internistike. Ende punohet në formën klasike me protokol me dorë. Është bërë kërkesa në muajin janar, mirëpo janë bërë shpesh ndërrimet e menaxhmentit brenda ShSKUK-së dhe menaxhmenti i ri ka dhënë sinjale të them pozitive për përkrahje. Ngase deri më tani prej periudhës së pasluftës, Klinika e Dermatologjisë është lënë anash dhe nuk është mbështetur sa është dashur të mbështetet”, thotë Krasniqi.

Ndryshe, shërbimi i Dermatologjisë si repart daton që nga viti 1959 në Spitalin e Përgjithshëm në Prishtinë, ndërkaq spitali për sëmundje mykotike ka funksionuar prej vitit 1950 deri në vitin 1958 në Pejë. Në vitin 1972, u hap Klinika e Dermatologjisë në kuadër të Fakultetit të Mjekësisë, e cila funksionoi si organizatë e punës së bashkuar deri në vitin 1977.

Ndërsa, nga qershori i vitit 1999, Klinika e Dermatologjisë, veprimtarinë e saj e ushtron në kuadër të QKUK-së. Kjo klinikë që nga viti 2003, funksionon në gjysmën e hapësirës së dedikuar për këtë klinikë, ngase sipas një vendimi i është marrë gjysma e hapësirës për periudhën e përkohshme 2 vjeçare dhe i është dhënë Klinikës së Pulomologjisë.

Qendra Klinike Universitare e Kosovës ka dhënë detaje lidhur me të lënduarit e sotëm në aksidentin që ndodhi në rrugën Prishtinë-Ferizaj, ku humbi jetën një person dhe u kënduan katër të tjerë.

QKUK ka njoftuar se pas orës një të mesnatës, pesë persona kanë kërkuar trajtim emergjent mjekësor, në kuadër të Klinikës Emergjente, si pasojë e aksidentit në trafik.

Sipas një komunikate të QKUK-së, ekipet mjekësore në përbërje të mjekëve emergjent, mjekëve të klinikave tjera dhe të infermierëve menjëherë kanë ofruar trajtimin e nevojshëm mjekësor.

“Edhe përkundër përpjekjeve maksimale të stafit mjekësor, njëri nga të aksidentuarit që ka ardhur në gjendje të rëndë shëndetësore, ka ndërruar jetë. Një tjetër i aksidentuar vazhdon të jetë në gjendje të rënduar shëndetësore dhe është transferuar për trajtim të mëtejmë në Mjekimin Intensiv Qendror-QKUK. Dy të aksidentuar të tjerë po vazhdojnë trajtimin mjekësor, njëri në Klinikën e Kirurgjisë Torkale dhe tjetri në atë të Neurokirurgjisë. Një person pas ndihmës dhe trajtimit emergjent mjekësor është liruar për në shtëpi”, thuhet në komunikatë.

Presidentja e Komisionit Evropian, Ursula von der Leyen, ka arritur sot në Kiev të Ukrainës.

Von der Leyen është duke qëndruar në kryeqytetin ukrainas përpara raportit që BE-ja duhet të paraqesë javën e ardhshme për përparimin e Ukrainës në kandidaturën e saj për anëtarësim, tha deputeti ukrainas Yaroslav Zelezniak në kanalin e tij Telegram, shkruan Euronews.

Ai tha se pritet edhe fjalimi i Von der Leyen në parlamentin ukrainas, gjatë të cilit ajo do të paraqesë një vlerësim se sa ka përparuar Ukraina në përmbushjen e kritereve të ndryshme ekonomike, ligjore dhe të tjera, në mënyrë që të hapet rruga për fillimin e negociatave të anëtarësimit në dhjetor.

Më shumë se 150 persona kanë vdekur si pasojë e një tërmeti që është regjistruar në perëndim të Nepalit, në orët e vona të së premtes.

Forcat e sigurisë janë angazhuar për të ndihmuar në përpjekjet për kërkim-shpëtim në rajonet e rrënuara në Rukimin Perëndimor, rreth 500 kilometra larg nga Katmanduja.

Dridhjet janë dëgjuar edhe në kryeqytein e Nepalit dhe në vendet fqinje, përfshirë Indinë.

Një zëdhënës i ushtrisë ka thënë se mbi 100 njerëz janë plagosur dhe spitalet në zonat ku ka ndodhur tërmet janë mbushur me të plagosur.

Njerëzit janë të frikësuar se po qëndrojnë jashtë, janë cituar të kenë thënë zyrtarët.

Sipas tyre, qindra shtëpi të ndërtuara prej balte janë rrëzuar.

Kryeministri i Nepalit, Pushpa Kamal Dahal, ka arritur të shtunën në zonat e prekura dhe ka shprehur “keqardhje të thellë” për humbjen e jetëve.

Ai ka bërë thirrje për angazhim të sa më shumë njerëzve në përpjekjet për kërkim-shpëtim, mirëpo autoritetet kanë thënë se situata është vështirësuar nga rrëshqitjet e dheut, të nxitura nga tërmeti./REL/